Feachtas cearta seolta
Eanáir 16, 2014
Bhailigh breis agus 200 duine le chéile i Halla na Saoirse i mBaile Átha Cliath Dé Sathairn seo caite chun a fhearg a chun in iúl faoina hionsaithe atá a dhéanamh ag Rialtas Fhine Gael agus an Lucht Oibre ar phobal na Gaeilge agus na Gaeltachta.
Rinneadh cáineadh géar ar an státchóras trí chéile agus rinne Seán Mag Leannáin, Iar-Phríomhoifigeach a chaith 32 bliain ag obair sa státchóras, cur síos an-bheacht ar an ionsaí leanúnach, gan údarás, atá á dhéanamh ag cuid d’ardstátseirbhísigh na tíre ar an teanga. Ach ní cruinniú gearráin a bhí sa chruinniú poiblí a d’eagraigh Conradh na Gaeilge ach cruinniú chun feachtas a eagrú chun troid a dhéanamh in aghaidh na hionsaithe seo. Bailíodh lear mór moltaí ón slua a bhí i láthair agus tá grúpa feachtais bunaithe anois chuige sin. Is féidir eolas a fháil nó páirt a ghlacadh san fheachtas seo ach teagmháil a dhéanamh le Conradh na Gaeilge ag 091 567824 nó conradh@bradan.iol.ie.
www.advertiser.ie
Cúnamh don bhéal triail
Eanáir 9, 2014
Tá cúrsa nua curtha le chéile ag Conradh na Gaeilge do mhic léinn atá ag déanamh scrúdú na hArdteistiméireachta agus atá ag iarraidh cur lena gcumas labhartha Gaeilge.
Ar ndóigh tá tábhacht bhreise leis an scrúdú seo anois os rud é go bhfuil 40% de na marcanna iomlán sa scrúdú ag dul don scrúdú béal. Beidh cúrsa Chonradh na Gaeilge ar siúl gach tráthnóna Aoine in Áras na nGael, 45 Sr. Doiminic, ar feadh tréimhse 10 seachtain agus déanfar freastal ar mhic léinn atá ag staidéar don ard leibhéal agus don ghnáth leibhéal. Cuirfear béim faoi leith i gcothú muinín na mic léinn sa teanga agus cuirfear an teanga os a gcomhar mar ghnáth theanga cumarsáide. Bainfear leas as réimse leathan uirlisí múinteoireachta agus cinnteofar freisin go mbeidh na mic léinn ag foghlaim faoi gach gné den teanga.
Is féidir clárú don chúrsa nua anois ar www.arasnangael.ie nó is féidir eolas a fháil ach glaoch a chur ar 091 567824 nó conradh@bradan.iol.ie.
www.advertiser.ie
Coláiste Chroí Mhuire
Eanáir 9, 2014
Located on the stunning coastline of Galway Bay, Coláiste Chroí Mhuire is a Gaeltacht school which welcomes students from Galway, Barna, Furbo, Spiddal, Inverin, Moycullen, and further afield to attend this highly academic, all-Irish, school which provides a wide range of subjects and extra-curricular activities.
CCM students enjoy a wide range of subjects in this highly academic school. Subjects to Leaving Cert include chemistry, physics, biology, business, accounting, history, geography, design and communication graphics, construction, art, music, and home economics, as well as Irish, English, French, and maths. The optional transition year and Leaving Certificate Vocational programmes are popular with students, and are widely acknowledged as being of significant help to students as they complete their second level education. The school cleverly takes advantage of its stunning coastal site to provide kayaking, hurling on the beach, jogging on the prom, cross country running, and coastal field trips. Students also enjoy football, hurling, basketball, table tennis, and soccer. As well as subject based tours, competitions, and activities, students compete in events as varied as debating, music competitions, Lego robotics, and the annual school concert. Visit the gallery on the school’s website www.ccm.ie to get a taste of the various activities the students enjoy in this highly respected secondary school.
www.advertiser.ie
Ranganna Gaeilge an Earraigh i nGaillimh
Eanáir 9, 2014
Cuirfear tús leis an gcéad shraith ranganna Gaeilge eile in Áras na nGael ar oíche Luain 27 Eanáir.
Is féidir clárú ar líne ag www.arasnangael.ie. Beidh ranganna Gaeilge ar siúl i roinnt ionad eile ar fud an chontae chomh maith le himeachtaí eile chun deis a thabhairt d’fhoghlaimeoirí úsáid a bhaint as an méid atá á fhoghlaim acu. Chomh maith le ranganna an Earraigh tá amchlár ullmhaithe ag Conradh na Gaeilge do na ranganna ar fad do 2014, ina measc na dianchúrsaí éagsúla a bhíonn á reáchtáil acu.
