Feabhra 10, 2016
Tá dhá chóip den lámhleabhar scoile Éirí Amach na Cásca 1916: Oidhreacht Choláiste Uladh againn le bronnadh ar bhunscoil agus iarbhunscoil amháin.
Níl le déanamh ach ‘is maith liom’ a thabhairt do leathanach Facebook Gaelscoileanna Teo. agus an phostáil faoin gcomórtas seo a roinnt.
Is saothar é seo atá curtha in eagar ag Dr. Seosamh Ó Ceallaigh & Donnnchadh Mac Niallais agus seolfar anocht é i Gaelscoil Lios na nÓg, Raghnallach, BÁC 6 Dé Céadaoin, 10 Feabhra 2016 ar 7.00 i.n.
Fógrófar buaiteoirí an chomórtais ag meánlae ar an Aoine!
Feabhra 9, 2016
DÁTAÍ AN CHEARDLAINNE ATHRUITHE: Beidh an ceardlann margaíochta seo curtha siar ón 9ú Márta chuig 20ú Aibreán. Beidh deis ag aon stiúrthóir a ghlacann páirt sa cheardlann na leabhair álainn seo ón nGúm a bhuachan! Tapaigh an deis!
- Ar mhaith leat tuilleadh a fhoghlaim faoi chonas margaíocht éifeachtach a dhéanamh ar do sheirbhís naíonra?
- Ar mhaith leat tuilleadh úsáideoirí a mhealladh chuig do sheirbhís?
- Ar mhaith leat láithreacht níos mó a bheith ag do naíonra sa phobal áitiúil?
Tar chuig ceardlann mhargaíochta atá á reáchtáil ag Gaelscoileanna Teo. ar an 20ú Aibreán idir 19.00 agus 21.00 in Óstán Pháirc an Chrócaigh, Baile Átha Cliath, chun eolas praiticiúil a fháil ar an margaíocht.
Cuirfear tús go luath le sraith cheardlann phraiticiúil bunaithe ar an treoirleabhar margaíochta, Inis do Scéal, foilsithe ag Gaelscoileanna Teo. i gcomhpháirt le Forbairt Naíonraí Teoranta. Deis iontach a bheidh ann do stiúrthóirí teacht le chéile, freastal ar sheisiún oiliúna fiúntach agus taitneamhach agus dea-chleachtais a roinnt lena chéile. Beidh an chéad cheardlann ar siúl in Óstán Pháirc an Chrócaigh ar an 20ú Aibreán ó 19.00-21.00, agus á cur i láthair ag oifigigh forbartha Gaelscoileanna Teo., Ciara Ní Bhroin agus Cormac Ó Feinneadha. Díreofar sa cheardlann seo ar conas fógraíocht éifeachtach a dhéanamh ar an naíonra agus ar úsáid na meán sóisialta, ar mhaithe le tuismitheoirí a mhealladh agus pobal an naíonra a chothú. Níl gá le haon réamheolas a bheith agat maidir le hábhar na ceardlainne agus beidh neart deiseanna ann le ceisteanna a chur agus plé a dhéanamh ar a bhfuil ann. Níl táille i gceist leis an gceardlann, agus bronnfar cóip den lámhleabhar ar rannpháirtithe. Reáchtáilfear ceardlanna eile i gCorcaigh, Luimneach, Gaillimh agus ceantair eile de réir éilimh sna míonna amach romhainn. Tá an cheardlann ar an 20 Aibreán in Óstán Pháirc an Chrócaigh teoranta do 20 rannpháirtí, agus is gá clárú trí teagmháil a dhéanamh leis an oifig ar 01 8535195 nó oifig@gaelscoileanna.ie.
