Féasta 100
Meán Fómhair 7, 2016
“Tír gan teanga, tír gan anam.”
― Pádraig Mac Piarais
Dé Sathairn an 3 Nollaig 2016 ceiliúrfar an Ghaeilge go hoifigiúil le Féasta 100, ceann de na príomhimeachtaí deireanacha i mbliain comórtha 1916. Ní féidir le haon duine cumhacht na Gaeilge a shéanadh i bpeannaireacht agus i gcumarsáid a lán de phearsaí Éirí Amach na Cásca.Tugann an ócáid ceiliúrtha seo deis uathúil do dhaoine aitheantas foirmiúil a thabhairt do stádas na Gaeilge agus lena tábhacht a cheiliúradh ag croílár stair agus chultúr na hÉireann.
Tá na sé cheanneagraíocht Ghaeilge tagtha le chéile i gcomhpháirt le Foras na Gaeilge leis an nGaeilge a cheiliúradh le linn na bliana stairiúla seo, 2016, iad iad sin Conradh na Gaeilge; Cumann na bhFiann; Gael Linn; Gaelscoileanna Teo; Glór na nGael agus Oireachtas na Gaeilge. Tá lúcháir orthu fáilte a chur roimh Uachtarán na hÉireann, Micheál D. Ó hUiginn, mar aoi oinigh. Is ócáid é an mórdhinnéar seo freisin le tacaíocht agus ardán náisiúnta a chur ar fáil don iomad ealaíontóirí, ceoltóirí agus gnólachtaí le Gaeilge, a coimisiúnaíodh mar chuid den ócáid comórtha céid aonuaire seo.
Tá triúr de na healaíontóirí a bheidh ag taibhiú ag Féasta 100 tar éis tionscadail ealaíne a fhorbairt d’fhéilire 1916. Cheap agus léirigh an cóiréagrafaí agus damhsóir, Fearghus Ó Conchúir ó Ghaeltacht na Rinne, Tionscadal Mhic Easmainn, coimisiúnaithe ag an gComhairle Ealaíon le seónna i Londain agus i mBaile Átha Cliath. Coimisiúnaigh an Chomhairle Ealaíon an t-amhránaí sean-nóis Lorcán Mac Mathúna freisin le saothar ceoil a chumadh agus a chóiriú, le hinspioráid ó scríbhinní agus idéil cheannairí Éirí Amach na Cásca. 1916. Léiríodh Visionaries and their Words in Éirinn agus sa Fhrainc.D’eisigh an clairseoir Síle Denvir ó Ghaeltacht Chonamara albam ceoil le déanaí dar teideal Cathréim: Ceol agus Amhráin ó Dhrámaí an Phiarsaigh saothar ceoil le hinspioráid ó dhrámaí Phádraig Mhic Phiarais.
Beidh Féasta 100 ina ócáid mhór dóibh siúd a bheidh i láthair. Deis uathúil atá ann am sos a ghlacadh agus machnamh a dhéanamh ar an nGaeilge agus í a cheiliúradh go bródúil. Táthar ag súil go spreagfaidh sé cruthaitheacht, fuinneamh agus fás as an nua agus an Ghaeilge ag bogadh chun tosaigh sna céad bliain seo romhainn.
Beidh Féasta 100 ar siúl inár bpríomhchathair in Óstan an Double Tree by Hilton, Sráid Líosain Uachtarach, Baile Átha Cliath.Tá fáilte mhór curtha ag bainisteoirí agus foireann Óstán an Double Tree by Hilton roimh oiliúint Gaeilge le seirbhís trí Ghaeilge a chur ar fáil ar an oíche, lena n-áireofar biachláir agus comharthaí. Seo an chéad uair don óstán fáilte a chur roimh 700 aoi a labhraíonn Gaeilge agus gan amhras beidh dea-thionchar aige seo ar ábharthacht na Gaeilge sa tionscal seirbhíse inniu.
Tá ticéid le haghaidh Féasta 100 ar fáil anois le ceannach ó cheann ar bith de na ceanneagraíochtaí nó trí Eventbrite: https://www.eventbrite.ie/e/feasta-100-tickets-25641956783?aff=es2. Tá ticéid €80 an duine.
Tuilleadh eolais:
Mary FitzGerald, Mary FitzGerald Public Relations, Teil: 01-6787916, info@maryfitzgeraldpr.ie
Laurel Hill Coláiste FCJ Luimneach – Éacht agus buaicphointe i Stair na Scoile.
