Comhdháil Oideachais 2012 – Go raibh míle maith agaibh!
Samhain 28, 2012
A chairde dhil,
Ba mhór le foirne agus boird GAELSCOILEANNA TEO. agus Eagraíocht na Scoileanna Gaeltachta Teo. buíochas ó chroí a ghabháil le gach éinne a bhí i láthair linn ag Comhdháil Oideachais 2012 i nGaillimh ar an 23 Samhain. Bhí freastal iontach ar an ócáid agus tá súil againn gur bhain na rannpháirtithe taitneamh agus tairbhe as. Cuirfear ábhar na gceardlann ar fáil go luath ar www.gaelscoileanna.ie agus ba mhór linn dá bhféadfaí an t-eolas seo a scaipeadh ach go háirithe ar foireann na scoile más rud é nach raibh deis acu bheith i láthair i mbliana. Tá tuarascáil bhliantúil GAELSCOILEANNA TEO. ar fáil le híoslódáil ón suíomh chomh maith.
Dóibh siúd a bhí linn, ba mhór linn bhur dtuairimí a chloisteáil ina leith. Ní thógfaidh sé níos mó ná 3 nóiméad an suirbhé a chomhlánú, agus beidh an t-aiseolas ina chabhair ollmhór dúinn agus muid ag ullmhú do chomhdháil na bliana seo chugainn. Tá an suirbhé ar fáil anseo: http://www.surveymonkey.com/s/comhdhail2012 agus tá fáilte romhat an nasc a scaipeadh ar foireann eile na scoile más rud é go rabhadar ann.
Tá súil againn gur thug an Comhdháil spreagadh agus misneach do gach éinne a bhí rannpháirteach ann, is cinnte gur thug sí muinín dúinne inár gcuid oibre ar son na scoileanna lán-Ghaeilge agus Gaeltachta.
Le buíochas agus dea-mhéin,
Foirne agus boird GAELSCOILEANNA TEO. agus Eagraíocht na Scoileanna Gaeltachta Teo.
Ciorrú eile fógartha don Ghaeloideachas -COGG le cónascadh le heagras stáit eile
Samhain 28, 2012
Tá fógartha ag an Roinn Oideachais agus Scileanna ar maidin go bhfuil An Chomhairle Um Oideachas Gaeltachta agus Gaelscolaíochta (COGG) le cónascadh leis an gComhairle Náisiúnta Curaclaim agus Measúnachta.
Chuir ionadaí ón Roinn Oideachais an fógra in iúl don slua atá ag freastal ar Chomhdháil Ghaelscoileanna agus Eagraíocht na Scoileanna Gaeltachta Teoranta i gcathair na Gaillimhe inniu.
Cuireann COGG seirbhísí tacaíochta ar fáil do bhunscoileanna agus do scoileanna iar-bhunoideachais lán-Ghaeilge. Chomh maith leis sin, cuireann COGG acmhainní teagaisc ar fáil do scoileanna agus cuirtear maoiniú ar fáil do thaighdeoirí sa réimse seo.
Faoi láthair, níl ach beirt fostaithe ag an gComhairle de bharr nár ceadaíodh postanna eile a líonadh le tamall de bhlianta anuas.
Bunaíodh an Chomhairle um Oideachas Gaeltachta agus Gaelscolaíochta faoi fhorálacha Alt 31 den Acht oideachais 1998 tar éis feachtais a chuir Comhdháil Náisiúnta na Gaeilge, Gaelscoileanna, agus Eagraíocht na Scoileanna Gaeltachta.
Ceapadh ag an am go raibh géarghá le sainstruchtúr le freastal a dhéanamh ar riachtanais oideachais na scoileanna Gaeltachta agus na scoileanna lán-Ghaeilge.
Ag labhairt dó inniu, dúirt Seán Ó Foghlú, Ard Rúnaí na Roinne Oideachais:” Ceadóidh na socruithe nua le COGG a cuid acmhainní a dhíriú ar a príomhfheidhmeanna chun acmhainní teagaisc a sholáthar mar thacaíocht ar theagasc na Gaeilge i gcomhair le hobair CNCM ar leasú an churaclaim. Beidh na feidhmeanna ginearálta riaracháin, atá mar ualach suntasach ar fhoireann bheag, á gcur ar fáil anois ag CNCM,” a dúirt sé.
