TG4 AR THÓIR AR LÁITHREOIRÍ ÓGA AIMSIRE DO SHEACHTAIN NA GAEILGE
Feabhra 15, 2016
Tá TG4 ag eagrú comórtais a thabharfaidh an deis do chúigear dalta bunscoile (6-12 bliain) a bheith mar chomh-láithreoirí ar an Aimsir Láithreach, seirbhís aimsire an chainéil, le linn Sheachtain na Gaeilge 14 -18 Márta. Beidh na buaiteoirí ag craoladh i bpáirt le láithreoirí aitheanta an chainéil ar an gcraoladh aimsire ag 6.55pm gach tráthnóna.
Roghnófar na láithreoirí óga is fearr a bhfuil teacht i láthair agus Gaeilge líofa acu. Caithfidh na buaiteoirí a bheith ar fáil le teacht go Ceannáras TG4 i nGaeltacht na Gaillimhe ar cheann de na dátaí seo: Márta 14, 15, 16.
Iarrtar ar dhaltaí ar suim leo a bheith páirteach, físeán gearr a sholáthar ina míníonn siad cén fáth gur mian leo An Aimsir Láithreach a chur i láthair, a chur chuig cula4@tg4.ie roimh 5 Márta 2016. Is gá uimhir teileafóin tuismitheora/caomhnóra fásta a chur leis an iarratas.
Is é Cúla4 an zón don óige ar TG4 a chraoltar ar an gcainéal gach lá Luan-Aoine 7 – 10am agus 2- 6pm. Bíonn an t-ábhar ar fáil freisin ar Sheinnteoir TG4 ar AIP APP nó ag www.cula4.com.
Eolas breise: Karina Feirtéar, Young People’s Editor, TG4. 091 505221/ karina.feirtear@tg4.ie
Tús na n-Oibreacha ar fhoirgneamh buan do Ghaelscoil an Bhradáin Feasa
Feabhra 15, 2016
Tháinig DEICH mBLIAIN d’obair chrua agus tiomantas chun críche nuair a d’iompaigh Phil Reilly agus Cathal Mac Cearáin fód chun tús na n-oibreacha ar fhoirgneamh buan do Ghaelscoil Feasa Bhradáin ar Bhóthar an Mhuilinn a cheiliúradh.
Scoil nua-aimseartha atá oiriúnach do pháistí an 21ú haois, a bheidh suite taobh thiar de na seomraí réamhdhéanta atá ann. Osclóidh sí i mí Bealtaine 2017 tar éis togra tógála a thógfaidh 16 mí.
Tom Kelly a ghearr an ribín
Ag an suíomh ar an Luan, is iad Tom Kelly agus Cathal Mac Cearáin a d’iompaigh fód. Bhí na sceitimíní le braith sa aer agus áthas an domhain ar chomhaltaí a chaith 10 mbliana ag streachailt chun an fhoirgneamh buan seo a fháil.
Sceitimíní ar na páistí!
Bhí Cathal Mac Cearáin mar chathaoirleach ar an gcoiste bunaithe, agus is Cathaoirleach é ar an mbord bainistíochta ó osclaíodh an scoil sa bhliain 2007. D’oibrigh Cathal agus Siobhán Ní Dhúill (príomhoide) go dlúth leis an Roinn Oideachais agus leis na polaiteoirí áitiúla chun an pointe seo a shroichint. Is iad ailtirí Van Dijk a ceapadh chun an scoil nua-aimseartha seo a dhearadh agus P.J Mc Loughlin a thógfaidh an fhoirgneamh a chuimsíonn 16 seomra ranga, seomraí tacaíochta foghlama, seomraí acmhainne, aonad do pháistí le riachtanais speisialta, halla scoile, ionad bhog-shúgartha, clós shúgartha shóisearach agus dhá chúirt cispheile. I 2013, bhí an scoil san áireamh ar liosta tógála do 2015/16.Ag labhairt dó ag fáiltiú sa scoil, chuir an tUasal Mhic Cearáin, Cathaoirleach an Bhoird Bhainistíochta fáilte roimh gach duine chuig an ócáid agus dúirt go raibh siad ag tús an deireadh de ‘thuras fhada agus céasmhar’. Ghabh sé buíochas le Phil Reilly as a chuid tacaíochta sna laethanta tosaigh nuair a d’athchóirigh sé na seomraí feistis i CLG Naomh Colmcille chun scoil a dhéanamh astu thar oíche!
