Nuachtlitir Futa Fata
Bealtaine 2, 2013
Stair na Gaelscoile Phortlaoise – De réir a Chéile a Thógtar Caisleán
Bealtaine 2, 2013
Bunaíodh Gaelscoil Phortlaoise sa bhliain 1998 le 12 paiste agus múinteoir amháin. Is Gaelscoil sinn le hétos Caitliceach.
Thosaíomar i gClub na nOifigeach Priosúnaigh (Prison Officers Club). Chaitheamar cúpla bliain san Ionad CLG Phortlaoise agus 3 bliana i nGort na bhFraoch, Bóthar Átha Cliath sna seomraí réamhdhéanta. An bhliain seo chugainn beimid ag tosnú in ár suíomh nua i gCnoc an tSamhraidh, áit a mbeidh 16 seomra ranga, dha oifig riaracháin, 6 seomra oideachais speisialta, leabharlann agus halla breá mhór. Ní aithneoimíd sinn féin! Beidh 253 páiste cláraithe ag Gaelscoil Phortlaoise sa scoilbhliain 2013/2014.
Beidh 12 múinteoir, 4 cúntóir, rúnaí, glantóir agus príomhoide againn.
Ce mbeidh se deacair orainn bogadh eile, is fiú é!
Féile Scríbhneoireachta Átha Cliath 2013
Bealtaine 2, 2013
Beidh Féile Scríbhneoireachta Átha Cliath ar siúl i mBaile Átha Cliath ón 20-26 Bealtaine 2013. Beidh imeachtaí go leor ar siúl in ionaid éagsúla ar fud na cathrach.
Tá an fhéile idirnáisiúnta seo ar an fhód le breis is deich mbliana tá sé ar ceann de na príomh fhéilte litríochta sa tíre agus é ag dul ó neart go neart le blianta beaga anuas.
An aidhm is mó atá an fhéile na aitheanta a thabhairt do scríbhneoirí na tíre seo agus treoir a thabhairt do scríbhneoirí óga agus ag eirí aníos.
Beidh neart ceardlainne scríbhneoireachta ar siúl agus beidh siad siúd a dteagasc ag scoth na scríbhneoirí is fearr sa tire.
Mar chuid de imeachtaí na féile beidh seoladh leabhair, léachtaí taispeántas ealaíona, scéalaíocht do pháistí i siopaí leabhair, taispeántas scannáin sa , sárthaispeántas, comórtais scéalaíocht chomh maith le léamh filíocht in ionaid éagsúla timpeall na cathrach.
Mar chuid de Féile Scribhneoirí Áth Cliath na bliana seo tugadh cuireadh don scríbhneoir Patricia Forde agus Tadhg Mac Dhonnagáin Lísín, an foghlaí mara a chur in aithne do pháistí na cathrach. Scéalaíocht agus amhranaíocht bunaithe ar leabhar nua ó Forde, Lísín Scoil na bPáistí Deasa a bheas i gceist, chomh maith le lán báid d’amhráin faoin bhfarraige agus eile, beidh sé seo ar siúl ar 20ú Bealtaine san Ark, Barra Teampall, BÁC ag 10:30am.
Ar 21 Bealtaine beidh maidin den scoth leis leis an t-aisteoir, scri´bhneoir agus sce´alai´ no´ta´ilte Diarmuid de Faoite san Ark, Barra Teampall, BÁC. Beidh Diarmuid ag léamh scéalta do ranganna 1– 3 (aois 7 – 9) tá an ócáid seo á reáchtáil i gcomhar leis an fhéile litríochta IMRAM.
Tá liosta iomlán de na himeachtaí ar fáil ar: www.dublinwritersfestival.com
Foilsithe ar Gaelport.com
Ag imirt Ultimate
Bealtaine 1, 2013
Bhí deireadh seachtaine gnóthach i gCill Chainnigh agus Craobhchomórtas na Scoileanna Laistigh Uile-Éireann d’Ultimate Frisbee ar siúl ar an Domhnach seo caite.