“Faoin socrú nua seo, coinneoidh COGG aitheantas dá cuid féin faoi choimirce CNCM. Láidreoidh an beart seo a cumas le tacú le hoideachas trí mheán na Gaeilge agus le teagasc na Gaeilge i gcoitinne”.
Cuireann An Chomhairle Náisiúnta Curaclaim agus Measúnachta comhairle ar an Aire Oideachais agus Scileanna maidir le cúrsaí curaclaim agus measúnachta san oideachas luathóige agus i mbunscoileanna agus in iarbhunscoileanna.
Foilsithe ar Gaelport.com
Labhraíonn Seán Ó Foghlú, Ard-Rúnaí na Roinne Oideachais agus Scileanna ag Comhdháil Bhliantúil Ghaelscoileanna agus Eagraíocht na Scoileanna Gaeltachta
Samhain 27, 2012
Athruithe móra fógartha in oideachas na Gaeilge agus oideachas trí mheán na Gaeilge
Áirítear athruithe i gcuraclam na Gaeilge i scoileanna a fheidhmíonn trí mheán na Gaeilge agus i scoileanna príomhshrutha, trialacha béil Gaeilge éigeantacha sa tsraith shóisearach, leathnú ar scolaíocht trí mheán na Gaeilge, agus feabhsuithe sa Ghaeilge in oideachas múinteoirí i measc na mórfhorbairtí a d’fhógair Seán Ó Foghlú, Ard-Rúnaí na Roinne Oideachais agus Scileanna inniu.
In óráid fhad-réimseach chuig comh-chomhdháil bhliantúil Ghaelscoileanna agus Eagraíocht na Scoileanna Gaeltachta i nGaillimh, dúirt an tUasal Ó Foghlú go raibh an Roinn Oideachais agus Scileanna tiomanta go hiomlán d’fheidhmiú na ngníomhartha uaillmhianacha sa Straitéis 20 Bliain don Ghaeilge.
Tá tosaíocht tugtha ag an Roinn do phríomhréimsí gníomhaíochta, lena n-áirítear bearta chun soláthar na scolaíochta trí mheán na Gaeilge a mhéadú agus curaclaim níos fearr don Ghaeilge a sholáthar i scoileanna a i scoileanna a fheidhmíonn trí mheán na Gaeilge agus i scoileanna príomhshrutha.
Dúirt an tUasal Ó Foghlú, “Déanfaidh an Roinn Oideachais agus Scileanna dícheall, thar saol na Straitéise, oideachas trí mheán na Gaeilge a chur ar fáil do scoláirí gur mian lena dtuismitheoirí leas a bhaint as.”
Luaigh sé an próiseas reatha chun bunscoileanna a dhídhílsiú i limistéir ina bhfuil daonra reatha mar dheis trína bhféadfaí tuilleadh scoileanna a oibriú mar ghaelscoileanna, dá mbeadh éileamh ann ó na tuismitheoirí.
Ag leibhéal na hiar-bhunscoile, dúirt se, “Leanfaimid de limistéir a aithint ina bhfuil gá le gaelcholáiste nua faoi réir thairseach an éilimh (is é sin, 400 dalta) atá níos lú go mór ná an tairseach do scoileanna a fheidhmíonn trí mheán an Bhéarla (is é sin, 800). Tá a fhios againn freisin go gcaithfear fiosrú a dhéanamh maidir le cumas an roghanna eile ar nós na n-aonad Gaeilge agus na sruthanna Gaeilge.”
Luaigh an tUas Ó Foghlú freisin go raibh athrú suntasach ar siúl in oideachas tosaigh múinteoirí. Tá na hathruithe ann le teagasc na Gaeilge i gcoláistí a neartú agus lena chinntiú go bhfeabhsófar caighdeáin na múinteoirí sa Ghaeilge agus a gcumas leis an teanga a mhúineadh.
