Comórtas: Láithreoir Óg á lorg ag RnaG
Aibreán 3, 2013
An ceoltóir óg tú le suim sa cheol agus i láithriú raidió? Más ea, seo do dheis!
Mar chuid de Sheachtain na nÓg ar RTÉ, tá Raidió na Gaeltachta ag tabhairt deis do láithreoir óg an clár Béal Maidine a láithriú i dteannta Neansaí Ní Choisdealbha ar an Domhnach 21 Aibreán ó 8am-10 am.
Bíonn Béal Maidine ar siúl maidin Dé Sathairn agus Dé Domhnaigh – is í Áine Hensey a bhíonn sa chathaoir ar an Satharn, agus Neansaí ar an Domhnach. Cloistear rogha breá ceoil ar na cláracha, maraon le hiarratais agus cur síos ar ócáidí ceoil.
Má tá suim agat a bheith san iomaíocht, seol taifead isteach chuig Raidió na Gaeltachta ina gcuireann tú píosa ceoil i láthair as Gaeilge.
Beidh Neansaí ag lorg iarrthóir le Gaeilge mhaith, tuiscint ar an gceol agus stíl dheas láithreoireachta.
Seol isteach d’iarratas chuig Comórtas Bhéal Maidine, c/o Neansaí Ní Choisdealbha, RTÉ Raidió na Gaeltachta, Casla, Conamara, Co. na Gaillimhe. Is féidir teagmháil a dhéanamh le Neansaí ag ceolbinnn@rte.ie
Féach www.rte.ie/rnag nó leathanach Facebook RTÉ Raidió na Gaeltachta le tuilleadh eolais a fháil.
Foilsithe ar Gaelport.com
Scoláireachtaí Lóistín i gColáiste Naomh Eoin, Inis Meáin don scoilbhliain 2013-14
Aibreán 3, 2013
Déanann an Roinn Gnóthaí Pobail, Comhionannais agus Gaeltachta maoiniú ar dheich gcinn de scoláireachtaí lóistín gach bliain chun deis a tabhairt do ghasúir ón mórthír a bhfuil cónaí orthu i limistéir taobh amuigh den Ghaeltacht freastal ar Choláiste Naomh Eoin, Inis Meáin ar feadh na bliana acadúla. Tarlaíonn an maoiniú seo faoi scéim na bhfoghlaimeoirí Gaeilge.
Bronntar an scoláireacht ar bhun bliantiúil. Má bhíonn an scoil sásta go bhfuil an dalta ag déanamh dul chun cinn suantasach sa Ghaeilge agus go bhfuil sé/sí báúil do shaol agus do chultúr an oileáin d’fhéadfadh dalta scoláireacht a fháil dá t(h)réimse oideachais dara leibhéal ina iomláine, agus tabhairt faoi scrúduithe na hÁrdteistiméireachta ar an oileán.
Cláraíonn na scoláirí sa meánscoil áitiúil Coláiste Naomh Eoin áit a múintear réimse leathan ábhair tré mheán na Gaeilge. Chomh maith leis an sealbhú teanga, tá buntáistí oideachais den scoth ar fáil. Is scoil bheag í Coláiste Naomh Eoin, le líon íseal daltaí, tréithe a chinntíonn go bhfaigheann gach dalta deis foghlamtha go barr a gcumais mar go mbíonn áird a múinteoirí ar a dtoil acu. Tá an foireann teagaisc óg, bríomhar agus sár-oilte ina gceird. Tá cairdeas agus meas idir an fhoireann agus na daltaí rud a chinntíonn atmaisféar mealltach don fhoghlaim. Déanann na múinteoirí maoirseoireacht ar thréimhse staidéir tar éis scoile chun go mbeidh deis ag na gasúir a gcuid obair bhaile agus staidéar breise a dhéanamh ar a gcompórd. Bíonn na scoláirí faoi chúram na scoile le linn gnáthuaireanta scoile agus le linn imeachtaí eagraithe ag an scoil taobh amuigh den gnáth chleachtas.