Martin Mc Loughlin, Tom Kelly, Cathal Mac Cearáin agus Tommy.
Thagair Siobhán an príomhoide do Confucius a thug le tuiscint nuair nach bhféadfaí spriocanna soiléire a bhaint amach, ní raibh le déanamh ach na céimeanna gníomhaíochta a athrú agus sin a déanadh sa scoil seo faoi threoir Chathail Mhic Cearáin a d’oibrigh gan stad gan staonadh chun an pointe seo a shroichint.
Thug sí ómós freisin do thuismitheoirí, mhuinteoirí, foireann na scoile agus do h-airí oideachais agus polaiteoirí áitiúla a bhí ina gcúnamh mór maraon le lucht an fhreasúra.
TEN YEARS of hard work and dedication finally came to fruition as Mr. Phil Reilly and Cathal Mac Cearáin turned the sod to mark the beginning of works on the new Gaelscoil an Bhradáin Feasa on the Mill Road.
The new state-of-the-art school, which will be situated behind the current prefabs is due to open in May 2017 after an 16-month build.
At the site on Monday, Tom Kelly and Cathal Mac Cearáin turned a very wet sod at the site where not even the rain could dampen the spirits of those gathered to witness the event, some of whom have been part of the school’s struggle for 10 years.
One of those people is Cathal Mac Cearáin who was cathaoirleach of the founding committee and has been cathaoirleach of the Board of Management since the school opened in 2007. Cathal and principal Siobhán Ní Dhúill have worked closely with the Department of education and all local politicians in order to get to this stage. Van Dijk architects have designed a state of the art school which P.J Mc Loughlin will build. It encompasses 16 classrooms, learning support rooms, resource rooms, a special needs unit, school hall, soft play area, junior play area and two basketball courts.
In 2013, the school was included in the building list for 2015/16.
Speaking at a reception in the school, Mr. Cathal Mac Cearáin, Chairperson of the Board of Management welcomed everyone to the event and said they were at the beginning of the end of a “long and torturous journey.” He thanked Phil Reilly for his support in the early days when he refurbished the changing rooms in St. Colmcilles GAA and turned the clubhouse into a school overnight!
Siobhán the principal referred to a Confucius quote which suggested that when obvious goals could not be reached, you did not adjust the goals but the action steps and that, she said, was what the school had done, under the guidance of Cathal Mac Cearáin who had an “indefatigable and unwavering drive”.
She paid tribute also to parents, staff, Ministers for education and local politicians who had been of great assistance both while in government and in opposition.
Turas Báid Oideachasúil le THE Doolin Ferry Co. & Bill O’Brien
Feabhra 12, 2016
“Táimid an-sásta go bhfuil The Doolin Ferry Company ag ceiliúradh Seachtain na Gaeilge leis an turas báid speisialta seo as Gaeilge. Tá súil againn go mbainfidh daltaí taitneamh agus tairbhe as a bheith ag foghlaim
trí Ghaeilge agus iad amuigh faoin aer”.
Le linn 2016 táimid ag cur tús le foghlaim curaclam-bhunaithe lenár ‘Sraith Oideachais d’Fhoghlaim faoin Tírdhreach’ de thurais scoile do scoláirí bunscoile, meánscoile agus tríú leibhéal. Chun Seachtain na Gaeilge a cheiliúradh agus a chur chun cinn, tabharfaidh ár gcriú oileánda turas báid eolasach agus taitneamhach do do scoil faoi scáth Aillte draíochtúil an Mhothair – ar fad as Gaeilge.
Foghlaimeoidh sibh faoin dóigh a cruthaíodh na haillte seo 450 milliún bliain ó shin! Foghlaimeoidh sibh chomh maith faoin Timpeallacht Mara agus Cóilíneachtaí na nÉan Mara a thagann gach bliain chun a ngearrcaigh a chothú.