Beidh an Conradh ag leanúint freisin leis an teagmháil le hOllscoil Mhá Nuad maidir leis an gcáilíocht atá á reáchtáil ag an Ollscoil i dtaobh na Gaeilge. Ag éirí ón gcomhoibriú seo beidh deis ag na daoine atá ag freastal ar ranganna an Chonartha scrúdú a dhéanamh chun cáilíocht Eorpach a bhaint amach, más mian leo é sin a dhéanamh. Gach eolas ó Chonradh na Gaeilge, 45 Sráid Doiminic, Gaillimh, 091 567824, nó conradh@bradan.iol.ie.
www.advertiser.ie
Troid ar son chearta teanga
Eanáir 9, 2014
Is i Halla na Saoirse a thionólfar an cruinniú poiblí atá á eagrú ag Conradh na Gaeilge i mBaile Átha Cliath Dé Sathairn seo chugainn, 11 Eanáir, chun troid in aghaidh na hionsaithe atá á dhéanamh ag an Rialtas ar chearta na Gaeilge.
Cuirfear tús leis an gcruinniú ag 12.00 meán lae. Ag an gcruinniú beidh na héilimh seo leanas á chur chun cinn ag Conradh na Gaeilge: Láidriú Acht na dTeangacha Oifigiúla agus neamhspleáchas Oifig an Choimisinéara Teanga; Atheagar iomlán ar pholasaí earcaíochta an stáit le go mbeadh inniúlacht sa Ghaeilge ag 30% de státseirbhísigh nua; Deireadh a chur le maolú na Gaeilge san Aontas Eorpach; Struchtúr a bhunú mar chuid de Phlean 20 Bliain an Rialtais don Ghaeilge chun guth a thabhairt do phobal na Gaeilge agus na Gaeltachta ó dheas agus an Straitéis don Ghaeilge ó thuaidh; Seirbhísí á chur ar fáil trí Ghaeilge do phobal na Gaeltachta; Maoiniú ceart a chur ar fáil do na forais le freagracht don Ghaeilge agus don Ghaeltacht.
Tá an cruinniú oscailte don phobal agus is féidir tuilleadh eolais a fháil ó 091 567824.
www.advertiser.ie
Troid ar son chearta teanga
Nollaig 12, 2013
Tá sé fógartha ag Conradh na Gaeilge go mbeidh cruinniú poiblí á eagrú acu i mBaile Átha Cliath ar Dé Sathairn 11 Eanáir chun deis a thabhairt don phobal a mhíshásamh a chur in iúl don rialtas faoina faillí atá á imirt acu ar an nGaeilge.
Dar le Conradh na Gaeilge go léiríonn cinneadh an Coimisinéir teanga Seán Ó Cuirreáin éirí as oifig, de bharr easpa tacaíochta ón Rialtas agus ón gcóras stáit, an ghéarchéim atá ann don Ghaeilge faoi láthair. Ag an gcruinniú poiblí i mí Eanáir beidh cúig éileamh á chur chun cinn ag Conradh na Gaeilge: Cosaint phost an Coimisinéir teanga mar chuid d’Acht Teanga láidrithe; Atheagar iomlán a chur ar pholasaí earcaíochta an stáit le go mbeadh inniúlacht sa Ghaeilge ag 30% de státseirbhísigh nua; Deireadh a chur le maolú na Gaeilge san Aontas Eorpach; Struchtúr a bhunú mar chuid de Phlean 20 Bliain an Rialtais don Ghaeilge chun guth a thabhairt do phobal na Gaeilge agus na Gaeltachta; Dáta a fhógairt do spriocdháta faoina mbeidh seirbhís á chur ar fáil trí Ghaeilge do phobal na Gaeltachta.
Tá méadú i gcónaí ar fhearg phobal na Gaeilge agus na Gaeltachta le Fine Gael agus Páirtí an Lucht oibre mar thoradh ar chinneadh an Coimisinéir Teanga éirí as oifig. Tá dearcadh forleathan ann anois go bhfuil sé mar aidhm ag an dá pháirtí, agus an córas stáit trí chéile, ionsaí a dhéanamh ar na cearta ar fad a baineadh amach don Ghaeilge sa tréimhse sular tháinig an Comhrialtas seo i gcumhacht.
www.advertiser.ie
Ceiliúradh ar shiopa Green’s
Samhain 28, 2013
Tháinig slua páistí bunscoile ó Scoil Iognáid agus Gaelscoil Dara le chéile ag ócáid seolta Greene’s Shoes Saves Christmas / Shábháil Bróga Greene An Nollaig.
Ba í Lisa Brady ó i Radio a sheol an leabhar dátheangach do pháistí atá foilsithe ag an gcomhlacht Greene’s Shoes mar cheiliúradh ar 75 bliain de shaol an chomhlachta. Rachaidh an brabach uilig óna leabhair a dhíoltar i nGaillimh chuig Pobal Simon na Gaillimhe chun cabhrú leo ina gcuid oibre le daoine gan dídean i gceantar na Gaillimhe. Is í Evelyn Mc Glynn a scríobh an leabhar, is é Seán McDonagh ón gCaisleán Gearr a d’aistrigh é go Gaeilge agus is í Keilidh Cashell mac léinn Ard Teiste ó Chontae Mhuineacháin a mhaisigh an leabhar.
www.advertiser.ie
Eagraíocht na Scoileanna Gaeltachta
Samhain 21, 2013
Níl deireadh ráite fós maidir le todhchaí eagraíocht na Scoileanna Gaeltachta agus brú ag teacht ar Aire Stáit na Gaeltachta, Dinny McGinley, athsmaoineamh a dhéanamh ar chinneadh a Roinne deireadh a chur le maoiniú na heagraíochta.
