ÉISTEACHTAÍ Á REÁCHTÁIL AG MEANGADH FÍBÍN IN ÓSTÁN AN MHUILINN I MBAILE BHUIRNE CHUN RÓIL LÁITHREORA A LÍONADH
Bealtaine 21, 2018
Ar mhaith leat a bheith ar an gcéad réalt nua teilifíse eile?
Tá tallann nua don scáileán á lorg ag Meangadh Fíbín le haghaidh sraith shiamsúil nua teilifíse dírithe ar leanaí réamhscoile. Tá ceathrar laithreoirí, meascán cailíní agus buachaillí óga ag teastáil uainn chun dul ar eachtraí spraíúla mórthimpeall na tíre. Tá daoine breá cainteach, muiníneach agus fuinniúil ag teastáil don ról.
Más buachaill nó cailín tú idir 6-12 bliain d’aois ba bhreá linn dá ndéanfá éisteacht dúinn. Roghnófar buachaill nó cailín amháin as na cúigí éagsúla sa tír. Tar chomh fada linn in Óstán An Muileann i mBaile Bhuirne tráthnóna Dé Máirt seo chugainn 22 Bealtaine ón 6:00-8:00 sa tráthnóna.
Reáchtáil Meangadh Fíbín éisteachtaí ag an Oireachtas i gCill Airne anuraith agus i gConamara le gairid agus d’éirigh go hiontach leo. Cuirfear fáilte roimh dhaoine óga le taithí asteoireachta ach níl sé riachtanach.
Bí i dteagmháil le Meangadh Fíbín le haghaidh tuilleadh eolais 091-505855/kathleen@fibinmedia.ie
Gach eolas ar www.fibinmedia.ie
The Breadwinner/An Saothraí
Bealtaine 15, 2018
Ón Stiúrthóir Nora Twomey agus stiúideo beochana Salúin Chartún (a chruthaigh Song of the Sea agus The Secret of Kells). Insíonn An Saothraí an scéal faoi Parvana, cailín óg 11 bliain d’aois atá ag fás aníos faoin Taliban san Afganastáin in 2001. Nuair a ghabhtar a hathair in éagóir, cuireann Parvana cruth buachalla uirthi féin le tacú lena teaghlach. Le buanseasmhacht neamheaglach, agus Parvana ag baint neart as na scéalta a d’inse a hathair di, ar deireadh cuireann sí a beatha féin i gcontúirt le fáil amach an bhfuil sé go fóill beo. Scéal corraitheach agus draíochtach é, is scéal tráthúil agus spreagúil é faoi chumhacht tharchéimnitheach na scéalta, agus a gcumas le muid a aontú le chéile agus a leigheas.
- Irish Film Institute, 6 Eustace St, Temple Bar, D2 / Tel: 01 679 3477 / Web: ifi.ie
- Light House Cinema, Smithfield, D7 / Tel: 01 8728006 / Web: lighthousecinema.ie
- Cineworld Dublin, Parnell St, Rotunda, D1 / Tel: (0818) 304 204 / Web: cineworld.ie
- Movies @ Dundrum, Sandyford Rd, Dundrum, D16 / Tel: 01 291 6802 / Web: movies-at.ie
- Movies @ Swords, Pavilions, Swords, Co. Dublin / Tel: 01 870 3600 / Web: movies-at.ie
- Omniplex Rathmines, 210 Rathmines Rd Lower, D6 / Tel: 01 497 5199 / Web: omniplex.ie
- IMC Dun Laoghaire, George’s St Lwr, Dún Laoghaire, Co. Dublin / Tel: 01 230 1367 / Web: imccinemas.ie
- IMC Tallaght, The Square, Tallaght, D24 / Tel: 01 404 3005 / Web: imccinemas.ie
- IMC Santry, Omni Park, Old Airport Road, Whitehall, D9 / Tel 01 842 8822 / Web: imccinemas.ie
- Vue, Fonthill Rd, Liffey Valley Park, Lucan, Co. Dublin / Tel: 1890 800 705 / Web: myvue.com
Timpeall na tíre:
- Palas Galway,15 Merchants Rd Lower, Galway/ Tel: 091 394800 / Web: palas.ie