Feicfidh sibh chomh maith pluais ón scannán ‘Harry Potter & the Half Blood Prince’!
Múinteoirí saor in aisce!
Testimonial
“Bhí turas Choláiste Naomh Eoin, Inis Meáin chuig Aillte an Mhothair le The Doolin Ferry Company le Bill O Brien, ar cheann de bhuaic phointí na bliana acadúla. Sheol muid ar thuras oideachasúil a rinne ceansú ar áilleacht agus ar gnéithe an nádúir I mbarr a réime. Bhí na radharcanna draíochtúil agus bhí idir mhúinteoirí agus daltaí faoi gheasa ag iontais na nAillte ón mbun. Bhí an criú fíor oibleagáideach agus ba léir go raibh siad bródúil an taithí álainn seo a roinnt linn. Turas scoile den chéad scoth!” ~Mairéad Ní Fhátharta, Príomhoide
Guthán: 065 707 5555
Ríomhphost: sales@doolinferry.com
Caithfear réamh-áirithint a dhéanamh ar thurais Gaeilge. Fágann tuarais scoile 12:00pm gach lá agus maireann tuaras ar feadh uaire.
Roinn ‘Gaeltachta’ nua agus ábhar Gaeilge nua don Ardteist luaite i bhforógra Fhianna Fáil
Feabhra 11, 2016
Ach iad a bheith i gcumhacht, d’fhéachfadh Fianna Fáil ar ábhar Gaeilge breise nua a thabhairt isteach mar rogha do dhaltaí na hArdteiste agus an Teastais Shóisearaigh chun freastal ar riachtanais an chainteora dúchais agus cainteoirí líofa eile.
Dhéanfaí deimhin de, a mhaítear san fhorógra, An Ireland for All, go mbronnfaí ar scoileanna Gaeltachta na háiseanna agus ‘an tsaoirse’ chun an teanga a mhúineadh ar bhealach ‘a bheadh éifeachtach agus oiriúnach’.
Gealltar san fhorógra go ndéanfadh an páirtí slí ag bord an rialtais d’Aire Sinsearach a mbeadh cúram sonrach na Gaeltachta air, ceann de na héilimh réamhthoghcháin atá ag Conradh na Gaeilge.
Deirtear i bhforógra toghcháin an pháirtí, ar seoladh ar maidin i mBaile Átha Cliath é, go mbunódh an páirtí roinn nua a bheadh freagrach as cúrsaí pobail, tuaithe agus Gaeltachta.
Chuirfeadh an páirtí maoiniú breise ar fáil d’Údarás na Gaeltachta agus Foras na Gaeilge agus bhunóidís coiste Oireachtais buan chun plé le cúrsaí Gaeilge agus Gaeltachta, an dá éileamh eile atá ag Conradh na Gaeilge. Gealltar go gcuirfí €3 mhilliún breise ar fáil chomh maith do thograí de chuid Údarás na Gaeltachta.
Deir an páirtí go gcuirfidís €3 mhilliún ar fáil gach bliain do chur i bhfeidhm Straitéis 20 Bliain na Gaeilge.
Thacódh an páirtí le hOifig an Choimisinéara Teanga agus thabharfaidís reachtaíocht isteach chun go mbeadh Acht na dTeangacha Oifigiúla ‘níos éifeachtaí’.
Gealltar san fhorógra go dtógfaí ar stádas na Gaeilge mar theanga oifigiúil oibre san Aontas Eorpach agus go gcinnteofaí go mbeadh an seasamh céanna ag an nGaeilge is atá ag teangacha eile an Aontais.
Déantar cáineadh in An Ireland for All ar pholasaí an Rialtais i dtaobh na teanga.
“Sadly, the current government lacks any real commitment to the language or the protection of language rights.
“Fine Gael and Labour have continuously downgraded the status of the Irish language.”