Is faoi chúram na mná tí a thógann ról “Loco Parentis” orthu féin, a bhíonn siad an chuid eile den am a mbíonn siad ar an oileán. Bíonn criathrú óna gardaí faighte do gach ball teaghlaigh ós cionn ocht mbliana déag d’aois chun slándail agus sábháilteacht an dalta a chinntiú.
Is iad tuismitheoirí na scoláirí amháin a bhíonn freagrach astu le linn taistil chuig agus ón oileán.
Is áit álainn shuaimhneach í Inis Méain, áit a bhfuil faoiseamh agus ionspráid le fáil taobh le taobh, é caomhnaithe ag am agus ag traidisiún, áit a dtarlaíonn spreagadh na foghlamtha go nadúrtha mar gheall ar a sceirdiúlacht agus a saoirse ó chathú an t-saoil. Tá pacáistí lóistín ar chostas réasúnta de €5,500 in aghaidh na bliana ar fáil do dhaltaí a bheadh oiriúnach don scoil. Clúdaíonn an costas seo lóistín agus cothaíocht a fhad agus atá siad ar an oileán. Íoctar leath den chostas roimh thús na scoil bhliana agus an chuid eile i mí Eanáir. Tá uas-theorainn socraithe ag an scoil ar na pacáistí seo chomh maith chun a chinntiú nach gcailltear na buntáistí aitheanta, sin uimhreacha beaga agus áird phearsanta na dteagascóirí a théann le hoideachas i gColáiste Naomh Eoin ar Inis Meáin.
Maireann na scoláirí le teaghlach áitiúil ar Inis Meáin ar feadh na bliana, is í an Ghaeilge an teanga teaghlaigh sna tithe seo agus faigheann na scoláirí léargas ar an nGaeilge mar theanga bheo agus mar ghnáth theanga pobail. Fanann siad leis an gclann ar feadh na bliana, ag dul abhaile gach dara deireadh seachtaine agus le linn laethanta saoire.
Is féidir breis eolas a fháil ó www.colaistenaomheoin.ie nó glaoch ar Mhairéad Ní Fhátharta ag 0877775567 chun suim a léiriú.
Suirbhé ar phátrúnacht foilsithe – Gaelscoil nua do Bhiorra, Contae Uíbh Fhailí
Aibreán 3, 2013
Tá an-áthas ar An Foras Pátrúnachta gur aithin suirbhé na Roinne ar thuismitheoirí an t-éileamh ollmhór atá ar oideachas lán-Ghaeilge i mBiorra, Contae Uíbh Fhailí. Moladh i dtuarascáil na Roinne gur cheart 23 scoil ilchreidmheach a bhunú, Gaelscoil i mBiorra ina measc. D’aithin an suirbhé go bhfuil éileamh mór ar oideachas lán-Ghaeilge i gceantair éagsúla; Mullach Íde, Na Sceirí agus Port Mearnóg i mBaile Átha Cliath san áireamh.
Dúirt Caoimhín Ó hEaghra, Ard Rúnaí ar An Foras Pátrúnachta, go raibh tuismitheoirí i mBiorra ag obair le fada chun scoil lán-Ghaeilge a fháil agus go raibh ríméad air gur éirigh leo. Tá An Foras Pátrúnachta ag súil go mór bheith ag obair leis an Eaglais Chaitliceach sa phróiseas seo.Is léir ó na torthaí eile sa tsuirbhé go bhfuil éileamh láidir d’oideachas lán-Ghaeilge timpeall na tíre. Is léir freisin go bhfuil éileamh ann don mhúnla atá á sholáthar ag An Foras Pátrúnachta.De réir tuarascáil na Roinne, bhí éileamh idir 4%agus 31% ar oideachas lán-Ghaeilge sna ceantair éagsúla.