- Eye Galway, Wellpark Retail Park, Wellpark, Co. Galway / Tel: 091 78 00 78 / Web: eyecinema.ie
- IMC Galway, Galway Retail Park, Headford Rd, Galway / Tel: 091 566 771 / Web: imccinemas.ie
- Omniplex Cork, Mahonpoint Shopping Centre, 1 Link Road, Mahon, Co. Cork / Tel: 0214972082 / Web: omniplex.ie
- Gate Cork, North Main Street, Cork / Tel: 021 4279595 / Web: corkcinemas.com
- Gate Midelton, Market Green, Midleton, Co. Cork / Tel: 021 4630066 / Web: corkcinemas.com
- Gate Mallow, Market Square, Mallow, Cork / Tel: 022 53282 Web: corkcinemas.com
- Omniplex Limerick, Crescent Shopping Centre, Dooradoyle Road, Limerick, / Tel: 353 61 305 020 / Web: omniplex.ie
- Omniplex Sligo, Wine St, Abbeyquarter North, Sligo / Tel: 353 71 916 2651 / Web: omniplex.ie
- Century Letterkenny, Leckview Lane Pearse Road, Oldtown, Letterkenny, Co. Donegal / Tel: 074-9121976 / Web centurycinemas.ie
- IMC Kilkenny, Gaol Rd, Jamesgreen, Kilkenny City / Tel: 056 7723130 / Web: imccinemas.ie
- Mayo Movieworld, Moneen, Castlebar, Co. Mayo / Tel: 094 902 7777 / Web: mayomovieworld.ie
- Queens Film Theatre, 20 University Square, Belfast / Tel: 028 9097 1097 / Web: queensfilmtheatre.com
- IMC Carlow, Fairgreen Shopping Centre, Barrack St, Carlow / Tel: 059 9137645 / Web: imccinemas.ie
- IMC Dundalk, Carroll’s Village, The Long Walk, Townparks, Dundalk, Co. Louth / Tel: 042 932 0400 / Web: imccinemas.ie
- SGC Dungarvan, High Street, Dungarvan, Co. Waterford / Tel: (058) 45796 / Web: sgcdungarvan.ie
- Movies @ Gorey, Raheenagurren East, Courtown Rd, Raheenagurren East, Gorey, Co. Wexford / Tel: 053 948 9570 / Web: http://moviesatgorey.ie
Féile na Gaeilge
Bealtaine 11, 2018
Imeacht teaghlaigh saor in aisce i mBaile Átha Cliath
20 Bealtaine 2018
COMHDHÁIL TAIGHDE UILE-OILEÁNDA AR AN TUMOIDEACHAS
Bealtaine 2, 2018
AN TUMOIDEACHAS: DEISEANNA AGUS DEA-CHLEACHTAIS
Coláiste Mhuire gan Smál, Luimneach
18 – 19 Bealtaine 2018
CLÁRÚCHÁN AR SIÚL ANOIS AG www.tumoideachas.ie
Bhí an-rath ar an gcéad chomhdháil a reáchtáladh in 2015, agus beidh an Dara Comhdháil Taighde Uile-Oileánda ar an Tumoideachas ar siúl i gColáiste Mhuire gan Smál (CMgS) Dé hAoine an 18 Bealtaine agus Dé Sathairn an 19 Bealtaine.
Ag an ócáid dhá lá seo, cuirfear deiseanna ar fáil do thaighdeoirí agus d’oideoirí san oideachas lán-Ghaeilge agus sa tumoideachas idirnáisiúnta araon machnamh criticiúil a dhéanamh ar thaighde agus ar chleachtas i gcomhthéacs an tumoideachais agus an taighde sin a chomhroinnt. Soláthrófar deiseanna freisin leis na treochtaí nua i réimse síorathraitheach an tumoideachais a mhalartú agus a phlé.
Cuirfear 3 eochairaitheasc, 4 shiompóisiam, 25 phóstaer, agus 60 páipéar taighde i láthair san ócáid dhá lá seo ar thopaicí ábhartha amhail an Teagasc, an Fhoghlaim agus an Measúnú a nascadh le chéile; Féinmheastóireacht Scoile, Ceannaireacht agus Forbairt Oideoirí agus an Bealach a dhéanamh tríd an mBeartas agus an Nuálaíocht i bPobail Ilteangacha/Dhátheangacha.
