Uachtarán na hÉireann, an tUasal Micheál D. Ó hUiginn ag tréaslú le scoileanna lán-Ghaeilge ag Ceiliúradh 40 bliain Gaelscoileanna Teo.
Samhain 22, 2013
Ábhar riméid do Gaelscoileanna Teo., Eagraíocht na Scoileanna Gaeltachta Teo. agus pobal na scoileanna lán-Ghaeilge fud fad an oileáin an moladh agus an t-ardú meanma a thug Uachtarán na hÉireann, an tUasal Mícheál D. Ó hUiginn dóibh ag an gComhdháil Oideachais 2013 ar an 22 Samhain 2013.
Ba i gcomhthéacs mórsprioc Gaelscoileanna Teo. “an teanga Ghaeilge a chothú trí oideachas den ardscoth a sholáthar sna scoileanna lán-Ghaeilge” a labhair an tUachtarán faoin gceiliúradh atá á dhéanamh ag an earnáil “ar ár gcultúr, ar an mbealach ar leith a chuirimid muid féin in iúl, in ár dteanga dhúchais”.
Leag an tUachtarán comhthéas an cheiliúrtha amach leis na bhfocail croíúla do Gaelscoileanna Teo., “molaim sibh as an tacaíocht phraiticiúil a thugann sibh do scoilanna lán-Ghaeilge ar fud na tíre chun earnáil an oideachais lán-Ghaeilge a threisiú”.
Óráid thuisceanach, spreagúil agus fianaise-bhunaithe a bhí in óráid an Uachtaráin a thagair d’fhréamhacha, stair agus bunús earnáil na scoileanna lán-Ghaeilge, ach go háirithe ó 1973 nuair a bunaíodh Gaelscoileanna Teo., agus gan ach 12 bhunscoil agus 5 iarbhunscoil lán-Ghaeilge lasmuigh den Ghaeltacht sa deisceart. “Cúis bhróid agus dóchais tábhachtach é fás agus borradh as cuimse na nGaelscoileanna ar fud na tíre” leis an 144 bhunscoil agus 36 iarbhunscoil atá ann anois.
Aithníodh tábhacht an ghuth daonlathaigh i mbunú scoileanna le daichead bliain anuas agus go bhfuil an fhorbairt suntasach san earnáil “mar thoradh ar an éileamh ó thuismitheoirí agus ó phobal áitiúla” le gné riachtanach den bhfás sin ag aithint na tábhachta a bhaineann le meon dearfach na hóige agus a dtuismitheoirí ag labhairt na Gaeilge go laethúil.
D’fháiltigh rannpháirtithe go mór roimh aithint na mbuntáistí cognaíocha, sóisialta agus cultúrtha a bhaineann leis an gcóras tumoideachais do pháistí. Ábhar bróid a bhí ann do scoileanna aitheantas an Uachtaráin a fháil go bhfuil “gnóthú thar na bearta bainte amach ag an tumoideachas go hidirnáisiúnta agus i nGaelscoileanna na hÉireann, ní hamháin sa Ghaeilge agus sa Bhéarla, ach sa Mhaitamaitic agus san Eolaíocht chomh maith”.
Deimhníodh san óráid nach féidir an dul chun cinn seo a dhéanamh i bhfolús, agus go bhfuil pobal láidir scoileanna agus pobal láidir Gaeltachta ina bhunchloch riachtanach den fhorbairt seo .
Ábhar dóchais agus spreagtha a bhí i mbeannacht dheiridh an Uachtaráin, “Mar Uachtarán na hÉireann, tá mé an-sásta tacú leis an obair go léir atá idir láimhe ag Gaelscoileanna Teoranta agus Eagraíocht na Scoileanna Gaeltachta chun an fhianaise a spreagadh go barr feabhais – is linne an teanga agus braitheann todhchaí na teanga orainn uile”.
Gabhann Gaelscoileanna Teo. agus Eagraíocht na Scoileanna Gaeltachta Teo. buíochas ó chroí leis an Uachtarán as teacht i láthair na Comhdhála Oideachais. Deir Ardfheidhmeannach Gaelscoileanna Teo., Bláthnaid ní Ghréacháin, “is mór againn an t-aitheantas a thug an tUachtarán don dá eagraíocht agus do na scoileanna trí teacht inár láthair agus trí ábhar spreagúil, dearfach agus mórtasach a thabhairt dúinn uile. Chuir cuairt an Uachtaráin go mór le rath na comhdhála oideachais agus le stádas an cheiliúrtha 40 bliain do Gaelscoileanna Teo.”