Lúnasa 30, 2016
Comhghairdeas le gach éinne atá bainteach le Laurel Hill Coláiste FCJ, ainmnithe mar an scoil is fearr sa tír san Sunday Times ar an Domhnach don tríú bhliain as a chéile. Ta ríméad orainn go bhfuil scoil lán- Ghaelach ar bharr an liosta. ‘Is cúis áthais agus bhróid dúinn go bhfuil an scoil seo ‘gainne, atá ar an bhfód ó 1935 ar aghaidh, tar éis an t-aitheantas seo a fháil. Ina theannta san, tá áthas orainn go bhfuil ag éirí chomh maith san le scoileanna atá ag feidhmiú trí mheán na Gaeilge ar fud na tíre’ arsa Aedín Ni Bhriain, príomhoide Laurel Hill Coláiste FCJ.
Nuacht ó Scoil Náisiúnta Ros Dumhach , Béal an Átha, Co Mhaigh
Lúnasa 26, 2016
Buaiteoirí Náisiúnta
Comhghairdeas do Hayden O Murchú, Madison Ní Mhurchú Kale Markwick agus a phriomhoide Dr. Anita Ní h- Éilí a bhuaigh an chéad áit náisiúnta do chlár Radió a chum siad do Seachtain na Gaeilge. Seo an deichiú duais Náisiúnta do scoil Náisiúnta Ros Dumhach, Béal an Átha, Co Mhaigh Eo thar na blianta le h-aghaidh scéaltaí, dánta, cláir raidió, Ealaín agus dramaíocht.
Comortáis Éalaine
Comhghairdeas do Oisín Mac Aodha, Scoil Náisiúnta Ros Dumhach , Béal an Átha, Co Mhaigh Eo a bhuaigh Teastas mar gheall ar an obair Ealaíne a rinne sé ar “ Caora & Uan” le h-aghaidh an comortais náisiúnta do Texaco. Fuair sé ard-mholadh mar gheall ar a phictiúr. Tá Oisín le feiceáil lena príomhóide, Dr. Anita Ní h- Eilí.
Clár spreagúil do dhaoine óga fógartha ag Gael Linn don scoilbhliain 2016/2017!
Lúnasa 23, 2016
Tabharfar deis do dhaoine óga a bheith gníomhach i ngnéithe éagsúla de shaol na Gaeilge faoin gclár cuimsitheach scéimeanna atá leagtha amach ag Gael Linn don scoilbhliain 2016/2017, a bhformhór urraithe ag Foras na Gaeilge.
Beidh spéis ar leith ag scoláirí Gaelscolaíochta sna comórtais díospóireachta, ceoil, drámaíochta agus caint phoiblí a leanas a bheidh ag tosú go luath:
Comórtas Comórtas Díospóireachta Uí Chadhain: Comórtas díospóireachta do iar-bhunscoileanna a ndéantar teagasc trí Ghaeilge iontu
Scléip: Comórtas tallainne dírithe ar iar-bhunscoileanna lán-Ghaeilge – an bhéim ar chomhaimsearthacht. Coirm: Féilte siamsaíochta stáitse ar fud na tíre dírithe ar ghaelscoileanna agus ar bhunscoileanna gaeltachta Siansa: Comórtas agus ceardlanna ceoil do ghrúpaí traidisiúnta le ceoltóirí óga idir 12 agus 19. Craobhchomórtas sa Cheoláras Náisiúnta, le duaischiste €4,500.
Abair: Comórtas cainte poiblí d’iar-bhunscoileanna i gCúige Uladh
Tráth na gCeist: Sraith de ócáidí quizbhoird do iar-bhunscoileanna i gCúige Uladh
Tá gach eolas, mar aon le foirmeacha iarratais, ar fáil anois ar www.gael-linn.ie nó trí theagmháil a dhéanamh le Gael Linn 01: 6751200 /eolas@gael-linn.ie.
Comhdháil idirnáisiúnta maidir le nuálaíocht shóisialta agus fiontraíocht shóisialta ar siúl in DCU
Lúnasa 19, 2016
Beidh comhdháil idirnáisiúnta maidir le nuálaíocht shóisialta agus fiontraíocht shóisialta ar siúl in Ollscoil Chathair Bhaile Átha Cliath ag deireadh na míosa (31ú Lúnasa & 1ú Meán Fómhair). Mar chuid den chomhdháil seo díreofar ar na scileanna agus tréithe atá ag teastáil ó dhaoine óga san ardoideachas le tabhairt faoi fhiontair shóisialta nua a bhunú agus a fhás agus a fhorbairt. Meastar go mbeidh a bhfuil le rá ag na cainteoirí an-usáideach d’fhorbairt straitéiseach na Gaeilge agus go háirithe an chaoi inar féidir linn tacú le nuálaíocht agus fiontraíocht a chothú i measc na mac léinn (Cumainn Ghaelacha mar shampla) agus i measc chéimithe óga.