Mar thoradh ar an gcinneadh sin chinn Eagraíocht na Scoileanna Gaeltachta nach bhféadfaí gnó na heagraíochta a chur i gcrích agus shocraigh siad deireadh a chur leis an eagraíocht agus cheana féin tá deireadh curtha le conarthaí fostaíochta fhoireann na heagraíochta.
Ó shin i leith tá an-bhuairt léirithe ag scoileanna na Gaeltachta agus iad á rá go bhfuil siad anois fágtha gan eagraíocht ionadaíoch agus go ndéanfar neamhaird orthu feasta. Tá an cheist ardaithe sa Dáil agus ag cruinniú de Bhord Údarás na Gaeltachta le déanaí léirigh an Bord a imní faoin gcinneadh deireadh a chur leis an eagraíocht. Chinn siad an imní seo a chur in iúl don Aire, go háirithe i gcomhthéacs feidhmiú na Straitéise 20 Bliain don Ghaeilge.
Le déanaí freisin ghlac Bord Oideachais agus Oiliúna na Gaillimhe agus Ros Comáin (Coiste Gairmoideachais Chontae na Gaillimhe roimhe seo) d’aon ghuth le rún ag iarraidh ar an Aire maoiniú a chur ar fáil in athuair don eagraíocht.
www.advertiser.ie/galway
Seoladh Rith 2014
Samhain 14, 2013
Cuirfear tús le Rith 2014 i mBaile Bhúirne, Co Chorcaí, ar an 7 Márta 2014, tráth a chuirfear tús le ollrith 1,000km go Béal Feirste.
Is ollrith náisiúnta arson na Gaeilge atá i gceist le Rith 2014 agus le linn don ollrith beidh baitín sealaíochta, ina bhfuil teachtaireacht rúnda laistigh de, ag athrú láimhe idir daoine agus grúpaí reatha gach ciliméadar ar feadh naoi lá. Críochnóidh Rith 2014 le féile ollmhór pobail i gcroilár Bhéal Feirste ar an 15 Márta. Rachaidh an t-airgead ar fad ó Rith 2014 go Ciste Gaeilge a chuirfidh maoiniú ar fáil do ghrúpaí pobail Gaeilge ar fud na tíre.Arsa Cormac Ó Feinneadha, bainisteoir imeachta Rith 2014: “Tá áthas orainn go bhfuil an cúrsa nua do Rith 2014 leagtha amach anois.
Tá éagsúlacht ann i 2014 toisc go mbeidh muid ag rith thar oíche i mBaile Átha Cliath. Tá Rith tar éis dul ó neart go neart ó thosaigh an fhéile i 2010.”Is é Rith 2014 an tríú Rith a eagraíodh ó 2010, d’éirigh go hiontach lena himeachtaí i 2010 agus i 2012, ag mealladh suas go 20,000 agus 30,000 duine le páirt a ghlacadh iontu. Tagann an smaoineamh ó Thír na mBascach, áit go bhfuil an Korrika á rith acu ó 1980 i leith agus áit a nglacann breis agus 600,000 duine páirt san fhéile.
Tuilleadh eolais ag www.rith.ie
www.advertiser.ie
New School for Coláiste na Coiribe
Samhain 8, 2013
An Bord Pleanála ruled on September 12 that permission should be granted for the development of Coláiste na Coiribe’s long awaited new facility.
A number of conditions were attached to this permission, details of which can be found at www.pleanala.ie reference PI. 61 241932.
This is a great development for the growing Coláiste na Coiribe community, who have been waiting for this day since Coláiste na Coiribe was founded in 1992 with 10 students. Much credit is due to Tomás Mac Pháidín (príomhoide Choláiste na Coiribe) and the many members of respective boards of management over the years, who have campaigned relentlessly to this end.
An information evening/oíche oscailte for prospective students and their families will take place on Wednesday November 13 from 4.30pm to 6.30pm.
Thug ABP lán-chéad pleanála do GRETB bogadh ar aghaidh leis an scoil nua ar an 12 Mean Fómhair, ach cloí le roinnt coinníollacha. Gach eolas le fáil ar www. pleanala.ie ach cuardaigh uimhir thagartha PL 61.241932 .
Is cúis áthais e seo do chomhphobal Choláiste na Coiribe atá anois 21 bliain ag fanacht ar chóiríocht cuí don dea obair atá ar siúl sa scoil. Táthar ag súil go mbeidh an scoil nua ag oscailt I Meán Fómhair 2015. Buíochas le Tomás Mac Pháidín (príomhoide Choláiste na Coiribe) agus baill éagsúla ar bhord bainistíochta thar na blianta a thíomáin an fheactas seo le díograis.
Galway Advertiser
