Líonra nua ar líne
Samhain 7, 2013
Rinneadh an líonra sóisialta SpeakTalkChat.com a sheoladh an deireadh seachtaine seo caite ag Oireachtas na Gaeilge.
Ar an líonra nua is féidir cuardach a dhéanamh chun teacht ar dhaoine bunaithe ar na teangacha a labhraíonn siad, an leibhéal cumas teanga atá acu nó an saghas caitheamh aimsire atá acu. Ansin, má tá ceamara agat ar do ríomhaire, is féidir físchomhrá a dhéanamh leo. Is féidir le daoine fásta, déagóirí nó lucht oideachais cuntas a chruthú ar an líonra. Leis an gcuntas oideachas is féidir le bunscoileanna, meánscoileanna, ollscoileanna agus seomraí ranga do dhaoine fásta ar fud na cruinne nascadh le rang eile ar an aoisghrúpa/bliain scoile/leibhéal foghlamtha céanna.
Deir Julianne Ní Chonchobhair Stiúrthóir Margaíochta SpeakTalkChat.com “táimid i ndiaidh breis is bliain a chaitheamh ag obair ar shuíomh idirlín nua agus tá áthas orainn go bhfuilimid réidh anois chun é a sheoladh go hoifigiúil. Bhí seachtain mhór againn mar gur bhain muid duais amach ag an gcomhdháil Web Summit, an chomhdháil teicneolaíochta is mó san Eoraip.” Bhí siad in iomaíocht le breis is 5,000 comhlacht ar fud na cruinne a chur isteach ar an gcomórtas áirithe seo.
www.advertiser.ie
Ceann scríbe don mhúnla nua
Deireadh Fómhair 31, 2013
Is cosúil go bhfuil ceann scríbe an mhúnla nua maoinithe atá beartaithe ag Foras na Gaeilge ag teannadh linn sa deireadh thiar, agus an spriocdháta d’eagraíochtaí chun suim a léiriú sa phróiseas imithe tharainn ó inné, 30 Deireadh Fómhair.
Tá an cheist faoi mhúnla nua maoinithe á phlé le dornán maith blianta anuas, agus cé nach bhfuil tacaíocht léirithe ag na heagraíochtaí féin nó ag pobal na Gaeilge, tá sé beartaithe ag an bhForas agus ag na Ranna Rialtais Thuaidh agus Theas brú chun cinn leis. Faoin múnla nua cuirfear maoiniú ar fáil do 6 cheanneagraíocht in áit an 19 eagraíocht atá ag fáil bunmhaoiniú faoi láthair. Beidh na ceanneagraíochtaí seo ag díriú ar réimse straitéiseacha atá leagtha amach ag Foras na Gaeilge, mar atá: 1. Gaeloideachas/Tumoideachas agus Réamhscolaíocht Lán-Ghaeilge 2. Oideachas in earnáil an Bhéarla, agus d’aosaigh agus deiseanna úsáide do dhaltaí scoile 3. Forbairt Phobail agus Eacnamaíochta 4. Deiseanna a thacaíonn le hÚsáid na Gaeilge agus le Bunú Gréasán 5. Ardú Feasachta, Cosaint Teanga agus Ionadaíocht 6. Forbairt Deiseanna Úsáidte Gaeilge agus Gréasán do Dhaoine Óga. Tá amchlár foilsithe ag Foras na Gaeilge chun déileáil leis an bpróiseas roghnaithe, rud a fhágann go mbeidh cinneadh á dhéanamh acu ag cruinniú Bhord an Fhorais ag tús na bliana seo chugainn faoi mhaoiniú d’earnáil na Gaeilge ar bhun uile-oileáin.
www.advertiser.ie
Cuireadh chun cainte le Gaeilge 24
Deireadh Fómhair 17, 2013
Tá Bliain na Gaeilge ag cur fáilte roimh dhaltaí scoile ar fud na tíre tabhairt faoi dhúshlán mór Gaeilge Dé Céadaoin, 13 Samhain agus an Ghaeilge amháin a labhairt ar feadh 24 uair an chloig.
