Cruinniú faoi Gaelcholáiste an Phiarsaigh le reáchtáil go luath
Samhain 14, 2013
Tá sé i gceist ag Bord Bainstíochta Gaelcholáiste an Phiarsaigh cruinniú a ghairm leis na tuistí roimh Nollag. Tá cuireadh tugtha againn don Roinn Oideachas teacht ag an gcruinniú sin agus a bpleananna faoin suíomh a roinnt linn! Beidh tuilleadh eolais ar fáil go luath a chairde.
Fáilte isteach i mo Shaol
Samhain 14, 2013
Tá pacáiste acmhainní nua i nGaeilge dar teideal ‘Fáilte isteach i mo shaol’ seolta ag Comhairle Cathrach Dhoire le tacú le Gaelscoileanna sa cheantar feasacht ar éagsúlacht chultúrtha a mhúscailt i measc páistí. Tá an áis dírithe ar pháistí in Eochairchéim 1 agus 2 agus tá sé de chuspóir aici tacú le múinteoirí in earnáil an Ghaeloideachais an t-ábhar seo a mhúineadh. Cuireann an pacáiste acmhainní le réimsí foghlama: ‘An Domhan Thart Orainn’ agus ‘Forbairt Phearsanta agus Comhthuiscint’.
Cuimsíonn an pacáiste treoirleabhar do mhúinteoirí mar aon le scéalta faoi pháistí ó chúlraí eitneacha éagsúla; foghlaimeoidh na páistí faoi chreideamh, theanga, bhia agus shaol laethúil na gcarachtar trí scéaltaí, chluichí agus ghníomhaíochtaí idirghníomhacha.
Mar aon leis sin, tá seacht mbabóg gleoite ar fáil ar iasacht ón chomhairle a léiríonn na carachtair ar fad. Is féidir leis an mhúinteoir feidhm a bhaint as na babógaí le scéalaíocht a dhéanamh sa seomra ranga agus le spreagadh a thabhairt do na daltaí labhairt faoi théamaí ar nós mothúcháin agus le cuidiú leis na páistí saol na gcarachtar a shamhlú.
Más suim leat an pacáiste a ordú nó na babógaí a fháil ar iasacht gabh i dteagmháil leis an Oifigeach Comhionannnais ar T: 028 71 365151 folíne 6705 nó seol ríomhphost chuig kay.mcivor@derrycity.gov.uk.
Seoladh Rith 2014
Samhain 14, 2013
Cuirfear tús le Rith 2014 i mBaile Bhúirne, Co Chorcaí, ar an 7 Márta 2014, tráth a chuirfear tús le ollrith 1,000km go Béal Feirste.
Is ollrith náisiúnta arson na Gaeilge atá i gceist le Rith 2014 agus le linn don ollrith beidh baitín sealaíochta, ina bhfuil teachtaireacht rúnda laistigh de, ag athrú láimhe idir daoine agus grúpaí reatha gach ciliméadar ar feadh naoi lá. Críochnóidh Rith 2014 le féile ollmhór pobail i gcroilár Bhéal Feirste ar an 15 Márta. Rachaidh an t-airgead ar fad ó Rith 2014 go Ciste Gaeilge a chuirfidh maoiniú ar fáil do ghrúpaí pobail Gaeilge ar fud na tíre.Arsa Cormac Ó Feinneadha, bainisteoir imeachta Rith 2014: “Tá áthas orainn go bhfuil an cúrsa nua do Rith 2014 leagtha amach anois.
Tá éagsúlacht ann i 2014 toisc go mbeidh muid ag rith thar oíche i mBaile Átha Cliath. Tá Rith tar éis dul ó neart go neart ó thosaigh an fhéile i 2010.”Is é Rith 2014 an tríú Rith a eagraíodh ó 2010, d’éirigh go hiontach lena himeachtaí i 2010 agus i 2012, ag mealladh suas go 20,000 agus 30,000 duine le páirt a ghlacadh iontu. Tagann an smaoineamh ó Thír na mBascach, áit go bhfuil an Korrika á rith acu ó 1980 i leith agus áit a nglacann breis agus 600,000 duine páirt san fhéile.
Tuilleadh eolais ag www.rith.ie
www.advertiser.ie
An tAire Quinn ag beartú costais éide scoile a laghdú
Samhain 14, 2013
Scoileanna chun ballóid a sheoladh i measc tuismitheoirí faoi pholasaí éide scoile. Tá beart déanta ag an Aire Oideachais agus Scileanna Ruairí Quinn T.D. chun costais éide scoile a laghdú tríd an ról a bhíonn ag tuismitheoirí a neartú sa chinnteoireacht faoi pholasaithe scoileanna maidir le héide scoile.