Ghlac 13 foireann ó chúig scoil páirt ann, dhá Ghaelcholáiste ina measc, ach déarfainn nach raibh mórán cliú ag an chuid is mó de dhaoine sa chathair go raibh sé ar siúl.
Tháinig Ultimate Frisbee go hÉirinn i 1995 nuair a bhí mic léinn ar cuairt i gColáiste na Tríonóide. Thóg sé tamall chun an spórt a fhás – i 1998 bhí sé deacair teacht ar fiú 10 imreoir le cluiche cúigear an taobh a imirt.
Ach anois bíonn comórtais náisiúnta agus réigiúnacha ar siúl gach bliain, tá thart ar 13 club Ultimate Frisbee sa tír agus imríonn gach ollscoil, an-chuid Institiúidí Teicneolaíochta agus neart coláistí.
Tá thart ar 400 duine in Éirinn anois a ghlaonn imreoir Ultimate orthu féin agus thart ar 150 duine eile a d’imir comórtas nó dhó.
Ach céard é Ultimate Frisbee, seachas cúpla duine ag caitheamh Frisbee eatarthu?
Is spórt é a imrítear taobh istigh le cúigear ar gach foireann agus taobh amuigh le seachtar ar gach foireann.
Imríonn dhá fhoireann in aghaidh a chéile agus bíonn Frisbee nó diosca amháin ann.
Níl cead agat rith nuair atá an diosca agat agus ní féidir leis an bhfoireann eile corptaicleáil (physical tackle) a dhéanamh ort. Nuair atá an diosca agat bíonn 10 soicind agat lena chaitheamh.
Bíonn an bua ag an bhfoireann le níos mó pointe. Tá endzone ag gach foireann – cosúil le peil Mheireánach – agus chun pointe a fháil caithfidh duine ón bhfoireann greim a fháil ar an diosca taobh istigh den endzone.
Thosaigh mé ag imirt Ultimate nuair a bhí mé san ollscoil. Ceann de na rudaí is mó a thaitin liom faoin spórt ná nach bhfuil réiteoir ann. Déanann na himreoirí a moltóireacht féin.
Bíonn na rialacha ar eolas acu ar fad agus má tá tú ag imirt agus síleann tú go bhfuil duine éigin ag déanamh rud éigin in aghaidh na rialacha, deir tú é.
Bíonn plé ann agus má ghlacann an duine eile leis an méid a deir a tú faigheann tú an diosca ach múna nglacann, téann sé ar ais go dtí an áit ina raibh sé sular tharla an feall líomhraithe.
Ciallaíonn an easpa réiteora agus an easpa airgid a bhaineann leis an spórt go n-imríonn gach duine ar mhaithe leis an spórt féin.
Glaotar ‘spiorad an spóirt’ air seo agus is rud chomh mór é go mbíonn duais ag neart comórtas don fhoireann, agus uaireanta don duine, a léirigh go raibh spiorad an spóirt acu.
‘Pick up’ agus ‘hat tournaments’ is iad rudaí eile ar bhain mé an sult astu. Is cluiche é ‘pick up’ ina dtéann aon duine atá saor go dtí páirc éigin agus imrítear cluiche Ultimate.
Is cuma cén fhoireann ina bhfuil tú nó cé chomh maith is atá tú is féidir le gach duine imirt ar mhaithe leis an gcraic.
I gcomhair ‘hat tournaments’, cuireann gach duine a ainm síos, gan aon fhoireann agus cruthaíonn na heagarthóirí foirne as na daoine sin.
Cuireann siad daoine nua le daoine atá ag imirt ar feadh tamaill ionas go dtiocfaidh feabhas ar na daoine nua.
Bíonn na imreoirí i gcónaí ag cabhrú a chéile.
Nuair a thosaigh mé ag imirt Ultimate i 2007, bhí neart daoine ag iarraidh an spórt a fhorbairt. Ag an am sin, ní raibh mórán deiseanna ag daltaí meánscoile Ultimate a imirt agus bhíodar ag iarraidh é sin a athrú.
