Suirbhé Pobail ar Sheirbhís Nuachta Gaeilge – Glac Páirt agus Scaip an Scéal
Márta 25, 2013
Ba mhaith le Foras na Gaeilge tú a chur ar an eolas maidir le suirbhé nua atá le comhlánadh – tá an suirbhé seo dírithe ar phobal labhartha na Gaeilge ar mhaithe lena gcuid mianta agus tuairimí a thomhas i dtaca le treochtaí léitheoireachta nuachta agus rogha formáide is fearr do sheirbhís nuachta Gaeilge amach anseo. Tugtar cuireadh duitse an suirbhé a chomhlánadh agus an scéal a scaipeadh le daoine eile – féach thíos maidir le mionsonraí:
Comhthéacs: Tá seirbhís rialta nuachta á soláthar do phobal na Gaeilge i bhformáid chlóite le breis agus 100 bliain ó nuachtáin laethúla agus seachtainiúla. Léiríonn an meath leanúnach atá tagtha ar dhíolachán nuachtán lán-Ghaeilge go bhfuil gnáthaimh léitheoireachta nuachta phobal na Gaeilge athraithe agus á n-athrú i rith an ama.
Sprioc: Is mian le Foras na Gaeilge freastal ar phobal léitheoireachta na Gaeilge agus céimeanna a ghlacadh a chuirfidh leis an bpobal sin. Chuige sin, ba mhaith le Foras na Gaeilge mianta agus riachtanais phobal na Gaeilge féin a mheas ina leith. Cuideoidh torthaí an taighde seo le Foras na Gaeilge aontú ar an gcur chuige is fearr chun seirbhís nuachta a chur ar fáil do phobal na Gaeilge taobh istigh d’acmhainní teoranta an Fhorais.
Amscála: Iarrtar ar an bpobal freagairtí ar an suirbhé thíos a chur chuig Foras na Gaeilge faoi 12.00 meán lae an 16 Aibreán 2013.
Is féidir an suirbhé seo a chomhlánadh beo ar-líne ag www.gaeilge.ie/suirbhe
Seo puipéad, ceardlann is ceolchoirm, Dé Sathairn – Féile Raifteirí 2013
Márta 22, 2013
An Cheolchoirm Mhór — Main Concert
Siobhán Peoples, Breanndán Ó Beaglaíoch agus Laoise Kelly
Seosamh Ó Neachtain (damhsóir), Muireann Ní Dhuigneáin (Bean an Tí).
—
Breanndán Ó Beaglaíoch, Laoise Kelly and Siobhán Peoples
Seosamh Ó Neachtain (dancer), Muireann Ní Dhuigneáin (Bean an Tí).
8.00 p.m.
Leabharlann Bhaile Locha Riach — Loughrea Library
Do leanaí — Children
Seó puipéid Spraoi le Branar — Puppet show
11.00 a.m.
Leabharlann Bhaile Locha Riach — Loughrea Library
Ceardlann filíochta – Poetry Workshop
11.00 a.m.
le
Gearóid Mac Lochlainn
Seomra ócáide Ghaeilge Locha Riach — Loughrea’s Irish Centre, Gaeilge Locha Riach.
Eolas: 091-870718 /www.lochariach.com
Cámpa Spóirt na Cásca FEACHTAS ar ceal
Márta 22, 2013
Ar an drochuair, Ní bheidh an Campa Spóirt na Cásca eagraithe ag FEACHTAS ag dul ar aghaidh ón 25ú – 28ú Mí na Márta 2013. Is féidir teagmháil a dhéanamh leo ag liam.feachtas@gmail.com.
Príomhoide do Ghaelscoil nua i mbaile Chill Dara
Márta 21, 2013
Cuirtear fáilte roimh iarratais do phost an Phríomhoide.
Is scoil nua lán-Ghaeilge, comhoideachasúil í an Ghaelscoil nua do Bhaile Chill Dara faoi phátrúnacht AN FORAS PÁTRÚNACHTA.
