Gaeilge & Fáilte ag Comhairle Cathrach Dhoire
Deireadh Fómhair 23, 2013
Aeidin McCarter, Oifigeach Infheistíochta agus Fiontraíochta le Comhairle Cathrach Dhoire a ghnóthaigh fáinne óir i ndiaidh cúrsa Gaeilge a chríochnú leis an Chomhairle Chathrach. Léi sa ghrianghraf tá Pól Ó Frighil, Oifigeach Gaeilge a theagasc an cúrsa in éineacht le Méara na Cathrach, an Comhairleoir, Martin Reilly. Is é aidhm an chúrsa ná cumas sa teanga a fhás i measc fhoireann na Comhairle Cathrach le go mbeidh oibrithe in ann eolas agus seirbhísí i nGaeilge a chur ar fáil don phobal.
Pobal Mhúscraí á bhrú le maoiniú neamh-chaite Euro 15,000 a úsáid
Deireadh Fómhair 23, 2013
TÁ MUINTIR Ghaeltacht Mhúscraí á mbrú chun leas a bhaint as maoiniú forbartha neamh-chaite de chuid Euro 15,000 nach mór a úsáid roimh dheireadh na bliana.
Tá an t-airgead seo saincheaptha don cheantar faoin gClár Forbartha Pobail agus Áitiúil (LCDP) agus tá sé á dháileadh ag Comhpháirtíocht Forbartha Iarthar Chorcaí (WCDP). Thug an chomhpháirtíocht faoi riaradh na scéime seo agus scéimeanna maoinithe eile i nGaeltacht Mhúscraí tar éis cliseadh Meitheal Forbartha na Gaeltachta agus, go dtí an samhradh seo, bhí oibrí forbartha do cheantar Mhúscraí fostaithe acu a bhí lonnaithe san Ionad Áise i Réidh na nDoirí.
Tar éis dó siúd fágaint chun tabhairt faoi phost eile, níor ceapadh oibrí forbartha ionaid don cheantar, rud a bhí mar chúis le héiginnteacht maidir le riaradh na gcistí do cheantar Mhúscraí, atá a mbainistiú anois ó oifigí WCDP i mBeanntraí agus i gCloch na Coillte. Chuir Kathryn Kingston, oifigeach forbartha i mBeanntraí, iallach ar mhuintir Mhúscraí dul i mbun teagmhála leis an eagraíocht le hiarratais ar chúrsaí agus tionscadail forbartha pobail a luaithe agus is féidir. Tá seacht gcúrsa á bhfógairt aici le reáchtáil san Ionad Áise cheana féin, iad ar fada atá saor in aisce do mhuintir na gaeltachta. Murach seo bheadh sé costasach go maith freastal ar na cúrsaí seo, le costas Euro 3,500 in aghaidh an duine do chúrsa amháin atá á eagrú – maidir le sábh slabhrach a fheidhmiú – dá mba rud é go raibh sé á eagrú go príobháideach.
Tá níos lú ná leath den bhuiséad Euro 15,000 atá fágtha don cheantar leithdháilte agus tá WCDP ag breithniú ar ghníomhaíochtaí do sheanóirí, daoine óga agus earnálacha uile an tsochaí, agus iad i mbun teagmhála le grúpaí pobail maidir le go leor tionscadal nua. “Is féidir le duine ar bith iarratas a dhéanamh, idir grúpaí óige agus daoine scothaosta, agus d’fhéadfaí aon rud in aon chor a chlúdach,” a mhínigh Kathryn Kingston. “D’fhéadfadh gur cúrsaí a bheadh iontu chun cáilíocht na beatha a fheabhsú nó d’fhéadfadh go mbeadh baint acu le cúrsaí fostaíochta; chomh fada agus go bhfuilid féideartha agus praiticiúil le reáchtáil sna hionaid atá ar fáil.” Níl an babhta maoinithe is déanaí ar fáil ach go dtí deireadh na bliana seo agus chuir Kathryn iallach ar dhaoine úsáid a bhaint as sula gcaillfí é toisc nach féidir an buiséad a thabhairt anonn chuig an mbliain seo chugainn.