Eagraíocht chomhordaithe agus tacaíochta na scoileanna lán-Ghaeilge is ea Gaelscoileanna Teo.
Tuilleadh Eolais:
Oifig Gaelscoileanna Teo: 01 8535190 nó Ardfheidhmeannach Gaelscoileanna Teo., Bláthnaid ní Ghréacháin ag 086 8050335.
Ó Fhianaise go Barr Feabhais – Clár na Comhdhála Oideachais 22-23 Samhain
Samhain 21, 2013
Eagraíocht na Scoileanna Gaeltachta
Samhain 21, 2013
Níl deireadh ráite fós maidir le todhchaí eagraíocht na Scoileanna Gaeltachta agus brú ag teacht ar Aire Stáit na Gaeltachta, Dinny McGinley, athsmaoineamh a dhéanamh ar chinneadh a Roinne deireadh a chur le maoiniú na heagraíochta.
Mar thoradh ar an gcinneadh sin chinn Eagraíocht na Scoileanna Gaeltachta nach bhféadfaí gnó na heagraíochta a chur i gcrích agus shocraigh siad deireadh a chur leis an eagraíocht agus cheana féin tá deireadh curtha le conarthaí fostaíochta fhoireann na heagraíochta.
Ó shin i leith tá an-bhuairt léirithe ag scoileanna na Gaeltachta agus iad á rá go bhfuil siad anois fágtha gan eagraíocht ionadaíoch agus go ndéanfar neamhaird orthu feasta. Tá an cheist ardaithe sa Dáil agus ag cruinniú de Bhord Údarás na Gaeltachta le déanaí léirigh an Bord a imní faoin gcinneadh deireadh a chur leis an eagraíocht. Chinn siad an imní seo a chur in iúl don Aire, go háirithe i gcomhthéacs feidhmiú na Straitéise 20 Bliain don Ghaeilge.
Le déanaí freisin ghlac Bord Oideachais agus Oiliúna na Gaillimhe agus Ros Comáin (Coiste Gairmoideachais Chontae na Gaillimhe roimhe seo) d’aon ghuth le rún ag iarraidh ar an Aire maoiniú a chur ar fáil in athuair don eagraíocht.
www.advertiser.ie/galway
School undecided on future intake
Samhain 21, 2013
The manager of a secondary school criticised for reducing intake from three classes to two is unable to say when a ruling will be made on whether to apply for extra buildings to cater for demand.
There is local anger that around 50 pupils have been unsuccessful in their applications for entry to Gaelcholáiste Mhuire at the North Monastery in Cork following changes to its enrolment policy. Many families are said to be preparing appeals to the Department of Education after the school limited admissions for next September to 58.
As some families and supporters protested outside the Dublin offices of school owners, the Edmund Rice Schools Trust, school manager Pat Keating said the 2014 admissions policy was designed to stabilise pupil numbers due to overcrowding. After three first-year classes were enrolled in 2011 and 2012, he said changes to the policy for entry this year were not enough to protect against overcrowding.
Mr Keating said his main concern is for the existing school community, and will hold talks with staff and parents of current students.
“I want to talk to everybody and if I’m happy there’s evidence there to approach the trustees with a plan for increased numbers, I would be very pleased to do that,” said Mr Keating.
He said the school is very well run, and careful planning would be needed over curriculum provision and buildings if any increased intake was allowed. Asked if a decision on expansion, or any associated application for temporary or permanent classroom accommodation, would be made in time for pupils applying next year for Sept 2015, Mr Keating said it was not possible to say.
Sinn Féin city councillor Thomas Gould, spokesman for the parents’ group pushing for three classes, and a board member of neighbouring primary Gaelscoil Pheig Sayers, which has had pupils refused enrolment, said some children have no place for next autumn because they applied too late or live outside the catchment area for other schools. Some have places in other schools but will have to travel to the city centre or Ballincollig, instead of their nearest gaelcholáiste, to avail of an all-Irish second-level education.
Mr Keating said he can not meet parents or representative because their cases may be the subject of appeals against the school’s refusal to enrol their children.
www.irishexaminer.com
Téigh faoi dhraíocht Aladdin!
Samhain 20, 2013
Ar mhaith leat cúrsaí riaracháin a shimpliú? Faigh amach cén fáth a bhfuil Aladdin ag croí breis agus 500 bunscoil.
Déanann bogearraí Aladdin riar na scoile a shruthlíniú agus an chumarsáid a éascú. Fágann sé sin níos mó ama agat chun sult a bhaint as saol na scoile. Ní nach ionadh go mbíonn scoileanna a rá linn go bhfuil a gcroí istigh in Aladdin. Taitneoidh Aladdin níos fearr arís leat nuair a fheicfidh tú na pacáistí úra nuashonraithe atá againn!