Feabhra 8, 2016
Tá an scéim phíolótach seo á reáchtáil ag Gaelscoileanna Teo. le cúnamh a thabhairt do stiúrthóirí naíonra agus d’fhoireann neamh-theagaisc na scoileanna gur mian leo feabhas a chur ar a gcuid Gaeilge nó tabhairt faoin scrúdú TEG. Faoin scéim seo is féidir tabhairt faoi oiliúint sa Ghaeilge ag aon leibhéal agus eagraithe ag aon fhoras oiliúna. D’fhéadfaí tabhairt faoin scrúdú TEG, ranganna oíche, cúrsa Gaeilge ar líne, sainchúrsa teanga, dianchúrsa gramadaí, cúrsa Gaeilge sa Ghaeltacht nó eile, eagraithe ag leithéidí na bhforas thíos:
- Conradh na Gaeilge
- Gaelchultúr
- Gael Linn
- Glór na nGael
- Institiúidí tríú leibhéil
- Ionaid Oideachais áitiúla
- Oideas Gael
- Ranganna.com
- Scoileanna áitiúla
- Teastas Eorpach na Gaeilge (scrúdú amháin)
Níl sa liosta thuas ach treoir agus is féidir tacaíocht a lorg le haghaidh cúrsaí eagraithe ag forais eile nach iad. D’fhéadfaí oiliúnóir a thabhairt isteach le cúrsa a sholáthar don naíonra/scoil féin nó i gcomhpháirt le naíonra(í) nó scoil(eanna) eile sa cheantar, má oireann. Fáiltítear roimh iarratais ó níos mó ná stiúrthóir nó ball foirne amháin. I gcás go bhfuil tú cláraithe do chúrsa ach nach bhfuil sé tosaithe agat go fóill, is féidir aisíocaíocht a lorg ar tháillí atá íoctha cheana féin. Is féidir iarratas a dhéanamh bunaithe ar chúrsa atá beartaithe agat tabhairt faoi amach anseo, ach sonraí an chúrsa a chur ar fáil mar chuid den iarratas. Ní féidir aisíocaíocht a lorg ar tháillí do chúrsa atá déanta agat cheana féin.
Tapaigh an deis! Níl ach buiséad teoranta againn don scéim, agus ceadófar iarratais ar bhonn tús freastail. An spriocdháta d’iarratais ná an 09 Nollaig 2016. Le hiarratas a dhéanamh ar an scéim, ní gá ach foirm shimplí a comhlánú thíos.
Má tá aon cheist agat maidir leis an scéim, déan teagmháil le Sandra ar 01 8535194 nó sandra@gaelscoileanna.ie.
Coinníollacha na Scéime
- Is gá iarratas i scríbhinn a dhéanamh sula gceadófar aon chaiteachas.
- An spriocdháta d’iarratais ná 09 Nollaig 2016.
- An t-uasmhéid a cheadófar in aghaidh an bhaill foirne ná €200. Is féidir iarratas a dhéanamh ar son níos mó na stiúrthóir amháin ón naíonra nó baill foirne neamh-theagaisc amháin ón scoil ach is gá foirm a chomhlánú do gach iarratasóir.
- Íocfar na táillí ar bhonn sonraisc nó admhála ón bhforas oiliúna amháin. Lorgófar sonrasc nó admháil agus sonraí an íocaí uait ar cheadú d’iarratais agus ní gá iad a sheoladh roimhe sin.
- Ní féidir aisíocaíocht a lorg ar tháillí do chúrsa atá déanta agat cheana féin.
- Tabharfar tús áite d’iarratais de réir mar a thagann siad chun na hoifige, agus de réir buiséid teoranta na scéime.
- Cuirfear iarratais nach féidir a cheadú de dheasca ró-éileamh ar liosta feithimh.
- Tá cead ag Gaelscoileanna Teo. maoiniú a aisghairm i leith mí-úsáide.
- Tá an scéim seo ar fáil do naíonraí sna 26 chontae, lasmuigh den Ghaeltacht agus do scoileanna lán-Ghaeilge sna 32 chontae amháin.
Oops! We could not locate your form.
Feabhra 3, 2016
Coláiste Uladh
1906 – 2016
Bheir Coiste Cuimhneacháin Choláiste Uladh cuireadh duit a bheith i láthair ag seoladh an lámhleabhair scoile
Éirí Amach na Cásca 1916
Oidhreacht Choláiste Uladh
Saothar atá curtha in eagar ag
Dr. Seosamh Ó Ceallaigh & Donnnchadh Mac Niallais
i nGaelscoil Lios na nÓg, Teach Feadha Chuileann, Bóthar Oakley, Raghnallach, BÁC 6
ar
Dé Céadaoin, 10 Feabhra 2016 ar 7.00 i.n.