Mar sin féin, thug sí le tuiscint go mbeadh Gaeltacht Mhúscraí ar tí babhta nua maoiniú LCDP a fháil ó mhí Eanáir, go dtí mí an Mheithimh 2014. Ag an bpointe sin, faoi mholtaí athchóirithe an rialtais áitiúil, táthar ag ceapadh go nglacfaidh coistí soch-eacnamaíocha atá faoi riarachán na n-údarás áitiúil freagracht as bainistiú agus scaipeadh an chláir maoinithe seo agus a thuilleadh eile nach é atá á riar i láthair na huaire ag cuideachtaí forbartha áitiúla cosúil le WCDP, ag fágaint todhchaí na ngrúpa ús go mór in amhras.
www.eveningecho.ie
Foilsithe ar Gaelport.com 23 Deireadh Fómhair 2013
Evening Echo – Pet OConnell
Múscraí á thréigean in áit Oireachtas na Samhna
Deireadh Fómhair 23, 2013
BEIDH na sluaite móra ó Ghaeltacht Mhúscraí i láthair ag Oireachtas na Samhna, nuair a filleann príomhfhéile bhliantúil na nGael ar Chill Airne an tseachtain seo chugainn.
Osclaíonn an tOireachtas ar an Máirt, 29ú Deireadh Fómhair, le formhór na n-imeachtaí ag tarlú in Óstán an Gleneagle/an INEC i rith na seachtaine. Beidh beirt bhan ó Mhúscraí – Eibhlís Uí Thuama agus Nell Ní Chróinín, iad beirt ó Bhéal Átha’n Ghaorthaidh – ag glacadh páirte i mbliana i bpríomhchomórtas an Oireachtais, Corn Uí Riada. Sna comórtais amhránaíochta eile beidh Seosaimhín Ní Chróinín ó Bhaile Mhic Íre agus Síle Uí Luasa ó Screathan, Cúil Aodha, san iomaíocht do Chorn Mháire Nic Dhonnchadha, fad a bheidh Cathal Ó Riada agus Seán Ó Luasa, an bheirt acu ó Chúil Aodha, ag tabhairt faoi Chorn Cuimhneacháin Amhránaithe Sean-Nóis Chonamara.
Beidh triúr bhan ó Chúil Aodha – Ruth Ní Riada, Aoife Ní Mheachair agus Muireann Ní Luasa – i measc na n-iomaitheoirí do Chorn Cuimhneacháin Sheáin Óig Uí Thuama, fad a bheidh Máire Ní Chéileachair san iomaíocht do Chorn Phádraig Mhic an Rí. Beidh Liam Ó Cróinín ó Bhéal Átha’n Ghaorthaidh, Seosamh Ó Críodáin, Fiontán Ó Meachair agus Eoiní Maidhcí Ó Súilleabháin ó Chúil Aodha san iomaíocht do Chorn Cuimhneacháin Chiaráin Uí Chonceanainn. I measc na n-iomaitheoirí sna comórtais sceitse, lúibíní, amhrán saothair agus amhráin nuachumtha beidh Máire de Búrca, Seosamh Ó Críodáin, Seán Ó Muimhneacháin agus Aisteoirí Chill na Martra.
Ach tá an rannpháirtíocht is mó ar thaobh na ndaoine óga, le 12 iontráil ó cheantar Mhúscraí i gcomórtais amhránaíochta ar an sean-nós; seachtar déag ag glacadh páirte i lúibíní agus líon ollmhór 67 ógánach ag glacadh páirte sna hagallaimh beirte, mar thoradh a bheag nó a mhór ar an teagasc agus spreagadh á dtabhairt do pháistí sna scoileanna áitiúla trí scéimeanna Aisling Gheal agus Béal Beo.
www.eveningecho.ie
Foilsithe ar Gaelport.com 23 Deireadh Fómhair 2013
Evening Echo – Pet OConnell
Feall, fírinne agus figiúirí
Deireadh Fómhair 23, 2013
Bhain an ghnáthchleasaíocht chuntasóireachta le fógairt na gciorruithe ar chaiteachas na Gaeilge agus na Gaeltachta i mBuiséad 2014.
