Rúnaí nua ag Gaelscoileanna Teo.
Aibreán 8, 2014
Tá an-áthas orainn a fhógairt go bhfuil Sandra Uí Chléirigh tosaithe leis an eagraíocht mar rúnaí. Tagann Sandra i gcomharbacht ar Áine Ní Neachtain, a d’fhág an eagraíocht i mí na Nollag seo caite le tabhairt faoi saol nua i Mheiriceá. I measc taithí fostaíochta Sandra, áirítear tréimhse cúig bliana mar rúnaí le Forbairt Naíonraí Teoranta agus dhá bhliain leis an nGúm. Is cinnte go mbeidh sé mar bhall luachmhar d’fhoireann na heagraíochta agus cuirfimid fáilte mhór roimpi! Is féidir teagmháil a dhéanamh le Sandra ar sandra@gaelscoileanna.ie nó 01 8535195.
Muintir Shligigh ag ceiliúradh ag Siansa Gael Linn 2014
Aibreán 8, 2014
Chroch an grúpa ‘Iontas’ as Gairmscoil Chúl Átha, Baile Idir Dhá Abhainn, Contae Shligigh, corn chraobhchomórtais Siansa Gael Linn ag an deireadh seachtaine.
Ainmníodh buaiteoirí na bliana seo ag ócáid speisialta sa Cheoláras Náisiúnta ar an Satharn áit a ndeachaigh ocht ngrúpa san iomaíocht don duaischiste €4,500.
I dteannta bhuaiteoirí na hoíche ‘Iontas’ as Gairmscoil Chúl Átha, Contae Shligigh bhí; Trioscar ó Phort Láirge, Lasair ó Mhala i gCorcaigh, Ceoltóirí Chnoc na Gaoithe ón Tulach i gCo. an Chláir, Glór Mhaigh Eo ó Chaisleán an Bharraigh, Na Rógairí ó Choláiste Cois Life i Leamhcán, Na hÓgánaigh ó Choláistí Eoin agus Íosagáin i mBaile an Bhóthair agus grúpa amháin ó Chúige Uladh, sin Cóiriú ó Scoil Mhuire, Machaire Fíolta i gCo. Dhoire.
Ba iad na ceoltóirí iomráiteacha Mary Bergin, Ciarán Ó Maonaigh agus Niamh Ní Charra a bhí mar mholtóirí ar an oíche agus chuir Áine Hensey an ócáid i láthair beo ar Raidió na Gaeltachta.
Bronnadh duais €2,500 ar Iontas ina bhfuil ochtar ceoltóirí óga ann; Tomás Ó Gabháin, Shauna Ní Chuilinn, Conal Mac Cormaic, Colm Ó Tuathaigh, Síofra Ní Áinle, Dúlra Ní Áinle, Orlaith Ní Chionnaith agus Stiofán Ó Maolagáin.
Tháinig an grúpa Glór Mhaigh Eo as Caisleán an Bharraigh, Co. Mhaigh Eo, sa dara háit le duais €1,250 agus sa tríú háit bhí Cóiriú as Scoil Mhuire, Machaire Fíolta, Co. Dhoire agus bronnadh duais €750 orthu siúd.
Eiseofar dlúthdhiosca den cheol aoibhinn ar an oíche go luath agus beidh clár speisialta le feiceáil ar TG4, Dé Céadaoin, 23 Aibreán, ag 9.30pm.
Foilsithe ar Gaelport.com
Great displays from Gaelscoil
Aibreán 8, 2014
The four Gaelscoil Liatroma teams which qualified from the Primary Schools Sports Hall Athletics Finals in Ballinamore to represent Leitrim in the All Ireland last Wednesday put up excellent performances.
Fifteen County winners contested the National Finals organised by Offaly Sports Partnership Co Ordinator Eamon Henry in the spacious AIT International Athletics Arena in Athlone.
The outstanding performance was that of the third and fourth class Girls team which finished an excellent third behind Donegal and Clare. The final position scoring in this event was Donegal 322, Clare 300, Leitrim 259, Meath 252, Laois 238, Louth 191, North Tipperary 189, Wexford 177, Roscommon 172, Offaly 170, Longford 156, Westmeath 130, Sligo 123, Galway 104 , Limerick 97.
In the third & fourth class boys event Leitrim shared fifth position with Louth.
The fifth and sixth class Girls event in Ballinamore Sportshall produced the closest result with Four Masters of Kinlough actually holding the lead until the second last of the twelve events. In this event the Leitrim winners, Gaelscoil Liatroma, finished eighth in Athlone.