Áirítear an tOllamh Laurent Cammarata, Ollamh Comhlach le hOideachas in Ollscoil Alberta, Ceanada, i measc na n‑eochairchainteoirí. Bhíodh an Dr Cammarata ina mhúinteoir teanga roimhe sin, agus tá sé ina oide múinteoirí anois le breis is cúig bliana déag. Tá sé ag obair faoi láthair i réimse an ullmhúcháin agus na forbartha gairmiúla leanúnaí do mhúinteoirí K-12 i suíomhanna tumoideachais Fraincise agus suíomhanna mionteanga francophone i gCeanada. Bíonn a chuid taighde dírithe ar an taithí a bhíonn ag múinteoirí ar theagasc ábharbhunaithe a chur i bhfeidhm i gcomhthéacsanna oideachais éagsúla agus ar na himpleachtaí d’oideachas múinteoirí agus don fhorbairt ghairmiúil. Pléifear an topaic sin go mion in eochairaitheasc an Ollaimh Cammarata ‘An lúb ar lár sa taighde ar an tumoideachas: Céard é féin agus cén fáth a bhfuil tábhacht leis?’
Beidh an Dr Karen Ní Chlochasaigh, taighdeoir iardhochtúireachta ag Institiúid Oideachais OCBÁC agus ag an bhForas Taighde ar Oideachas, ag caint ag an gcomhdháil freisin. San eochairaitheasc a thabharfaidh sí uaithi, comhroinnfidh an Dr Ní Chlochasaigh torthaí ó staidéar iardhochtúireachta inar féachadh ar thionchar an tumoideachais ar ghnóthachtáil, dul chun cinn agus dearcthaí i scoileanna lán-Ghaeilge i gceantair faoi mhíbhuntáiste i bPoblacht na hÉireann (scoileanna DEIS). Féachfar ar cheisteanna móra a bhaineann le gnóthachtáil daltaí atá faoi mhíbhuntáiste ó thaobh cúlra de i scoileanna lán-Ghaeilge, na fadhbanna is mó a bhíonn le sárú acu, agus na tacaíochtaí atá ag teastáil uathu go géar.
Beidh páipéar á chur i láthair freisin ag an Ollamh David Lasagabaster, Ollscoil Thír na mBascach. Tá David Lasagabaster ina Ollamh le Teangeolaíocht Fheidhmeach agus tá baint aige le hoideachas múinteoirí sa Spáinn le roinnt blianta anois. Tá ailt foilsithe aige ar shealbhú an dara/tríú teanga, ar FCÁT (an Fhoghlaim Chomhtháite Ábhar agus Teangacha), ar dhearcthaí agus inspreagadh, agus ar an ilteangachas. San eochairaitheasc a thabharfaidh sé uaidh, ‘Cláir thumoideachais mar thúsphointe le haghaidh an ilteangachais: taithí Thír na mBascach’, díreofar ar an aistriú ó churaclam aonteangach (Spáinnis) go curaclam ilteangach (Bascais, Spáinnis agus Béarla) agus ar na dúshláin a bhíonn i gceist leis an bpróiseas sin.
Beidh an Chomhdháil Taighde Uile-Oileánda ar an Tumoideachas – Deiseanna agus Dea-chleachtais ar siúl Dé hAoine an 18 Bealtaine agus Dé Sathairn an 19 Bealtaine i gColáiste Mhuire gan Smál. Sa chomhdháil idirnáisiúnta seo, tugtar le chéile eagraíochtaí agus institiúidí éagsúla mar chomhpháirtithe comhdhála, iad seo a leanas ina measc: Coláiste Mhuire gan Smál, Luimneach; An Chomhairle um Oideachas Gaeltachta agus Gaelscolaíochta; Institiúid Teicneolaíochta Thrá Lí; Gaeloideachas; Foras na Gaeilge; agus Comhairle na Gaelscolaíochta.
Is féidir clárú anois ag www.tumoideachas.ie
CRÍOCH ‘SPLEODRACH’ LE SIANSA GAEL LINN 2018!