Ciorrú cúig faoin gcéad a deineadh ar bhuiséad na Roinne Gaeltachta, ach aimsíodh leathmhilliún euro ar chúl an toilg chun tús a chur leis an gcóras nua pleanála teanga sa Ghaeltacht. Dúirt Aire Stáit na Gaeltachta, Dinny McGinley, gurbh í seo an chéad uair riamh gur cuireadh oiread agus pingin i leataobh do chur i gcrích na Straitéise 20 Bliain don Ghaeilge. Ní hamhlaidh go raibh McGinley ag súil go lasaimis tinte cnámh in ómós dó, ach ba léir gur taibhsíodh don Aire Stáit as seachmall éigin gur chóir dúinn a bheith buíoch as an leathmhilliún. De réir ár bhfigiúirí féin, agus más fíor don taighde teangeolaíocha a spreag an straitéis 20 bliain, níl sa leathmhilliún céanna ach ¤98 do gach lá dá bhfuil fágtha ag an nGaeilge mar theanga phobail sa Ghaeltacht.
(Nach iontach ar féidir a dhéanamh le figiúirí ach beagáinín samhlaíochta a bheith ag duine?) Pé scéal é, má leanann cúrsaí ar aghaidh mar seo, is ar éigean go mbeidh aon ní fágtha chun díol as an dtórramh. Ach an té a bhí ag cáiseamh na gciorruithe ar chaiteachas na Gaeilge an tseachtain seo caite, cuireadh sé a ghuí gur sa bhuiséad a bhí an chuid is measa den scéal. Mar d’fhógair an tAire Caiteachais Phoiblí agus Athchóirithe Brendan Howlin ina óráid ar lá an bhuiséid go raibh athbhreithniú eile le déanamh ar an gcaiteachas poiblí agus de ghnáth ní spáráltar an Ghaeilge nó an Ghaeltacht sna hathbhreithnithe seo. B’amhlaidh an scéal nuair a d’fhógair an Bord Snip Nua a moltaí siúd sa bhliain 2009. Go deimhin, bhí an Bord Snip Nua ag iarraidh go ndúnfaí Roinn na Gaeltachta féin agus go bhfágfaí cúram na Gaeilge agus na Gaeltachta faoin Roinn Oideachais. Níor glacadh leis an moladh scanrúil sin, ach más fíor do thuairiscí áirithe faoi na cainteanna maidir le bunú an chomhrialtais in Earrach na bliana 2011, bhí sé déanach go maith sa lá nuair a thug Roinn na Gaeltachta na cosa léi.
Tháinig Roinn na Gaeltachta slán sa deireadh ach fágann na ciorruithe atá déanta uirthi ag an Rialtas seo agus an ceann a chuaigh rompu go bhfuil sí níos laige ná mar a bhí riamh. Dúirt McGinley an tseachtain seo caite go raibh beagnach ¤40 milliún le caitheamh ag a Roinn ar ghnóthaí Gaeilge, Gaeltachta agus Oileán i 2014, ach is í fírinne an scéil í ná nach mbeidh fágtha ag an Roinn féin ach pinginí suaracha faoin am go mbeidh a buiséad dáilithe. Dá molfaí arís in athbhreithniú nua go gcuirfí deireadh le Roinn na Gaeltachta, bheadh sé níos deacra ná riamh cás a dhéanamh ar son í a choiméad. Mhol an Bord Snip Nua chomh maith go n-aistreofaí feidhmeanna fiontraíochta Údarás na Gaeltachta go Enterprise Ireland. Ní bheidh ach dríodar airgid ag an údarás i 2014. Dúirt príomhfheidhmeannach an údaráis Steve Ó Cúláin an tseachtain seo caite gur ar éigean go mbeadh dóthain de bhuiséad ag an eagraíocht an bhliain seo chugainn chun na postanna atá cruthaithe sa Ghaeltacht acu a choiméad gan trácht ar fhostaíocht nua a chruthú.