Cuir isteach ar ár gcrannchar ag seastán Aladdin Schools ag Comhdháil Náisiúnta GAELSCOILEANNA TEO in Óstán Theach Johnstown sa Bhóthar Buí, Contae na Mí Dé hAoine 22ú Samhain 2013. Beidh seans agat táirgí blasta de chuid Avoca a bhuachan. Cuirfear an buaiteoir ar an eolas ag an gcomhdháil le teachtaireacht téacs ar 16:00 Dé hAoine.
Buíochas ó chroí leis na múinteoirí, rúnaithe agus príomhoidí iontacha atá ag baint úsáide as seirbhís Aladdin Schools cheana féin. Guímid rath oraibhse agus ar gach duine a bhíonn ag plé leis an nGaeloideachas. Tá súil againn go mbainfidh sibh sult mór as an gcomhdháil.
Téigh faoi dhraíocht Aladdin. Bí ag caint linn inniu.
www.aladdin.ie
(01) 554-7375
info@aladdin.ie
Deireadh i ndán do 14 eagraíocht
Samhain 20, 2013
Tá Foras na Gaeilge ag cur deireadh le 14 eagraíocht Ghaeilge – agus ag cur sé ‘cheann-eagraíocht’ ar bun
Tá an próiseas faoi lánseol agus tá a fhios ag na heagraíochtaí éagsúla cheana cé acu ar bhain siad an gearrliosta amach nó nár bhain.
Níor léirigh an Foras cé hiad na heagraíochtaí sin “de ghrá na rúndachta agus iontaofacht an phróisis” ach tuigtear gur léirigh 15 eagraíocht spéis sa phróiseas go dtí seo.
Beidh ar na heagraíochtaí eile aighneacht a ullmhú anois agus beidh ar cheannasaí agus ar chathaoirleach na heagraíochta tabhairt faoi agallamh.
Ach tá trí cinn acu slán nach mór ag an phointe seo – Oireachtas na Gaeilge, Coláiste na bhFiann agus Glór na nGael.
Ceaptar go mbeidh trí cinn eile de 19 – Raidió na Life, Raidió Fáilte agus an tÁisaoinad i gColáiste Mhuire Bhéal Feirste, slán le maoiniú ó chistí éagsúla de chuid an Fhorais. Agus tuigtear go bhfuil cainteanna ar bun idir grúpaí áirithe maidir le comhoibriú agus go ndéanfaidh siad comh-iarratas sa chéad chuid eile den phróiseas.
Comórtas
Ach tá Conradh na Gaeilge, an Chomhdháil Náisiúnta agus Pobal sa ghrúpa céanna i gcomórtas do scéim ‘Ardú Feasachta’ – ‘grúpa an bháis’ mar a bhaist foireann Chormaic ag a Cúig air. Bealach amháin nó bealach eile, tiocfaidh deireadh le dhá cheann de na heagraíochtaí sin, mar a bhí siad go dtí seo cibé ar bith.
Is balleagraíocht den Chomhdháil é an Conradh agus tá rún le cur ag an Chonradh os comhair chruinniú na Comhdhála ag iarraidh nach rachadh an Chomhdháil ar aghaidh sa phróiseas ach b’ionann sin agus bás éifeachtach don Chomhdháil.
Beidh Foras na Gaeilge ag fógairt thorthaí an phróisis i ndiaidh a chruinnithe ar an 17 Eanáir 2014.
Irish Independent, Seachtain – Ciarán Dunbar
Suíomh idirlín nua ag Gaelscoil na Giúise
Samhain 20, 2013
Tá suíomh idirlín álainn seolta ag Gaelscoil na Giúise. Comghairdeas leo!
Tá athfhógairt déanta ar phost an phríomhoide i nGael-Choláiste an Phiarsaigh
Samhain 20, 2013
Féach http://www.foras.ie/vacancies/
Agóid Ghaelscoil Pheig Sayers
Samhain 19, 2013
An Gaelcholáiste áitiúil ag tabhairt tús áite do lucht na mbunscoileanna Béarla
Baileoidh pobal Ghaelscoil Pheig Sayers ar an gCarraig Dhubh i mBaile Átha Cliath amárach, Dé Céadaoin, 20 Samhain 2013, ag 12.15pm le hagóid a dhéanamh i gcoinne pholasaí iontrála nua Ghaelcholáiste Mhuire i gCorcaigh.