Aibreán 25, 2018
Cháiligh ocht ngrúpa ceoil thraidisiúnta den scoth as ceithre hairde na tíre do Chraobh Siansa Gael Linn 2018 ach is go Cúige Uladh a chuaigh an chéad duais i mbliana! Ag ceolchoirm na craoibhe sa Cheoláras Náisiúnta ar an Domhnach, 22 Aibreán, roghnaíodh an grúpa ‘Spleodar’ (le baill ó chontaetha Aontroma, Thír Eoghain agus Mhuineacháin, ina measc, beirt scoláire de chuid Choláiste Oiriall) mar bhuaiteoirí tar éis oíche cheoil den scoth. Ba é an tuairim ghinearálta i measc an tslua mhóir ar an oíche ná go raibh sé tuillte go maith acu! Is faoi stiúir a múinteora, Maggie Maguire, a bhíodar. Thug siad trófaí Gael Linn abhaile leo chomh maith le seic ar €4,500. Sa dara háit bhí an grúpa ‘Caise’ ó chontae an Chláir, a bhuaigh €1,250 agus sa tríú háit bhí ‘Lonrach’ ó chontae Laoise a bhuaigh €750.
Tá Siansa á reáchtáil ag Gael Linn ó 2002 i leith, le tacaíocht ó RTÉ Raidió na Gaeltachta agus Irish Music Magazine, agus é ar cheann de phríomhchomórtais cheoil agus amhránaíochta na tíre. Is comórtas é a chothaíonn dlúthcheangal idir an Ghaeilge, an ceol agus an óige. Ag moltóireacht ar oíche na craoibhe bhí na ceoltóirí cáiliúla Declan Masterson, Muireann Nic Amhlaoibh agus Oisín Mac Diarmada.
Bíodh is nár thug siad duais abhaile leo, chuir an cúig ghrúpa eile go mór leis an ócáid agus bhain siad uilig an-spraoi as a bheith ag seinm sa Cheoláras os comhair slua de bheagnach míle duine. B’iad na grúpaí sin ná Uisneach, Coláiste na Coiribe, Gaillimh, Fonnmhar, An Brú, Co. Luimnigh, Léargas, Bré, Co. Chill Mhantáín, Sin A Bhfuil, Contaetha Laoise agus Uíbh Fhailí, agus I gCónaí Réidh, Caisleán An Danair, Co. Loch Garman.
Craoladh an craobhchomórtas beo ar RTÉ Raidió na Gaeltachta agus duine de fhoireann an stáisiúin sin, Áine Hensey, a bhí mar bhean an tí sa Cheoláras.
Ghlac Antoine Ó Coileáin, Príomhfheidhmeannach Gael Linn, buíochas le RTÉ Raidió na Gaeltachta agus le Irish Music Magazine as a dtacaíocht leanúnach don chomórtas agus dúirt: ‘Agus Gael Linn ag ceiliúradh 65 bliain ar an bhfód i mbliana tá sé tráthúil féachaint siar ar an stair fhada atá ag an eagraíocht ag cur an cheoil agus na hamhránaíochta traidisiúnta chun cinn ar bhealaí éagsúla, ó eisiúint ceirníní agus dlúthdhioscaí de oirfidigh mhóra an cheoil agus an tsean-nóis ó na 50í ar aghaidh go dtí an áit ina bhfuilimid anocht, sa Cheoláras Náisiúnta ag éisteacht le scoth na gceoltóirí agus na n-amhránaithe óga a mbeidh clú agus cáil orthu amach anseo! I dteannta le scoth an cheoil, cinntíonn Siansa freisin go mbíonn an Ghaeilge i lár an aonaigh, ceann de phríomhchuspóirí Gael Linn ón tús’.
Beidh na grúpaí le feiceáil ar You Tube agus ar na meáin shóisialta go luath…agus cá bhfios ach go mbeidh roinnt de na ceoltóirí le cloisteáil ar lipéad Gael Linn sna blianta amach romhainn
Spásanna ar fáil ar an tSraith Ghaeilge sa Dioplóma Gairmiúil i gCeannaireacht Scoile
Aibreán 25, 2018
Tá spásanna ar fáil go fóill ar an tSraith Ghaeilge sa Dioplóma Gairmiúil i gCeannaireacht Scoile
Sraith Ghaeilge an Chúrsa
Beidh sraith ar leith sa chlár, do cheannairí uaillmhianacha i scoileanna lán-Ghaeilge an Dioplóma Gairmiúil i gCeannaireacht Scoile (DGCS). I ndearadh agus i dteagasc na sraithe seo beidh sé tábhachtach go mbeidh tuiscint dhomhain ag mic léinn go mbeidh tuiscint dhomhain ag mic léinn ar na heochairchoincheapa agus saincheisteanna i litríocht na ceannaireachta agus go mbeidh ar a gcumas iad a chur i bhfeidhm i gcomhthéacs an oideachais trí Ghaeilge. Ceann de príomhaidhmeanna na sraithe Gaeilge ná éascú agus saibhriú a dhéanamh ar phlé na ceannaireachta ionas go ndéanfaidh rannpháirtithe an plé agus cumarsáid trí Ghaeilge sna ranganna teagaisc le feidhm a bhaint as a gcuid taithí sa chómhthéacs lán-Ghaeilge.