Ghéill Liam Ó Cuinneagáin, iar-chathaoirleach bhord an údaráis, ar Nuacht TG4 Dé Céadaoin seo caite go raibh seans ann gur ag díriú ar chúrsaí teanga agus cultúrtha amháin a bheadh an eagraíocht amach anseo. Má tharlaíonn sé sin beidh an rud a bhí uathu le fada faighte ag mandairíní na Roinne Airgidis, agus más é an plean a bhí acu an t-údarás a dhéanamh chomh bocht sin mar eagraíocht fiontraíochta go mba chuma ann nós as dó sa deireadh, chaithfeá a rá go bhfuil ag éirí go geal leis an bplean céanna. Ba rídheacair faoin dtráth seo cás a dhéanamh i gcoinne aistriú feidhmeanna fiontraíochta Údarás na Gaeltachta chuig Enterprise Ireland dá molfaí a leithéid arís san athbhreithniú nua. Shamhlófá go gcaithfeadh an t-athbhreithniú nua súil ghéar chomh maith ar eagraíochtaí ar nós TG4 agus RnaG go háirithe i bhfianaise a raibh le rá faoin dá stáisiún le déanaí sa tuarascáil ar an gcraoltóireacht phoiblí a rinne an comhlacht cuntasóireachta Crowe Horwath don BAI. Mar thoradh ar an obair sin, tá RnaG á scrúdú faoi láthair ag an áisíneacht stáit NewEra agus tá TG4 ag ullmhú plean cúig bliana nua bunaithe ar bhonn airgeadais níos “réadúla”.
Thug saineolaithe stuama blianta fada ag éileamh go rachfaí i muinín na pleanála teanga mar leigheas ar chruachás na Gaeilge. Ach is cosúla anois an phleanáil teanga le leithscéal ná leigheas. Leithscéal áisiúil atá ann ag polaiteoirí atá ag iarraidh éalú ó cheisteanna faoi chiorruithe nó faoi chúlú an Stáit óna dhualgas i leith na Gaeilge. Ba chóir dúinn a bheith buíoch is cosúil go bhfuil straitéis 20 bliain againn, go bhfuil Aire Stáit ón nGaeltacht agus Taoiseach le Gaeilge againn, go bhfuil córas pleanála teanga sa Ghaeltacht agus leathmhilliún euro ar fáil do phobal na Gaeltachta chun go gcuirfidís féin an córas i bhfeidhm.
Ba chóir a bheith buíoch, is cosúil, gur ann dúinn in aon chor.
www.irishtimes.com
Foilsithe ar Gaelport.com 23 Deireadh Fómhair 2013
The Irish Times – Seán Tadhg Ó Gairbhí
Gearradh siar ar airgead do chúrsaí Gaeilge
Deireadh Fómhair 23, 2013
Cháin Conradh na Gaeilge buiséad an Rialtais, á rá nach raibh an Rialtas “ag troid ar son mhaoiniú na Gaeilge agus Gaeltachta a chosaint agus a fhorbairt”.
Dúirt Julian de Spáinn ón chonradh go raibh “an Rialtas ag maíomh as ciste de €500,000 a chur ar leataobh leis an Straitéis 20 Bliain don Ghaeilge a chur i bhfeidhm ach ar an lámh eile, tá an Rialtas chun nach mór EUR3 milliún a bhaint ó scéimeanna agus eagraíochtaí Gaeilge agus Gaeltachta, Foras na Gaeilge, Údarás na Gaeltachta agus Oifig an Choimisinéara Teanga. “Conas gur féidir linn tiomantas an Rialtais i leith na Straitéise 20 Bliain don Ghaeilge 2010-30 a chreidiúint nuair atá an Rialtas céanna ag lagú chumas feidhmiúcháin na n-eagras Stáit agus pobail, a bheidh riachtanach leis an straitéis a bhaint amach?”
