Leabhar Nua “Music is the Key”
Feabhra 16, 2012
Déanann “Music is the Key to unlocking your child’s potential” scríofa ag Karen O’ Connor, Comhairleach Urlabhra agus Teanga, cur síos ar an dul chun cinn a dhéanann páistí le hUathachas, Sindróim Aspergers, Dyspraxia agus dúshláin foráis eile, le cabhair ó Theiripe Fuaime le bunús Ceoil. Déanann sí cur síos ar an maitheas a dhéanann sé do pháistí go háirite ar an gcaoi a ndéanann sé páistí níos socair. Bíonn siad níos áirdiúil, níos dírithe iad agus cabhraíonn sé lena gcumas foghlaim.
Tháinig Theo, trí bhliana d’aois go dtí Karen le hUachtachas trialach. Tar-éis dhá bhliain, tá Theo in bhuachaill spraíúil, geall gháireach. Tá sé ag freastal ar a scoil áitiúil gan aon tacaíocht bhreise. Tháinig Raphael go dtí í mar stop dheireadh. Bhí fíor bheagán cainte aige agus ní raibh aon idirghníomhú aige le daoine eile. Anois tá neart cainte aige mar a bheadh ag aon pháiste eile chúig bhliana agus taitníonn go mór leis a bheidh ag spraoi lena chairde.
Is é “Music is the Key to unlocking your child’s potential” an chéad leabhar i sraith leabhar a thabhairfeas dóchas do thuismitheoirí agus do pháistí trí scéalta cosúil le scéal Theo agus Raphael a chloisteáil agus an bealach a chlóigh siad a bhfadhb foráis le Theiripe Fuaime le bunús ceoil.
Tá seacht mbliana déag taithí ag Karen o’ Connor, atá bunaithe i nGaillimh, ag obair le páistí le fadhbanna foráis. Scríobh sí an leabhar seo chun a cuid taithí agus eolas a roinnt le teaghlaigh ar fud an domhain.
Tá an leabhar “Music is the Key to unlocking your child’s potential” foilsithe ag Londubh ar an 17ú Feabhra 2012 ar €12.99/£10.99.
Bí páirteach i roghnú Laureate na nÓg 2012-2014 d’Éirinn
Feabhra 16, 2012
Ba mhaith linn cuireadh a thabhairt duit a bheith páirteach i roghnú Laureate na nÓg 2012-2014 d’Éirinn. Cuireadh tús leis an togra tábhachtach seo sa bhliain 2010 nuair a ceapadh Siobhán Parkinson mar Laureate.
Cuirfidh Siobhán críoch lena téarma samhlaíoch rathúil mar Laureate i mí Bhealtaine 2012. Táimid ag tabhairt cuireadh duit mar sin údar nó maisitheoir Éireannach a ainmiú mar an dara laureate. Is togra de chuid na Comhairle Ealaíon é Laureate na nÓg le tacaíocht ó Oifig an Aire Leanaí agus Gnóthaí Óige, Leabhair Pháistí Éireann agus Poetry Ireland.
Is iad seo a leanas na haidhmeanna atá leis an tionscadal tábhachtach seo:
1. Litríocht d’ardhchaighdeán do pháistí a chur in aithne do dhaoine fásta, do pháistí agus do dhaoine óga
2. Próifíl litríocht do pháistí in Éirinn a ardú
3. Aird na meán ar litríocht do pháistí a mhéadú go hidirnáisiúnta in Éirinn
4. Litríocht do pháistí a thabhairt isteach i mórshruthanna an chomhrá faoi leabhair agus litríocht in Éirinn
5. Comhpháirtíocht agus comhoibriú a bhunú ina measc siúd atá páirteach i earnáil na litríochta do pháistí
Thar ceann an Choiste Stiúrtha, tugann CBI cuireadh duit ainmniúchán a dhéanamh don Laureate. Is ceart duit an t-ainmniúchán a bhunú ar an critéir seo a leanas:
- Is ceart go measfar go bhfuil corpas saothair scríbhneoireachta nó maisiúcháin d’ardchaighdeán do leanaí atá aitheanta go hidirnáisiúnta ag an laureate.