Tá sé soiléir ón gcomórtas a bhí ar siúl i gCill Chainnigh ar an Domhnach gur éirigh go hiontach leo. Ghlac cúig scoil páirt ann agus tá thart 20 scoil eile atá ag imirt Ultimate nó a léirigh suim sa spórt.
Ghlac dhá Ghaelcholáiste páirt sa chomórtas; Coláiste Cholim i gCorcaigh agus Coláiste Pobail Osraí i gCill Chainnigh. Faoi láthair táthar ag caint agus ag obair ar Chomórtas Gaelscoileanna.
Táthar ag iarraidh go mbeadh go leor Gaelcholáistí ag imirt Ultimate ionas go mbeadh siad in ann comórtas lán-Ghaeilge a chur ar siúl.
Má tá éinne fiú fiosrach faoin spórt, molfainn go hard é. Má tá suim ag duine ar bith breis eolais a fháil faoi, téigh i dteagmháil le Dominick Smyth ag dominick@dublinyouthultimate.com.
Craic iontach maith atá ann agus cuirtear fáilte mhór roimh thosaitheoirí i gcónaí. Tá sonraí breise ar fáil ar www.irishultimate.com chomh maith.
Katie McGreal, www.meoneile.ie
M.Oid. san Oideachas Lán-Ghaeilge
Bealtaine 1, 2013
Sa chlár nuálach seo, M. Oid. san Oideachas Lán-Ghaeilge, díreofar ar oideolaíocht agus teoiric an tumoideachais agus an dátheangachais ag tagairt go sonrach do riachtanais um fhorbairt ghairmiúil agus d’inniúlachtaí teangeolaíochta na múinteoirí i scoileanna Gaeltachta agus lán-Ghaeilge.
Don chéad uair i bPoblacht na hÉireann, beidh clár ilchodach le sraith modúl atá comhtháite, comhleanúnach agus idirghaolmhar curtha ar fáil le freastal go sonrach ar oideoirí tumoideachais agus ar ghairmithe eile a bhíonn ag obair i réimse an oideachais lán-Ghaeilge.
Aidhmeanna an Chláir
- Barr feabhais i gcáilíocht an teagaisc agus na foghlama san oideachas lán-Ghaeilge agus san oideachas Gaeltachta a chur chun cinn.
- Eolas, scileanna gairmiúla agus taighde sa réimse a fhorbairt agus a chraobhscaoileadh.
- Idirchaidreamh agus líonraí nuálaíochta, imeasctha agus feabhsúcháin sa tumoideachas a chothú, a shaibhriú agus a bhuanú.
Torthaí Foghlama an Chláir
- Feasacht, eolas agus tuiscint a léiriú ar fhealsúnacht, ar bhunús, ar threoirphrionsabail agus ar oideolaíocht an tumoideachais agus an dátheangachais.
- Páirt ghníomhach a ghlacadh i gcruthú an eolais le haghaidh na hoideolaíochta agus an chleachtais tumoideachais maraon le ceannaireacht teagaisc a sholáthar ina suíomhanna gairmiúla féin, agus don réimse i gcoitinne.
- Máistreacht a léiriú ar an bhfeasacht teanga i scríobh agus i labhairt na Gaeilge chomh maith le machnamh criticiúil a dhéanamh ar ról an chultúir agus na h’oidhreachta i bpróiseas an oideachais lán-Ghaeilge.
- Coincheapa nua agus teoiricí foghlama teanga a úsáid chun cur chuige fónta agus modhanna éifeachtacha teagaisc a chur i bhfeidhm agus ábhair eile á múineadh trí Ghaeilge.
- Machnamh breithiúnach a dhéanamh ar shaincheisteanna a bhaineann le forbairt na délitearthachta agus ar thaighde ábhartha.