Luíonn sé seo leis an méid atá a chur in iúl ag An Foras Pátrúnachta ó thús an phróisis. Tá cearta ag na tuismitheoirí agus daltaí seo agus tá dualgas oideachas lán-Ghaeilge a sholáthar dóibh.Tá iarracht déanta ag an Roinn Oideachais cothrom na féinne a chinntiú sa tsuirbhé ach braitear nach é seo an múnla chun freastal ar thuismitheoirí nach bhfuil mar chuid den tromlach. Cad mar gheall ar na tuismitheoirí a roghnaigh oideachas lán-Ghaeilge sna ceantair éagsúla?
Chuir An Foras Pátrúnachta na buarthaí seo in iúl don Roinn Oideachais sula ndearnadh an suirbhéar chúig cheantar píolótach agus arís nuair a foilsíodh na torthaí ó na ceantair sin. Mar an t-aon phátrún lán-Ghaeilge, beidh An Foras Pátrúnachta ag cur in iúl don Roinn ár n-imní go bhfuil faillí á dhéanamh ar phaistí, ar thuismitheoirí agus ar cheantair mura bhfuil an próiseas chun cinntiú go bhfuil aitheantas á thabhairt dóibh agus a mianta.Is gá féachaint ar cheist na Gaeilge agus ar na scoileanna lán-Ghaeilge go comhtháite. Tá sé soiléir nuair a fhaigheann daltaí agus tuismitheoirí oideachas lán-Ghaeilge go n-aithníonn siad na buntáistí agus go bhfuil siad rí-shásta leis an múnla. Tá sé soiléir freisin nuair a éiríonn leis An Foras Pátrúnachta tuismitheoirí a chur ar an eolas faoin múnla seo go roghnaíonn siad é dá bpáistí.
Dúirt Caoimhín Ó hEaghra go bhfuil An Foras Pátrúnachta, an t-aon phátrún a bunaíodh chun oideachas lán-Ghaeilge a chur chun cinn, ag obair go tréan chun tacaíocht a thabhairt do na scoileanna atá acu agus chun scoileanna nua a bhunú. Tá ról fíorthábhachtach á chomhlíonadh ag An Foras Pátrúnachta le tacaíocht ónár scoileanna, ónár dtuismitheoirí agus ó phobal na Gaeilge i gcoitinne. Táimid buíoch as seo agus ag súil leis an méid atá bainte amach go dtí seo a fhorbairt.
Bruíon na mbuíon ar RónánBeo@3 – spriocdháta ag teannadh linn!
Márta 26, 2013
Mar chuid de ‘Sheachtain na nDaoine Óga’ tá clár RónánBeo@3 ag tabhairt dúshlán ceoltóirí óga na tíre páirt a ghlacadh sa chomórtas Bruíon na mBuíon.
Tá siad ag tabhairt cuireadh do ghrúpaí nó ceoltóirí aonaracha amhrán nuachumtha chomhaimseartha a chumadh agus a sheoladh isteach chucu.
Beidh moltóirí an chomórtais ag treabh fríd na hamhráin uilig a thiocfaidh chugainn anseo le buaiteoir amháin a aimsiú.
Beidh an buaiteoir a fhógairt ar an Aoine an 19ú Aibreán.
’Sé an duais a bhéas ann nó taifeadadh EP (3 traic) i stiúideo Tommy McLaughlin, ball den ghrúpa ceoil ‘The Villagers’ lena chois sin beidh cuireadh a thabhairt don bhuaiteoir seinm ag an Chabaret Craiceáilte.
Rialacha…
- Tá an chomórtas seo dírithe ar dhaltaí meánscoile ar fud na tíre.
- Glacfar le hAmhráin chomhaimseartha nuachumtha le grúpa nó ceoltóirí aonaracha.
- Is féidir níos mó ná hiarratas amháin a sheoladh isteach ach an mhéid sin a chur in iúl i d’iarratas.