Dúirt an tArd-Rúnaí gur aithin straitéis Litearthachta agus Uimhearthachta na Roinne go bhfuil gá leis an gcuraclam a leasú ag leibhéal na bunscoile agus na hiar-bhunscoile agus go bhfuil an obair seo idir lámha ag an gComhairle Náisiúnta Curaclaim agus Measúnachta.
“Measaimid go mbeidh an scrúdú teanga béil ina chuid éigeantach den siollabas nua agus na riachtanais measúnaithe don Ghaeilge faoi réir fheidhmiú an Chreata don tSraith Shóisearach a sheol an tAire Quinn an mhí seo caite,” a dúirt sé.
Ag teacht leis seo sa tsraith shóisearach, bheadh gearrchúrsa breise roghnach ag ardchaighdeán sa Ghaeilge ar fáil le húsáid ag scoláirí i scoileanna a fheidhmíonn trí mheán na Gaeilge agus i scoileanna Gaeltachta; bhí sé seo á éileamh le fada ag lucht an oideachais trí mheán na Gaeilge.
“Ligfeadh gearrchúrsa dá leithéid do scoláirí i scoileanna a fheidhmíonn trí mheán na Gaeilge staidéar a dhéanamh agus creidiúint a fháil as cumas sa teanga ag ardleibhéal suntasach,” a dúirt sé.
D’fhógair an tUasal Ó Foghlú freisin go raibh cinneadh glactha ag an Roinn an Chomhairle um Oideachas Gaeltachta agus Gaelscolaíochta (COGG) a chomhtháthú faoi choimirce na Comhairle Náisiúnta Curaclaim agus Measúnachta (CNCM).
“Ceadóidh na socruithe nua le COGG a cuid acmhainní a dhíriú ar a príomhfheidhmeanna chun acmhainní teagaisc a sholáthar mar thacaíocht ar theagasc na Gaeilge i gcomhair le hobair CNCM ar leasú an churaclaim. Beidh na feidhmeanna ginearálta riaracháin, atá mar ualach suntasach ar fhoireann bheag, á gcur ar fáil anois ag CNCM,” a dúirt sé.
Faoin socrú nua seo, coinneoidh COGG aitheantas dá cuid féin faoi choimirce CNCM. Láidreoidh an beart seo a cumas le tacú le hoideachas trí mheán na Gaeilge agus le teagasc na Gaeilge i gcoitinne.
Comhdháil Oideachas ar an 23 Samhain – Clár ar fáil
Samhain 19, 2012
Reáchtálfar comhdháil 2012 i gcomhpháirt le hEagraíocht na Scoileanna Gaeltachta Teo. Beidh Comhdháil Oideachais GAELSCOILEANNA TEO. agus Eagraíocht na Scoileanna Gaeltachta Teo. ar siúl in óstán an Ardilaun i nGaillimh ar an 23 Samhain 2012.
Clár na Comhdhála 2012
Rúin agus ainmniúcháin
Ba mhór le GAELSCOILEANNA TEO. rannpháirtíocht na scoileanna a ardú i ngnó agus stiúrthóireacht na heagraíochta, le go mbeidh sí ionadaíoch ar na scoileanna atá mar bhaill aici. Tá gach eolas maidir le rúin agus ainmniúcháin a chur chun cinn ag Cruinniú Chinn Bhliana na heagraíochta ar fáil anseo.
Tá eolas maidir le ballraíocht le GAELSCOILEANNA TEO. ar fáil anseo.
Foirm ballraíochta: Foirm Bhallraíochta Eanáir-Nollaig 2012
Seastáin ag an gComhdháil
Faraor, díoladh amach na spásanna seastáin an-tapaidh i mbliana agus ní féidir linn glacadh le haon áirithintí eile. Más spéis leat dul ar liosta feithimh déan teagmháil leis an Oifigeach Forbartha.
Lóistín
Tá eolas maidir le rátaí san Ardilaun agus lóistín eile sa cheantar ar fáil anseo.
