Comhairliúchán Náisiúnta le leanaí agus le daoine óga maidir leis an Straitéis Náisiúnta Leanaí nua (2012-2017)
Márta 30, 2011
Tá tús curtha leis an obair sa Roinn Leanaí chun Straitéis Náisiúnta Leanaí nua a fhorbairt. Ba mhaith leis an Aire Leanaí nua, Frances Fitzgerald, TD, a fháil amach céard iad na saincheisteanna atá tábhachtach i ndáiríre do leanaí agus do dhaoine óga ar fud na tíre chun an straitéis a threorú. Tabharfaidh an comhairliúchán náisiúnta an deis dóibh a gcuid tuairimí a chur in iúl faoi nithe a théann i bhfeidhm go díreach ar a saol.
Tugtar cuireadh do leanaí agus do dhaoine óga ceistneoirí a chomhlánú i ngach scoil agus Ionad Ógtheagmhála ar fud na tíre idir an Luan 4 Aibreán agus an Aoine 8 Aibreán 2011. Dearadh na ceisteanna i gcomhairle le leanaí agus daoine óga iad féin agus fiafraítear iontu faoi na nithe atá go maith agus nach bhfuil go maith, agus maidir leis na nithe a d’athróidís mar leanbh nó mar dhuine óg in Éirinn sa lá atá inniu ann.
Déanfaidh foireann comhairliúcháin i gColáiste na Tríonóide, Baile Átha Cliath, anailís ar na sonraí ar fad a bhailítear agus úsáidfear iad i bhforbairt na Straitéise Náisiúnta Leanaí nua. Déanfar tuarascáil ar an bpróiseas comhairliúcháin le leanaí a fhoilsiú ar líne níos déanaí i mbliana.
Léiríonn an tionscadal spreagúil seo tiomantas an Rialtais i leith spriocanna na Straitéise Náisiúnta Leanaí atá ann faoi láthair (2000-2010) agus i leith chur i bhfeidhm leanúnach Choinbhinsiún na Náisiún Aontaithe um Chearta an Linbh. Trí chúnamh a thabhairt maidir le cur chun cinn an chomhairliúcháin seo, tá tú ag cinntiú go mbeidh leanaí agus daoine óga in Éirinn in ann a gcuid tuairimí a chur in iúl faoi shaincheisteanna atá tábhachtach dóibh.
Líonra Réigiúnach – Cruinniú i nDroichead na Bandan, 7ú Márta
Márta 30, 2011
Tá Gaelscoileanna Teo. ag iarraidh gréasán tacaíochta a spreagadh idir scoileanna, le go mbeidh deiseanna rialta ag pobail na scoile saineolas agus taithí a roinnt ar a chéile, dúshláin a phlé agus obair i dteannta a chéile. Chuige sin, tá an tír roinnte i 16 réigiúin againn agus táimid i mbun cruinnithe a eagrú i ngach ceann acu siúd. Tugtar cuireadh do phobail na scoileanna áitiúla teacht agus bualadh le chéile i dteannta le hionadaí ón eagraíocht. Beidh cruinniú sa Munster Arms Hotel i nDroichead na Bandan, Co. Chorcaí ar an 7 Aibreán ag 5pm. Seo thíos na scoileanna atá san áireamh sa cheantar:
- Gaelscoil Bheanntraí
- Scoil Mhuire
- Gaelscoil Dhochtúir Uí Súilleabháin
- Gaelscoil Cloch na gCoillte
- Gaelcholáiste Chloch na gCoillte
- Gaelscoil Dhroichead na Banndan
- Gaelscoil Chionn tSáile
- Gaelscoil Uí Riada
- Gaelscoil Uí Ríordáin
- Gaelcholáiste Choilm
- Gaelscoil Mhúscraí
Tá na cruinnithe ar oscailt do phobal uile na scoileanna; foireann, Boird Bainistíochta, tuismitheoirí agus coistí bunaithe lonnaithe sa cheantar – ar ndóigh bheadh gach fáilte roimh toscaireacht ón scoil/coiste má tá cúpla duine gur mian leo teacht! Cuirfear tae, caife agus ceapairí ar fáil, beidh cur i láthair gearr ann maidir leis na tacaíochtaí atá ar fáil ó Ghaelscoileanna Teo. agus ansin beidh deis plé ann ar na féidearthachtaí a fheiceann sibh i leith tacú agus comhoibriú lena chéile amach anseo.
Tá tuilleadh eolais le fáil ach ríomhphost a chur go Clare: cspainneach@gaelscoileanna.ie.