- Is é an Aoine an 29ú Márta spriocdháta an chomórtais!
- Seol d’amhrán chuig Rónán Beo RTÉ Raidió Na Gaeltacha, Na Doire Beaga, Leitir Ceanainn, Co Dhún na nGall nó mp3 chuig ronan@rte.ie
- Fógrófar an buaiteoir ar an Aoine an 19ú Aibreán.
- Ní bheidh athbhreithniú a dhéanamh ar chinneadh na moltóirí.
Príomhoide do Ghaelscoil nua i mbaile Chill Dara
Márta 21, 2013
Cuirtear fáilte roimh iarratais do phost an Phríomhoide.
Is scoil nua lán-Ghaeilge, comhoideachasúil í an Ghaelscoil nua do Bhaile Chill Dara faoi phátrúnacht AN FORAS PÁTRÚNACHTA.
Tá éiteas il-chreidmheach ag an scoil. Tá an scoil fós ag glacadh le hiarratais ó dhaltaí do Mheán Fómhar 2013.
Ba cheart litir clúdach, foirm iarratais do Phríomhoide i nGaeilge agus teistiméireachtaí a sheoladh ar ríomhphost amháin chuig: caoimhin@foras.ie
Glacfar le hiarratais suas go Dé hAoine, 12 Aibreán 2013.
Beidh na hagallaimh ar siúl go luath ina dhiaidh sin.
Tá tuilleadh eolais ar fáil ar www.foras.ie nó www.educationposts.ie
Príomhoide do Ghaelscoil na Céime, BÁC 18
Márta 21, 2013
Cuirtear fáilte roimh iarratais do phost an Phríomhoide.
Is scoil nua lán-Ghaeilge, comhoideachasúil í Gaelscoil na Céime faoi phátrúnacht AN FORAS PÁTRÚNACHTA. Tá éiteas il-chreidmheach ag an scoil. Tá an scoil fós ag glacadh le hiarratais ó dhaltaí do Mheán Fómhar 2013.
Ba cheart litir clúdach, foirm iarratais do Phríomhoide i nGaeilge agus teistiméireachtaí a sheoladh ar ríomhphost amháin chuig: caoimhin@foras.ie
Glacfar le hiarratais suas go Dé hAoine, 12 Aibreán 2013.
Beidh na hagallaimh ar siúl go luath ina dhiaidh sin.
Tá tuilleadh eolais ar fáil ar www.foras.ie nó www.educationposts.ie
Príomhoide do Ghaelscoil Theach na Giúise
Márta 21, 2013
Cuirtear fáilte roimh iarratais do phost an Phríomhoide.
Is scoil nua lán-Ghaeilge, comhoideachasúil í Gaelscoil Theach na Giúise faoi phátrúnacht AN FORAS PÁTRÚNACHTA. Tá éiteas il-chreidmheach ag an scoil. Tá an scoil fós ag glacadh le hiarratais ó dhaltaí do Mheán Fómhar 2013.
Ba cheart litir clúdach, foirm iarratais do Phríomhoide i nGaeilge agus teistiméireachtaí a sheoladh ar ríomhphost amháin chuig: caoimhin@foras.ie
Glacfar le hiarratais suas go Dé hAoine, 12 Aibreán 2013.
Beidh na hagallaimh ar siúl go luath ina dhiaidh sin.