Cháin sé an “laghdú suntasach” a rinneadh “ar bhuiséad caipitil Údarás na Gaeltachta agus dochar déanta, mar sin, dá chumas poist a chruthú sa Ghaeltacht. “Le comhthéacs a chur leis an laghdú seo, beidh €10 milliún breise ag an IDA in 2014. Ní léir go bhfuil an bhuairt chéanna ar an Rialtas le fostaíocht a chruthú sa Ghaeltacht”. Thug Comhdháil Náisiúnta na Gaeilge le fios i ráiteas go raibh an Rialtas ag cur €0.5 milliún ar fáil do chur i bhfeidhm Straitéis 20 Bliain don Ghaeilge agus ag baint cúig faoin gcéad den bhuiséad do sheirbhísí Gaeilge agus Gaeltachta: “Ní bhainfear torthaí na straitéise amach gan infheistíocht chuí sa phróiseas pleanála teanga, agus is deacair a shamhlú gur féidir forbairtí sa réimse seo a bhaint amach nuair atá buiséad na Roinne atá freagrach as á ghearradh bliain ar bhliain.”
Dúirt an Seanadóir Trevor Ó Clochartaigh (SF) go raibh “buille eile buailte” ag an Rialtas ar phobal na Gaeilge agus na Gaeltachta. Bhí gearradh siar déanta ar chistí Údarás na Gaeltachta in áit breis airgid a chur ar fáil le fostaíocht a chruthú: “Le roinnt blianta anuas tá an maoiniú atá ag an údarás le fostaíocht a chruthú gearrtha ó EUR26 milliún go dtí EUR5.8 milliún i mbliana. “De réir tuairisc Indecon tamall siar theastaigh ar a laghad EUR12 milliún in aghaidh na bliana leis na jabanna atá ann a chaomhnú, gan trácht ar jabanna nua a chruthú.” Cháin sé fosta an gearradh siar EUR1.3 milliún a rinneadh ar na heagrais Ghaeilge. Thug Foras na Gaeilge le fios gur aithin siad “go raibh cinntí deacair le déanamh ag an Rialtas agus deimhníonn muid go mbainfear an leas is fearr as na hacmhainní teoranta atá againn”. Samhail úrnua Ní fada go mbeidh deireadh leis an chéad chéim eile sa phróiseas fada achrannach le hatheagar a chur ar na heagraíochtaí Gaeilge.
D’fhógair Foras na Gaeilge an tseachtain seo caite go raibh siad ar lorg léirithe suime ó ghrúpaí a bhí ag iarraidh feidhmiú mar “cheanneagraíochtaí”. Beidh na ceanneagraíochtaí freagrach as sé réimse ar leith: Gaeloideas/tumoideachas agus réamhscolaíocht lán-Ghaeilge; oideachas in earnáil an Bhéarla agus d’aosaigh; forbairt phobail agus eacnamaíochta; deiseanna a thacaíonn le húsáid na Gaeilge agus le bunú gréasán; ardú feasachta, cosaint teanga agus iomadaíocht agus forbairt deiseanna úsáidte Gaeilge agus gréasán do dhaoine óga.
Tá go dtí Dé Céadaoin 30ú Deireadh Fómhair ag eagrais léiriú suime a chur faoi bhráid an fhorais.
www.irishtimes.com
Foilsithe ar Gaelport.com 23 Deireadh Fómhair 2013
The Irish Times
Nótaí ón Léacht: How bilingual learning contributes to educational achievement
Deireadh Fómhair 23, 2013
Léacht le Charmian Kenner 18.10.13: How bilingual learning contributes to educational achievement
Bileog eolais le Charmian Kenner: Teacher Partnerships for Bilingual Learning
Spraoicheisteanna Fhéile an Fhómhair
Deireadh Fómhair 22, 2013
B’iontach na hocáidí Gaelacha a reachtáladh i gCeatharlach mar chuid d’imeachtaí Fhéile an Fhómhair i mbliana.