- Is ceart go measfar go bhfuil cion ar leith déanta ag an laureate ar son litríocht do leanaí in Éirinn agus tionchar dearfa a bheith acu ar léitheoirí agus ar scríbhneoirí agus ar mhaisitheoirí eile.
- Is ceart go léireodh an laureate fonn agus scil agus iad a plé le leanaí, le daoine óga, le daoine fásta agus leis na meáin agus leis an earnáil i gcoitinne
- Is ceart go léireodh an laureate díograis i leith litríocht do leanaí a chur chun cinn
- Ní mór don laureate a bheith Éireannach.
Is féidir leat suas le beirt údar agus beirt mhaisitheoir a ainmniú. Cuirfidh an coiste stiúrtha gearrliosta le chéile as na daoine a ainmnítear, agus roghnóidh an coiste roghnaithe duine díobh le bheith ina Laureate na nÓg 2012-2014. Beidh ionadaithe ón gComhairle Ealaíon, Leabhair Pháistí Éireann, Oifig an Aire Leanaí agus Gnóthaí Óige agus Poetry Ireland chomh maith le saineolaithe ó réimse limistéirí ábhartha. Déanfar an roghnú de réir an gcritéar sa liosta thuas. Ní mór ainmniúcháin a fháil roimh 5pm ar an 24 Feabhra 2012. Ní ghlacfar le hainmniúchán ar bith tar éis an spriocdáta sin. Fógrófar Laureate nua na nÓg i mí Bhealtaine 2012.
Tá na sonraí iomlána faoi Laureate na nÓg ar fáil ag:
http://www.childrenslaureate.ie/
Ciarraí na heolaíochta abú!
Feabhra 16, 2012
Ócáid a chuireann gliondar ar SAOL i gcónaí é Taispeántas Eolaí Óg BT na bliana san RDS i dtús gach bliana. Níos mó fós i mbliana mar bhí an chuma ar an scéal i mbliana go raibh líon na n-iontrálacha i nGaeilge dulta i méid.
Lucy Nic Sandair agus Mairéad Ní Mhurchú, beirt daltaí i gColáiste Íde, An Daingean, Co. Chiarraí, a chroch leo Duais Speisialta Fhoras na Gaeilge mar aon le hArdmholadh sa Taispeántas dá n-iontráil. Rinneadar scagadh ar ‘An gcuireann súile agus lámha ceannasacha isteach ar spóirt?’ Thug na cailíní an cur síos seo ar an méid a rinneadar.
‘Táimid ag cruthú go gcuireann lámha agus súile ceannasacha isteach ar spóirt trí thriail bheag a dhéanamh lenár gcomhscoláirí. Chun an tionscnamh seo a dhéanamh, bhí orainn a lán scoláirí ó scoileanna éagsúla a fháil chun 10 saorchaitheamh a dhéanamh ar an chúirt chispheile agus an teist Miles a dhéanamh. Is é atá i gceist leis an triail seo ná go raibh ar na scoláirí a lámha a shíneadh amach ar leathanach a raibh spota air agus bhí orthu triantán beag a dhéanamh lena lámha. Bhí ar na scoláirí féachaint tríd an triantán lena dhá súile oscailte, ansan bhí orthu a lámha a tharraingt suas chuig a n-aghaidh. Níor thugadar faoi ndeara é ach tharraingíodar a lámha suas chuig súil amháin.
Rinneamar ár dtrialacha le 88 scoláire agus fuaramar amach go raibh 39.08% díobh crosaithe, 54.02% neamhchrosaithe agus ní raibh aon súil cheannasach ag 6.89% díobh. Bhí ar na scoláirí 10 saorchaitheamh a dhéanamh, fuair na daoine a bhí neamhchrosaithe 25% de na ciseáin isteach agus fuair na daoine nach raibh aon súil cheannasach acu 41% de na ciseáin isteach.’ Iad beirt san RDS i dteannta a bpríomhoide, Áine Ní Chearbhaill.