I mBéarla amháin atá forógra Fhianna Fáil ar fáil faoi láthair ach gealltar go mbeidh leagan Gaeilge de ar fáil tráthnóna.
www.tuairisc.ie
Forbairt le déanamh ar áiseanna spóirt Choláiste Feirste
Feabhra 11, 2016
Drámaíocht agus Teagasc Teangacha le Erika Piazzoli
Feabhra 11, 2016
Dé Sathairn an 27 Feabhra 2016 i gColáiste na Tríonóide, BÁC
Ceardlann ghníomhach, spraoiúil do theagascóirí atá ag lorg bealaí cruthaitheacha le teangacha a theagasc.
Cuirtear an cheardlann seo ar fáil do mhúinteoirí ar mian leo foghlaim ghníomhach a chur chun cinn trí mhodh na drámaíochta. Dírítear ar an drámaíocht mar mhodheolaíocht le teangacha a theagasc agus a fhoghlaim agus tá sé oiriúnach do mhúinteoirí ag gach leibhéal, do mhúinteoirí a bhíonn ag plé leis an dara/tríú teanga agus leis na nuatheangacha. Feiliúnach freisin d’áisitheoirí drámaíochta.
Is as Béarla a reachtálfar an cheardlann seo
Clárú: 9.30am (tae is caifé ar fáil)
Ceardlann: 10am go 1.30pm.
Ionad: Ionad na nDán, Coláiste na Tríonóide Seomra C6.002
(Bain úsáid as an ardaitheoir, agus bí ag faire amach do na fógraí!)
Clárú ar ephost: dramaadei@gmail.com
Costas : €30. Beirt nó níos mó: €25 an duine. Lascaine do mhic léinn: €12
Cuir áit in áirithint inniu! Cuirfear teastais tinrimh ar fáil ar an lá
Is mian le ADEI buíochas a ghabháil le Coláiste na hOllscoile BÁC as ucht tacú leis an ocáid seo.
Comhlachtaí le Gaeilge á lorg ag Conradh na Gaeilge dá eolaire Gaeilge nua
Feabhra 11, 2016
Tá teagmháil déanta ag Conradh na Gaeilge le os cionn 100 eagraíocht agus gnólacht in Éirinn agus iad ag cur a n-eolaire nua le chéile. D’fhógair an Conradh i mí na Samhna go gcuirfí eolaire de ghnólachtaí a chuireann seirbhísí as Gaeilge ar fáil don phobal le chéile agus go mbeadh an t-eolaire sin ar fáil go héasca ar líne.
Beidh an t-eolaire nua ar fáil ó mhí an Mhárta mar chuid den suíomh PEIG.ie, agus beidh fáil ar shonraí teagmhála, uaireanta oscailte agus gnó na gcomhlachtaí atá sásta seirbhísí a chur ar fáil i nGaeilge air.
Tá eolairí eile curtha le chéile ag grúpaí éagsúla timpeall na tíre cheana féin, ar nós Eolaire Gaeilge Chiarraí a chuir Comhairle Contae Chiarraí ar fáil i mí na Nollag seo caite. Eolaire atá ann d’eagrais agus de ghnólachtaí ar fud Chontae Ciarraí a chuireann a gcuid seirbhísí ar fáil trí mheán na Gaeilge.
Aithníonn Conradh na Gaeilge “na heolairí iontacha eile” seo ach maíonn an t-eagras go bhfeidhmeoidh an t-eolaire atá á fhorbairt acu féin mar “lárphointe eolais do phobal oileán na hÉireann” do sheirbhísí Gaeilge atá ar fáil i nGaeilge ar fud na tíre.
Frítheadh i suirbhé a rinne Millward-Brown do Chonradh na Gaeilge ag tús na bliana seo caite gur chreid 62% de mhuintir na hÉireann go mba cheart go mbeadh teacht ag lucht labhartha na Gaeilge ar sheirbhísí i nGaeilge. Bhí an céatadán sin níos airde i measc daoine óga, ar chreid 69% acu amhlaidh. Sa suirbhé céanna thug 50% den phobal le fios gur chreid siad gur acmhainn luachmhar í an Ghaeilge a d’fhéadfadh leas na heacnamaíochta a dhéanamh.