Líonra Réigiúnach – Cruinniú i gColáiste Eoin, BÁC, 6ú Aibreán
Márta 30, 2011
Tá Gaelscoileanna Teo. ag iarraidh gréasán tacaíochta a spreagadh idir scoileanna, le go mbeidh deiseanna rialta ag pobail na scoile saineolas agus taithí a roinnt ar a chéile, dúshláin a phlé agus obair i dteannta a chéile. Chuige sin, tá an tír roinnte i 16 réigiúin againn agus táimid i mbun cruinnithe a eagrú i ngach ceann acu siúd. Tugtar cuireadh do phobail na scoileanna áitiúla teacht agus bualadh le chéile i dteannta le hionadaí ón eagraíocht. Beidh cruinniú ar siúl i gColáiste Eoin, Bóthar Stigh Lorgan, Co. Átha Chliath ar an 6 Aibreán ag 4pm. Seo thíos na scoileanna atá san áireamh sa cheantar:
- Gaelscoil Lios na nÓg
- Scoil Bhríde
- Scoil Mológa
- Coiste bunaithe Gaelcholáiste Dheisceart Átha Cliath
- Gaelscoil Chnoc Liamhna
- Gaelscoil Thaobh na Coille
- Scoil Naithí
- Scoil Lorcáin
- Coláiste Eoin
- Coláiste Íosagáin
- Gaelscoil Phádraig
Tá na cruinnithe ar oscailt do phobal uile na scoileanna; foireann, Boird Bainistíochta, tuismitheoirí agus coistí bunaithe lonnaithe sa cheantar – ar ndóigh bheadh gach fáilte roimh toscaireacht ón scoil/coiste má tá cúpla duine gur mian leo teacht! Cuirfear tae, caife agus ceapairí ar fáil, beidh cur i láthair gearr ann maidir leis na tacaíochtaí atá ar fáil ó Ghaelscoileanna Teo. agus ansin beidh deis plé ann ar na féidearthachtaí a fheiceann sibh i leith tacú agus comhoibriú lena chéile amach anseo.
Tá tuilleadh eolais le fáil ach ríomhphost a chur go Clare: cspainneach@gaelscoileanna.ie.
Folúntais do Mhúinteoirí
Márta 30, 2011
Coláiste na bhFiann
Folúntais do mhúinteoirí ar Chúrsaí Samhraidh Gaeilge ar fud na tíre
• Ros Muc, Co. na Gaillimhe.
• Ráth Cairn, Co. na Mí.
• Droim Rí (Baile an Uairnigh), Co. na Mí.
• Sligeach, Co. Shligigh.
• Cill Áirne, Co. Chiarraí.
• Dún Dealgán, Co. Lú
Cúrsa 1: 05.06.2011 – 25.06.2011
Cúrsa 2: 26.06.2011 – 16.07.2011
Cúrsa 3: 24.07.2011 – 13.08.2011
Tuilleadh eolais ar fáil ó Mhichelle:
Fón: 01 – 8259342 nó michelle@colaistenabhfiann.ie
Cúrsa do mhúinteoirí ionchais
Márta 30, 2011
An bhfuil tú ag smaoineamh tabhairt faoin mbunmhúinteoireacht?
Beidh dianchúrsa Gaeilge a reáchtáil ag Conradh na Gaeilge do chéimithe ar spéis leo áit a bhaint amach ar Chúrsa Oiliúna sa Bhunmhúinteoireacht. Tá inniúlacht sa Ghaeilge mar chuid riachtanach den cháilíocht. Mar sin beidh an cúrsa seo oiriúnach do dhaoine a bheidh ag tabhairt faoi agallaimh chun áit a bhaint amach ar na cúrsaí oiliúna. Beidh an cúrsa ar siúl in Áras na nGael gCathair na Gaillimhe ar an 10 Aibreán. Tabharfar ranganna ullmhúcháin do na rannpháirtithe ina bheidh an bhéim ar scileanna comhrá a neartú. Is féidir eolas breise agus foirmeacha clárúcháin a fháil ó Chonradh Na Gaeilge. Cuir glaoch ar 091 567824 agus nó seol ríomhphost chuig conradh@bradan.iol.ie.
Foinse
Change how Irish is taught at primary level
Márta 30, 2011
Students of irish relying on memorising answers
Márta 30, 2011
Deiseanna do Ghaeilgeoirí agus níos mó le teacht
Márta 30, 2011
Tá deiseanna ann do Ghaeilgeoirí agus beidh amach anseo.