- Taighde agus fianaise a úsáid ar mhaithe le léargas a dhéanamh ar an gceangal idir cleachtas, taighde agus foghlaim i gcomhthéacs an tumoideachais lán-Ghaeilge.
Struchtúr an Chláir
Cuirfear tús leis an gclár i Meán Fómhair 2013. Cuirfear an clár cumaisc foghlama seo ar fáil ar bhonn páirtaimseartha thar thréimhse dhá bhliain acadúla, agus an chéad chohórt ag baint amach a gcéime i bhfómhar na bliana 2015.
Beidh an fhoghlaim chumaisc mar ghné lárnach den chlár, i. cuid den chlár curtha ar fáil ar líne agus an chuid eile curtha ar fáil ar láthair ag an deireadh seachtaine – 6.30i.n. – 9.30i.n. ar an Aoine agus 9.30r.n. – 12.30i.n. ar an Satharn. Cuirfear soláthar for-rochtana san áireamh ag brath ar riachtanais na mac léinn. Is é a bheidh i gceist le gné foghlama ar an láthair de mhodúil áirithe ná seimineár ar feadh deireadh seachtaine a reáchtálfar sa Ghaeltacht.
Beidh an clár curtha ar fáil ar bhonn uaireanta foghlaim-threoraithe, seimineár ar líne agus ar láthair, taithí phraiticiúil agus scoil samhraidh. Mar thoradh ar an gcur chuige cumaisc agus ar dhearadh an chláir, beidh taighdeoirí tábhachtacha idirnáisiúnta i láthair agus pléifidh siad torthaí agus saincheisteanna nua i réimse an tumoideachais, an oideachais dhátheangaigh agus an dara teanga ar líne leis na mic léinn le linn an chláir.
Modúil Mhúinte an Chláir BLIAIN 1
Seimeastar an Fhómhair (Meán Fómhair – An Nollaig)
Sealbhú agus Foghlaim an Dara Teanga: Teoiric agus Cleachtas
Teagasc na Gaeilge mar Sprioctheanga: Teoiric agus Cleachtas
An Múinteoir mar Thaighdeoir Seimeastar an Earraigh (Eanáir – Aibreán)
Bunús agus Treoirphrionsabail an Oideachais Lán-Ghaeilge
An Fhoghlaim Chomhtháite Ábhar agus Teangacha: Teoiric agus Cleachtas
Taighde agus Cleachtas: Tionscadal Taighde Feidhmeach.
Scoil Samhraidh (Iúil)
An Délitearthacht: Leanúntas na Tacaíochta
Seimeastar an Fhómhair (Meán Fómhair – An Nollaig)
Modhanna Taighde
Tráchtas 1
Seimeastar an Earraigh (Eanáir – Aibreán)
Tráchtas 2
Cáilíochtaí
Cláróidh iarratasóirí don M. Oid. san Oideachas Lán-Ghaeilge. Bronnfar Máistreacht san Oideachas san Oideachas Lán-Ghaeilge ar mhic léinn má éiríonn leo i ngach gné den chlár, i. na modúil mhúinte agus an tráchtas.
Riachtanais Iontrála
- Múinteoirí cáilithe bunscoile nó iar-bhunscoile a bhfuil bunchéim ábhartha/dioplóma iarchéimesan oideachas acu ag leibhéal 2.2 Onóracha nó níos airde, agus atá aitheanta ag an gComhairle Mhúinteoireachta (Leibhéal 8 – An Creat Náisiúnta Cáilíochtaí)
- Cleachtóirí Cúram agus Oideachas na Luathóige a bhfuil bunchéim ábhartha in oideachas na luathóige acu ag leibhéal 2.2 onóracha nó níos airde
- Beidh iarratasóirí nach gcomhlíonann na critéir thuas, curtha san áireamh de réir an Pholasaí ar Aitheantas Réamhfhoghlama atá ag Ollscoil Luimnigh.
- Tá gá le grinnfhiosrúchán an Gharda Síochána don chlár seo.