Gaeilge 24 a thugtar ar an dúshlán seo, a bheidh mar cheann de phríomhimeachtaí deireanacha na féile bliana. Arsa Brenda Ní Ghairbhí, Bainisteoir Sheachtain na Gaeilge “Is é aidhm an dúshláin Gaeilge 24 ná daoine óga a spreagadh chun labhairt as Gaeilge amháin do 24 uair a’ chloig; sa bhaile, ar scoil, le siopaí agus gnólachtaí, timpeall an bhaile, le cairde, sa chlub spóirt nó óige agus eile. Cuideoidh sé le heispéireas dearfach a thabhairt dóibh maidir le húsáid na Gaeilge ina saol.”
Tá an dúshlán seo oiriúnach do mhúinteoirí agus ceannairí óige atá ag iarraidh a gcuid daltaí a spreagadh ó thaobh na Gaeilge de. Gheobhaidh gach dalta pacáiste tacaíochta ina mbeidh t-léine, bileoga Fiche Frása agus smaointe don lá. Is dúshlán bailithe airgid é Gaeilge 24 agus beidh rogha acu urraíocht a bhailiú le cárta urraíochta nó síntiús airgid a thabhairt chun páirt a ghlacadh ann. Tabharfar gach brabús do Chiste na Teanga, chun tacú le cur chun cinn na Gaeilge ar fud na hÉireann.
Arsa Ní Ghairbhí: “D’eagraíomar Ceiliúradh Cainte i mí Aibreáin chun imeacht mór Gaeilge a chur chun cinn i measc scoileanna lasmuigh de Sheachtain na Gaeilge. Ghlac 20 scoil páirt sa dúshlán agus rinneadh brabús €6,000 ag an am sin agus tá súil againn cur leis sin trí bhreis scoileanna a mhealladh le páirt a ghlacadh ann agus tríd an tréimhse ama a leathnú ó 12 uair go 24 uair a’ chloig.” Dóibh siúd a bhfuil suim acu páirt a ghlacadh sa dúshlán, is féidir teagmháil a dhéanamh le hoifig Sheachtain na Gaeilge, ag 01 4757401 nó eolas@snag.ie. Tá go dtí Dé hAoine, 25 Deireadh Fómhair, ag scoileanna clárú don dúshlán.
www.advertiser.ie
Ciorcal Iarscoile do Dhéagóirí
Deireadh Fómhair 10, 2013
Tá teacht anois ar chiorcal iarscoile seachtainiúil i mBaile Locha Riach do dhéagóirí atá sa chéad agus sa dara bliain ar an meánscoil.
Cuirtear cúrsaí obair bhaile a chur san áireamh freisin ach go príomha tá an ciorcal dírithe ar dheis a thabhairt do dhéagóirí labhairt na Gaeilge a chleachtadh agus a chloisteáil. Bíonn an ciorcal ar siúl gach Céadaoin ó 4.15 – 5.15i.n. in Oifig Ghlór locha Riach agus tá táille EUR2 in aghaidh na seachtaine. Tuilleadh eolais ó Ruth ag 091-870718 / oifig@lochariach.com
www.advertiser.ie/galway
€3,000 don chomórtas BEO
Meán Fómhair 26, 2013
Beidh €3,000 mar luach saothar ag buaiteoirí BEO, an comórtas nua d’amhrán nuachumtha atá á reáchtáil ag Foras na Gaeilge agus Údarás na Gaeltachta mar chuid de Bhliain na Gaeilge.