In the fifth and sixth class boys event Leitrim took a fine sixth position as Clare and Donegal again dominated.
The performances of the Leitrim competitors vindicates the work of Leitrim Sports Partnership, Leitrim County Board AAI and the Athletic Clubs in promoting this event which attracted 20 schools and over a thousand competitors at County Level.
For Leitrim Sports Partnership leaders it is a just reward for the huge volume of preparatory work put into the competition and the purposeful involvement of so many children in good quality activity who would not otherwise have got involved in sport is a clear example of Sports Partnerships in conjunction with existing voluntary sportsbodies can make a real and lasting contribution to the fight against lack of adequate exercise by young people with it’s various consequences.
Leitrim Observer
Nuachtlitir Futa Fata
Aibreán 8, 2014
Comórtas do na Gaelcholaistí
Aibreán 8, 2014
Beidh Tionól Lúthchleasíochta do Ghaelcholáistí á chur ar siúl ag Gaelcholáiste Mhuire, A.G, An Mhainistir Thuaidh Corcaigh i Raon Luthchleasa UCC sa Mhuirdíog ar an gCéadaoin, 30ú lá de mhí Aibreáin ag 11.00 r.n.
In éineacht le Gaelcholáiste Mhuire A.G ar an lá, beidh Gaelcholáiste Choilm – Baile an Chollaig, Coláiste Daibhéid – Cathair Chorcaí, Coláiste an Phiarsaigh – Gleann Maighir, Scoil Mhuire – Béal atha an Ghaorthaidh agus Pobalscoil na Tríonóide, Eochaill.
Beidh an tionól lúthchleasaíochta seo ainmnithe in omós d’iardhalta cháiliúil ár scoile, Seán Óg Ó hAilpín. Cé gur fearr aithne air de bharr a chuid éachtaí ar an bpáirc peile is iománaíochta, ba reathaí trastíre é freisin agus é ag freastal ar an A.G. Níl duine ar bith níos fearr, dar linn, chun cabhrú linn aidhmeanna an chomórtais a bhaint amach:
Daoine óga a spreagadh chun Gaeilge a labhairt i suíomh sóisialta
Rannpháirtíocht agus caighdeán na lúthchleasaíochta i gCorcaigh agus in Éirinn a mhéadú.
Is deis iontach í seo do dhaltaí na scoileanna thuasluaite, ár dteanga dúchais a labhairt i gcomhthéacs sóisialta. Beidh deis ag na daltaí aithne a chur ar a chéile agus nascanna a dhéanamh le daoine ar chomhaois leo i gCorcaigh (agus le cúnamh Dé, timpeall na tíre amach anseo), a bhfuil Gaeilge ar a gcumas acu.
Beidh córas pointí i gceist ag an dtionól lúthchleasaíochta agus tá súil againn go mbeimid in ann duais fiúntach a chur ar fáil don scoil a bhuafaidh. Duais a chabhróidh leis an scoil sin chun forbairt a dhéanamh ar an lúthchleasaíocht trí Ghaeilge a bheidh i gceist (trealamh a cheannach, imeachtaí a chur ar siúl, srl.)
Gan amhras, chun ócáid mar seo a chur ar bun, is trom an t-ualach airgid a bheidh ar an scoil. Bheimis fíor-bhuíoch mar sin, d’aon chúnamh airgid a bheadh sibh in ann a thabhairt dúinn. Déanfar fógraíocht iontach dóibh siúd a bheidh in ann cabhrú linn – fógraí sa Mhuirdhíog, i gclár an lae, agus sna meáin chumarsáide roimh agus i ndiaidh an imeachta.
Cabraigh linn, le do thoil, chun lá iontach a chur ar siúl ar an 30ú lá de mhí Aibreáin agus chun an thraidisiúin na lúthchleasaíochta agus na Gaeilge a chur chun cinn.
Le meas,
Deasún Ó Góilín
Seimineár Eolais faoi chúrsaí oideachais/oiliúna
Aibreán 8, 2014
Tá Údarás na Gaeltachta i gcomhar le FORUM Chonamara Teo ag eagrú seimineár eolais le sonraí a thabhairt faoi chúrsaí oideachais agus oiliúna i gceantar na Gaillimhe, sa Chrompán, ar an gCeathrú Rua ar 9 Aibreán 2014, idir 10r.n. agus 3i.n.
Bheadh an seimineár eolais oiriúnach do dhaoine ar suim leo tabhairt faoi chúrsaí oideachais nó oiliúna, i gCo. na Gaillimhe.