Tá éiteas il-chreidmheach ag an scoil. Tá an scoil fós ag glacadh le hiarratais ó dhaltaí do Mheán Fómhar 2013.
Ba cheart litir clúdach, foirm iarratais do Phríomhoide i nGaeilge agus teistiméireachtaí a sheoladh ar ríomhphost amháin chuig: caoimhin@foras.ie
Glacfar le hiarratais suas go Dé hAoine, 12 Aibreán 2013.
Beidh na hagallaimh ar siúl go luath ina dhiaidh sin.
Tá tuilleadh eolais ar fáil ar www.foras.ie nó www.educationposts.ie
Príomhoide do Ghaelscoil na Céime, BÁC 18
Márta 21, 2013
Cuirtear fáilte roimh iarratais do phost an Phríomhoide.
Is scoil nua lán-Ghaeilge, comhoideachasúil í Gaelscoil na Céime faoi phátrúnacht AN FORAS PÁTRÚNACHTA. Tá éiteas il-chreidmheach ag an scoil. Tá an scoil fós ag glacadh le hiarratais ó dhaltaí do Mheán Fómhar 2013.
Ba cheart litir clúdach, foirm iarratais do Phríomhoide i nGaeilge agus teistiméireachtaí a sheoladh ar ríomhphost amháin chuig: caoimhin@foras.ie
Glacfar le hiarratais suas go Dé hAoine, 12 Aibreán 2013.
Beidh na hagallaimh ar siúl go luath ina dhiaidh sin.
Tá tuilleadh eolais ar fáil ar www.foras.ie nó www.educationposts.ie
Príomhoide do Ghaelscoil Theach na Giúise
Márta 21, 2013
Cuirtear fáilte roimh iarratais do phost an Phríomhoide.
Is scoil nua lán-Ghaeilge, comhoideachasúil í Gaelscoil Theach na Giúise faoi phátrúnacht AN FORAS PÁTRÚNACHTA. Tá éiteas il-chreidmheach ag an scoil. Tá an scoil fós ag glacadh le hiarratais ó dhaltaí do Mheán Fómhar 2013.
Ba cheart litir clúdach, foirm iarratais do Phríomhoide i nGaeilge agus teistiméireachtaí a sheoladh ar ríomhphost amháin chuig: caoimhin@foras.ie
Glacfar le hiarratais suas go Dé hAoine, 12 Aibreán 2013.
Beidh na hagallaimh ar siúl go luath ina dhiaidh sin.
Tá tuilleadh eolais ar fáil ar www.foras.ie nó www.educationposts.ie
Siansa Gael Linn 2013
Márta 21, 2013
Beidh Craobhchomórtas Siansa Gael Linn ar siúl sa Cheoláras Náisiúnta i mBaile Átha Cliath ar an Domhnach, 14 Aibreán 2013. Is comórtas é Siansa Gael Linn do ghrúpaí traidisiúnta. Tá an comórtas ar an bhfód breis is deich mbliana anois agus déanann an comórtas áirithe seo an-spreagadh agus ardán a thabhairt don chuid is fearr d’ógthallann ceoil agus amhránaíochta traidisiúnta na tíre.
Beidh ocht ngrúpa as iar-bhunscoileanna éagsúla as Co. na Gaillimhe, Co. Dhoire, Baile Átha Cliath, Co. Phort Láirge, Luimneach agus as Sligeach ag glacadh páirt sa chomórtas sa Cheoláras Náisiúnta ar an oíche agus gach bliain bíonn caighdeán den scoth ag na grúpaí a bhíonn i gcoimhlint lena chéile.
Ag moltóireacht ar Siansa Gael Linn na bliana seo beidh an ceoltóir aitheanta as Tír Chonaill, Ciarán Ó Maonaigh a bhíonn ag seinm leis an ngrúpa iomráiteach Fidil, an ceoltóir Breanndán Ó Beaglaoich as Baile na bPoc i gCorca Dhuibhne a bhíonn ag seinm leis na grúpaí Boys of the Lough agus Beginnishan agus beidh an ceoltóir iomráiteach Mary Bergin ón ngrúpa Dordán ina gcuideachta ar an oíche.