Léacht: Dr. Seosamh Ó Ceallaigh
Coláiste Uladh agus Laochra 1916
Foilsíodh an leabhar seo le cuidiú ó na heagraíochtaí seo leanas:
Feabhra 2, 2016
Ar mhaith leat na páistí scoile a thabhairt ar thuras scoile iomláin trí mheán na Gaeilge, áit ina mbeidh siad ag bualadh le páistí ó Ghaelscoileanna eile? Beidh Carnabhal do dhaltaí Gaelscoile á reáchtáil ag Cumann na bhFiann arís i mbliana ó 23-05-2016 go 27-05-2016. Anuraidh d’fhreastail 9 scoil agus níos mó ná 400 dalta ar an turas scoile is mó trí mheán na Gaeilge thar dhá lá in Ionad Óige na hÉireann. Tá an-áthas ar Chumann na bhFiann trí lá de rogha bhreise a chur leis an gCarnabhal i mbliana, toisc go raibh éileamh an-ard air anuraidh.
Is éard is Cumann na bhFiann ann ná gréasán fairsing de chlubanna óige. Tá clubanna á reáchtáil go seachtainiúil faoi láthair i mbreis agus 60 baile timpeall na tíre. Bíonn clubanna ar leith ar fáil do dhaoine idir 10-13 bliana d’aois, agus clubanna eile dóibh siúd atá níos sine.
Tá tábhacht nach beag ag baint leis na clubanna óige seo do dhaltaí Gaelscoile, mar go dtugtar deis dóibh a gcuid Gaeilge a chleachtadh agus a fhorbairt lasmuigh den seomra ranga agus iad ag glacadh páirte in imeachtaí taitneamhacha sóisialta. I measc na n-imeachtaí a chuirtear ar fáil sna clubanna seachtainiúla bíonn ceol, spóirt agus drámaíocht, agus tugtar an deis do dhaoine óga a gcuid spéiseanna éagsúla a chruthú trí Ghaeilge. Trí pháirt a ghlacadh i gclubanna óige Chumann na bhFiann, cinnteofar meon dearfach i leith na teanga, agus athrófar íomhá na teanga ó ábhar scoile amháin go teanga beo atá lárnach i saol an duine óig.
Tá ceanncheathrú na heagraíochta lonnaithe i nDroim Rí, Co. na Mí, áit a bhfuil ionad eachtraíochta do thurais scoile, Ionad Óige na hÉireann, forbartha ag an eagraíocht le roinnt blianta anuas. I mbliana, tá deis á tabhairt ag Cumann na bhFiann do Ghaelscoileanna na tíre chun teacht ar cuairt chuig Ionad Óige na hÉireann agus páirt a ghlacadh i gCarnabhal na nGaelscoileanna. Le linn na hócáide seo, beidh an deis ag na páistí páirt a ghlacadh i réimse leathan d’imeachtaí, lena n-áirítear sóirbpheil, coraíocht súmó, agus balla dreapadóireachta inséidte!