Líon áiteanna atá ar fáil
Glacfar suas le fiche duine ar an gclár sa bhliain acadúil 2013/2014. Glacfar le h-iarrataisí ón lá inniu suas go dtí 31 Bealtaine 2013.
Sparántachtaí Taighde
Tá an Chomhairle um Oideachas Gaeltachta agus Gaelscolaíochta (COGG) chun fiche sparántacht dár luach €2,000 in aghaidh na bliana gach bliain thar thréimhse dhá bhliain acadúla a bhronnadh ar mhic léinn a chláróidh ar an gclár seo sa bhliain 2013/2014.
Measúnú an Chláir
Cuirfear béim ar mheasúnú leanúnach agus beidh gnéithe éagsúlameasúnachta i bhfeidhmar fud an chláir. Beidh tionscadal taighde feidhmeach le seoladh i seimeastar an earraigh, bliain 1 agus beidh tráchtas ar leibhéal máistreachta le déanamh ar réimse ábhar de rogha an mhic léinn i mbliain 2 an chláir. Beidh gá an tráchtas a aighniú roimh dheireadh mhí Lúnasa 2015. Tá gach modúl sa chlár éigeantach.
Cuirfear béim ar mheasúnú leanúnach agus beidh gnéithe éagsúlameasúnachta i bhfeidhmar fud an chláir. Beidh tionscadal taighde feidhmeach le seoladh i seimeastar an earraigh, bliain 1 agus beidh tráchtas ar leibhéal máistreachta le déanamh ar réimse ábhar de rogha an mhic léinn i mbliain 2 an chláir. Beidh gá an tráchtas a aighniú roimh dheireadh mhí Lúnasa 2015. Tá gach modúl sa chlár éigeantach.
Iarratas
Cuirfear fáilte mhór roimh phlé neamhfhoirmeálta roimh iarratas a chur isteach. Chun tuilleadh eolais a fháil, déan teagmháil le T.J. Ó Ceallaigh, Comhordaitheoir an Chláir nó le lár-oifig iontrála an choláiste ag na sonraí thíos:
T: +353 61 204325
R: tj.oceallaigh@mic.ul.ie
Foisithe ar Gaelport.com
100,000 more pupils in our primary schools by next decade
Bealtaine 1, 2013
PRIMARY school pupil enrolments will grow by up to 100,000 by 2021, according to latest projections from the Central Statistics Office (CSO).
It means a jump of 20pc on the 2011 figures, with the number of five to 12-year-olds in the population expected to rise from about 500,000 to 600,000 in the decade. The boom in primary enrolments is expected to remain reasonably stable between 2021 and 2026, before starting to drop.
The surge at primary level will work its way through to second- level, reaching its peak there between 2021 and 2026. The CSO projects a 31-34pc rise in enrolments at secondlevel, ranging between 106,00 and 117,000, in the decade to 2021.
While extra enrolments mean more schools and more teachers, in the current economic climate it also means available funds will be stretched further.
Priority
The Department of Education is adopting a “robbing Peter to pay Paul” approach to cope with extra demand.
Education Minister Ruairi Quinn has said the priority is for every school-age child to have a place in a classroom. The five-year school building programme – which is costing €2bn – is focused on areas of population growth and this year, for instance, there is no budget for maintenance and repairs to existing schools.
The 2013 programme will deliver over 25,000 permanent school places, almost 21,000 of which will be additional, and the remainder will replace temporary or unsatisfactory accommodation.
Professor Alan Barrett, of the Economic and Social Research Institute (ESRI), said yesterday that the school-building programme should take account of changing needs.
A department spokesman said that the focus of the fiveyear programme was on meeting the obvious demand at primary level and second level up to 2016.
Recruitment
She said that Prof Barrett’s proposal was an interesting one and that it was worthy of consideration. The rising enrolments also have implications for teacher recruitment and the department predicts that about 660 extra primary teachers will be needed each year to cope with growing enrolments.