Anuraidh ba hiad an grúpa Teaspach ó Scoil Ghraiméar Shligigh a bhain amach an craobh lena gcuid ceol bríomhar agus amhráin binn agus i mí Eanáir ghlac siad páirt sa Templebar Tradfest sa Ardchathair.
Tá an-áthas ar Gael Linn atá ag ceiliúradh 60 bliain ar an bhfód i mbliana, go mbeidh Uachtarán na hÉireann, Mícheál D. Ó hUiginn mar phríomhaoi ag craobhchomórtas Siansa i mbliana. Craolfar an ceolchoirm beo ar RTÉ Raidió na Gaeltachta ar an Domhnach, 14 Aibreán ag 7.30i.n agus is í Áine Hensey ón stáisiún sin a bheidh mar láithreoir.
Chun ticéad a chur in áirithe don ócáid, ní gá ach dul i dteagmháil leis an gCeoláras Náisiúnta ag 01:417 00 00 nó www.nch.ie
Ná caill oíche den scoth !
Féile na bPáistí 2013
Márta 21, 2013
2 Aibreán 2013 – 4 Aibreán 2013
Beidh Féile na bPáistí ar siúl i mBéal an Mhuirthead, Co. Mhaigh Eo ón 2-4 Aibreán 2013.
Seo é an ceathrú bliain as a chéile a bhfuil an fhéile ealaíon seo do pháistí ar siúl agus beidh féile na bliana seo á reáchtáil le linn laethanta saoire na cásca chun go mbeidh deis ag páistí freastal air na himeachtaí éagsúla atá beartaithe.
Beidh na himeachtaí ar siúl in Áras Inis Gluaire i gCo. Mhaigh Eo thar trí lá ón Máirt 2 – Déardaoin 4 Aibreáin 2013.
Mar chuid de na himeachtaí beidh seó agus ceardlainne do gach aois grúpa á reáchtáil. Beidh agus beidh seó ceo de chuid na deartháireacha Fanzini- beirt fhear grinn. Anuas ar seo beidh ceardlann drumadóireacht leis na Rúach Rhythms & Seó Puipéad faoi stiúir ag Carmel Balfe. Is gá áit a cur in áirithe do na ceardlainne do pháistí de bharr éileamh.
Tuilleadh eolais:
Áras Inis Gluaire
Béal an Mhuirthead
Co. Mhaigheo
t.mccafferty@arasinisgluaire.ie / 09781079
www.arasinisgluaire.ie
Comórtas Ealaíne Cúla4
Márta 21, 2013
Tá go dtí 5 Aibreán ag daoine óga chun pictiúr d’aon eilimint ó Aimsir Cúla4 a tharraingt, mar shampla tuar ceatha, an ghrian nó aon rud de do rogha féin, agus é a sheoladh ar aghaidh don chomórtas ealaíne atá á eagrú ag Cúla4 mar chuid de Sheachtain na Gaeilge.
Tá Cúla4 i gcónaí ag tacú le Seachtain na Gaeilge agus tá duais iontach, táibléad, á thairiscint acu i mbliana do bhuaiteoir an chomórtais.
Is breá an duais é agus ba chóir tabhairt faoi do phictiúr a tharraingt láithreach agus é a sheoladh chuig Cúla4, TG4, Baile na hAbhann, Co. na Gaillimhe.
Ar ndóigh beidh an buaiteoir in ann Aip Cúlchaint 1 agus Cúlchaint 2 a íoslódáil chun cur leis an spraoi. Tá Aipeanna Cúla4 ar fáil saor in aisce agus is féidir iad a íoslódáil ach dul chuig iTunes nó Playstore agus cuardaigh Cúla4 nó TG4.
www.advertiser.ie/galway
Dianchúrsa Gaeilge do Dhaoine Fásta – Acadamh na hOllscolaíochta Gaeilge
Márta 21, 2013