Tá tuilleadh eolais ar fáil ar www.foras.ie nó www.educationposts.ie
Craobh Ceannais Scléip – Liosta na mBuaiteoirí
Márta 11, 2013
Amharclann an Axis, Baile Átha Cliath, 9 Márta 2013
B’iontach an lá a bhí againn san Axis, le 16 scoil ag dul in iomaíocht sa chraobh agus ag cur siamsaíocht agus spreagadh ar stáitse romhainn. Bhí ríméad orainn Kìla a bheith linn don lá, bhí Rossa mar fhear a’ tí agus Rónán, Colm agus Eoin i mbun moltóireacht. Bhí dúshlán acu buaiteoirí a roghnú toisc feabhas agus ard-chaighdeán na léirithe ar fad agus thug siad ard-mholadh do na rannpháirtithe uile as an muinín agus tallann a léirigh siad os comhar an tslua. Tá moladh ag dul don slua chomh maith, na tuismitheoirí, múinteoirí agus comhscoláirí a thug tacaíocht iontach do na hiomaitheoirí i rith na bliana agus ar lá na craoibhe féin; go raibh maith agaibh as bheith linn agus tá bualadh bos mór tuilte agaibh!
Cuirfear na grianghraif ón lá ar an suíomh go luath, agus seolfar cóipeanna amach chuig na scoileanna chomh maith. Beidh 5 chlár bunaithe ar Scléip á gcraoladh ar Raidió na Gaeltachta sna míonna amach romhainn, cuirfear fógra maidir leis na dátaí anseo a luaithe is a mbeidh siad deimhnithe.
Ba mhór linn buíochas ó chroí a ghabháil le gach éinne a chabhraigh linn Scléip a chur ar stáitse i mbliana; na scoileanna, na múinteoirí, na daltaí agus a dtuismitheoirí, na moltóirí agus láithreoirí, foireann na hamharclann, Fiachna Ó Braonáin agus Raven Productions, Kìla, Niamh Spain (a rinne na duaiseanna), Raidió na Gaeltachta, Raidió na Life agus Foras na Gaeilge. Táimid ag súil cheana féin le Scléip 2014!
Seo thíos liosta na mbuaiteoirí, comhghairdeas mór libh uilig.
Ceol nua-aimseartha (aonair):
- Muireann agus Sinéad, Coláiste an Eachréidh (sóisear)
- Na Sliomadóirí Slim Sleamhain, Coláiste Cois Life (sinsear)
Ceol nua-aimseartha (grúpaí):
- Sorcha Ní Chionnaith, Gaelcholáiste Chill Dara (sóisear)
- Amy Ní Cholgáin, Coláiste Cois Life (sinsear)
Rince cruthaitheach (aonair):
- Tara Ní Dhuinnín, Gaelcholáiste Chiarraí (sóisear)
- Dearbhla, Meánscoil Gharman (sinsear)
Rince cruthaitheach (grúpaí):
- Andi agus Izzie, Coláiste Pobail Osraí (sóisear)
- Beo le Ceol, Coláiste de hÍde (sinsear)
- Na Gnáth Amhrastaigh, Gaelcholáiste Chill Dara (sóisear)
- An Basadóir, Gaelcholáiste Chiarraí (sinsear)
- Clíona Ní Ghallchóir, Pobalscoil Ghaoth Dobhair (sóisear)
- Ceithleann Ní Dhuibhir Ní Dhualacháin, Pobalscoil Ghaoth Dobhair (sinsear)
Duais an Spotsholais:
Bronnta ar an iomaitheoir go bhfeiceann na moltóirí cumas ann; nach bhfuil an duais rannóige buaite aige i mbliana ach gur fiú faire amach dó sna todhchaí
- Cathal Ó Cuireáin, Pobalscoil Ghaoth Dóbhair
- Na Seacht bPeaca Mharfacha, Gaelcholáiste Chill Dara
- Gearóid Ó Gealbháin, Gaelcholáiste Chiarraí
Oíche eolais do thuismitheoirí maidir leis an ngaelscoil nua, Cill Dara, 21 Márta 2013
Márta 6, 2013
Osclófar Gaelscoil nua i mBaile Chill Dara i 2013 faoi phátrúnacht An Foras Pátrúnachta. Is scoil trí mheán na Gaeilge a bheidh ann a bhfuil comhoideachasúil agus a mbeidh sainspiorad ilchreidmheach aici.
