Áthas agus díomá léirithe i dtaobh fhógra an Aire Oideachais & Scileanna maidir le bunscoileanna nua
Bealtaine 19, 2016
Áthas agus díomá léirithe i dtaobh fhógra an Aire Oideachais & Scileanna maidir le bunscoileanna nua
Beidh ceiliúradh ann i nDeisceart Bhaile Átha Cliath le fógra an Aire Bruton go bhfuil bunscoil ilchreidmheach lán-Ghaeilge nua aitheanta don cheantar. Faraor, ábhar ollmhór díomá atá san fhógra céanna do na tuismitheoirí a léirigh tacaíocht ollmhór don bhunscoil ilchreidmheach lán-Ghaeilge nua a bhí molta do cheantar Marino, Dhroim Conrach agus Bhaile Áth Cliath 1, éileamh atá diúltaithe ag an Aire agus an Roinn Oideachais & Scileanna.
Bunscoil ilchreidmheach lán-Ghaeilge nua le hoscailt i Stigh Lorgan/Baile na nGabhar
Ba mhaith le Gaelscoileanna Teo. comhghairdeas mór a dhéanamh le pobal agus pátrún na mbunscoile lán-Ghaeilge nua atá le hoscailt i gceantar Stigh Lorgan/Bhaile na nGabhar i mí Mheán Fómhair, de réir fhógra an Aire Oideachais agus Scileanna, Richard Bruton, inniu.
“As 3 bhunscoil nua beartaithe do Mheán Fómhair 2016, fáiltímid roimh fhógra an Aire Oideachais agus Scileanna, Richard Bruton, TD inné go mbeidh scoil ilchreidmheach lán-Ghaeilge ina measc”, a deir Oifigeach Sinsearach Polasaí & Forbartha, Clare Spáinneach. “Is cinneadh an-dearfach é seo a chinntíonn go mbeidh oideachas lán-Ghaeilge ar fáil mar rogha do pháistí a bhfuil suim ag a dtuismitheoirí sa chóras luath-thumoideachais; córas a thugann buntáistí ar leith don uile páiste. Beidh an scoil seo ag freastal ar pháistí de gach cineál cúlra teanga, creidimh agus cultúr agus cabhróidh sí go mór i dtaobh freastal ar an éileamh ollmhór atá ann ar oideachas ilchreidmheach trí mheán na Gaeilge”.
Osclófar an scoil faoi phátrúnacht an Fhoras Pátrúnachta. Socrófar cóiríocht chuí di le tacaíocht na Roinne Oideachais agus ceapfar príomhoide don scoil go luath. Osclóidh an scoil le rang naíonáin amháin. Is féidir le tuismitheoirí a bhfuil suim acu clárú don scoil dul i dteagmháil le Cormac Mc Cashin, Bainisteoir Riaracháin & Tacaíochta, An Foras Pátrúnachta chun tuilleadh eolais a fháil: cormac@foras.ie nó 01 629 4110.
Tuismitheoirí i dTuaisceart Bhaile Átha Cliath fágtha gan rogha dá bpáistí
Is ábhar mór díomá é, áfach, do phobal Marino, Dhroim Conrach agus Bhaile Átha Cliath 1 nár aithníodh an t-éileamh ollmhór ar oideachas lán-Ghaeilge ilchreidmheach sa cheantar sin. “Rinne coiste bunaithe an cheantair scoth na hoibre ó d’aithin an Roinn an ceantar sin mar cheantar do bhunscoil nua agus fuarthas 733 léirithe spéise ó thuismitheoirí áitiúla” a dúirt Ciara Ní Bhroin, Oifigeach Forbartha le Gaelscoileanna Teo. agus stiúrthóir an fheachtais sa cheantar. “Níl na scoileanna lán-Ghaeilge sa cheantar ábalta freastal ar an éileamh mór atá ar áiteanna scoile agus níl aon scoil lán-Ghaeilge ilchreidmheach sa chomharsanacht seo. Ní dhéanfaidh bunú na scoile nua, a bheidh ag teagasc trí Bhéarla, freastal ar mhianta na dtuistí seo dá bpáistí, agus níl aon áit eile ann dóibh”. Beidh Gaelscoileanna Teo. ag lorg achomharc ar cinneadh na Roinne gan aitheantas a thabhairt don scoil lán-Ghaeilge nua, agus leanfar leis an stocaireacht ar son cearta oideachais an 733 páiste a bhí ar liosta na scoile molta.
