Gaeilge do Thuismitheoirí – Acmhainn nua cheannródaíoch foilsithe do thuismitheoirí agus do mhúinteoirí
Meán Fómhair 6, 2016
Tá ríméad ar Gaelscoileanna Teo. suíomh gréasáin nua a fhógairt, darb ainm www.irishforparents.ie. Tá sé mar aidhm ag an suíomh seo freastal ar dhá riachtanas (i) múinteoirí a bhíonn ag múineadh ranganna Gaeilge do thuismitheoirí agus atá ag lorg ábhar teagaisc dá gcuid ranganna (ii) tuismitheoirí a bhfuil a bpáistí ag freastal ar scoil lán-Ghaeilge agus atá ag iarraidh cur lena gcuid Gaeilge agus níos mó a fhoghlaim faoi acmhainní a d’fhéadfadh cabhrú leo.
“Acmhainn nuálaíoch agus saor in aisce d’úsáideoirí atá ann a bheidh ina chabhair ach go háirithe do thuismitheoirí i mbunscoil lán-Ghaeilge, laistigh agus lasmuigh den Ghaeltacht a bhfuil cúnamh praiticiúil ag teastáil lena gcuid Gaeilge”, a deir Bláthnaid ní Ghréacháin, Ardfheidhmeannach Gaelscoileanna Teo. Cuimsíonn an acmhainn rannóg ar an suíomh a thugann eolas do thuismitheoirí maidir leis na hacmhainní atá ar fáil dóibh, atá rangaithe i dtrí chatagóir (i) foghlaim na Gaeilge (ii) an saol teaghlaigh (iii) obair scoile. Tá áis ar fáil ar an suíomh a thacóidh le tuismitheoirí agus iad ag cabhrú le hobair bhaile. Beidh cabhair bheo ar fáil dóibh idir 4 p.m. agus 6 p.m. ó Luan go Déardaoin má tá ceist acu a bhaineann le hobair bhaile trí Ghaeilge. Beidh múinteoirí cáilithe ar fáil le freagraí a thabhairt ar na ceisteanna.
Díríonn an dara cuid den suíomh ar mhúinteoirí a bhíonn ag múineadh ranganna Gaeilge do thuismitheoirí agus den chéad uair riamh tá acmhainn náisiúnta ar fáil a thugann treoir, tacaíocht agus cúnamh do na múinteoirí sin. Gheobhaidh siad ábhar teagaisc samplach dá gcuid ranganna ar an suíomh seo, ábhar samplach atá bunaithe ar shainriachtanais tuismitheoirí.
Anuas air seo, tá scrúduithe samplacha bunaithe ar Teastas Eorpach na Gaeilge ar fáil ar an suíomh chomh maith – tascanna scrúdaithe atá bunaithe ar shainriachtanais tuismitheoirí.
Beidh an suíomh seo á fhorbairt de réir a chéile – beidh ábhar teagaisc nua á chur leis i rith an fhómhair agus an gheimhridh. Beidh cúrsa oiliúna ar siúl ar an 8 Deireadh Fómhair i Marino ina mbeidh deis acu siúd a mhúineann ranganna Gaeilge do thuismitheoirí níos mó a fhoghlaim faoin ábhar teagaisc ar an suíomh agus faoi conas é a úsáid sa seomra ranga.
Gabhann Gaelscoileanna Teo. buíochas le Foras na Gaeilge as an maoiniú chun an togra seo a fhorbairt. Tá an chabhair bheo á maoiniú ag COGG agus á bainistiú go seachtrach ag múinteoirí cáilithe.
Le clárú don Chúrsa Oiliúna do mhúinteoirí:
Cuir ríomhphost chuig oifig@gaelscoileanna.ie roimh an Chéadaoin 21 Meán Fómhair 2016. Ní ghearrfar aon táille ar an gcúrsa. Tá spás d’uasmhéid 20 duine ar an gcúrsa oiliúna.