Cliceáil anseo chun na sonraí ar fad trí Ghaeilge a íoslódail
Gach eolas ag an nasc: http://www.ul.ie/pdsl/
Dáta dúnta 25-05-2018
Ceardlann Oiliúna do Mhúinteoirí Gairmthreorach – 27 Aibreán
Aibreán 18, 2018
A Mhúinteoir, a chara,
Tugaimid cuireadh duit chuig an gcéad cheardlann oiliúna eile do mhúinteoirí Gairmthreorach iar-bhunscoile a mhúineann trí mheán na Gaeilge. Beidh an cheardlann seo in Óstán an Gresham, Sráid Uí Chonaill, Baile Átha Cliath ar an Aoine, an 27 Aibreán ón 11 r.n. – 2 i.n.
Beimid buíoch díot más féidir leat a rá linn go luath an mbeidh tú ag freastal ar an gceardlann ar an 27 Aibreán trí ríomhphost a sheoladh chuig padraig@cogg.ie roimh an 25 Aibreán ar a dhéanaí. Is gá dúinn na socruithe cuí a dhéanamh maidir le sólaistí a eagrú agus ábhar priontáilte don cheardlann a ullmhú. Beidh srian áirithe ar líon na n-áiteanna ar an gcúrsa agus bheadh sé inmholta spás a chur in áirithe a luaithe agus is féidir.
Seolfar tuilleadh sonraí ar aghaidh maidir le clár an lae nuair a bheidh rannpháirtithe na ceardlainne deimhnithe. Tá ríméad orainn a fhógairt go mbeidh Claire O’Halloran (Síceolaí Oideachais) ón tSeirbhís Náisiúnta Síceolaíochta Oideachais (NEPS) i láthair ar an lá chun caint a thabhairt ar thopaicí atá tráthúil i gcomhthéacs an déagóra iar-bhunscoile comhaimseartha.
Bhí cruinniú an-rathúil againn an bhliain seo caite. Cuireadh liosta le chéile d’fhorbairtí a bheadh cuiditheach do mhúinteoirí Gairmthreorach agus iad i mbun a gcuid teagaisc trí mheán na Gaeilge. Seo roinnt de na forbairtí a rinneamar:
- Athdhearadh arwww.saoloibre.ie
Beidh eispéireas níos fearr ag na húsáideoirí agus beidh sé níos fusa teacht ar na huirlísi is úsáidí ar an suíomh. San athdhearadh ar an leathanach baile, is féidir féachaint ar an Nuacht is Déanaí agus ar Ghairm na Míosa.
Agus scoláirí ar rannóg na n-earnálacha gairme, feicfidh siad na deiseanna fostaíochta le Gaeilge sna hearnálacha sin. Tá nasc soiléir ann freisin ón leathanach baile chuig deiseanna fostaíochta san Eoraip.
Ar an leathanach baile feicfidh scoláirí gach cúrsa 3ú leibhéal a bhfuil gá le honóracha sa Ghaeilge dóibh nó a bhfuil ábhar suntasach trí Ghaeilge iontu.
Is féidir le scoláirí leas a bhaint as Próifíleoir Spéise trí Ghaeilge. Priontálfaidh sé tuairisc chuimsitheach. Molfaidh sé gairmeacha éagsúla agus cúrsaí oideachais bunaithe ar na réimsí spéise a léireoidh na scoláirí.
2.Scileanna Gairme – Comórtas Náisiúnta 2018
Seo comórtas speisialta do scoláirí in iar-bhunscoileanna ina mbíonn an teagasc trí mheán na Gaeilge. Tá sé feiliúnach do scoláirí ón Idirbhliain ar aghaidh.
Inseoidh scoláirí dúinn faoina n-eispéireas agus faoi na scileanna gairme atá feicthe agus forbartha acu agus iad ar thaithí oibre. Tabharfaidh siad faoi imscrúdú gairme agus déanfaidh siad machnamh ar an tionchar a bheidh ag an tréimhse taithí oibre ar a gcuid rogha gairme amach anseo.