Ócáid lántumtha atá i gceist le Carnabhal na nGaelscoileanna, agus is trí Ghaeilge amháin a chuirfear gach imeacht ar fáil. Beidh fáilte roimh ghrúpaí ó Rang 3 go Rang 6 ó Luan 23/05/2016 go 27/05/2016. Tá gach eolas ar fáil, ach teagmháil a dhéanamh le hOrlaith Nic Ghearailt, ag +353 1 825 9342 nó orlaith@cnb.ie
Eanáir 29, 2016
Tá an-údar cheiliúrtha ag daltaí deisbhéalacha ó Scoil Chuimsitheach Chiaráin, An Cheathrú Rua, tar éis dóibh an dá chorn, sóisearach agus sinsearach, a bhuachan ag Craobh na hÉireann de Chomórtas Díospóireachta Uí Chadhain 2016 ! Is ar an gCéadaoin, 27 Eanáir 2016, in Óstán an Heritage, Port Laoise, a reáchtáladh an ócáid ghradamúil seo. Eagraíonn Gael Linn an comórtas bliantúil seo, a chruthaíonn ardán do na foirne díospóireachta is fearr ón nGaeltacht agus ó scoileanna dara leibhéal ina bhfuil an Ghaeilge mar mheán teagaisc iontu, le cabhair airgid ó Fhoras na Gaeilge. Ghlac os cionn 50 foireann páirt sna babhtaí éagsúla a bhí ar siúl ó mhí Dheireadh Fómhair seo caite
Is é an rún a bhí á phlé sa chraobh shóisearach ná ‘Is fiú an t-airgead a chaitear ar TG4!’. Labhair foirne ó Choláiste Ghobnatan, Baile Bhúirne, Co. Chorcaí agus ó Choláiste Eoin, Baile an Bhóthair, Baile Átha Cliath, ar son an rúin, agus is foirne ó Choláiste Pobail Ráth Chairn, Co. na Mí agus ó Scoil Chuimsitheach Chiaráin, An Cheathrú Rua, Co. na Gaillimhe a bhí mar fhreasúra acu. Bhí an-eolas ag na cainteoirí óga ar an ábhar, agus bhíodar uilig cumasach ag cur a gcuid argóintí os comhair an tslua mhóir a bhí i láthair ! Cúigear moltóirí a bhí ar an bpainéal– Seán Mac Labhraí, Máire Mhic Mhathúna, Áine Máire Ní Ghiobaláin, Féilim Mac Donnchadha agus Cathal Póirtéir – agus iarchainteoirí de chuid an chomórtais ina measc. Bhí caighdeán chomh hard díospóireachta ann gur thóg sé tamall orthu teacht ar a gcinneadh. Bhí ríméad ar lucht tacaíochta Scoil Chuimsitheach Chiaráin , nuair a fógraíodh gurb acu a bhí an bua ! Éacht eile déanta ar son na scoile ag na baill foirne –Clíodhna Breathnach (captain), Evan Ó Gríofa agus Áine Ní Chualáin.
Bhí díospóireacht bhreá bhríomhar ansin idir na cainteoirí sinsearacha, arís ó Choláiste Pobail Ráth Chairn, Coláiste Eoin, Baile Átha Cliath agus Scoil Chuimsitheach Chiaráin, An Cheathrú Rua, mar aon le Coláiste Íde, An Daingean, Co. Chiarraí. An t-am seo, is é an t-ábhar a bhí á scagadh ag na foirne ná: ‘Tá dea-thionchar ag ár gcuid staire orainn in Éirinn!’, rún a bhí tráthúil agus muid ag comóradh Éirí Amach 1916 i mbliana. Ba léir go raibh an-ullmhú déanta ag na cainteoirí ar fad, le treoir mhaith óna gcuid múinteoirí. Arís, is iad foireann na Ceathrún Rua ( Shauna Seoighe, captaen, Brian Mac Donncha agus Clíona Ní Laoi ) a roghnaíodh mar bhuaiteoirí, toisc a n-argóintí láidre, tomhaiste ar son an rúin agus bhí seacht gcroí orthu agus iad ag ardú an choirn! Máirín Ní Dhomhnaill, an múinteoir a stiúraigh an fhoireann trí bhabhtaí uilig an chomórtais i mbliana agus í ag cur arís eile leis na gradaim díospóireachta atá buaite ag foirne na scoile le blianta fada anuas ! Ba mhór acu a mbua iontach ag an dá léibhéal, sóisearach agus sinseareach, i mbliana go speisialta, agus an scoil ag comóradh 50 bliain ar an bhfód.
Is é Mícheál Ó Muircheartaigh a bhí mar aoichainteoir ag an ócáid, agus mhol sé na rannpháirtithe óga as bua na cainte a bheith acu uilig ! Léirigh sé an-spéis sna hóráidí ar fad agus chuir sé a chuid tuairimí féin ar na toipicí seo os comhair an lucht féachana ansin.
Bronnadh buanchorn agus duais €1,000 ar na foirne buacacha agus duais €250 ar na foirne eile a bhí rannpháirteach sa chraobh. Agus é ag déanamh comhghairdis leis na duaiseoirí, ghabh Antoine Ó Coileáin, Príomhfheidhmeannach Gael Linn buíochas le múinteoirí na bhfoirne uilig as a ndúthracht agus dúirt : ‘I mbliain seo chomóradh céad bliain an Éirí Amach, an t-ómós is mó gur féidir linn a thaispeáint do na laochra ná an Ghaeilge a chur chun cinn. Chreid Gael Linn i gcónaí gurb é labhairt na Gaeilge mórchuspóir na foghlama agus léiríonn an leibhéal rannpháirtíochta sa chomórtas, agus an t-ardchaighdeán díospóireachta, go bhfuil scoileanna anois ag cur béim bhreise ar scileanna cumarsáide a fhorbairt’.