Tuilleadh eolais faoin acmhainn ag www.irishforparents.ie nó ó Bhláthnaid ní Ghréacháin ag 01 8535190.
Cosaint Leanaí sa Naíonra
Lúnasa 5, 2016
Tá leagan athbhreithnithe (i nGaeilge agus i mBéarla) den acmhainn do naíonraí foilsithe ag an National Early Years Children First Committee. Tá leaganacha PDF le híoslódáil thíos, agus beidh siad ar fáil i measc acmhainní eile do naíonraí ar an leathanach Acmhainní den suíomh seo. Má tá acmhainn in úsáid agat go shíleann tú gur fiú a roinnt ar naíonraí eile, le do thoil cuir ar ríomhphost é chuig clare@gaelscoileanna.ie.
Tá An tAcht um Thús Áite do Leanaí 2015 – Reachtaíocht Nua um Chosaint Leanaí clúdaithe sa cháipéis ar leathanach 31 & 32.
- Leagan Gaeilge – Beartas um Chosaint agus Leas Leanaí a Fhorbairt: Acmhainn do na Seirbhísí Luathbhlianta
- Revised – Developing a Child Protection & Welfare Policy: A Resource for Early Years Services
An Chéad Chomhdháil Taighde Uile-Oileánda ar an Tumoideachas: Páipéir roghnaithe ar fáil anois i bhfoirm PDF
Lúnasa 4, 2016
Níos mó ná riamh, tá gá le béim a chur ar thaighde, ar oideachas agus ar fhorbairt ghairmiúil leanúnach múinteoirí chun machnamh agus iniúchadh a dhéanamh ar bhuanna agus ar dhua an oideachais lán-Ghaeilge. Tá plé gairmiúil lánbhrí den sórt sin ríthábhachtach le haghaidh rath agus fhás leanúnach an oideachais lán-Ghaeilge in Éirinn agus le haghaidh an tumoideachais ar fud na cruinne.
Is ar an mbonn sin a eagraíodh An Chéad Chomhdháil Taighde Uile-Oileánda ar an Tumoideachas ar an Aoine 15 Bealtaine agus ar an Satharn 16 Bealtaine 2015 i gColáiste Mhuire gan Smál, Ollscoil Luimnigh. Ghlac lucht acadúil, cleachtóirí agus daoine gairmiúla páirt sa díospóireacht chriticiúil ar na ceisteanna leanúnacha agus ar na freagraí nuálacha ar leith a bhaineann leis an tumoideachas. Tá toradh ar an díospóireacht chriticiúil ar cuireadh tús léi ag an gcomhdháil le fáil sna hailt atá á bhfoilsiú mar imeachtaí na comhdhála san imleabhar seo, An Tumoideachas: Bua nó Dua.
Tá léargas san imleabhar ar threochtaí reatha taighde ar an tumoideachas i gcomhthéacs uile-oileánda na hÉireann. Tá 19 n-alt phiarmheasúnaithe sa leabhar seo atá curtha in eagar ag T.J. Ó Ceallaigh agus Muiris Ó Laoire. Tá na hailt bunaithe ar chuir i láthair a rinneadh ag an gCéad Chomhdháil Taighde Uile-Oileánda ar an Tumoideachas. Léirítear sna páipéir seo scoth an taighde agus an chleachtais a bhaineann le gnéithe éagsúla den tumoideachas teanga. Cuireann na húdair taighde nua i láthair agus déanann siad a machnamh ar na féidearthachtaí atá ann leis an oideolaíocht agus na beartais i réimse an tumoideachais a neartú. Cuntas cuimsitheach é atá sothuigthe mar sin féin, agus tabharfar suntas do na hailt i measc múinteoirí, taighdeoirí, oideoirí múinteoirí, lucht deartha curaclaim agus lucht déanta beartas atá ag obair i gcomhthéacsanna oideachais teangacha agus ag plé leo sin. Deis atá sa leabhar chun idirphlé tuisceanach thar chomhthéacsanna éagsúla agus malartuithe eolais a chur ar bun.