Agus iad ag éileamh ar ghnólachtaí ar fud na hÉireann clárú leis an eolaire nua agus seirbhísí Gaeilge a chur ar fáil, dúirt Conradh na Gaeilge go gcruthaíonn úsáid na nGaeilge “nasc coitianta idir custaiméirí agus comhlachtaí” agus go mbíonn dílseacht ar leith ag custaiméirí do chomhlachtaí mar gheall ar an nasc sin. Mhaígh an Conradh freisin go dtiocfadh ardú ar líon na gcustaiméirí a bheadh ag comhlacht a d’úsáidfeadh an Ghaeilge “mar gheall ar ardú infheictheachta i measc phobal na Gaeilge”.
Tá an Conradh ag iarraidh go mbeidh an méid is mó comhlachtaí páirteach sa togra nua agus is féidir agus iad ag iarraidh ar ghnólachtaí a chuireann seirbhísí ar fáil trí Ghaeilge cheana féin nó a d’fhéadfadh iad a chur fáil clárú leis an eolaire nua.
Is féidir clárú leis an eolaire anseo
Feachtas le bunscoil a bhunú ar an Chéide, Ard Mhacha
Feabhra 11, 2016
Tá feachtas faoi sheol ar an Chéide in Ard Mhacha Theas le Gaelscoil úr a bhunú ann. Anuraidh fosclaíodh Naíscoil an Chéide i gclubtheach áitiúil CLG, Michael Dwyers.
13 páiste atá cláraithe ann faoi láthair ach tá líon maith tuismitheoirí i ndiaidh spéis a léiriú san obair atá ar bun sa cheantar.
Thug an tAire Oideachais John O’Dowd cuairt ar Naíscoil an Chéide le pleananna an choiste áitiúil a fhiosrú.
Labhair Meon Eile leis an Aire agus leis na hionadaithe áitiúla faoi na pleananna don Ghaeloideachas sa cheantar…
Físéan ag an nasc thíos:
Comórtas: Éirí Amach na Cásca 1916: Oidhreacht Choláiste Uladh
Feabhra 10, 2016
Tá dhá chóip den lámhleabhar scoile Éirí Amach na Cásca 1916: Oidhreacht Choláiste Uladh againn le bronnadh ar bhunscoil agus iarbhunscoil amháin.
Níl le déanamh ach ‘is maith liom’ a thabhairt do leathanach Facebook Gaelscoileanna Teo. agus an phostáil faoin gcomórtas seo a roinnt.
Is saothar é seo atá curtha in eagar ag Dr. Seosamh Ó Ceallaigh & Donnnchadh Mac Niallais agus seolfar anocht é i Gaelscoil Lios na nÓg, Raghnallach, BÁC 6 Dé Céadaoin, 10 Feabhra 2016 ar 7.00 i.n.
Fógrófar buaiteoirí an chomórtais ag meánlae ar an Aoine!
93% den airgead deontais Gaeltachta a cheadaigh an tAire McHugh ó thús na bliana imithe chuig Dún na nGall
Feabhra 10, 2016
Ba chóir Aire Stáit na Gaeltachta Joe McHugh a thabhairt os comhair Choiste na gCuntas Poiblí chun ceisteanna a fhreagairt faoin scéala gur dreamanna i nDún na nGall a fuair 93% den airgead deontais Gaeltachta atá ceadaithe aige ó thús na bliana.
B’in an méid a bhí le rá aréir ag an Seanadóir Trevor Ó Clochartaigh, urlabhraí Gaeilge Shinn Féin, faoi eolas atá faighte ag Tuairisc.ie faoi dháileadh na ndeontas atá ceadaithe ag Aire Stáit na Gaeltachta ó thús na bliana.
De réir an eolais sin, ba ghrúpaí, eagraíochtaí agus tograí i nDún na nGall a fuair os cionn 90% den airgead deontais Gaeltachta a cheadaigh Joe McHugh ó thús na bliana.