Críoch
Tuilleadh eolais: Niamh de Búrca 01:6753303/087:2623953
Eanáir 27, 2016
Is slí spraíúil iad Dúradáin Mheabhracha chun an Ghaeilge a fhoghlaim agus a neartú ag baint úsáide as scil thábhachtach: catagóiriú. Cabhraíonn catagóiriú le daoine chun focail a fhoghlaim, a eagrú agus a chuimhneamh.
Cabhraíonn catagóiriú le daoine chun focail a fhoghlaim, a eagrú agus a chuimhneamh. Tá 48 carta dúradáin sa chluiche. Ag barr gach cárta tá ainm catagóire ann, agus ag bun gach cárta tá pictiúr de rud éigin ó chatagóir eile.
Cuireann imreoirí na cártaí dúradáin le chéile ag déanamh cinnte go bhfuil na pictiúir agus na focail curtha lena chéile i gceart. I ngach bosca tá na treoracha ann i mBéarla agus i nGaeilge.
Tuilleadh eolais anseo
Eanáir 26, 2016
Urraithe ag The O’ Brien Press Ltd.
Dáta deiridh le cur isteach ar an gcomórtas seo ná: 29ú Feabhra 2016 roimh 17.00
Céard atá le déanamh?
- Scéal gearr (500 focal nó níos lú) le scríobh ar do rogha téama nó ábhair. Caithfidh an scéal bheith scríofa i nGaeilge. Is féidir do rogha stíle agus seánra a úsáid. Bí cruthaitheach!
- Tabhair teideal ar an scéal.
- Tá an comórtas seo oscailte do dhaltaí i rang a haon agus rang a dó i mbunscoileanna lán-Ghaeilge/Gaeltachta.
- Dáta deiridh le haghaidh iarratas: 17.00 ar an 29ú Feabhra 2016.
Ádh mór!
Is deis iontach an comórtas seo an cumas scríbhneoireachta atá ag bhur gcuid daltaí a léiriú. Anuas air sin, tabharfaidh sé deis do na daltaí a gcuid scileanna cruthaitheachta, litearthachta agus eagarthóireachta a fhorbairt agus a fheabhsú. Foilseofar scéalta na mbuaiteoirí ar shuíomh Idirlín, ar mheáin shóisialta agus i nuachtlitir Gaelscoileanna Teo.
Duaiseanna
Roghnófar beirt bhuaiteoirí ar an gcomórtas. Bronnfar beart mór leabhar Gaeilge ar na buaiteoirí seo do leabharlann na scoile ón tsraith Sos le The O’Brien Press Ltd. Tá na leabhair seo oiriúnach do dhaltaí i rang a haon nó rang a dó.
Coinníollacha
- Is ag painéal moltóirí an chomórtais an cinneadh deireanach maidir le buaiteoirí a roghnú.
- Tá an comórtas seo oscailte do gach dalta scoile bunleibhéil (rang a haon agus rang a dó amháin) atá ag freastal ar bhunscoil lán-Ghaeilge/Gaeltachta in Éirinn.
- Caithfidh gach scéal bheith scríofa i nGaeilge amháin agus bheith 500 focal nó níos lú ar fhad.
- Caithfidh gach iontráil bheith clóscríofa nó scríofa go han-néata.
- Níl cead ag daltaí ach iontráil amháin a chur isteach ar an gcomórtas.
- Caithfidh gach iontráil bheith faighte ag Ciara roimh an spriocdháta (17.00 ar 29ú Feabhra 2016). Ní ghlacfar le hiarratais dheireanacha. Is féidir na hiontrálacha a chur ar an ríomphost chuig ciara@gaelscoileanna.ie nó sa bpost chuig
Ciara Ní Bhroin
Oifigeach Forbartha, Gaelscoileanna Teo.