Tá An Tumoideachas: Bua nó Dua ar fáil go digiteach thíos.
An Tumoideachas: Bua nó Dua – Páipéir roghnaithe
Bruton rejects north Dublin appeal for secular Gaelscoil
Iúil 19, 2016
Minister for Education Richard Bruton has rejected an appeal against his decision to refuse permission for a multidenominational Gaelscoil in north Dublin.
Campaigners had called for a change in the criteria used to grant school patronage after an application to open an Irish-medium secular school was rejected by Mr Bruton earlier this year.
The proposed patronage body, An Foras Pátrúnachta, had submitted 733 names of children from within the catchment and adjacent areas – a record-breaking number in the history of the Gaelscoil movement.
There is no comparable multidenominational Irish-medium school in any of the adjoining school districts and had permission been granted the proposed school would be the only Irish-medium school of this type on the northside of the city.
Despite the “strong application” and noting the “strong level of demand for Irish medium education in the area,” Mr Bruton informed An Foras Pátrúnachta by letter that he did not see “any basis” for overturning the original decision.
The decision “highlights the flaws” in the process for opening Irish-medium schools, and is based “on the rigid application of the patronage determination process,” Cormac Mc Cashin of An Foras Pátrúnachta said.
“We were extremely disappointed to read in the Minister’s letter that he is not willing to grant recognition to an Irish-medium school, in spite of the compelling case made by An Foras Pátrúnachta,” Mr Mc Cashin said.
In his letter to an Foras Pátrúnachta, Mr Bruton cited the geographical criteria adhered to by the Department of Education .
“Of the 733 children in respect of whom a preference for an all-Irish school was collected in this instance, some 332 are in fact living outside of Drumcondra/Marino/Dublin 1 , although the purpose of providing the school is to cater for the projected demographic growth within the area.”
He added that the patronage body “is very familiar” with the operation of the patronage system adding that it would have been “very aware” that children from outside the defined area whose names were included on the list “could not be counted.”
“I appreciate that this is disappointing, particularly for parents whose expectations had been raised, but in the interests of fairness and transparency the school planning area boundaryhas to be adhered to under the published terms of the process for establishing new schools to meet demographic need.”
Permission to open the school was awarded to patronage body Educate Together which had the most names from directly within the catchment area.
While the majority of the names included in the Gaelscoil list were also from within the area, many were from adjacent districts.
Campaigners say the school selection process is skewed against those who wish to have their children educated through the medium of Irish. They say derogation should be given to Irish medium schools on the basis that they cannot numerically compete with English-language schools in such strictly-defined catchment areas.
“We have not asked the Minister to overturn the decision to grant a school to Educate Together, as they have clearly illustrated the demand for such, we have rather sought equity for you the parents who seek Irish Medium Education for (their) children,” Mr Mc Cashin said.
Mr Mc Cashin said that since its inception, An Foras Pátrúnachta has pointed out that the existing patronage process “is not an equitable one when trying to provide the greatest diversity in school options”.
He said the process also fails to meet the State’s commitments under the 20 Year Strategy for the Irish Language which states that a high standard of all-Irish education will be provided to school students whose parents/guardians so wish.
Mr Mc Cashin added that the Department of Education accepts that children who attend Gaelscoileanna travel from outside the Department’s school planning areas. “They have asked that these children be included in our applications to illustrate the wider demand,” he added.
Mr Bruton said the New Schools Establishment Group (NSEG) confirmed to him that the criteria for the process were applied “in a fair and transparent manner” and that the recommendations regarding patronage were “in accord with these requirements and criteria and gave due regard to the levels of parental demand demonstrated in the applications.”