Cláraigh le freastal
Is féidir le scoileanna agus eagraíochtaí a gcomhaltaí a chlárú le freastal ar an gcomhdháil tríd an fhoirm thíos a chomhlánú. Má tá níos mó ná ceathrar le freastal ón scoil/eagraíocht, iarrfar ort teagmháil a dhéanamh linn ar 01 8535195 nó oifig@gaelscoileanna.ie seachas clárú ar líne, le go dtabharfar lascaine duit.
Oops! We could not locate your form.
Tacaíocht don Áisaonad
Samhain 19, 2012
Seo thíos litir maidir le todchaí an Áisaonaid gur féidir a chur in oiriúint dod’ scoil agus a sheoladh ar aghaidh chuig an Aire Carál Ní Chuillín agus an Aire Dinny McGinley más mian leat do thacaíocht do seirbhísí an Áisaonaid a léiriú.
Litir maidir leis an Áisaonaid
Gaelscoileanna ‘apartheid’ – Litir san Irish Times
Deireadh Fómhair 30, 2012
A chara, – The “To Be Honest” column by a parent (Education Today, October 23rd) was such a misrepresentation of Irish-medium schools that it cannot be allowed to go unchallenged. Its publication in the Education section of The Irish Times lends it an authority that is very damaging to the public perception of Irish-medium schools.
Irish-medium schools are united by their language ethos, but as diverse as any other arbitrary grouping of schools in every other way. A gaelscoil may operate under any patron body and may be denominational or not. Gaelscoileanna exist in every county in Ireland including Northern Ireland and they serve populations as diverse as their geographical locations; small towns, socially disadvantaged suburbs, rural communities, city centres or a “middle-class area of South Dublin” – wherever the local community has campaigned for a gaelscoil to be established.
Irish-medium schools are open to all pupils regardless of their linguistic and social background or their level of ability. They are as willing and well-equipped as any English-medium school to cater for all pupils’ educational needs. Communicating this to parents is made difficult when opinion pieces such as the aforementioned are published without information of substance on what an Irish-medium school is and how school enrolment policies work.
Parents and patrons alike have been calling for plurality and diversity in our education system for years. To have an inflammatory and misleading opinion piece about schools of a particular ethos published in the paper of record at a time when the Department of Education Skills has committed to providing for parental choice in the form of the surveys on diversity of patronage runs counter to everything the education community has been working towards.
The column did not recognise that many Irish-medium schools face considerable challenges. More than a third of Irish-medium schools are without a permanent school building; 39 per cent of primary and 36 per cent of post-primary Irish-medium schools. Ten per cent of Irish-medium schools are recognised as DEIS schools by the Department of Education Skills and are focused on addressing and prioritising the educational needs of young people from disadvantaged communities. That the demand for new gaelscoileanna remains high in spite of the difficulties the established schools often face speaks volumes about how parents have faith in the immersion-education model and community-led education.
While it’s true that most of the parents who choose Irish-medium education for their children do not speak Irish themselves, it does a great disservice to the parents of the 45,000 children who are attending Irish-medium schools at present to assume that their decision to enrol their child in a gaelscoil was made for elitist reasons. It does an even greater disservice to those parents who have chosen Irish-medium education for their children despite having neither Irish nor English as a first language, parents who appreciate that their children will start school on an even footing with other pupils who will also be learning through a language that is new to most of them, in a school where linguistic diversity is truly valued.
The story of how Irish-medium schools have grown and are flourishing is one rooted in community spirit and a sense of common purpose and the schools deserve to be celebrated for all they have achieved. – Is mise,
NÓRA Ní LOINGSIGH,
Acting CEO,
GAELSCOILEANNA TEO,
Institiúid Oideachais Marino,
Ascaill Uí Ghríofa,
Baile Átha Cliath 9.
www.irishtimes.com
Suirbhé: An Ghaeilge agus Pobal na Scoile
Deireadh Fómhair 5, 2012
Ba mhaith linn cuireadh a thabhairt duit páirt a ghlacadh i Seisiún Ransaithe Smaointe ar an ábhar ‘An Ghaeilge agus Pobal na Scoile’ chun cabhrú le GAELSCOILEANNA TEO. treoirleabhar a ullmhú ar ‘Forbairt Scoilphobail’.