Halla Naomh Pádraig,
Institiúid Oideachais Marino,
Ascaill Uí Ghríofa,
Baile Átha Cliath 9
- Glacfar le hiontrálacha uathúla úra amháin agus níl cead aon scéal atá foilsithe cheana a chóipeáil. Ní ghlacfar le haon bhradaíl liteartha.
- Caithfidh ainm agus aois an dalta, ainm agus seoladh na scoile, agus an rang bheith marcáilte ar bharr an leathanaigh ar gach iontráil.
- Tá sé de chead ag Gaelscoileanna Teo. gan ghlacadh le hiontrálacha mí-oiriúnacha agus iad a chur as an áireamh don chomórtas seo.
- Cuirfear na buaiteoirí ar an eolas tríd an ríomhphost.
- Caithfidh iarrthóirí bheith sásta páirt a ghlacadh i bpoiblíocht a bhaineann leis an gcomórtas agus go bhfoilseofar a gcuid scéalta. Foilseofar rogha scéalta ar shuíomh agus i nuachtlitir Gaelscoileanna Teo., mar aon le meáin shóisialta na heagraíochta.
Tá foirm iontrála don chomórtas le fáil anseo
Eanáir 25, 2016
Fianna Fáil Press Office
Mary Fitzpatrick
Dublin Central
25 January 2016
Minister for Education needs to stop ‘bureaucratic madness’ and support Cabra Gaelscoil – Fitzpatrick
Fianna Fáil candidate for Dublin Central Mary Fitzpatrick is calling on the Minister for Education to stop the bureaucratic madness and immediately release funds for the building of a Gael Scoil in Cabra.
“Last Friday evening the Dept of Education sent a shocking email to the headmaster of Gaelscoil Bharra stating that the building project which should have commenced last year was being “put on hold” pending a budget review.
“The children, teachers, parents and friends of Gaelscoil Bharra, are very concerned, disappointed and angry over this unexpected decision by the Department of Education. They have been operating out of portacabins for years. Four years ago they were promised a purpose-built school and had expected contractors to begin building next week.
“This is a major blow to the school and the local community. What to the department is just a project status update is a major set-back for the more than 200 current pupils, their families and their teachers.
“The Minister needs to stop this bureaucratic madness and immediately release the funds so construction can commence. The pupils, teachers and wider community want to know that a new school will be built and they deserve to know when.
The Dublin Central candidate continued: “The Minister for Education must explain why at this late stage the project is being subjected to a budget review and indefinite delay? The Minister must also explain how long is the review and delay expected to take? What is the purpose of the review? Why was it not conducted prior to now? What has prompted the review? The Minister has a lot of questions to answer.”
Eanáir 25, 2016
Beidh fócasghrúpa faoi Mhatamaitic na Bunscoile ar siúl in Ionad Oideachais na Gaillimhe ar an 28 Eanáir ag 4 i.n. Is ceann de shraith fócasghrúpaí é seo atá ag tarlú in ionaid oideachais ar fud na tíre. Is é aidhm an tseisiúin tuairimí múinteoirí a chloisteáil agus a gcuid creidiúintí agus luachanna faoi theagasc agus faoi fhoghlaim na matamaitice a fhiosrú. Is iad na réimsí seo a leanas a fhiosrófar san fhócasghrúpa:
• Pleanáil
• Teagasc agus Foghlaim sa seomra ranga
• Measúnú
• Acmhainní
Is féidir le múinteoir nó príomhoide gur spéis leo a bheith páirteach san fhócasghrúpa clárú trí dhul i dteagmháil leis an Ionad Oideachais i nGaillimh. Reáchtáilfear an seisiún trí mheán na Gaeilge. Beidh na tuairimí a nochtar sna seisiúin seo mar bhonn eolais faoi na forbairtí i Matamaitic na Bunscoile.
TÁ SÉ FÍOR-THÁBHACHTACH GO BHFREASTALÓIDH MÚINTEOIRÍ Ó SCOILEANNA GAELTACHTA AGUS LÁN-GHAEILGE AR AN bhFÓCAS GRÚPA LENA CHINNTIÚ GO MBEIDH A dTUAIRIMÍ AGUS A RIACHTANAIS SAN ÁIREAMH.
« Previous Page — Next Page »