Áthas agus díomá léirithe i dtaobh fhógra an Aire Oideachais & Scileanna maidir le bunscoileanna nua
Bealtaine 19, 2016
Áthas agus díomá léirithe i dtaobh fhógra an Aire Oideachais & Scileanna maidir le bunscoileanna nua
Beidh ceiliúradh ann i nDeisceart Bhaile Átha Cliath le fógra an Aire Bruton go bhfuil bunscoil ilchreidmheach lán-Ghaeilge nua aitheanta don cheantar. Faraor, ábhar ollmhór díomá atá san fhógra céanna do na tuismitheoirí a léirigh tacaíocht ollmhór don bhunscoil ilchreidmheach lán-Ghaeilge nua a bhí molta do cheantar Marino, Dhroim Conrach agus Bhaile Áth Cliath 1, éileamh atá diúltaithe ag an Aire agus an Roinn Oideachais & Scileanna.
Bunscoil ilchreidmheach lán-Ghaeilge nua le hoscailt i Stigh Lorgan/Baile na nGabhar
Ba mhaith le Gaelscoileanna Teo. comhghairdeas mór a dhéanamh le pobal agus pátrún na mbunscoile lán-Ghaeilge nua atá le hoscailt i gceantar Stigh Lorgan/Bhaile na nGabhar i mí Mheán Fómhair, de réir fhógra an Aire Oideachais agus Scileanna, Richard Bruton, inniu.
“As 3 bhunscoil nua beartaithe do Mheán Fómhair 2016, fáiltímid roimh fhógra an Aire Oideachais agus Scileanna, Richard Bruton, TD inné go mbeidh scoil ilchreidmheach lán-Ghaeilge ina measc”, a deir Oifigeach Sinsearach Polasaí & Forbartha, Clare Spáinneach. “Is cinneadh an-dearfach é seo a chinntíonn go mbeidh oideachas lán-Ghaeilge ar fáil mar rogha do pháistí a bhfuil suim ag a dtuismitheoirí sa chóras luath-thumoideachais; córas a thugann buntáistí ar leith don uile páiste. Beidh an scoil seo ag freastal ar pháistí de gach cineál cúlra teanga, creidimh agus cultúr agus cabhróidh sí go mór i dtaobh freastal ar an éileamh ollmhór atá ann ar oideachas ilchreidmheach trí mheán na Gaeilge”.
Osclófar an scoil faoi phátrúnacht an Fhoras Pátrúnachta. Socrófar cóiríocht chuí di le tacaíocht na Roinne Oideachais agus ceapfar príomhoide don scoil go luath. Osclóidh an scoil le rang naíonáin amháin. Is féidir le tuismitheoirí a bhfuil suim acu clárú don scoil dul i dteagmháil le Cormac Mc Cashin, Bainisteoir Riaracháin & Tacaíochta, An Foras Pátrúnachta chun tuilleadh eolais a fháil: cormac@foras.ie nó 01 629 4110.
Tuismitheoirí i dTuaisceart Bhaile Átha Cliath fágtha gan rogha dá bpáistí
Is ábhar mór díomá é, áfach, do phobal Marino, Dhroim Conrach agus Bhaile Átha Cliath 1 nár aithníodh an t-éileamh ollmhór ar oideachas lán-Ghaeilge ilchreidmheach sa cheantar sin. “Rinne coiste bunaithe an cheantair scoth na hoibre ó d’aithin an Roinn an ceantar sin mar cheantar do bhunscoil nua agus fuarthas 733 léirithe spéise ó thuismitheoirí áitiúla” a dúirt Ciara Ní Bhroin, Oifigeach Forbartha le Gaelscoileanna Teo. agus stiúrthóir an fheachtais sa cheantar. “Níl na scoileanna lán-Ghaeilge sa cheantar ábalta freastal ar an éileamh mór atá ar áiteanna scoile agus níl aon scoil lán-Ghaeilge ilchreidmheach sa chomharsanacht seo. Ní dhéanfaidh bunú na scoile nua, a bheidh ag teagasc trí Bhéarla, freastal ar mhianta na dtuistí seo dá bpáistí, agus níl aon áit eile ann dóibh”. Beidh Gaelscoileanna Teo. ag lorg achomharc ar cinneadh na Roinne gan aitheantas a thabhairt don scoil lán-Ghaeilge nua, agus leanfar leis an stocaireacht ar son cearta oideachais an 733 páiste a bhí ar liosta na scoile molta.