That is on top of about 870 new appointments annually to replace teachers who retire or leave for other reasons. But the department has ways of controlling teacher numbers in order to keep within budget.
A series of cuts in recent years in areas such as resource and English language teaching has kept a lid on teacher levels – even though enrolments had started to rise. At second-level, changes in arrangements for the allocation of career guidance teachers, has removed about 500 jobs from schools.
A change in the pupil-teacher ratio can also see hundreds of jobs disappear from the system in the the stroke of a pen.
www.independent.ie
Todhchaí Choláiste Chineál Eoghain, Bun Cranncha i mbaol
Aibreán 30, 2013
Tá imní léirithe ag GAELSCOILEANNA TEO., Coiste Gairmoideachais Chontae Dhún na nGall agus pobal Choláiste Chineál Eoghain i mBun Cranncha maidir le fógra ón Roinn Oideachais agus Scileanna a chuireann todhchaí na scoile i mbaol. Tá sé tugtha le fios ag an Roinn go bhfuil aitheantas sealadach na scoile, a d’oscail i 2007, le haistarraingt de bharr uimhreacha íseal. Tá 3 rogha leagtha amach ag an Roinn don scoil, eadhon; dúnadh go céimiúil, aistriú go hAonad faoi stiúir iarbhunscoil lán-Bhéarla áitiúil, nó an rogha a bheith ag na daltaí freastal ar Choláiste Ailigh, Litir Ceanainn, atá níos mó na 30 ciliméadar ó Bhun Cranncha.
Tá 34 dalta ag fáil oideachas trí mheán na Gaeilge i gColáiste Chineál Eoghain faoi láthair, agus 17 cláraithe le tosú sa scoil i Meán Fómhair 2013. Is buille tromchúiseach a bheadh ann dóibh dá gcaillfeadh an scoil a stádas agus dá gceilltfí oideachas lán-Ghaeilge orthu dá bharr. Roghnaigh na daltaí agus tuismitheoirí seo oideachas lán-Ghaeilge ar an tuiscint go mbeidís in ann dul go leibhéal na hArdteiste agus iad tumtha sa Ghaeilge. Bheadh cearta agus mianta na ndaltaí á shárú ag an Roinn dá ndéanfaí aitheantas na scoile a aistarraingt.
In ainneoin na n-uimhreacha beaga faoi láthair, tá éileamh méadaitheach ar oideachas lán-Ghaeilge ag leibhéal na bunscoile sa cheantar, le líon na ndaltaí ag dul in airde i nGaelscoil Bhun Cranncha. Tá sé den riachtanas am a thabhairt do Choláiste Chineál Eoghain dul i bhfeidhm go dearfach ar an ngaelscoil áitiúil le haistriú láidir idir an dá leibheál a chinntiú. Tá baol láidir ann go n-imreodh cinneadh in éadan todhchaí Choláiste Chineál Eoghain droch-thionchar ar an mbunscoil mura dtabharfaí deis dá daltaí leanúint leis an ngaeloideachas ag leibhéal na hiarbhunscoile. Déanann Coláiste Chineál Eoghain freastal ní hamháin ar na daltaí seo, áfach, ach ar daltaí a thagann ó Dhoire le hiarbhunscolaíocht lán-Ghaeilge a lorg. Tugann seo deis don Roinn agus don Rialtas comhoibriú tras-teorainn a chur chun cinn de réir a ndualgais faoi Chomhaontú Aoine an Chéasta agus freastal a dhéanamh ar phobal leathan scoile. Beadh baol ró-mhór ann do thodhchaí fad-téarmach na scoile dá n-aistreofaí go hAonad í, agus buairt go dtitfeadh líon na daltaí go suntasach dá bharr.