Cúrsa 2 Lá i Leitir Mealláin, Conamara á reáchtáil ag Spleodar
Feabhra 16, 2012
Tá Spleodar ag eagrú cúrsaí 2 lá i Leitir Mealláin, Gaeltacht Chonamara do lucht bunscoile agus meánscoile (Rang 4 – 6ú bhliain).
Beidh scoláirí ag fanacht i dtithe le mná tí agus beidh ard-chinnirí leo an t-am ar fad.
Thart ar €130 an duine a bheidh ar an gcúrsa (ag brath ar an méid atá ag dul d’fhéadfadh an praghas sin ísliú). Áirithe ar sin, tá lóistín dhá oíche, dhá bhricfeasta, dhá dhinnéar, dhá lón agus kayakadóireacht mara.
Beidh dhá riail ann don chúrsa dhá lá seo. Is gá Gaeilge a labhairt an t-am ar fad agus is gá fanacht i ngrúpa leis an ard-chinnire an t-am ar fad.
Más suim leat do rang a thógáil rachaidh duine ó Spleodar chuig do scoil chun bualadh leis na múinteoirí a bheidh ag dul leis na scoláirí agus chun labhairt leis na scoláirí. Má tá am faoi leith don bhliain uaibh is féidir linn oibriú timpeall ar sin freisin.
Eagraítear na cúrsaí seo i rith na seachtaine don chuid is mó agus beidh deis ag na múinteoirí a thagann lena rang ranganna a dhéanamh leo ar maidin.
Ionas gur féidir linn freastal ar na scoileanna ar fad atá ag iarraidh teacht chugainn iarrtar oraibh teacht i dteagmháil linn go luath más mian leat do rang a thógáil ann.
Teagmháil:
Carmel Nic Eochaidh
Bainisteoir Iar-Aire
087 9964512
Tuilleadh Eolais:
Parents in Kildare furious as children of gaelscoileanna ignored
Feabhra 16, 2012
A simple formula for education
Feabhra 16, 2012
Eagraíochtaí Gaeilge slán go dtí Meitheamh 2013
Feabhra 15, 2012
In Inis Ceithleann inniu thug an Chomhairle Aireachta Thuaidh Theas treoir do Fhoras na Gaeilge go leanfaí ag cur maoiniú eatramhach ar fáil do na heagrais bunmhaoininthe Gaeilge suas go dtí an 30 Meitheamh 2013.
D’fhreastail Carál Ní Chuilín, MLA, Aire Cultúir, Ealaíon agus Fóillíochta, Donnchadh Mac Fhionnlaoich, TD, Aire Stáit ar a bhfuil freagracht ar leith as Gnóthaí Gaeltachta agus Jonathan Bell, MLA, Aire Sóisearach, ag an gcruinniú.
Sa chomhráiteas a eisíodh tráthnóna inniu, nótáil na hAirí an dul chun cinn atá déanta go dtí seo ag Foras na Gaeilge i dtaca le forbairt samhail nua iomaíoch mhaoinithe.
Níor moladh áfach go ndéanfaí athbhreithniú ar an gcomhairliúcháin poiblí, gníomh á bhí á lorg ag na heagrais le tamall anuas.
Athbhreithniú ar mhaoiniú na nEagras
Faoi láthair, tá comhairliúchán poiblí ar bun ag Foras na Gaeilge maidir leis an Samhail nua mhaoinithe mar atá molta acu do na 19 eagrais Ghaeilge a fhaigheann bunmhaoiniú ó Fhoras na Gaeilge.