Is féidir teacht ar an suirbhé ag http://www.surveymonkey.com/s/scoilphobail.
Ba mhaith linn go gcuirfí an suirbhé ar aghaidh chuig foireann na scoile, baill an bhoird bhainistíochta, baill d’Eagras na dTuistí agus, fiú, iar-bhaill foirne, tuistí agus iar-bhaill de bhoird bainistíochta na scoile; sé sin, chuig na daoine ar fad a chuidíonn nó a chuidigh leis na scoileanna lán-Ghaeilge a riaradh agus daoine a mhúin nó a mhúineann iontu. Bheimis thar a bheith buíoch dá bhféadfá an nasc a roinnt le héinne gur dóigh leat go mbeadh suim acu ann.
Tógfaidh sé 10 nóiméad nó mar sin leis an suirbhé a chomhlíonadh. Ní gá gach ceist oscailte a fhreagairt ach bheadh aiseolas ar na ceisteanna seo ach go háirithe an-luachmhar dúinn. Má cheapann tú go ndearna tú an pointe cheana i bhfreagra ar cheist ní gá é a athrá. Arís, seisiún ransaithe smaointe é seo. Amanta tá na ceisteanna san aimsir láithreach chun nach mbeidh siad ró-fhada ach más éirithe as atá tú tuigimid gur do thaithí mar a bhí/bhíodh atá i gceist.
Níl i gceist torthaí an tsuirbhé a fhoilsiú mar gurb í an aidhm is mó ná na tuairimí agus na cleachtais ar fad maidir le cúrsaí pobail a bhailiú ó lucht riartha agus/nó múinteoirí na scoileanna lán-Ghaeilge.
Pléifear aiseolas ón dtaighde seo ag Comhdháil Oideachais GAELSCOILEANNA TEO. & Eagraíocht na Scoileanna Gaeltachta Teo. ar an 23 Samhain 2012 in óstán an Ardilaun i nGaillimh. Ba mhór linn tú a bheith i láthair – tá gach eolas maidir leis an gcomhdháil ar fáil anseo.
Is é Dé hAoine an 19 Deireadh Fómhair an lá deiridh len é a chomhlíonadh. Má tá aon cheist agat ina leith, tá gach fáilte romhat teagmháil a dhéanamh leis an oifig ar 01 8535195 nó oifig@gaelscoileanna.ie.
Leasú Mór ar an Teastas Sóisearach á fhógairt ag an Aire Quinn
Deireadh Fómhair 4, 2012
Tá an tAire Oideachais agus Scileanna ag fógairt go bhfuil sé chun leasú bunúsach a dhéanamh ar an Teastas Sóisearach. Leis na pleananna atá á nochtadh inniu ag an AireRuairí Quinn T.D. beidh na mic léinn, seachas na scrúduithe, ag croílár an chur chuige nua don mheasúnú.
“Tá fhios againn cheana féin go bhfuil líon suntasach de mhic léinn na céad bliana ann nach ndéanann dul chun cinn sa Bhéarla agus sa Mhatamaitic – eochairbhloic thógála na foghlama,” adúirt antAireQuinn.
“Tá an iomarca mac léinn ann a ‘lascann as’ sa dara bliain agus nach ndéanann ateagmháil ar bith leis an bhfoghlaim. Tá fhios againn go bhfuil saol mac léinn na tríú bliana faoi smacht na n-ullmhúchán do scrúduithe an Teastais Shóisearaigh agus go mbíonn an fócas cúngaithe go dtí feidhmíocht sna scrúduithe seachas caighdeán na foghlama. Tá sé thar am an scéal seo a chur ina cheart – ar mhaithe lenár mac léinn agus lenár múinteoirí.”