“Tá géarghá le stádas Choláiste Chineál Eoghain a chosaint agus gach deis a thabhairt don scoil fás agus forbairt” a deir Bláthnaid ní Ghréacháin, Ardfheidhmeannach GAELSCOILEANNA TEO. “Aithnímid an tábhacht a bhaineann le hinmharthanacht láidir scoileanna agus le húsáid éifeachtach acmhainní an Stáit i leith soláthair scolaíochta, ach tá an cinneadh seo ag teacht roimh am. Tá tiomantas léirithe ag pobal Inis Eoghain don scolaíocht lán-Ghaeilge agus bheadh sé tubaisteach dá gcuirfí deireadh le hinstitiúid croí-lár an phobail. Bheadh dúnadh na scoile in éadan gach gealltanas atá déanta ag an Stát i leith tacú leis an oideachas lán-Ghaeilge sa Straitéis 20 Bliain don Ghaeilge. Iarraimid ar an Roinn am breise a thabhairt don scoil feasacht faoin scoil a ardú agus í a chur chun cinn sa phobal le go mbeidh uimhreacha inmharthanacha acu.”
Tá achomharc ar chinneadh na Roinne déanta ag Coiste Gairmoideachais Chontae Dhún na nGall ar son na scoile, agus síneadh á lorg acu d’aitheantas sealadach do Choláiste Chineál Eoghain. Fógrófar toradh an achomhairc seo go luath agus beimis ag súil leis go dtabharfaidh an Roinn aird ar mhianta agus riachtanais an phobail agus go mbeidh iarbhunscoil lán-Ghaeilge mar rogha ag daltaí Inis Eoghain.
Tuilleadh eolais:
Bláthnaid ní Ghréacháin, Ardfheidhmeannach GAELSCOILEANNA TEO.
bláthnaid@gaelscoileanna.ie | 01 8535195
Nóta don eagarthóir
Is í GAELSCOILEANNA TEO. eagraíocht chomhordaitheach na scoileanna lán-Ghaeilge. Cabhraíonn sí le tuismitheoirí agus le grúpaí áitiúla scoileanna nua a bhunú agus tacaíonn sí leis na scoileanna atá bunaithe cheana féin.
Aiseolas maidir le Béaltriail na hArdteiste á lorg ag an CNCM
Aibreán 30, 2013
Ta suirbhé foilsithe ag an gComhairle Náisiúnta Churaclaim agus Measúnachta maidir le Béaltriail Ghaeilge na hArdteistiméireachta ag an nGnáthleibhéal nó ag an Ardleibhéal.
Tá an suirbhé dírithe ar iarrthóirí Ardteiste a thug faoin mBéaltriail le déanaí agus iarrfar orthu a dtuairimí a roinnt i nGaeilge nó i mBéarla maidir lena dtaithí féin.
Cuireadh roinnt athruithe i bhfeidhm ar an scrúdú i mbliana agus anois tá 40% de mharcanna na hArdteiste Gaeilge á mbronnadh ar an mbéaltriail. Ba mhian leis an CNCM aiseolas a bhailiú maidir leis na hathruithe seo agus an tuairim comónta i measc iarrthóirí a mheas. Beidh tionchar ag an aiseolas seo ar an tslí a bhfoghlaimeoidh scoláirí an Ghaeilge ar an meánscoil amach anseo.
Is féidir teacht ar an suirbhé, nach nglacann ach 10 nóiméad, tríd an nasc seo https://www.surveymonkey.com/s/P2DRFYM.
Foilsithe ar Gaelport.com
Comhairle nua fógartha do Raidió na Gaeltachta
Aibreán 29, 2013
Fógraíodh inniu go bhfuil comhairle de dheichniúr roghnaithe do RTÉ Raidió na Gaeltachta, faoi chathaoirleacht Lorcáin Uí Chinnéide.
Beidh sé de dhualgas ag an ngrúpa seo a bheidh ag feidhmiú ar feadh téarma 3 bliana, comhairle a chur ar Bhord RTÉ maidir le polasaí craoltóireachta RTÉ Raidió na Gaeltachta. Beidh an chéad chruinniú ag an gComhairle i mí Bealtaine.