I Mí Mheán Fomhair, thug an CATT treoir d’Fhoras na Gaeilge dul i mbun comhphlé leis an earnáil dheonach maidir le struchtúr úr maoinithe do na heagrais bunmhaoinithe.Iarradh ar an bhForas cás gnó mionsonraithe a ullmhú chun tacú le punann na ndréacht-scéimeanna a bhí beartaithe mar chuid den struchtúr maoinithe úr agus plean tionscadail athbhreithnithe a ullmhú, a thabharfaidh aird ar chur i gcrích an phróisis.
Faoin tSamhail Nua Mhaoinithe déanfar an maoiniú a dháileadh laistigh d’ocht scéim. I measc na scéimeanna siúd beidh: scéim abhcóideachta, scéim áiseanna foghlamtha, scéim na nEalaíon, Scéim Óige, Scéim Raidió Pobail, Scéim Tacaíochta Oideachais, Scéim Réamhscolaíochta agus Scéim Tacaíochta Pobail.
Mar a tuairiscíodh ar Gaelport.com roimhe seo, ta na heagrais bhunmhaoinithe den tuairim go bhfuil sé beartaithe ag an bhForas deireadh a chur le bunmhaoiniú an 19 eagras atá faoina scáth, gan dul i gcomhairle leis an earnáil d’fhonn staid reatha na hoibre a fhiosrú chun teacht ar mhodhanna nua oibre. Tá sé curtha in iúl go lom ag na heagrais nach mbeidh siad in ann feidhmiú gan bhunmhaoiniú
I Mí na Nollag, d’eisigh na heagrais comhráiteas ag léiriú a mbuartha, inar mhol siad d’Fhoras na Gaeilge “meicníocht idirbheartaíochta” a aontú leo le teacht ar chóras nua maoinithe a thacóidh agus a spreagfaidh an Ghaeilge sa phobal ar bhonn pleanáilte agus aontaithe.
Tuarascálacha Bliantúla an Fhorais
Tuairiscíodh inniu go mbeidh Tuarascáil Bhliantúil an Fhorais Teanga don bhliain 2008 le cur faoi bhráid an Oireachtais san Earrach.
Chomh maith leis sin beidh athbhreithniú a dhéanamh ar dílarú Fhoras na Gaeilge i bhfianaise cinneadh an rialtais cealú an chláir dhíláraithe, de bharr na ndeacrachtaí reatha eacnamaíochta, agus cealú roinnt tionscadal, cuid acu fágtha mar atá agus athbhreithniú á dhéanamh ar chuid eile acu. Breathnóidh an dá Roinn ar na himpleachtaí a eascróidh as an cinneadh sin don Fhoras Teanga.
©Foilsithe ar Gaelport.com 14 Feabhra 2012
Mayo teachers to bring small schools’ campaign to Taoiseach’s door
Feabhra 15, 2012
Government not serious about 20 year strategy?
Feabhra 14, 2012
Craobh an Earagail de Chumann Múinteoirí Éireann ag eagrú Mórshiúl ar an Satharn 25 Feabhra i nGaoth Dobhar
Feabhra 14, 2012
Tá Lá Agóide Náisiúnta ar fud na tíre ar an Satharn 25 Feabhra ag cur in éadan na ciorraithe i mBuiséad 2012 ag a bhfuil impleachtaí ar scoileanna bheaga. Ciallaíonn na ciorraithe seo go mbeidh níos mó páistí sna seomraí ranga agus níos lú tacaíocht ar fail do na páistí.
Tá Craobh an Earagail de Chumann Múinteoirí Éireann ag eagrú Mórshiúl ar an Satharn 25 Feabhra i nGaoth Dobhar ag teacht le chéile ar an Screabán (oifig Roinn na Gaeltachta) ag an 12 i.n. Iarraimid ar phobal na scoile uilig, Bord Bainistíocht, tuismitheoirí agus foireann tacú linn ar an lá.
Tuilleadh eolais:
Bernadette Ní Dhuibhir,
Craobh an Earagail, 087 1825358