Tá duaiseanna iontacha ann, m.sh. MacBook Air don chéad áit agus €1,000 do chlár gaolmhar na scoile (Gairmtheoir, GCAT, ATF, Idirbhliain).
Tá físeán gairid againn le húsáid sa seomra ranga. Míníonn sé do scoláirí faoin gcomórtas. Féach ar leathanach baile nó i rannóg Scileanna Gairme an tsuímh sin.
- Físeáin agus Podchraoltaí– féach ar an rannóg nua ar SaolOibre.ie
Spreagfaidh siad daltaí le leanúint leis an nGaeilge ina ngairmeacha. Tá sraith agallamh ann freisin. Beidh siad seo úsáideach agus scoláirí ag ullmhú don scrúdú cainte.
- Suíomh Gréasáin Gairmthreorach
Tá an suíomh seo anois ar fáil i nGaeilge. I measc na ngnéithe nua, tá:
- Nuacht laethúil le hailt a bhaineann le cúrsaí oideachais
- Imeachtaí agus fógraí ó Institiúidí Ardoideachais agus Coláistí Breisoideachais ar fud na tíre
- Is féidir ailt a íoslódáil
- Naisc chuig raidhse acmhainní gairmthreorach
- Is féidir íoslódálacha a chur ar fáil do scoláirí i.e. bileoga oibre, cuir i láthair PowerPoint, foirmeacha iarratais srl.
- Is féidir é a nascadh le príomhshuíomh gréasáin na scoile.
Chun samplaí de dhearadh nua an tsuímh scoile a fháil, téigh chuig Coláiste Cois Life nó Gaelcholáiste Luimnigh chun breathnú ar an suíomh Gairmthreorach scoile atá acu. Míle buíochas leis na múinteoirí Niamh Ní Fhionnghasa (Coláiste Cois Life) agus Áine Máire Ní Uaithne (Gaelcholáiste Luimnigh) as a gcuid oibre a roinnt linn.
Is féidir le scoláirí atá ag staidéar trí mheán na Gaeilge painéal nua a fheiceáil anois ag barr a gComhad Gairme Reach+ le naisc díreach chuig cuid de na huirlisí is mó éilimh ar www.saoloibre.ie
Ceadaíonn na naisc gur féidir le scoláirí dul go díreach chuig:
- Próifíleoir Spéise
- Earnálacha Fostaíochta
- Gairmeacha
- Físeáin agus Podchraoltaí
Is ionann an Próifíleoir Spéise i nGaeilge agus i mBéarla. Níl feidhmeanna éagsúla acu. Is féidir le scoláirí an próifíleoir a úsáid i nGaeilge nó i mBéarla, agus breathnú ar na torthaí, nó tuairiscí a phriontáil i nGaeilge nó i mBéarla.
- Póstaeir
Beidh na póstaeir Ghaeilge nua ag tromlach na scoileanna faoin am seo. Féach ar na híomhánna thíosceangailte. Más tá tuilleadh póstaer uait, beidh siad againn ar an 27 Aibreán. Beidh neart forbairtí eile le roinnt againn leat ar an lá chomh maith.
Táimid fíorbhuíoch de COGG, NCGE agus An Roinn Cultúir, Oidhreachta agus Gaeltachta as a gcuid cabhrach agus tacaíochta maidir leis na hacmhainní nua seo a fhorbairt.
Beimid ag tnúth libh a fheiceáil ag tús mhí an Mhárta.
Le gach dea-ghuí,
Eimear Sinnott – esinnott@careersportal.ie
Príomhfheidmeannach SaolOibre.ie/CareersPortal.ie
Pádraig Ó Beaglaoich padraig@cogg.ie
Oifigeach Oideachais Iar-bhunscoile COGG
Ceoltóirí Choláiste na Coiribe i gCraobhchomórtas Siansa Gael Linn 2018 !
Aibreán 16, 2018
Beidh féasta ceoil sa Cheoláras Náisiúnta ar an Domhnach, 22 Aibreán ag Craobhchomórtas Siansa Gael Linn 2018 ! Ocht ngrúpa, ina bhfuil plúr na gceoltóirí agus na n-amhránaithe óga traidisiúnta, a bheidh páirteach i mbuaicphointe seo an chomórtais. Ina measc, beidh an grúpa ‘Uisneach’ ó Choláiste na Coiribe, Gaillimh, faoi stiúr a múinteora, Holly Geraghty.