I measc na n-imeachtaí a bhí ar siúl, bhí dhá Spraoicheist, ceann amháin dírithe ar dhaltaí sa chéad agus sa dara bliain agus ceann eile do dhaltaí na nardranganna i mbunscoileanna an cheantair. Bhí beagnach fiche foireann i láthair do Spraoicheist na chéad agus na dara bliana a bhí ar siúl in Ionad Pharóiste na hArdeaglaise. Bhí daltaí ó Ghaelcholáiste Cheatharlach, ó Choláiste an Chnoic Bhig agus ó Phobalscoil na Tulaí san iomaíocht. Bhí éagsúlacht an-mhaith de cheisteanna ann bunaithe ar cheol, cursaí reatha, spórt, scannáin, stair, tíreolas agus eolas ginearálta. Bhí an bua ag foireann Ghaelcholáiste Cheatharlach ag deireadh na mbabhtaí agus tháinig foireann ón bPobalscoil agus ó Ghaelcholáiste Cheatharlach sa dara agus sa triú háit.
Tháinig breis is céad dalta ó bhunscoileanna an cheantair maille lena dtuismitheoirí agus lena múinteoirí le chéile i gClub Éire Óg le déanaí chun páirt a ghlacadh i Quizboird na mBunscoileanna. Bhí 23 foireann páirteach ó ocht scoil éagsúil. Ina measc bhí le daltaí ó Ghaelscoil Eoghain Uí Thuraisc, Scoil Bhaile Nua Dún Leicne, Scoil Dhiarmada, Scoil an Easpaig Uí Fhoghlú, Scoil Mhuire gan Smál, Scoil Náisiúnta Bheann na gCaorach, Scoil Náisiúnta Thigh an Raoireann, Scoil Náisiúnta Ard Lios agus Scoil Chailíní an Teaghlaigh Naofa. Bhí idir mhúinteoirí, dhaltaí agus thuismitheoirí thar a bheith sásta le caighdeán na gceisteanna. Ag deireadh cúig bhabhta bhí foireann ó Scoil Náisiúnta Thigh an Raoireann chun tosaigh le 43 marc as 50 agus bronnadh an chéad áit orthu. Tháinig foireann ó Ghaelscoil Cheatharlach sa dara háit le 42 marc agus bhí foireann ó Scoil Bhaile Nua Dún Leicne sa triú háit le 40 marc. Deineadh comhghairdeas leis na foirne go léir a ghlac páirt i Spraoicheist na Féile agus bronnadh duaiseanna deasa ar na buaiteoirí uile.
Gabhann Glór Cheatharlach buíochas ó chroí leis na múinteoirí, na tuismitheoirí agus na foirne uile a bhí páirteach i spraoicheisteanna Fhéíle an Fhómhair agus le muintir Éire Óg as na háiseanna a chur ar fáil dúinn. Go mbeirimid beo ar an am seo arís.
Foilsithe ar Gaelport.com 22 Deireadh Fómhair 2013
Carlow Nationalist – Glór Ceatharlach
Ceolfhoireann Shiansach UCD: Peter & The Wolf
Deireadh Fómhair 22, 2013
Tá áthas ar CHEOLFHOIREANN SHIANSACH UCD ceolchoirm de scéal ceoil clasaiceach Prokofiev do leanaí, Peter & the Wolf, a chur i láthair le scáthphuipéadóireacht bheo ó Amharclann Phuipéad Julie-Rose McCormick. Deis uathúil a bheidh anseo ceol Prokofiev a chloisteáil le tráchtaireacht Ghaeilge, arna fheabhsú ag gné fhísiúil dhraíochtúil. Áirítear sa cheolchoirm rogha ceoil ó Carnival of the Animals le Saint-Saens agus ón William Tell Overture le Rossini.
Beidh dhá léiriú ar siúl Dé Céadaoin 13 Samhain ag 1pm agus 7pm i Halla Astra, Ionad Mac Léinn UCD (Campas Belfield).