Tabharfar cuireadh anois do na comhpháirtithe oideachais dul i gcomhairle le hoifigigh de chuid na Roinne faoin gcaoi le bheith ag feidhmiú an athraithe seo, ar a n-áireofar ceistneoir theimpléadach a chur le chéile a fhéadfaidh scoileanna a úsáid chun dul i gcomhairle le tuismitheoirí faoi éide scoile. Úsáidfidh gach scoil a bhfuil polasaí faoi éide scoile aici, nó atá ag machnamh a leithéid, an cheistneoir theimpléadach seo chun ballóid a sheoladh i measc na dtuismitheoirí a ligfidh dóibh cinneadh ar an gcineál éide – más ann di – a theastaíonn uathu don scoilbhliain 2014/15.
Tá sé beartaithe go n-iarrfar ar thuismitheoirí vóta a chaitheamh ar shraith roghanna ar nós:
Cibé an dteastaíonn éide scoile uathu nó nach dteastaíonn? Má roghnaíonn siad éide a bheith acu, an dteastaíonn uathu brístí, geansaithe, blúsanna, léinte agus sciortaí faoi dhathanna/imireacha atá le fáil ó na sreang-shiopaí móra? An dteastaíonn uathu bléasar scoile, meirge scoile ar bhaill éadaigh agus cén cineál?
Is é tuairim an Aire Quinn gurb é an bealach is éifeachtaí le costais fhilleadh ar an scoil a laghdú ná tuismitheoirí a chumasú chun polasaí na scoile faoi éide scoile a chinneadh. Tá an Roinn ag obair chomh maith ar Chairt Tuismitheoirí a fhorbairt a neartóidh staid ghinearálta na dtuismitheoirí a thuilleadh sa chóras scoile.
“Go sainiúil, is mian liom go seolfadh gach scoil a bhfuil polasaí éide scoile aici faoi láthair, nó atá ag machnamh a leithéid a thabhairt isteach, ballóid i measc na dtuismitheoirí i gcaitheamh na scoilbhliana seo roimh dóibh cinneadh ar an bpolasaí don scoilbhliain 2014/15,” adúirt an tAire Quinn.
“Tá sé ráite agam i gcónaí gur ceart do scoileanna éisteacht le tuismitheoirí faoin ngnó seo ós rud é gur ar na tuismitheoirí a thitfidh na costais a thiocfaidh as na cinntí a dhéanann na scoileanna. Má sheoltar ballóid i measc na dtuismitheoirí beidh an dóchúlacht ann go léireofar don scoil tuairimí na dtuismitheoirí i gcoitinne,” adúirt an tAire Quinn chomh maith.
Eiseoidh an Roinn an cheistneoir theimpléadach do na scoileanna faoi dheireadh na míosa. Beifear ag súil go mbeidh na ballóidí curtha i gcrích ag na scoileanna faoi dheireadh mhí Feabhra. Sa chaoi seo beidh dóthain ama ag na Boird Bhainistíochta chun mianta na dtuismitheoirí a mhachnamh agus chun polasaí na scoile faoi éide scoile a chinneadh don scoilbhliain ina dhiaidh sin.
www.education.ie
Cruinneas agus Scríobh na Gaeilge
Samhain 14, 2013
Más suim leat go bhfreagrófaí nó go bpléifí cúpla cruacheist a bhaineann le Cruinneas na Teanga nó fiú tabhairt fé chúpla alt/fógra a aistriú ó Bhéarla go Gaeilge, seo do sheans. Reáchtálfar Gearrchúrsa Cruinnis sa Ghaeilge i Músaem Bhaile an Fheirtéaraigh ón 14ú-15ú Feabhra 2014 mar chuid de Chlár Gaeilge 2014 ag Oidhreacht Chorca Dhuibhne. Díreofar ar chúrsaí foghraíochta agus ar struchtúir na teanga chomh maith leis na botúin is comónta a dheintear sa Ghaeilge scríofa. Agus ina theannta sin díreofar ar na háiseanna is ar na hacmhainní atá anois ann do theagascóirí Gaeilge is do lucht an aistriúcháin. Ní mór dosna rannpháirtithe a bheith líofa go maith sa Ghaeilge cheana féin agus beidh fáilte is fiche roimis na rannpháirtithe moltaí fé ábhar an chúrsa a chur i scríbhinn chugainn roimhré.