Is eagraíocht dheonach náisiúnta í Gaelscoileanna Teo. a thugann tacaíocht d’fhorbairt na scoileanna lán-Ghaeilge ag an mbunleibhéal agus ag an iar-bhunleibhéal. Ó Iúil 2014, tá Gaelscoileanna Teo. freagrach mar cheanneagraíocht as an réimse Tumoideachas/Gaeloideachas agus Réamhscolaíocht lán-Ghaeilge. Áirítear i measc róil agus feidhmeanna na heagraíochta comhairle, cúnamh agus tacaíocht do dhaoine ar mian leo oideachas lán-Ghaeilge dá bpáistí, mar aon le seirbhís tacaíochta do naíonraí agus scoileanna.
Scéim Iasachta Trealaimh do Naíonraí
Aibreán 27, 2016
Tá áthas ar Gaelscoileanna Teo. scéim tacaíochta nua do naíonraí a fhógairt. Cuirfidh an scéim seo trealamh forbartha/oideachasúil agus leabhair ar ardchaighdeán ar fáil ar bhonn iasachta do naíonraí. Tá sé mar aidhm acu bheith ina n-áiseanna luachmhara foghlama agus forbartha sa seomra naíonra agus go spreagfar na páistí bheith ag caint as Gaeilge. Tá réimse leathan trealaimh againn agus is féidir é a úsáid mar bhonn taca le téamaí Aistear a phlé. Is féidir iarratas a dhéanamh ar líne, agus rogha a dhéanamh maidir le Bosca Spéise, Cistin nó Siopa.
Tá gach eolas maidir leis an Scéim ar fáil anseo: Scéim Iasachta Trealaimh
Buntáistí an Oideachais Dátheangaigh – Longfort, 2 Márta
Feabhra 24, 2016
Tá fáilte roimh thuismitheoirí agus éinne gur suim leo cúrsaí oideachais, teanga agus forbairt an pháiste freastal ar an léacht phoiblí seo. Beidh an Dr. Hywel Lewis mar aoichainteoir ar an oíche agus is saineolaí é ar na buntáistí cognaíochta a thugann an t-oideachas dátheangach do pháistí; go ngnóthaíonn páistí i bhfad níos mó ná cumas teanga agus go mbíonn siad ina bhfoghlaimeoirí níos cumasaí agus níos muiníní i dtimpeallacht dhátheangach.
Leanfar an chaint le seisiún ceisteanna agus freagraí do thuismitheoirí le deis a thabhairt dóibh ceisteanna a chur ar phainéal, ar a mbeidh Yvonne Ní Mhurchú, príomhoide Ghaelscoil Longfoirt, maidir le haon ní a bhaineann le do pháiste a chur chuig scoil lán-Ghaeilge. An dtuigfidh siad an múinteoir? An mbeidh na tuismitheoirí in ann cabhrú leis an obair baile? An mbeidh na páistí in ann léamh i mBéarla? Bígí linn le haghaidh comhrá fáilteach agus oscailte le saineolaí aitheanta go hidirnáisiúnta ar an ábhar seo.
Tá tuilleadh eolais ar fáil ach teagmháil a dhéanamh le Clare ar 01 8535193. Tá an t-imeacht seo á eagrú ag Gaelscoileanna Teo. agus Conradh na Gaeilge le feasacht a ardú maidir le hoideachas lán-Ghaeilge.