Beidh aoichainteoirí ón Roinn Coimirce Sóisialaí, FORUM Chonamara, Boird Oideachas agus Oiliúna na Gaillimhe agus Ros Comáin, Institiúid Theicniúil na Gaillimhe, Muintearas agus Acadamh na hOllscolaíochta Gaeilge ag déanamh cur i láthair ar an lá faoi chúrsaí oideachais agus deiseanna oiliúna.
Beidh seastáin eolais ag na heagraíochtaí seo agus beidh seans ag daoine labhairt le soláthraithe oiliúna, eagraíochtaí earcaíochta agus comhairleoirí gairmthreoracha. Beidh clinicí le haghaidh Curaclam Vitae ar siúl ar an lá.
Tá an seimineár eolais saor in aisce don phobal agus cuirfear sólaistí ar fáil ag am lóin. Le háit a chur in áirithe nó le breis eolais a fháil féach ar www.udaras.ie nó cuir glaoch ar Údarás na Gaeltachta, 091 503117 nó FORUM Chonamara Teo, 087 7952747.
Foilsithe ar Gaelport.com
Post Ionaid – Múinteoir Acmhainne ,Gaelscoil na Lochanna, Cill Moloma, Baile Coimín, Co. Chill Mhantáin
Aibreán 7, 2014
Múinteoirí le Gaeilge líofa amháin.
Tuairim is 2/3 lá sa seachtain atá i gceist idir seo agus deireadh na scoilbhliana seo. Is é 11 Aibreán 2014 an sprioc d’iarratais. Tá tuilleadh eolais faoin scoil seo ar fáil ar www.gaelscoilnalochanna.com.
Múinteoir Ionaid – Múinteoir matamaitice, fisice agus ceimice, Gael-Choláiste Chill Dara
Aibreán 7, 2014
Is Meánscoil Lán Ghaelach í Gael-Choláiste Chill Dara. Caithfidh go bhfuil an t-iarrthóir in ann na hábhair seo a mhúineadh trí Ghaeilge. Tá tuilleadh eolais faoin bpost seo ar fáil ar http://www.educationposts.ie/
Cinneadh Oifig an Choimsinéara Teanga a nascadh le hOifig an Ombudsman tarraingthe siar
Aibreán 7, 2014
Fanfaidh an Oifig mar “eintiteas iomlán neamhspleách” faoi Bhille na dTeangacha Oifigiúla (Leasú) 2014
Tá fógartha ag an Roinn Ealaíon, Oidhreachta agus Gaeltachta nach mbeidh an Rialtas ag dul ar aghaidh leis an gcónascadh a bhí beartaithe d’Oifig an Choimsinéara Teanga agus Oifig an Ombudsman.
I mí na Samhna 2011 fógraíodh go dtabharfar faoi athbhreithniú ar Acht na dTeangacha Oifigiúla 2003 agus go mbeadh Oifig an Choimisinéara Teanga á nascadh le hOifig an Ombudsman. D’eascair an t-athbhreithniú as gealltanas a tugadh i gClár an Rialtais 2011-2016 ionas go gcinnteofaí go mbainfear an leas is fearr as caiteachas ar an teanga chun í a fhorbairt agus chun a chinntiú go bhforchuirtear dualgas go cuí de réir éilimh ó shaoránaigh.
Ce gur fáiltíodh roimh an athbhreithniú ar an Acht, cuireadh go láidir i gcoinne an chónasctha mar chuid den phróiseas comhairliúcháin a reáchtáil an Roinn, agus le déanaí, leagadh an-bhéim ar mhíshástacht an phobail ina leith ó tharla éirí as Sheáin Uí Chuirreáin mar Choimisinéir Teanga.
Tá fógartha ag an Roinn Ealaíon, Oidhreachta agus Gaeltachta go bhfuil cead tugtha na Ceannteidil Bhille a cuireadh faoi bhráid an Rialtais le déanaí a fhoilsiú agus an chéad chéim eile a thógáil sa phróiseas maidir le leasú ar Acht na dTeangacha Oifigiúla 2003.
Is mór an chonspóid a chruthaigh moltaí na Roinne i dtaca leis an athbhreithniú ó chonacthas cóip neamhoifigiúil de dhréacht-chinn an Bhille. Cuireadh i gcoinne neart den 14 dréachtpholasaí os rud é gur mheas eagrais Ghaeilge go ndéanfadh cuid na moltaí Acht na dTeangacha Oifigiúla 2003 a lagú go mór.