Beir leat foclóir ar bith atá agat. €100 costas an chúrsa seo.
Le haghaidh a thuileadh eolais fén gcúrsa seo téir go dtí suíomh Oidhreacht Chorca Dhuibhne ag www.oidhreacht.ie nó cuir fón orainn ag 066 91 56 100 nó cuir ríomhphost chugainn ag eolas@cfcd.ie.
Tuilleadh eolas:
Oidhreacht Chorca Dhuibhne
Baile an Fheirtéaraigh, Trá Lí, Co. Chiarraí.
Fón: 066 91 56 100
Foilsithe ar Gaelport.com
Snaschúrsa Gaeilge do Mhúinteoirí
Samhain 14, 2013
Ar mhaith leat snas a chur ar do chuid Gaeilge? An bhfuil aon cheisteanna gramadaí agat? Ar mhaith leat do chuid tuairimí agus taithí a roinnt le múinteoirí eile?
Beidh snaschúrsa Gaeilge do mhúinteoirí Gaeilge in Óstán Vienna Woods, Gleann Maghair ar an Satharn 16 Samhain 2013.
Cúrsa lae a bheas i gceist ó 10.00 – 16.00.
Cuirfear béim ar leith ar labhairt na Gaeilge sna comhráite ranga ach beidh béim chomh maith ar chúrsaí gramadaí agus ar shaibhriú foclóra. Chomh maith leis sin, beidh plé sa rang ar chúrsaí reatha agus ar chúrsaí oideachais. Tá an cúrsa seo á thairiscint againn do mhúinteoirí Gaeilge a bhfuil líofacht acu cheana ach a bhfuil ceisteanna acu fós ó thaobh cruinnis de ar mhaith leo díriú isteach orthu. Is í Máire Ní Iarlaithe a bheas mar mhúinteoir /éascaitheoir ar an gcúrsa lae seo.
Beidh táille €25 ar an gcúrsa seo do bhaill chláraithe Chomhar na Múinteoirí Gaeilge agus tá lón san áirithe sa phraghas sin. Tá líon na n-áiteanna atá ar fáil teoranta áfach, mar sin ní mór teagmháil a dhéanamh le Lároifig CNMG le clárú.
Tuilleadh eolais ón Lároifig: (01) 639 8448 nó saffron@cnmg.ie
Foilsithe ar Gaelport.com
Na daltaí ó Ghaelscoil Shliabh leis an Sam Maguire
Samhain 14, 2013
Seastáin ag Comhdháil Oideachais 2013
Samhain 13, 2013
Beidh an chomhdháil ar siúl ar an 22 agus 23 Samhain 2013 in Óstán an Johnstown House ar an mBóthar Buí, Co. na Mí, agus seo thíos liosta de na heagraíochtaí agus comhlachtaí a mbeidh seastáin acu ann – bígí cinnte agus cuairt a thabhairt orthu! Beidh deis mhór cheiliúrtha againn i mbliana ag an gComhdháil Bhliantúil os rud é go mbeidh Gaelscoileanna Teo. 40 bliain d’aois. Tá áthas orainn a fhógairt go mbeidh Uachtarán na hÉireann, Michael D Higgins, inár dteannta. Táimid ag súil le slua mór i láthair. Is féidir clárú le freastal ar an gcomhdháil anseo. Ag súil go mór le sibh a fheiceáil ann!
Clár na Comhdhála Oideachais 2013
Seastáin ag an gComhdháil Oideachais 2013:
- 4Schools.ie
- Acadamh na hOllscolaíochta Gaeilge
- Aladdin Schools
- An Gúm
- An tÁisaonad
- Ceol Ireland
- Cló Iar Chonnacht
- Coiscéim
- Coláiste Íde
- Coláiste na bhFiann
- Comhdháil Náisiúnta na Gaeilge
- Conradh na Gaeilge
- Databiz Solutions
- EMS Copiers (Services) Ltd
- Fiontar
- Foras na Gaeilge
- Forbairt Naíonraí Teo.
- Futa Fata
- Gaelchultúr
- Gathanna Gréine teo.
- GDK Systems Ltd.
- Gill & Macmillan
- Glanmore Foods
- Graffiti Theatre Company
- Kildare Puzzles
- Leabhar Breac
- Nexus TEC Ltd
- ScoilFM
- Smarty Cat Games
- Sona Sásta
- Spraoi!
- TG4
- Virtual Classroom LTD
Cruinniú Cinn Bhliana Chomhar na Múinteoirí Gaeilge
Samhain 13, 2013
23 Samhain 2013 – 23 Samhain 2012
Foras na Gaeilge, 7 Cearnóg Mhuirfean, Baile Átha Cliath 2.