Scéim Tacaíochta Teanga 2016
Feabhra 8, 2016
Tá an scéim phíolótach seo á reáchtáil ag Gaelscoileanna Teo. le cúnamh a thabhairt do stiúrthóirí naíonra agus d’fhoireann neamh-theagaisc na scoileanna gur mian leo feabhas a chur ar a gcuid Gaeilge nó tabhairt faoin scrúdú TEG. Faoin scéim seo is féidir tabhairt faoi oiliúint sa Ghaeilge ag aon leibhéal agus eagraithe ag aon fhoras oiliúna. D’fhéadfaí tabhairt faoin scrúdú TEG, ranganna oíche, cúrsa Gaeilge ar líne, sainchúrsa teanga, dianchúrsa gramadaí, cúrsa Gaeilge sa Ghaeltacht nó eile, eagraithe ag leithéidí na bhforas thíos:
- Conradh na Gaeilge
- Gaelchultúr
- Gael Linn
- Glór na nGael
- Institiúidí tríú leibhéil
- Ionaid Oideachais áitiúla
- Oideas Gael
- Ranganna.com
- Scoileanna áitiúla
- Teastas Eorpach na Gaeilge (scrúdú amháin)
Níl sa liosta thuas ach treoir agus is féidir tacaíocht a lorg le haghaidh cúrsaí eagraithe ag forais eile nach iad. D’fhéadfaí oiliúnóir a thabhairt isteach le cúrsa a sholáthar don naíonra/scoil féin nó i gcomhpháirt le naíonra(í) nó scoil(eanna) eile sa cheantar, má oireann. Fáiltítear roimh iarratais ó níos mó ná stiúrthóir nó ball foirne amháin. I gcás go bhfuil tú cláraithe do chúrsa ach nach bhfuil sé tosaithe agat go fóill, is féidir aisíocaíocht a lorg ar tháillí atá íoctha cheana féin. Is féidir iarratas a dhéanamh bunaithe ar chúrsa atá beartaithe agat tabhairt faoi amach anseo, ach sonraí an chúrsa a chur ar fáil mar chuid den iarratas. Ní féidir aisíocaíocht a lorg ar tháillí do chúrsa atá déanta agat cheana féin.
Tapaigh an deis! Níl ach buiséad teoranta againn don scéim, agus ceadófar iarratais ar bhonn tús freastail. An spriocdháta d’iarratais ná an 09 Nollaig 2016. Le hiarratas a dhéanamh ar an scéim, ní gá ach foirm shimplí a comhlánú thíos.
Má tá aon cheist agat maidir leis an scéim, déan teagmháil le Sandra ar 01 8535194 nó sandra@gaelscoileanna.ie.
Coinníollacha na Scéime
- Is gá iarratas i scríbhinn a dhéanamh sula gceadófar aon chaiteachas.
- An spriocdháta d’iarratais ná 09 Nollaig 2016.
- An t-uasmhéid a cheadófar in aghaidh an bhaill foirne ná €200. Is féidir iarratas a dhéanamh ar son níos mó na stiúrthóir amháin ón naíonra nó baill foirne neamh-theagaisc amháin ón scoil ach is gá foirm a chomhlánú do gach iarratasóir.
- Íocfar na táillí ar bhonn sonraisc nó admhála ón bhforas oiliúna amháin. Lorgófar sonrasc nó admháil agus sonraí an íocaí uait ar cheadú d’iarratais agus ní gá iad a sheoladh roimhe sin.
- Ní féidir aisíocaíocht a lorg ar tháillí do chúrsa atá déanta agat cheana féin.
- Tabharfar tús áite d’iarratais de réir mar a thagann siad chun na hoifige, agus de réir buiséid teoranta na scéime.
- Cuirfear iarratais nach féidir a cheadú de dheasca ró-éileamh ar liosta feithimh.
- Tá cead ag Gaelscoileanna Teo. maoiniú a aisghairm i leith mí-úsáide.