Is ionann na pleananna atá ag an Aire agus an t-athrú is bunúsaí ar chlár anTeastais Shóisearaigh ó cuireadh deireadh le scrúduithe na Meánteistiméireachta agus an Teastais Ghrúpa in 1991. Tá glactha go ginearálta ag an Aire Quinn le tograí atá curtha faoi bhráid ag an gComhairle Náisiúnta Curaclaim agus Measúnachta (CNCM) le clár nua timthrialla shóisearaigh a thabhairt isteach.
Beifear ag súil go ndéanfaidh na scoileanna clár a sheachadadh a chuirfidh ar chumas na mac léinn raon leathan scileanna a fhorbairt, ina measc scileanna smaoinimh chriticiúil agus scileanna bunúsacha ar nós na huimhearthachta agus na litearthachta.
Déanfaidh formhór na mac léinn 8 n-ábhar ar a laghad agus 10 n-ábhar iomlána ar a mhéid chun críche an teastasaithe sa timthriall sóisearach nua. Is féidir le mic léinn dhá chúrsa gearra a chur in ionad ábhair iomláin amháin, rud a thabharfaidh deis chun roghanna a dhéanamh ar nós na Sínise nó an Chorpoideachais nó na Litearthachta sna Meáin Dhigiteacha. Beidh scoileanna in ann chomh maith a gcuid cúrsaí gearra féin a thairiscint de réir na sonraíochtaí a bheidh curtha ar fáil ag an CNCM. Tabharfaidh sé seo an tsolúbthacht do scoileanna an clár a chur in oiriúint do riachtanais na mac léinn sa cheantar acu – mar shampla, d’fhéadfadh cúrsa gearr díriú ar ghné den tionsclaíocht áitiúil, den talmhaíocht nó den oidhreacht.
Tá sé aitheanta ag an Aire Quinn go bhfuil an scrúdú reatha tar éis brú mór a chur ar an dteagasc agus ar an bhfoghlaim. Adúirt sé, “Ní scrúdú é an Teastas Sóisearach a thuilleadh a bhuil mórán ag brath air ach mar sín féin caithimid leis amhail is dá mba ‘rith trialach’ don Ardteistiméireacht é – rud a théann chun dochair do mhórán dár mac léinn. Tá fianaise dhiongbháilte ann as mórán tíortha a léiríonn gur fearr a fheidhmeoidh cuid mhór de na mic léinn má bhogann siad ar shiúl ó scrúduithe cheann cúrsa den saghas seo.”
In ionad Scrúduithe cheann cúrsa an Teastais Shóisearaigh cuirfear samhail scoil-bhunaithe mheasúnaithe ina mbeidh an bhéim ar cháilíocht eispéireas foghlama an mhic léinn. Déanfar é seo ar bhonn céimnithe agus is é an Béarla an chéad ábhar a thabharfar isteach do mhic léinn na Céad Bliana in 2014.
Beidh Coimisiún na Scrúduithe Stáit (CSS) gafa le measúnú an Bhéarla, na Gaeilge agus na Matamaitice sna blianta tosaigh mar aitheantas ar an ról lárnach a imríonn na hábhair seo san uimhearthacht agus sa litearthacht. Scrúdófar na hábhair seo ag an ardleibhéal agus ag an ngnáthleibhéal, agus measúnófar na hábhair eile go léir ag an ngnáthleibhéal. Soláthróidh an CSS agus an CNCM ábhair chomh maith do scoileanna chun cabhrú leis an measúnú leanúnach ar dhul chun cinn agus ar ghnóthachtáil na mac léinn.
Níl sa tsamhail scoil-bhunaithe mheasúnaithe seo ach eilimint amháin den chur chuige úr don mheasúnú sa timthriall sóisearach nua. Ó 2014 amach, seasfaidh mic léinn na dara bliana tástálacha caighdeánaithe i léamh an Bhéarla agus sa Mhatamaitic, agus i léamh na Gaeilge i nGaelscoileanna. Ó 2016 amach, cuirfear tástáil chaighdeánaithe san Eolaíocht san áireamh chomh maith. Tá an CNCM ag forbairt chomh maith cárta tuairisce nua do thuismitheoirí a thabharfaidh i bhfad níos mó eolais dóibh i dtaobh dul chun cinn foghlama a mic nó a n-iníne.