9.45 – 10.00
Clárú
10.00 – 10.45
Gnó na hEagraíochta (baill amháin)
Fáilte ón Uachtarán
Tuairisc ar dhul chun cinn na bliana
Rúin
10.45 – 11.00
Tae/caife
11.00 – 12.30
Seoladh Taighde
An Dr. Muiris Ó Laoire: Tuarascáil ar an Díolúine i leith na Gaeilge mar Ábhar Iar-bhunscoile
Máire Ní Laoire MEd: Siollabas Nuashonraithe Gaeilge na hArdteistiméireachta: Dearcadh Múinteoirí
12.30 – 13.00
Lón
Cuirfear fáilte roimh bhaill chláraithe na heagraíochta a bheith páirteach sa chéad mhír den chlár ina mbeifear ag díriú ar ghnó na heagraíochta. Tugtar cuireadh do bhaill amháin go dtí an chuid seo den chruinniú. Is féidir rúin a chur ar aghaidh chuig an Lároifig roimh 5.00 in. ar an Déardaoin, 21 Samhain 2013. Ní ghlacfar le rúin ar an lá. Beidh fáilte roimh chách chuig cur i láthair a dhéanfaidh An Dr. Muiris Ó Laoire agus Máire Ní Laoire maidir leis an dá phíosa taighde atá curtha i gcrích acu, is iad sin, Tuarascáil ar an Díolúine i leith na Gaeilge mar Ábhar Iar-bhunscoile agus Siollabais Nuashonraithe Gaeilge na hArdteistiméireachta: Dearcadh Múinteoirí. Déanfar an dá phíosa taighde seo a sheoladh ag an gcruinniú.
Má tá fonn ort freastal ar an ócáid seo agus ar an lón beag ina dhiaidh, bheinn buíoch dá seolfá an fhoirm iniata ar ais chugainn roimh 5.00 in. ar an Déardaoin, 21 Samhain 2013.
Is féidir dul i dteagmháil linn ar (01) 639 8448 nó saffron@cnmg.ie nó fionnuala@cnmg.ie más mian leat tuilleadh eolais a fháil.
Foilsithe ar Gaelport.com
With the right programme, teachers can make learning Irish a pleasure
Samhain 13, 2013
Not for the first time schools inspectors recently identified some weaknesses in the teaching of Irish in both primary and post- primary schools.
Should this finding take us by surprise? At primary level we have had a new curriculum since 1999, so what’s missing? What is really needed to support the teaching of Irish in primary schools is a structured teaching programme to support the curriculum. We have them in other subject areas. Programmes such as Maths Recovery and Literacy Lift Off are having an impact in schools in disadvantaged areas (DEIS schools) in maths and English literacy.
A structured teaching programme in Irish should be designed for all class levels that would bring together all aspects of Irish – listening, reading, writing and oral language. Such a programme could spell out clearly the expectations for learning at every stage from junior infants to sixth class. And it should be modern, colourful, attractive and relevant to children’s lives in the 21st century. There is no need to reinvent the wheel. There are some excellent resources available to support the teaching of Irish, but what is lacking is a coherent structure. Teachers’ time is better spent teaching instead of searching for and assessing the suitability of resources for different aspects of the Irish curriculum. A structured language teaching programme for the 21st Century will need to use the most up-to-date technology and reflect the interests of today’s children. Irish can be really cool as we saw from the success of Aifric, a TV programme for teenagers.
If the Department of Education were to free up a small team of experienced teachers to design the programme and a coordinator to oversee the project this work could be completed quickly and inexpensively. Lessons can be learnt from the design of Séideán Sí, an integrated Irish language teaching programme for Gaeltacht schools and gaelscoileanna – certainly a success story. But there is no point in having a state-of-the-art programme unless it is supported by professional development for teachers. Lessons can be learnt here too from the School Support Programme in DEIS schools. Professional development for teachers makes a difference. No matter how good a programme, without professional development, its impact will be less than optimum. If we’re serious about supporting the teaching of Irish in our primary schools, let’s give teachers the tools and the confidence to bring the pleasure of language learning to their pupils. With the right curriculum, the right programme and the right on-going support, teaching and learning Irish will be fun.
The department has failed to give this support to teachers for 30 years. It’s no wonder there’s a problem. Giving teachers the teaching programme they need is the answer.
Deirbhile NicCraith is Education Officer in the Irish National Teachers’ Organisation (INTO)
www.irishindependent.ie