Tá BEO dírithe ar an aoisghrúpa 11 – 18 bliain d’aois agus fáilteofar roimh iarratais ó mheánscoileanna, gaelscoileanna, clubanna óige, coláistí samhraidh, clubanna CLG, Comhaltas agus eagraíochtaí óige Gaeilge. Caithfidh an t-amhrán a bheith nuachumtha agus i nGaeilge agus caithfidh an duine/grúpa bheith sásta an t-amhrán a chanadh beo ag an mbabhta ceannais den chomórtas. Beidh an babhta ceannais ar siúl le linn Scléip na hÓige ag Oireachtas na Gaeilge i gCill Airne 31 Deireadh Fómhair. Beidh ar gach iarrthóir físeán 10 nóiméad a dhéanamh ina bhfuil an t-amhrán á chanadh agus cur síos gearr déanta faoi chumadh an amhráin. Tá go dtí an Déardaoin 10 Deireadh Fómhair ag grúpaí chun cur isteach ar an gcomórtas.
Tá an t-eolas uilig faoin gcomórtas chomh maith lena rialacha agus foirm iarratais le fáil ar www.beoireland.com
www.advertiser.ie
Irish oral preparation classes with Conradh na Gaeilge
Meán Fómhair 19, 2013
Conradh na Gaeilge’s Leaving Certificate oral Irish preparation course will commence on Friday September 27.
Forty per cent of the Irish Leaving Cert exam is allocated to the oral examination. The course will cover every aspect of the oral examination and will provide the tools to gain confidence in the language. Classes will run each Friday for 10 weeks at Áras na nGael, 45 Dominick Street. Each class will last 1.5 hours, with two classes to choose from — 5pm or 6.30pm.
Early booking is advised, as there are limited spaces available. For more information contact Conradh na Gaeilge on 091 567824, conradh@bradan.iol.ie, or visit www.arasnangael.ie
www.advertiser.ie
Permission granted for Coláiste na Coiribe
Meán Fómhair 19, 2013
There was great celebration this week with the news that planning permission has been granted by An Bord Pleanála for the new Coláiste na Coiribe all Irish secondary school in Knocknacarra.
The bord granted permission with 19 conditions – three of which specifically deal with local residents’ concerns, such as the erection of signage preventing through traffic, construction of a gate, and the development of a traffic plan – for the school, which is set to cater for 720 students The development has been welcomed by Independent city councillor Catherine Connolly, who described it as “fantastic news”, which sees the “residents fully vindicated” after a “very long battle”. Planning permission for the school was granted by the Galway City Council in April, but residents of Fána Burca believed their concerns about the proposed building were not taken on board and so appealed the decision to ABP. The residents sought the development of a traffic plan to prevent school traffic using Fána Burca as a through way and/or drop-off point.
They also wanted a gate on the pedestrian/cycle entrance from the estate to the new school. This gate, residents argued, could be open during the day to allow full pedestrian/cycle access and closed in the evening. Their concerns were supported by Cllr Connolly who was a member of both the City Vocational Education Committee and the board of management of Colaiste na Coiribe from 1999 to 2009 “This was a very difficult decision for both the residents and myself as I had fought every step of the way for the new school,” she said. Cllr Connolly also facilitated a meeting between city planners and Fána Burca residents. With planning permission now granted for the school and residents concerns met, Cllr Connolly said the next step is to ensure “the rapid construction” of Coláiste na Coiribea “in accordance with the conditions and a celebration on its opening”.
www.advertiser.ie
Slán le Foinse
Meán Fómhair 19, 2013
Tá pobal na Gaeilge fágtha gan nuachtán Gaeilge de shaghas ar bith leis an scéal nach mbeidh Foinse á chur i gcló feasta.