Lean an tAire air, “Ní bhaineann sé seo lenár gcuid scoileanna, mac léinn agus múinteoirí bheith ag déanamh tuilleadh oibre sa timthriall sóisearach. Baineann sé le hiad a bheith ag déanamh rudaí i mbealach difriúil. Tá na múinteoirí ag déanamh an-jab cheana féin, ach is minic a bhíonn siad srianta leis na mbrú chun múineadh de réir na tástála. Saoróidh an timthriall sóisearach nua leasaithe múinteoirí agus a gcuid mac léinn. Rachaidh sé chun leasa na dtuismitheoirí chomh maith trín i bhfad níos mó a bheith ar eolas acu faoi ghnóthachtálacha a gcuid páistí thar na trí bliana den timthriall sóisearach ná mar a d’fhéadfaidís a fháil amach riamh ó theastas Scrúdaithe Stáit ag deireadh an Teastais Shóisearaigh.”
Éileoidh an fócas nua ar an measúnú Forbairt Ghairmiúil Leanúnach (FGL) suntasach do na múinteoirí agus do na Príomhoidí. Cuirfear tús leis na cláir thacaíochta seo in 2013.
“Táim tar éis éisteacht le múinteoirí agus le Príomhoidí a bhí ag iarraidh go mbeadh an timthriall sóisearach nua acmhainnithe go hiomlán. Ní bhaineann na hathruithe atá á bhfógairt agam inniu le coigilt an airgid, le fírinne cosnóidh siad i bhfad níos mó orainn ná mar a tharlódh mura ndéanfainn tada. Fiú in am seo na géarchéime airgeadais, áfach, creideann an Rialtas gur chóir infheistiú inár gcuid páistí agus cuirfidh mé ar fáil na hacmhainní go léir a theastaíonn chun a chinntiú go n-éiríonn leis an timthriall sóisearach nua,” adúirt an tAire Quinn mar fhocal scoir.
Tá fógra an lae inniu ag teacht i ndiaidh fhoilsiú Towards a Framework for Junior Cycle – Innovation and Identity leis an CNCM i mí na Samhna seo caite. Tá pléanna mionsonraithe tar éis bheith ann idir an CNCM, oifigigh as an Roinn Oideachais agus Scileanna, an CSS agus na comhpháirtithe oideachais faoina gcur i bhfeidhm siúd.
Dúirt an Dr. Anne Looney, POF an CNCM, “Tar éis don CNCM athbhreithniú a dhéanamh, ba léir go mba ghá dúinn tosnú ar an bpróiseas a bhain le bogadh ar shiúl ó scrúdú cheann cúrsa i dtreo tuilleadh béime a chur ar an measúnú scoil-bhunaithe, agus chuireamar comhairle ar an Aire ar an mbonn sin. Tá an chomhairle sin glactha aige agus tá sé tar éis dul céim níos faide leis, agus a chomharthú go bhfuil sé ag cur deireadh leis an scrúdú cheann cúrsa a bhíomar i dtaithí air sa chaoi go mbeimid in ann díriú ar an tsamhail scoil-bhunaithe ar mhaithe leis féin, seachas é bheith de bhreis ar an méid a dhéanaimid faoi láthair i scrúdú an Teastais Shóisearaigh. I gcóras atá chomh mór sin i dtaithí ar na scrúduithe, beidh sé ina dhúshlán do gach duine – lastigh den chóras agus lasmuigh de – iad féin a oiriúnú don mheon nua. Ach tá fianaise an taighde soiléir faoi na sochair a théann leis an meon nua sin – do mhúinteoirí, do na mic léinn agus do na tuismitheoirí. Agus go ngabhann na sochair sin ar aghaidh in éineacht leis na mic léinn go dtí an chéad chéim eile dá n-oideachas iar-bhunscoile.”