B’ shin an teachtaireacht a cuireadh in iúl do 270 dalta scoile a d’fhreastail ar an seimineár mar gheall ar ghairmeacha le Gaeilge a d’eagraigh An Chomhdháil i gCeatharlach ar 25 Márta. “Tá neart deiseanna ann agus tá feabhas mór tagtha ar an scéal le fiche bliain anuas”, dar le Traic Ó Braonáin atá ina Bhainisteoir ar Chumann na bhFiann. Labhair Emma Whitmore, oifigeach forbartha Gaeilge i gCeatharlach faoi na deiseanna a thug an Ghaeilge di nuair a bhí sí ina hiriseoir. “Bhí sé go mór ina bhuntáiste mar bhí mé ábalta colúin a scríobh i nGaeilge agus i mBéarla- agus bíonn scileanna mar seo an-luachmhar d’fhostóirí”, a deir sí. Tá tuilleadh eolais mar gheall ar bhuntáiste breise na Gaeilge ar fáil ar www.gaelport.com
Foinse
Deiseanna oibre le Gaeilge pléite i gCeatharlach
Márta 29, 2011
Tá deiseanna ann do Ghaeilgeoirí sa saol oibre agus beidh amach anseo. B’ shin an teachtaireacht a cuireadh in iúl do 270 dalta scoile a d’fhreastail ar an seimineár mar gheall ar ghairmeacha le Gaeilge a d’eagraigh An Chomhdháil i gCeatharlach ar 24 Márta.
D’fhreastail daltaí atá ó scoileanna ar fud oirdheisceart chúige Laighean ar an seimineár atá ag taisteal ó cheantar go ceantar ó bhí 2008 ann.
“Tá neart deiseanna ann agus tá feabhas mór tagtha ar an scéal le fiche bliain anuas”, dar le Traic Ó Braonáin atá ina Bhainisteoir ar Chumann na bhFiann. Mhol sé do na daltaí gach deis a thapú agus taithí oibre a lorg i láithreacha oibre lán-Ghaeilge má tá suim acu sa Ghaeilge.
Mhol an t-imreoir camógaí ar fhoireann Phort Láirge, Mairéad Ní Mhurchú do na daltaí dul le gairm beatha a bhfuil spéis acu ann.
“ Is aoibhinn liom an Cumann Lúthchleas Gael mar sin ba mhór an deis a thug an Ghaeilge dom bheith ag obair mar léiritheoir ar chláir spóirt TG4”, a deir sí.
Tá Eibhlín de Paor ar aon tuairim le Máiréad. Tá Eibhlín ina hÁisitheoir Ealaíon i gCúige Mumhan agus deir sí go bhfuil go leor cúrsaí gur féidir a dhéanamh sna hollscoileanna anois trí Ghaeilge.
Labhair Emma Whitmore, oifigeach forbartha Gaeilge i gCeatharlach faoi na deiseanna a thug an Ghaeilge di nuair a bhí sí ag obair mar iriseoir. “ Bhí sé go mór ina bhuntáiste mar bhí mé ábalta colúin a scríobh i nGaeilge agus i mBéarla- agus bíonn scileanna mar seo an-luachmhar d’fhostóirí”, a deir sí.
Fáilte roimh ráiteas an Aire Oideachais agus Scileanna go mbunófar Fóram do Phátrúnacht agus Iolrachas
Márta 29, 2011
Fáiltíonn GAELSCOILEANNA TEO. roimh ráiteas an Aire Oideachais agus Scileanna, Ruairí Quinn, go mbunófar Fóram do Phátrúnacht agus Iolrachas ag an mbunleibhéal. Tá súil againn go dtabharfaidh an fóram seo deis dúinn dul i ngleic leis na saincheisteanna atá ann maidir le héileamh ar an ngaelscolaíocht agus an soláthar reatha. Is cúis dóchais dúinn go bhfuil éileamh ar na ngaelscolaíocht luaite go sonrach sa ráiteas agus tá sé tábhachtach go n-aithneofar gur sainmheon teanga atá i gceist leis an ngaelscolaíocht, agus go bhfreastalaíonn scoileanna lán-Ghaeilge ar na sainmheoin creidimh uile.
Is í GAELSCOILEANNA TEO. eagraíocht chomhordaitheach na scoileanna lán-Ghaeilge. Cabhraíonn sí le tuismitheoirí agus le grúpaí áitiúla scoileanna nua a bhunú agus tacaíonn sí leis na scoileanna atá bunaithe cheana féin.