Is eagraíocht dheonach náisiúnta í Gaelscoileanna Teo. a thugann tacaíocht d’fhorbairt na scoileanna lán-Ghaeilge ag an mbunleibhéal agus ag an iar-bhunleibhéal. Ó Iúil 2014, tá Gaelscoileanna Teo. freagrach mar cheanneagraíocht as an réimse Tumoideachas/Gaeloideachas agus Réamhscolaíocht lán-Ghaeilge. Áirítear i measc róil agus feidhmeanna na heagraíochta comhairle, cúnamh agus tacaíocht do dhaoine ar mian leo oideachas lán-Ghaeilge dá bpáistí, mar aon le seirbhís tacaíochta do naíonraí agus scoileanna.
Folúntas: Gaelcholáiste Mhuire (A.G.), Corcaigh
Bealtaine 19, 2016
Tá Gaelcholáiste Mhuire (A.G.) i gCorcaigh ag lorg múinteoir páirt-aimseartha. Tuilleadh eolais ag an nasc thíos:
http://educationposts.ie/adverts/second_level/employee/18702/
‘Gliondar’ ar chroí Uachtarán na hÉireann i nGaelscoil Mhic Easmainn i dTrá Lí
Bealtaine 19, 2016
Labhair an tUachtarán Mícheál D. Ó hUigínn le múinteoirí agus scoláirí Ghaelscoil Mhic Easmainn ar an Déardaoin 21ú Aibreán, sula ndeachaigh sé go dtí Trá na Beannaí don chomóradh stáit ar theacht i dtír Ruairí Mhic Easmainn céad bliain ó shin.
Ní dhéanfaidh scoláirí Ghaelscoil Mhic Easmainn i dTrá Lí dearmad go deo air. Bhí an cairpéad dearg amuigh, na páistí ag seinm agus ag canadh agus iad ag fanacht ar chuairt an Uachtaráin.
Shroich Uachtarán na hÉireann, Mícheál D. Ó hUigínn agus a bhean chéile, Saidhbhín, an scoil ag a leathuair tar éis a deich ar an Déardaoin 21u Aibreán.
Labhair an tUachtarán le múinteoirí agus scoláirí na scoile sula ndeachaigh sé go dtí Trá na Beannaí don chomóradh stáit ar theacht i dtír agus gabháil Ruairí Mhic Easmainn céad bliain ó shin.
Bhí na daltaí ag tnúth go mór leis an gcuairt agus chuireadar scoth na siamsaíochta, idir cheol agus drámaíocht, i láthair an Uachtaráin agus an laoch mór a bhfuil an scoil féin ainmnithe ina dhiaidh, Ruairí Mac Easmainn, á chomóradh.
“Tuigimid ar fad an meas atá ag an Uachtarán ar theanga agus ar chultúr na Gaeilge agus an spéis atá aige sa teanga. Tugann an Ghaeilge ‘súil eile’ dúinn chun féachaint ar an saol ar fad,” a dúirt Príomhoide Ghaelscoil Mhic Easmainn, Cáit Uí Chonchúir.
Dúirt an tUachtarán Micheál D. Ó hUigínn gur chuir an meas ar an teanga a léirítear i nGaelscoil Mhic Easmainn “gliondar croí” air.
“Caithfimid an dara seans a thabhairt don teanga. Cuireann sé gliondar ar mo chroí nuair a bhuailim le páistí, le tuismitheoirí agus le múinteoirí cosúil libhse atá ag treabhadh i ngort na Gaeilge,” a dúirt an tUachtarán.
Caint agus Ceol
Bealtaine 19, 2016
Gaelscoil na Mí, Chomortás RSA
Bealtaine 19, 2016
D’éirigh le Gaelscoil na Mí an chraobh a bhaint amach sa chomortás RSA. An féidir libh ‘view, like & share’ a dhéanamh ar an fís bheag seo & seans go mbeidh an bua acu, – seit taibléidí don rang atá ar fáil!
Is féidir libh breathnú ar an bhfíseán anseo: https://www.youtube.com/watch?v=ObRwSCCQ4dI&feature=em-share_video_user
Beidh an bua ag an scoil leis an méid is mó ‘views, likes & shares’.
Comórtas Damhsa – Cód Sábhála (Gaelscoil Naomh Pádraig)
Bealtaine 18, 2016
D’éirigh le Rang 2 Gaelscoil Naomh Pádraig an chraobh a shroichint i gcomórtas damhsa Cód Sábhála na bliana seo.