Tá Siansa á reáchtáil ag Gael Linn, le tacaíocht ó RTÉ Raidió na Gaeltachta agus Irish Music Magazine. Ar an bhfód anois le seacht mbliana déag, cothaíonn an comórtas dlúthcheangal idir an Ghaeilge, an ceol agus an óige.
Is iad na grúpaí eile a tháinig trí chóras réamhbhabhtaí le bheith ar ardán ag an mórócáid seo ná ‘Lonrach’ ó Chontae Laois, ‘Fonnmhar’, An Brú, Co. Luimnigh, ‘Sin a’Bhfuil’ ó Chontaetha Laoise agus Uíbh Fháilí, ‘Spleodar’, Inis Ceithleann, Co. Fhear Manach, ‘Caise’, Inis, Contae an Chláir, ‘I gCónaí Réidh’, Caisleán an Danair, Co. Loch Garman agus ‘Léargas’, Bré, Co. Chill Mhantáin. Seinnfidh gach grúpa a rogha féin de cheol traidisiúnta, a mhairfidh idir 10 agus 12 nóiméad, agus atá cóirithe go speisialta ag na baill, agus beidh amhráin Ghaeilge le cloisteáil uathu chomh maith.
Ag cur comhairle ar na grúpaí ábharacha ar a mbealach chun na craoibhe i mbliana, bhí na ceoltóirí aitheanta Declan Masterson agus Muireann Nic Amhlaoibh. Beidh Oisín Mac Diarmada ón ngrúpa ‘Téada’ ag moltóireacht in éineacht leo sa Cheoláras, agus roghnóidh an triúr iomráiteach seo na duaiseoirí. Le duaischiste de €4,500, is féidir a bheith ag súil le géariomaíocht agus ardchaighdeán ceoil ar an oíche. Bronnfar príomhdhuais €2,500 agus trófaí Gael Linn ar na buaiteoirí, €1,250 don dara háit agus €750 don tríú háit. Anuas air sin, bronnfar duais chuimhneacháin ar na ceoltóirí uile a bheidh páirteach sa Chraobh.
Beidh an ceolchoirm á chraoladh beo ar RTÉ Raidió na Gaeltachta ó 7.30p.m. ar an oíche , agus is í Áine Hensey a bheidh mar láithreoir. Chun ticéad a chur in áirithe don ócáid, ní gá ach dul i dteagmháil leis an gCeoláras Náisiúnta ag 01:417 00 00 nó www.nch.ie.
Suirbhé do Mhúinteoirí Bunleibhéil maidir leis an gCóras Lán-Ghaeilge
Aibreán 10, 2018
Tá Dr Maria Coady, Ollscoil Florida, i mbun taighde faoi láthair ar dhearcthaí múinteoirí bunleibhéil maidir le múineadh i scoil lán-Ghaeilge/Ghaeltachta. Tá suirbhé gearr le líonadh anseo & tá deis iPad a bhuachan.
Athbhreithniú agus Athfhorbairt ar Churaclam na Bunscoile
Aibreán 10, 2018
Tá an CNCM ag obair ar na chéad chéimeanna tábhachtacha eile in athfhorbairt Churaclam na Bunscoile faoi láthair. Mar chuid de seo, tabharfaidh an CNCM cuireadh do scoileanna Fóram Scoileanna a bhunú. Cuirfidh Fóram na Scoileanna smaointe agus moltaí ar fáil maidir leis an gcuma a d’fhéadfadh a bheith ar an gcuraclam agus maidir leis na nithe a d’fhéadfadh a bheith ann i dtaca le teagasc agus foghlaim sna blianta atá amach romhainn. Bheadh an-áthas ar an CNCM cloisteáil uait má tá suim ag do scoil páirt a ghlacadh i bhFóram na Scoileanna. Cuirfear réimse tacaíochtaí ar fáil don scoil mar chuid den obair. Má tá suim agat ann agus má tá tuilleadh eolais uait, seol na sonraí seo a leanas chuig primarydevelopments@ncca.ie:
- Ainm na scoile
- Ainm phríomhoide na scoile
- Seoladh ríomhphoist agus uimhir ghutháin
Déanfaidh an CNCM teagmháil leat ansin agus beidh tuilleadh sonraí aici faoina mbeidh i gceist leis an bhfóram.
Breis eolais anseo