Ce gur léir míshástacht an phobail le hábhar na leasuithe, cuireadh fíorfháilte roimh chinneadh an Rialtais i dtaca leis an gcónascadh. Agus é ag fógairt an chinneadh dúirt an tAire Stáit Donnchadh Mac Fhionnlaoich, T.D., “Tar éis an chónascadh a bhí beartaithe idir Oifig an Choimisinéara Teanga agus Oifig an Ombudsman a bhreithniú tuilleadh, agus ag tógáil san áireamh torthaí an phróisis chomhairliúcháin phoiblí a léirigh tacaíocht láidir d’Oifig an Choimisinéara Teanga a choinneáil mar eintiteas iomlán neamhspleách, tá cinneadh déanta ag an Rialtas gan dul ar aghaidh leis an chónascadh a bhí beartaithe”.
Chuir Comhdháil Náisiúnta na Gaeilge fáilte roimh chinneadh an Rialtais aitheantas a thabhairt do thábhacht neamhspleáchas Oifig an Choimisinéara Teanga, ach léirigh Stiúrthóir na Comhdhála, Kevin De Barra, díomá maidir leis an athbhreithniú ar Acht na dTeangacha Oifigiúla 2003, agus é ag rá: “Tar éis an stró agus an t-anró a chur an pobal orthu féin chun páirt ghníomhach a ghlacadh sa phróiseas comhairliúcháin, is údar mór díomá nár éisteadh lena moltaí”.
“Sampla amháin den lagú atá á mholadh ar an Acht ná go mbeidh téarma na scéimeanna teanga a ardú ón tréimhse reatha de 3 bliana, go dtí tréimhse níos faide de 7 mbliana. Tá sé áiféiseach go mbeadh téarma na scéimeanna sin níos faide ná an téarma atá ag an gCoimisinéir nuacheaptha”, a dúirt De Barra.
D’fháiltigh an Coimisinéir Teanga úrceaptha, Rónán Ó Domhnaill, roimh chinneadh an lae inniu agus dúirt sé go gcosnaíonn “cinneadh an Rialtais neamhspleáchas Oifig an Choimisinéara Teanga agus tá deireadh anois le haon éiginnteacht faoin stádas a bheidh ag an Oifig amach anseo”.
Ag labhairt leis maidir leis an athbhreithniú dúirt an tUasal Ó Domhnaill, “Tá deis sa Bhille nua cearta teanga do lucht labhartha na Gaeilge sa Ghaeltacht agus taobh amuigh den Ghaeltacht a threisiú. Creidim gurb é an bealach is fearr chun é sin a dhéanamh ná na moltaí atá curtha chun cinn ag Oifig an Choimisinéara Teanga, bunaithe ar a taithí le 10 mbliana anuas, a chur i bhfeidhm”.
Cé gur dea-scéal do phobal na Gaeilge é an cinneadh is déanaí creidtear go bhfuil laigí suntasacha i gceist le hábhar na gCeannteideal. Dúirt Ard-Rúnaí Chonradh na Gaeilge, Julian De Spáinn, “Níl dáta leagtha amach i gCeannteidil Bhille na dTeangacha Oifigiúla (Leasú) 2014, mar shampla, go mbeidh gach seirbhís á gcur ar fáil as Gaeilge do phobal na Gaeltachta gan ceist, gan coinníoll. Níl aon spriocanna sásúla ann maidir le hearcaíocht san earnáil phoiblí. Níl ról monatóireachta tugtha d’Oifig an Choimisinéara Teanga ar chur i bhfeidhm na Straitéise 20 Bliain don Ghaeilge 2010 – 2030”.
Foilsithe ar Gaelport.com
Coimisinéir Teanga to remain independent
Aibreán 7, 2014
The Government has reversed its controversial decision to merge the Office of Coimisinéir Teanga (Language Commissioner) with the Office of the Ombudsman.
Minister of State for the Gaeltacht, Dinny McGinley, said that “following further consideration … and having regard to the results of the public consultation process which indicated strong support for maintaining the Office of An Coimisinéir Teanga as a fully independent entity, the Government has decided not to proceed with the proposed amalgamation”.
The proposed change had been unpopular with language groups who were concerned it would lessen the Language Commissioner’s effectiveness. General Secretary of Conradh na Gaeilge Julian de Spáinn welcomed the decision not to merge the two offices. The focus now should be on strengthening the Official Languages Act to ensure adequate services for the Irish-speaking community, he said Mr McGinley also said that the Government’s decision this week to draft a Bill to amend the Official Languages Act was welcome as the Act was “very important to the Irish language and Gaeltacht communities and it is timely that the appropriate amendments are now made as it has been in place for over ten years”.
The review of the Act had shown that there was “significant demand for Irish-language services which are commensurate with services available in English”.
www.irishtimes.com