Tá ticéid ar fáil ó www.eventbrite.ie agus seo a leanas na praghsanna:
Leanaí €5
Lamháltais (Mic Léinn, Pinsinéirí, Daoine Dífhostaithe) €6
Daoine fásta €10
Ticéad Teaghlaigh (2 duine fásta, 2 leanbh) €25
Lascaine 20% do ghrúpaí de 10 nó níos mó
Tá fáilte roimh gach duine, cuma cén aois iad, agus molaimid go mór do theaghlaigh agus do ghrúpaí scoile freastal ar an ócáid. Chun tuilleadh eolais a fháil téigh i dteagmháil le orchestra@ucd.ie nó féach www.ucd.ie/orchestra.
Lecture: ‘Tyranny of no alternative’: Teachers and students working towards socially just schooling.
Deireadh Fómhair 22, 2013
The Vere Foster Trust and the Institute of Educational Research in Ireland (IoERI) present
EDUCATION POLICY
PUBLIC LECTURE SERIES
Challenging the ‘tyranny of no alternative’:
Teachers and students working towards socially just schooling.
Venue: National Gallery of Ireland
Merrion Square W, Dublin 2
Vere Foster, 19th century philanthropist and Anglo-Irish gentleman, established progressive emigration and education schemes in post-famine Ireland. Recognising the connection between education and the strength of the nation, he founded the Irish National Teacher’s Organisation (INTO) in 1868. His legacy offers many valuable lessons for contemporary Irish Education.
RSVP verefostertrust@gmail.com to reserve a seat
6.30pm Thursday 7 Nov 2013
CHALLENGING THE ‘TYRANNY OF NO ALTERNATIVE’: TEACHERS AND STUDENTS WORKING TOWARDS SOCIALLY JUST SCHOOLING.
MARTIN MILLS, THE UNIVERSITY OF QUEENSLAND
This presentation will seek to demonstrate how all schools can take up the challenge of addressing the economic, cultural and political injustices faced by young people from various backgrounds. It begins from the premise that many young people and teachers experience contemporary schooling as less than satisfying, but that this need not be the case. It will draw on data from a range of ‘alternative’ schools in Australia and England to explore the ways in which all schools can become more socially just. The data will come from interviews with teachers and students in schools variously known as ‘second chance’, ‘flexi-schools’ and ‘flexible learning centres’ and schools sometimes referred to as ‘democratic’. The first set of schools regularly caters to the needs of young people who experience severe social and economic disadvantage through, for example, poverty, homelessness and caring responsibilities. Many of these young people have been failed by the mainstream education system, yet now demonstrate a great enthusiasm for learning. The second group of schools cater to more middle class students, but demonstrate how engaged young people can be when involved in schools’ decision-making processes. In both sets of schools, teachers indicated that they were freed from many of the neo-liberal pressures shaping education systems globally, and that this made their work more productive and rewarding, which in turn benefited their students.
Martin Mills, The University of Queensland Martin Mills is a Research Professor in the School of Education at The University of Queensland, Australia. Martin’s research interests include the sociology of education, social justice in education, alternative schooling, gender and education, school reform and new pedagogies. Martin’s work in these areas has been significant in contributing to international and national debates on these topics. His recent co-authored books include Re-engaging young people in education: learning from alternative schools and Boys and schooling: Beyond Structural Reform. Martin has been on a number of government advisory committees, for example, the Equity advisory group to the Queensland Studies Authority. Substantial policy advice has also been provided through the numerous government reports that he has co-authored, the most recent of which is a report to the Australian Capital Territory government on the alternative provision of schooling in that Territory.
Irish groups urged to apply to new funding bodies
Deireadh Fómhair 21, 2013
Foyle Sinn Féin MLA Raymond McCartney has encouraged Irish language groups in Derry to apply to be part of new all-Ireland funding structures.
“I have great confidence in the northern-based Irish language groups who have been to the forefront of the revival in Gaeilge. Some of the groups expressed concerns about their future under the new arrangements. We have received assurances that there are no predetermined outcomes to the make up of the all-Ireland structures,” he said.
www.derryjournal.com
Foilsithe ar Gaelport.com 21 Deireadh Fómhair 2013