Ó Fhómhair na bliana 2009 bhí Foinse á fhoilsiú mar iatán san Irish Independent agus é ar fáil gach Céadaoin. Bunaíodh Foinse i dtús ama sa bhliain 1996 agus bhí teacht air go seachtainiúil go dtí gur tharraing Foras na Gaeilge an maoiniú a bhí á gcur ar fáil don nuachtán i samhradh na bliana 2009. Ag tús na bliana seo, ghlac Foras na Gaeilge cinneadh deireadh a chuir le maoiniú an nuachtán Gaelscéal, rud a chuir an nuachtán sin go tóin poill. Easpa díolacháin an chúis a thug an Foras le tarraingt siar an deontas agus deir an Foras gur thart ar 1,300/1,400 cóip in aghaidh na seachtaine a bhí á dhíol ag an nuachtán sna siopaí. Tá Foras na Gaeilge i mbun taighde faoi thodhchaí na hearnála seo agus sraith chruinnithe eagraithe acu timpeall na tíre ach níl tuairisc ar bith faoi thoradh an taighde seo go fóill. Ní fios cén tionchar a bheidh ar an taighde seo ar an ráiteas a d’fhoilsigh an Foras i mí Feabhra seo caite inar léirigh siad gur mheasadar “nach é an fhormáid chlóite an bealach is oiriúnaí le seirbhís nuachta a sholáthar do phobal léitheoireachta na Gaeilge.”
Pé scéal é, fágann seo ar fad go bhfuil pobal na Gaeilge fágtha gan nuachtán i nGaeilge agus go bhfuil ardán eile bainte d’iriseoirí na Gaeilge. Is bocht an scéal é freisin go bhfuil foireann nuachtán eile anois ar an dól. Déanann Lár Sráide comhbhrón le foireann Fhoinse agus tá súil nach fada go mbeidh siad ar ais arís ag plé le saol na meáin agus na Gaeilge.
www.advertiser.ie
Eagraíocht Gaeltachta i mbaol
Meán Fómhair 19, 2013
Tionólfar cruinniú éigeandála d’Eagraíocht na Scoileanna Gaeltachta i nGaillimh ag deireadh na míosa seo chun cinneadh a dhéanamh faoi thodhchaí na heagraíochta mar thoradh ar chinneadh na Roinne Ealaíon, Oidhreachta agus Gaeltachta go gcuirfear deireadh le maoiniú Eagraíocht na Scoileanna Gaeltachta ó dheireadh na bliana seo.
Feidhmíonn Eagraíocht na Scoileanna Gaeltachta thar cheann bunscoileanna agus meánscoileanna Gaeltachta. Cuireann sé tacaíocht agus comhairle ar fáil do scoileanna Gaeltachta ar fud na tíre agus troideann sé ar son na scoileanna seo, go háirithe maidir lena ciorraithe atá a dhéanamh sa chóras oideachais. Tá baol mór ann anois faoi thodhchaí na heagraíochta mar gan maoiniú agus tacaíocht foirne is beag dul chun cinn ar féidir leo a dhéanamh.
www.advertiser.ie
Cúnamh don bhéal triail
Meán Fómhair 12, 2013
Tá Conradh na Gaeilge ag reáchtáil cúrsa do mhic léinn atá ag déanamh scrúdú na hArdteistiméireachta agus atá ag iarraidh cur lena gcumas labhartha Gaeilge
Tá an cúrsa seo curtha le chéile de bharr éileamh ó thuismitheoirí agus beidh sé ag díriú ar gach gné den scrúdú béal. Ar ndóigh tá tábhacht bhreise leis an scrúdú seo anois os rud é go bhfuil 40% de na marcanna iomlán sa scrúdú ag dul don scrúdú béal.
Beidh cúrsa Chonradh na Gaeilge ar siúl gach tráthnóna Aoine in Áras na nGael, 45 Sr. Doiminic, ag tosú ar an 27 Meán Fómhair, ar feadh tréimhse 10 seachtain. Cuirfear béim faoi leith i gcothú muinín na mic léinn sa teanga agus cuirfear an teanga os a gcomhar mar ghnáth theanga cumarsáide.
Bainfear leas as réimse leathan uirlisí múinteoireachta agus cinnteofar freisin go mbeidh na mic léinn ag foghlaim faoi gach gné den teanga.
Is féidir clárú don chúrsa ar www.arasnangael.ie agus is féidir eolas a fháil ach glaoch a chur ar 091 567824 nó conradh@bradan.iol.ie.
www.advertiser.ie/galway