Beidh an scoil nua lonnaithe i meánscoil an choiste gairmoideachais i mBaile Chill Dara, áit ina bhfuil Educate Together lonnaithe chomh maith. Tá An Foras Patrúnachta ag glacadh le hiarratais fós d’áiteanna sa scoil nua. Ba cheart do thuismitheoirí a bhfuil suim acu sa scoil seo, an fhoirm iarratais a líonadh isteach.
Ba cheart do thuismitheoirí an fhoirm iarratais a líonadh isteach agus a chur sa phost chuig An Foras Patrúnachta, Bloc K3, Campus Gnó Mhaigh Nuad, Maigh Nuad, Co Chill Dara chomh luath agus is féidir.
Reáchtálfar oíche eolais do thuismitheoirí na bpáistí – a bheidh ag tosú sa scoil i Meán Fómhair 2013 – in Ionad Oideachais Chill Dara i mBaile Chill Dara ar an Déardaoin 21 Márta 2013. Tosóidh an cruinniú ag 7pm.
Is é An Foras Pátrúnachta an pátrún is mó in Éirinn ar scoileanna lán-Ghaeilge ag an gcéad agus ag an dara leibhéal. Tá 61 bunscoil agus 5 mheánscoil faoina phátrúnacht.
An Foras Pátrúnachta :: +353-1-6294110 :: eolas@foras.ie
Oíche eolais do thuismitheoirí maidir leis an ngaelscoil nua, Teach na Giúise, 19 Márta 2013
Márta 6, 2013
Osclófar Gaelscoil nua i dTamhlacht i 2013 faoi phátrúnacht An Foras Pátrúnachta. Is scoil trí mheán na Gaeilge a bheidh ann a bhfuil comhoideachasúil agus a mbeidh sainspiorad ilchreidmheach aici.
Beidh an scoil nua lonnaithe ar shuíomh in aice leis an ionad pobail i dTeach na Giúise. Tá An Foras Patrúnachta ag glacadh le hiarratais fós d’áiteanna sa scoil nua. Ba cheart do thuismitheoirí a bhfuil suim acu sa scoil seo, an fhoirm iarratais a líonadh isteach.
Ba cheart do thuismitheoirí an fhoirm iarratais a líonadh isteach agus a chur sa phost chuig An Foras Patrúnachta, Bloc K3, Campus Gnó Mhaigh Nuad, Maigh Nuad, Co Chill Dara chomh luath agus is féidir.
Reáchtálfar oíche eolais do thuismitheoirí na bpáistí – a bheidh ag tosú sa scoil i Meán Fómhair 2013 – san ionad pobail i dTeach na Giúise ar an Máirt 19 Márta 2013. Tosóidh an cruinniú ag 7pm.
Thosaigh an An Foras Pátrúnachta, pátrún na scoile nua, ag déanamh feachtasaíochta d’oscailt Ghaelscoile i dTamhlacht i 2011 agus d’éirigh leis an bpátrún neart tacaíochta tuismitheora a fháil. Rinne An Foras Pátrúnachta iarratas ar phátrúnacht don scoil nua ansin i mí Dheireadh Fómhair, 2011.
I mí an Mhárta 2012, d’fhógair an t-Aire Oideachais & Scileanna, Ruairí Quinn,an phátrúnacht do na bunscoileanna nua a bheidh ag oscailt i mí Mheán Fómhair, 2012 agus mí Mheán Fómhair, 2013. Tá ríméad ar An Foras Pátrúnachta go mbeidh trí Ghaelscoileanna nua faoin bpátrún, Tamhlacht san áireamh, a bheidh ag oscailt i 2012 agus 2013.
Is é An Foras Pátrúnachta an pátrún is mó in Éirinn ar scoileanna lán-Ghaeilge ag an gcéad agus ag an dara leibhéal. Tá 61 bunscoil agus 5 mheánscoil faoina phátrúnacht.
An Foras Pátrúnachta :: +353-1-6294110 :: eolas@foras.ie