Dúirt Aidan Farrell, POF an CSS, “Tá an CSS ag súil le bheith ag obair leis an Roinn, leis an CNCM agus leis na comhpháirtithe oideachais chun na tograí seo a chur i gcrích. Oibreoimid go dlúth leis an CNCM chun uirlisí measúnaithe a dhearadh agus a fhorbairt a thacóidh leis na scoileanna agus leis na múinteoirí agus iad ag seachadadh na samhla nua measúnaithe.
Imreoidh an CSS ról criticiúil chun tacú leis an tionscnamh athraithe agus iad ag seachadadh scrúduithe reatha anTeastais Shóisearaigh i gcónaí. Is rud tábhachtach ar fad é go dtugann an t-athrú ag an timthriall sóisearach deis dúinn iarrachtaí níos dírithe a dhéanamh ag an timthriall sinsearach i dtreo modhanna éagsúla measúnaithe thar na hábhair scrúdaithe go léir.”
Clubanna Cumann na bhFiann 2012-2013
Deireadh Fómhair 2, 2012
Tá na Clubanna Óige oscailte ag Cumann na bhFiann arís ar fud na tíre! Tá fáilte i gcónaí roimh dhaltaí na ngaelscoileanna (Rang 4-6) agus na ngaelcholáistí freastal ar na Clubanna seo. Tugann sé deis do na daltaí an Ghaeilge a úsáid ar bhonn sóisialta taobh amuigh d’am scoile, gníomh a chuireann go mór le ábharthacht an teanga i saol an dalta.
Tá liosta na gclubanna ar fáil anseo: Cumann na bhFiann 2012-2013
Spraoi sa Seomra Ranga le Foinse Óg
Meán Fómhair 27, 2012
D’fhógair www.foinse.ie inniu seoladh sraithe nua ar líne d’acmhainní foghlama saor in aisce do mhúinteoirí agus do dhaltaí Bunscoile i gcomhar le COGG (www.cogg.ie). Tá os cionn 200 acmhainn úrscothach, lena n-áirítear crosfhocail, póstaeir, cluichí, líon na bearnaí agus pleananna ceachta do mhúinteoirí, ar fáil anois saor in aisce ar líne ag www.foinse.ie.
Tá na hacmhainní ar fad bunaithe ar théamaí curaclaim, a ligeann do mhúinteoirí ceachtanna iomlána a chur i dtoll a chéile leis na hacmhainní ar líne atá saor in aisce. Mar gheall ar éagsúlacht na n-acmhainní atá ar fáil ag www.foinse.ie tá rud éigin ar fáil do gach leibhéal cumais sa Ghaeilge.
Ag tógáil ar cháil Foinse dá n-ábhar oideachais den chéad scoth, d’fhorbair múinteoirí bunscoile na hacmhainní seo do mhúinteoirí Bunscoile. Tá na hacmhainní oiriúnach do gach leibhéal d’fhoghlaimeoirí Gaeilge agus is féidir iad a úsáid in go leor réimsí den churaclam.
I measc na n-acmhainní nua tá póstaeir dhaite tharraingteacha atá bunaithe ar théamaí laistigh den churaclam. Dearadh na póstaeir seo le go mbeidís éasca le húsáid ar chláir bhána idirghníomhacha agus le huasteilgeoirí, ach is féidir iad a chur i gcló freisin agus iad a úsáid i mbealach níos traidisiúnta.
Tá cluichí idirghníomhacha, crosfhocail, míreanna mearaí agus ceachtanna líon na bearnaí ina gcuid den tsraith acmhainní freisin, a ligeann do mhúinteoirí freastal ar chumais éagsúla laistigh den rang céanna.
Gach seachtain le linn an téarma scoile, foilseofar plean ceachta in Foinse (ar fáil leis an Irish Independent gach Céadaoin) a bhaineann leis na hacmhainní ar líne a thugann deis do mhúinteoirí agus do thuismitheoirí suim agus spéis a bpáistí sa Ghaeilge a chothú.
Níl le déanamh chun tosú leis na hacmhainní ach dul go www.foinse.ie agus gliogáil ar ár dtáb ‘Acmhainní’ chun an réimse iomlán acmhainní atá ar fáil a fheiceáil agus tús a chur leis an spraoi sa seomra ranga.