Beidh an grúpa ag taisteal as Corcaigh chun na príomhchathrach lena chuid míshástachta a chur in iúl d’Iontaobhas Scoileanna Éamainn Rís atá i bhfeighil ar pholasaithe an ghaelcholáiste.
Is é is cúis leis an gconspóid ná go bhfuil deireadh curtha le Gaelscoil Pheig Sayers mar scoil friothálach do Ghaelcholáiste Mhuire. Dar le pobal Ghaelscoil Pheig Sayers, ghlacadh an gaelcholáiste le páistí uile na Gaelscoile roimhe seo ach tá beartaithe ag bainisteoir nua an ghaelcholáiste, ceaptha ag Iontaobhas Scoileanna Éamainn Rís tar éis dóibh deireadh a chuir le bord bainistíochta na scoile, córas dhá shraith a chur i bhfeidhm. Ciallaíonn an cur chuige nua nach mbeidh ach 58 ag tosú sa chéad bhliain mí Meán Fómhair, i gcomparáid le 89 anuraidh, agus deir Gaelscoil Pheig Sayers go bhfuil an bainisteoir nua ag tabhairt tús áite do 4 scoil lán-Bhéarla sa cheantar.
Dúirt Príomhoide Ghaelscoil Pheig Sayers, Adrian Breathnach, “Tá an polasaí seo ag dul i gcoinne an Achta Oideachais 1998 mar ní dheachaigh na hiontaobhaithe chun comhairle a fháil ó thuismitheoirí nuair a bhí siad ag cur an pholasaí le chéile. Chomh maith leis sin ta siad ag tabhairt áiteanna do phaistí ó scoileanna lán-Bhéarla roimh dhaltaí ón ngaelscoil áitiúil rud a chuireann deireadh le traidisiún láidir a bhí idir an gaelscoil agus an gaelcholáiste”.
Beidh an slua ag bailiú taobh amuigh d’Oifig Iontaobhas Scoileanna Éamainn Rís sa Charraig Dhubh, Baile Átha Cliath ag 12.15pm ar Dé Céadaoin, 20 Samhain 2013.
Foilsithe ar Gaelport.com
Uachtarán na hÉireann, an tUasal Mícheál D. Ó hUigínn le dhá scór bliain na heagraíochta, Gaelscoileanna Teo. a cheiliúradh ag Comhdháil Bhliantúil agus Oideachais 2013
Samhain 19, 2013
Tiocfaidh Uachtarán na hÉireann i láthair d’oscailt na comhdhála dhá lá Ó Fhianaise go Barr Feabhais a bheidh ar siúl san óstán Johnstown House, ar an mBóthar Buí, Co. na Mí ar an Aoine 22 Samhain 2013.
Míníonn Bláthnaid ní Ghréacháin, Ardfheidhmeannach Gaelscoileanna Teo. gur roghnaíodh an mana Ó Fhianaise go Barr Feabhais mar mhodh “chun aitheantas a thabhairt do na scoileanna lán-Ghaeilge, idir sean-bhunaithe agus nua, ar an éacht atá bainte amach acu ó bhunú, go fás, go forbairt agus is mór an t-ábhar bróid é do Gaelscoileanna Teo. go raibh ról lárnach againn ag éascú na forbartha seo thar dhá scór bhliain”
I gcomhthéacs na todhchaí, deir sí, “Táimid ag súil go mór leis na deiseanna a bheidh romhainn leanúint leis an ról tacaíochta agus comhordaithe thar ceann earnáil na scoileanna lán-Ghaeilge chun a chinntiú go leanfar le soláthar gaelscolaíochta fud fad na tíre agus ag tacú leo mar institiúid oideachais a éascaíonn agus a sholáthraíonn oideachas den scoth agus a chumasaíonn leibhéil ard cumais sa Ghaeilge”.
I gcomhthéacs láithreacht an Uachtaráin, deir sí, “Tá ríméad orainn gur ghlac Uachtarán na hÉireann lenár gcuireadh a bheith linn don cheiliúradh dhá scór bliain den eagraíocht. Fáiltímid go mór roimh an aitheantais seo ar thábhacht na hearnála agus luach na scoileanna lán-Ghaeilge dár tsochaí, agus a ról i bhfeidhmiú na Straitéise 20 bliain don Ghaeilge”.
Féadfar clárú don Chomhdháil ach teagmháil a dhéanamh leis an oifig ag 01 8535195. Tá gach eolas faoin gComhdháil ar www.gaelscoileanna.ie. Gabhann Gaelscoileanna Teo. buíochas mór freisin le Foras na Gaeilge as an maoiniú do reáchtáil na Comhdhála seo.