Is féidir breathnú ar an bhfíseán ar RSA YouTube suas go dtí 23 Bealtaine @ 5:00i.n.
Beidh an bua ag an bhfíseán leis an méid is mó radharcanna i ngach catagóir. Ní gá tada a dhéanamh ach breathnú ar an bhfíseán. Míle buíochas!
AN NASC: https://www.youtube.com/watch?v=TKWVfqtViQE
An Roinn Oideachais á tabhairt chun na hArd-Chúirte ag Scoil Lorcáin faoi choinníoll iontrála Gaeilge
Bealtaine 18, 2016
Tá an Roinn Oideachais á tabhairt os comhair na hArd-Chúirte ag Gaelscoil aitheanta agus athbhreithniú breithiúnach ceadaithe do bhord bainistíochta na scoile sin maidir leis an gcoinníoll Gaeilge ina bpolasaí iontrála.
Tá Scoil Lorcáin, Baile na Manach, Baile Átha Cliath, ceann de na Gaelscoileanna is aitheanta sa tír, ag tabhairt dúshlán Ard-Chúirte faoi sheasamh na Roinne Oideachais maidir le ceart na scoile diúltú do dhalta de réir a bpolasaí iontrála.
Tugann an polasaí sin tús áite do dhaltaí as teaghlaigh gurb í an Ghaeilge an ghnáth-theanga iontu, nó “páistí atáthar á dtógáil le Gaeilge”.
Tuigtear do Tuairisc.ie go mbaineann an cás seo le tuismitheoir a dhein achomharc faoi chinneadh na scoile gan glacadh lena pháiste.
Ba faoi alt 29 den Acht Oideachais 1998 a dhein an tuismitheoir an t-achomharc le hArd-Rúnaí na Roinne Oideachais. Ghlac an Roinn Oideachais leis an achomharc agus tugadh treoir do Scoil Lorcáin an dalta a chur ar rolla na scoile don scoilbhliain seo chugainn.
Ba ina dhiaidh sin a shocraigh an scoil dúshlán na Roinne a thabhairt sna cúirteanna agus ceadaíodh Dé Céadaoin seo caite an t-athbhreithniú breithiúnach i dtaobh chinneadh na Roinne.
Luafar an cás arís san Ard-Chúirt Dé Céadaoin seo chugainn.
www.tuairisc.ie
Nuachtlitir na Naíonraí, Gaelscoileanna Teo., Samhradh 2016
Bealtaine 17, 2016
Tá Nuachtlitir na Naíonraí beo anois:
Nuachtlitir, Gaelscoileanna Teo., Samhradh 2016
Bealtaine 17, 2016
Tá nuachtlitir Gaelscoileanna Teo. beo anois:
Folúntas: Naíonra Lámha Beaga, an Mhí
Bealtaine 17, 2016
Job Description
Naíonra Childcare Worker required to work with children aged 3 – 5 years old within an ECCE setting. The candidate must have excellent experience and extensive knowledge of young children’s needs as well as great communication skills to interact with children, parents and colleagues. The position will require the employee to be flexible.
Skills and Qualifications
- Relevant qualifications (minimum FETAC Level 6)
- Minimum of 3 years’ experience in a similar environment.
- Proven classroom management skills
- Proven communication and organisational skills
- Fluent English/Irish both spoken and written
- Ability to use own initiative and work as part of a team
- A Knowledge of relevant legislation & regulations
- A working knowledge of Aistear & Siolta
- Two written references
- First Aid/Manual Handling & Garda Vetting are an advantage
Personal Attributes required:
Sincere and genuine love of children
To be self motivated and have a vibrant and energetic approach to work. Good organizational skills. Excellent interpersonal and communication skills. To be flexible and a team player willingness to attend workshops, training and staff meetings. Demonstrate initiative and the ability to cope under pressure in a professional manner at all times.
Key Responsibilities of the position
- To ensure the smooth day-to-day running of the Naíonra Class
- To ensure the welfare of the children in your care and act as a role model for Lámha Beaga with parents.
- Keep the Managers informed of any issues as they arise.
- Planning and implementing Curriculum for Naíonra Class
- Planning the daily activities of the Room
- Planning a curriculum based on children’s emergent interests
- Ensuring the overall safety & well being of the children
- Ensuring a good standard of hygiene
- Ensuring that equipment is well maintained & safe to use
- Maintaining Daily Records
- Communicating with Parents
- Adhering to Policies and Procedures at all times
- Attending Meetings when required
- Attending Training Sessions when required