Dúirt an Seanadóir O Clochartaigh, atá ag seasamh do Shinn Féin i nGaillimh Thiar – Maigh Eo Theas san olltoghchán, go raibh an baol ann go gceapfadh daoine gur “leas polaitiúil an Aire féin” a bhí i gceist le ceadú cuid de na deontais seo.
Dúirt Ó Clochartaigh go raibh “an-amhras” air féin “go pearsanta” faoin scéal agus d’iarr sé ar an Aire ráiteas a dhéanamh ina thaobh láithreach.
De réir an eolais a chuir an Roinn Ealaíon Oidhreachta agus Gaeltachta ar fáil do Tuairisc.ie, cheadaigh an tAire McHugh deontas do dheich gcinn de ghrúpaí i gcontaetha Gaeltachta ó thús na bliana 2016 agus tá seacht gcinn de na grúpaí sin lonnaithe i nDún na nGall.
B’fhiú €685,054 san iomlán na deontais a ceadaíodh do ghrúpaí i nDún na nGall agus b’fhiú €52,623 san iomlán na deontais a ceadaíodh don trí dream Gaeltachta eile a fuair tacaíocht ón Roinn Ealaíon Oidhreachta agus Gaeltachta ó thús na bliana.
Ba chuig dreamanna i nDún na nGall a chuaigh ceithre cinn den chúig dheontas is mó a cheadaigh an tAire Stáit ó thús 2016.
Dúirt an Seanadóir Trevor Ó Clochartaigh ó Shinn Féin le Tuairisc.ie gur scéal “an-tromchúiseach a bhí anseo” agus gur cheart an tAire a thabhairt os comhair Choiste na gCuntas Poiblí i dTithe an Oireachtais “chun fiosrúchán a dhéanamh le fáil amach cén próiseas atá á úsáid aige chun measúnú a dhéanamh ar iarratais ar dheontais.”
An Seanadóir Trevor Ó Clochartaigh
Ba é an deontas is mó a cheadaigh an tAire Stáit ó thús na bliana ná an €485,000 a tugadh d’Amharclann Ghaoth Dobhair. Cheadaigh sé chomh maith deontas €88,064 do Cheiltigh Ghaoth Dobhair chun páirc imeartha do pháistí a fhorbairt agus deontas €57,954 do Scoil an tSratha Mhóir i nDún na nGall chun páirc uile aimsire a fhorbairt.
Ba é an ceathrú deontas Gaeltachta ba mhó a cheadaigh an tAire Stáit ná an €31,636 a thug sé do Choiste Forbartha an Fháil Charraigh chun forbairt a dhéanamh ar an Ionad Pobail ansin.
Ó thús na bliana, cheadaigh an tAire deontais freisin do Scoil Mhuire, Caiseal, Dún na nGall chun trealamh spóirt a cheannach (€2,400) agus do Bhanna Ceoil Mhullach Dubh, Dún na nGall, chun cultacha agus uirlisí ceoil a cheannach (€5,000).
Cheadaigh An tAire McHugh deontas €15,000 do Chomhairle Contae Dhún na nGall d’fhorbairt ‘An Bealach Glas’.
Ba é an deontas is mó a cheadaigh an tAire i gcontae Gaeltachta seachas Dún na nGall ná an €25,000 a d’fhógair sé do Choláiste na bhFiann i gContae na Mí. Fuair Ionad Deirbhile i Maigh Eo €22,623 agus fuair Oifig an Choimisinéara Teanga ar an Spidéal i gConamara €5,000.
Cheadaigh an tAire Stáit sé cinn eile de dheontais d’eagraíochtaí lasmuigh den Ghaeltacht ó thús na bliana. Ba é an deontas is mó acusan ná an €150,000 thar thréimhse dhá bhliain a cheadaigh sé do Raidió Rí Rá i mBaile Átha Cliath. Cheadaigh an tAire deontas €12,813 do Choláiste na nGael i bPáras agus thug sé deontais eile don Chumann Scoildrámaíochta (€5,000), Cumann Merriman (€5,000) Ollscoil Cambridge (€3,218) agus Coláiste Pobail Osraí (€2,300).
www.tuairisc.ie