Dúirt ceannaire RTÉ Raidió na Gaeltachta Edel Ní Chuireáin:
“Tá obair thábhachtach le déanamh as seo go ceann trí bliana ag an gComhairle, agus beidh siad in ann tarraingt ar thaithí, ar shaineolas agus ar scileanna fairsing na mball le cuidiú leo an obair sin a chur i gcrích.”
Is iad seo a leanas, baill na Comhairle:
Antaine Ó Donnaile as Co. Ard Mhacha, iar-bhainisteoir agus léiritheoir teilifíse le BBC Thuaisceart Éireann.
Dónal Ó Gallchóir as Gaeltacht Thír Chonaill ó dhúchas, iar-gharda i Maigh Eo.
Adrian Breathnach, príomhoide bunscoile agus gníomhaí teanga atá ina Stiúrthóir ar Ghael Taca i gCorcaigh.
Máire Seosaimhín Breathnach as Gaeltacht na Rinne, Oifigeach Gaeilge le Comhairle Contae Phort Láirge.
Alan Mac Maoldúin, Bainisteoir Cumarsáide Chumann Lúthchleas Gael agus iar bhall den Chomhairle.
Máire Nic Gairbhe, Príomhoide ar Ghaelscoil Adhamhnáin i Leitir Ceanainn, Co. Dhún na nGall.
Peadar Mac an Iomaire, iar-Phríomhfheidhmeannach Acadamh na hOllscolaíochta Gaeilge agus gníomhaí pobail i gConamara.
Sibéal Davitt, damhsóir agus scannánóir ó Bhaile Átha Cliath.
Siobhán Seoighe ó Ráth Cairn, feidhmeannach leis an bhForas Patrúnachta.
As Corca Dhuibhne don Chathaoirleach Lorcán Ó Cinnéide, iar Phríomhfheidhmeannach ar Tháirgeoirí Éisc na hÉireann, a bhfuil tréimhse caite aige roimhe seo ar an gComhairle chomh maith.
Foilsithe ar Gaelport.com
Spriocdhátaí Chomórtais Bhliain na Gaeilge ag druidim
Aibreán 25, 2013
Tá Bliain na Gaeilge ag reáchtáil dhá chomórtas d’ógchlubanna agus do dhaltaí scoile agus níl ach seachtain fágtha le hiarratais a chur isteach.
Tugann an chéad chomórtas dúshlán faoi bhunscoileanna agus meánscoileanna seanfhocal traidisiúnta nó seanfhocal nua a léiriú ar bhealach spraíúil, cliste, difriúil. Beidh daltaí in ann cur isteach ar an gcomórtas trí bhrí an tseanfhocail a léiriú le físeán drámata, amhrán nó mórshaothar ealaíne.
Is féidir amhrán nó físeán a thaifead le físcheamara, fón póca, iPad nó eile a uaslódáil ar shuíomh Bhliain na Gaeilge ag www.gaeilge2013.ie roimh 3 Bealtaine nó mórphíosa ealaíne a chur ar aghaidh mar ghrianghraf sa phost. Gheobhaidh na buaiteoirí cochaill Bliain na Gaeilge an duine.
Sa dara comórtas, iarrfar ar ógchlubanna ar fud na tíre brat mór speisialta a chur le chéile a dhéanann ionadaíocht ar an gclub. Is gá lógó Bhliain na Gaeilge agus eolas ar thábhacht na Gaeilge do bhaill an Chlub a bheith luaite ar an mbratach. Is gá go mbeidh an brat ar a laghad 100cm ar leithead agus 100cm ar airde. Is féidir íomhá den bhrat a uaslódáil ar an suíomh gréasáin www.gaeilge2013.ie nó é a chur chuig comortas@cnag.ie.
Is é 30 Aibreán an spriocdháta le haghaidh. Bronnfar cochaill Bhliain na Gaeilge an duine ar bhaill an ógchlub (teorainn 40 cochaill).
Foilsithe ar Gaelport.com