Tuilleadh eolais anseo
Torthaí na hArdteistiméireachta i nGaelcholáiste Phort Láirge
Lúnasa 18, 2016
Comhghairdeas le lucht na hArdteistiméireachta 2016 i nGaelcholáiste Phort Láirge. D’éirigh le gach dalta grád A a bhaint amach sa Ghaeilge. D’éirigh le 62.5% de na daltaí 450 pointe nó níos airde a ghnóthú. Guíonn an scoil gach rath agus séan orthu go léir sa saol atá amach rompu.
Coláiste de hÍde – Torthaí Ardteiste
Lúnasa 17, 2016
Tá Coláiste de hÍde thar a bheith sásta le torthaí na hArdteiste i mbliana. Tá barrchumas faighte ag na daltaí sna torthaí. Freastalaímid ar gach dalta. Fuair na daltaí na cúrsaí a bhí uathú ó Leigheas, Na Danlann, Na hEolaíochataí go cúrsaí iar-arteistéimeireachta. Comhghairdeas dár ndaltaí, múinteoirí agus tuismitheoirí.
Coláiste de hÍde student of the year Ruth Bháille with Maths teacher Joy Uí Mhurchadha after her A1 grade in the subject.
[Right to Left] Deiric Mac an Bhaird (Príomh Oide), Ruth Bháille (Student of the Year), Riain Leon (565 – Highest points achieved), Máire Ní Annagáin (6th Year Head), Daithí Ó Murchú (Príomh Oide Tánaisteach).
Deiric Mac an Bhaird (Príomh Oide), Riain Leon (Highest Points – 565 and Medicine hopeful!), Joy Uí Mhuchadha (Múinteoir)
Deiric Mac an Bhaird (Príomh Oide), Ruth Bháille (Dalta na Bliana) & tuismitheoirí (proud parents).
Deiric Mac an Bhaird (Príomh Oide) le Dylan Ó Neill
Deiric, le Taylor Ó Somacháin, Dylan Ó Neill, Aaron Ó Conaill, Lisa Ní Mhuirí, Jodie Ní Mhaolmhuire & Darren Ó Hógáin
Caroilín Ní Scealaí, Erin Ní Tuathail, Amber Ní Chiarnáin, Adam Ó Gormáin, Deiric Mac an Bhaird (Príomh Oide) Aaron Ó Conaill, Lisa Ní Mhuirí & Darren Ó Hógáin
Acmhainn nua Gaeilge le fáil ó Seomra Ranga
Lúnasa 15, 2016
Leabharmharc le focail chontrártha. Tá an acmhainn úsáideach nua seo ar fáil le híoslódáil ón suíomh www.seomraranga.com.
An Clár Náisiúnta Ionduchtaithe do Mhúinteoirí ag Bogadh
Lúnasa 9, 2016
NIPT
An Clár Náisiúnta Ionduchtaithe do Mhúinteoirí
The National Induction Programme for Teachers
Táimid ag bogadh!
Beidh an Clár Náisiúnta Ionduchtaithe do Mhúinteoirí athlonnaithe in Ionad Oideachais Bhaile Átha Cliath Thiar ón 1ú Mheán Fómhair 2016.
Ón 1ú Mheán Fómhair ‘sé ár seoladh poist ná
Oifig CNIM
Ionad Oideachais Bhaile Átha Cliath Thiar
Sean Bhóthar Bhaile Choimín
Tamhlacht
BÁC 24
Uimhreacha teagmhála ón 1ú Mheán Fómhair:
- Máirín Ní Chéileachair (Comhordaitheoir Náisiúnta) 01 4528008
- Angie Grogan (Iar-bhunscoileanna) 01 4528018
- Doireann Quinn (Bunscoileanna) 01 4528020
Fanfaidh na huimhreacha soghluaiste agus na seolta ríomhphost mar an gcéanna agus beidh uasdátú déanta ar an suíomh idirlín de réir mar a oireann.
Le gach dea-ghuí,
Máirín Ní Chéileachair
NIPT National Co-ordinator
Email:mairinnicheileachair@teacherinduction.ie
Cosaint Leanaí sa Naíonra
Lúnasa 5, 2016
Tá leagan athbhreithnithe (i nGaeilge agus i mBéarla) den acmhainn do naíonraí foilsithe ag an National Early Years Children First Committee. Tá leaganacha PDF le híoslódáil thíos, agus beidh siad ar fáil i measc acmhainní eile do naíonraí ar an leathanach Acmhainní den suíomh seo. Má tá acmhainn in úsáid agat go shíleann tú gur fiú a roinnt ar naíonraí eile, le do thoil cuir ar ríomhphost é chuig clare@gaelscoileanna.ie.
Tá An tAcht um Thús Áite do Leanaí 2015 – Reachtaíocht Nua um Chosaint Leanaí clúdaithe sa cháipéis ar leathanach 31 & 32.