- Tá an scéim seo ar fáil do naíonraí sna 26 chontae, lasmuigh den Ghaeltacht agus do scoileanna lán-Ghaeilge sna 32 chontae amháin.
Oops! We could not locate your form.
Le Chéile Trí Ghaeilge 2016
Feabhra 8, 2016
Tá Gaelscoileanna Teo. ag cur deontas ar fáil do naíonraí agus do scoileanna lán-Ghaeilge agus Gaeltachta tríd an scéim ‘Le Chéile Trí Ghaeilge’. Tá áthas orainn a fhógairt go bhfuil buiséad ceadaithe don scéim don tréimhse Eanáir – Nollaig 2016 agus go bhfuil muid ag glacadh le hiarratais d’imeachtaí atá beartaithe laistigh don tréimhse seo. Bíonn an-tóir ar na deontais, agus molaimid do naíonraí agus do scoileanna an deis a sciobadh agus iarratas a dhéanamh go luath! Ceadaítear na deontais ar bhonn tús freastail. Ní gá go mbeidh sonraí an imeachta deimhnithe agat leis an iarratas a dhéanamh, is leor cur síos ar a bhfuil beartaithe. Déantar na h-íocaíochtaí de réir admhála i ndiaidh an imeachta. Cuirtear fáilte roimh réimse leathan imeachtaí agus roimh iarratais ó:
• Naíonraí / naíscoileanna
• Bunscoileanna
• Iarbhunscoileanna
Tríd an scéim seo, bíonn deis ag naíonraí agus scoileanna imeacht dá rogha féin a reáchtáil le naíonraí agus scoileanna eile. Cuireann Gaelscoileanna Teo. uasmhéid de:
• €250 / £225 ar fáil d’imeacht le 2 naíonra/scoil rannpháirteach ann
• €500 / £450 d’imeacht le 3 naíonra/scoil nó níos mó rannpháirteach ann
• €750 / £675 más 4 naíonra/scoil nó níos mó atá le bheith rannpháirteach.
Is féidir an fhoirm iarratais a chomhlánú anseo:
http://www.gaelscoileanna.ie/events/foirm-dimeachtai-idir-scoile/
Baineann na deontais seo leis an tréimhse Eanáir – Nollaig 2016 amháin. Ní féidir linn deontais a cheadú d’imeachtaí lasmuigh den tréimhse sin.
An spriocdháta d’iarratais ná 09 Nollaig 2016.
Tugann na himeachtaí seo deis tábhachtach do naíonraí agus do scoileanna lán-Ghaeilge agus Gaeltachta nasc a chruthú le chéile. Ó thráth na gceist go cluichí peile, spreagann na himeachtaí ilghnéitheacha seo cumarsáid agus spraoi trí mheán na Gaeilge, rud a théann chun leasa an naíonra agus na scoile, chun leasa na bpáistí agus na ndaltaí agus chun leasa an phobal. Is féidir teagmháil a dhéanamh liom má tá ceist ar bith agat ina leith. Tá liosta ar ár suíomh d’eagraíochtaí a chuireann seirbhísí trí Ghaeilge ar fáil agus seans go mbeidh spreagadh ann daoibh agus sibh ag pleanáil i dtreo imeacht a reáchtáil – féach http://www.gaelscoileanna.ie/events/foirmeacha-iarratasapplication-forms/
Tá an scéim deontais seo á maoiniú ag Foras na Gaeilge.
Aistear agus Síolta – Ceardlann maidir le Treoir Chleachtais do Stiúrthóirí Naíonra
Nollaig 7, 2015
Óstán Clarion, Corcaigh
11-13.30 ar an 9 Eanáir, 2016
Ceardlann do stiúrthóirí naíonra bunaithe ar áiseanna nua ón CNCM
Níl costas ar an gceardlann seo ach is gá clárú roimh an 18 Nollaig 2015 le d’áit a dheimhniú. Déan teagmháil le Jill ar 01 8535195 nó oifig@gaelscoileanna.ie.
