Gaeltacht courses in Coláiste Cholumba in An Cheathrú Rua
Feabhra 6, 2014
Coláiste Cholumba is located in An Cheathrú Rua in the heart of the Connemara Gaeltacht and provides a base for students to further their appreciation and knowledge of not only the Irish language but also of Ireland’s rich historical culture.
Courses are graded and cater for primary students, pre-Junior Cert and pre-Leaving Cert, with special tuition on oral examinations. The college will run three separate three-week courses over the summer, the first running from June 2 to June 23, then from June 24 to July 15, and finally from July 16 to August 8. Coláiste Cholumba uses the communicative approach in Irish classes and avails of modern teaching aids as well as drama and other techniques to ensure that each student has the greatest opportunity to improve his or her Irish.
These courses are inclusive of accommodation, food, tuition, sports activities and travel during the course. Coláiste Cholumba is also famed for its theme nights which include Dubh agus Bán, Céilí 60s, Céilí Gléasta, Oíche Hawaii, Oíche Hollywood, Oíche Pop stars, Oíche Culchie, Oíche na gcontaetha, Céilí Tire, and many more. It’s hard to imagine a more fun filled experience in one of the most popular Irish summer colleges.
Coláiste Cholumba also runs special courses for those sitting the Leaving Cert 2014, Junior Cert, and for sixth class primary and first year post primary students. For further details/special offers contact 091 595184, email colaistecholumba@gmail.com or log on to www.colaistecholumba.ie You can also find Coláiste Cholumba on Facebook and Twitter.
www.advertiser.ie
Buaiteoirí Scléip 2014 sa Firkin Crane
Feabhra 6, 2014
Amharclann an Firkin Crane, Corcaigh, 5 Feabhra 2014
Scoileanna rannpháirteacha:
- Coláiste an Phiarsaigh
- Gaelcholáiste Chiarraí
- Gaelcholáiste Luimnigh
- Gaelcholáiste Mhuire AG
- Pobalscoil Chorca Dhuibhne
Ceol nua-aimseartha (aonair):
- Chloe Millikan, Gaelcholáiste Luimnigh (sóisear)
- Sinéad Toomey, Gaelcholáiste Luimnigh (sinsear)
Ceol nua-aimseartha (grúpaí):
- Na Todchaí, Coláiste an Phiarsaigh (sóisear)
- Walter & Co., Pobalscoil Chorca Dhuibhne (sinsear)
Rince cruthaitheach (aonair):
- Caela O’Shaughnessy, Gaelcholáiste Luimnigh (sóisear)
Rince cruthaitheach (grúpaí):
- An Cogadh, Gaelcholáiste Luimnigh (sóisear)
- Tá rudaí níos mó ná réasún, Gaelcholáiste Chiarraí (sinsear)
- Easaontas Ceoil, Pobalscoil Chorca Dhuibhne (sóisear)
- Cion agus Conor, Gaelcholáiste Luimnigh (sinsear)
Rogha na Moltóirí:
- Flúirse Fonn, Gaelcholáiste Mhuire AG (sóisear)
Comhghairdeas le gach éinne a ghlac páirt, tá súil againn gur bhain sibh ard-taitneamh as an lá (is cinnte gur bhain an fhoireann agus na moltóirí!) agus go bhfeicfimid san Axis sibh ar an 1 Márta don chraobh ceannais.
Eagraíochtaí Gaeilge ó thuaidh le plé ar Cormac ag a Cúig
Feabhra 4, 2014
Cormac ag a Cúig ag craoladh beo ó Bhéal Feirste tráthnóna inniu le todhchaí na Gaeilge ó thuaidh faoi mhúnla nua Fhoras na Gaeilge a phlé
D’fhógair Foras na Gaeilge an mhí seo caite gurb iad Gaelscoileanna, Conradh na Gaeilge, Gael Linn, Oireachtas na Gaeilge, Glór na nGael, agus Cumann na bhFiann na sé cheanneagraíochtaí a bheidh ag feidhmiú in Earnáil Dheonach na Gaeilge mar chuid den mhúnla nua maoinithe. Tiocfaidh deireadh le maoiniú na n-eagraíochtaí nár éirigh leo sa phróisis ag deireadh mhí Mheithimh 2014.
Cé go bhfuil feidhm uile-oileáin ag cuid de na heagraíochtaí a roghnaíodh (thuas) cheana féin, is i bPoblacht na hÉireann atá a gceanncheathrú ag gach ceann acu. Tá imní léirithe faoi seo ó fógraíodh toradh an phróisis toisc an easpa tacaíochta a bheidh ar fáil do na struchtúr reatha teanga ó thuaidh.
Cuirfear deireadh le maoiniú ó Fhoras na Gaeilge do Forbairt Feirste, Pobal, Iontaobhas Ultach agus Pobal, rud a chiallóidh go mbeidh foirne na n-eagraíochtaí ligthe chun siúil agus go mb’fhéidir go mbeidh deireadh á chur leis na heagrais féin. Mar eagraíochtaí deonacha, d’fhéadfadh na heagrais seo leanúint ar aghaidh gan mhaoiniú agus gan fhoireann, ach is cinnte go mbeadh tionchar iontach diúltach aige seo ar obair na n-eagras.
Craolfar eagrán speisialta de Cormac ag a Cúig beo ó Chultúrlann Mc Adam Ó Fiaich i mBéal Feirste inniu, Dé Máirt, 4 Feabhra 2014, a bheas ag díriú ar na hathruithe atá fógartha ag Foras na Gaeilge ar earnáil na Gaeilge. Cuirfear fáilte roimh an bpobal chuig Cultúrlann McAdam Ó Fiaich áit a dtabharfar deis don slua ceisteanna a chur faoin leagan amach nua ar Earnáil na Gaeilge.
Tá dearbhaithe go mbeidh Conradh na Gaeilge, Gael Linn, Oireachtas na nGaeilge agus Glór na nGael i láthair tráthnóna.
Beidh an t-eagrán speisialta de Cormac ag a Cúig le cloisteáil ar RTÉ Raidió na Gaeltachta, www.rte.ie/rnag, inniu, 4 Feabhra 2014, ó 5.00-6.00pm.
Foilsithe ar Gaelport.com
Beofast i mBéal Feirste
Feabhra 4, 2014
Dé hAoine seo caite, 17 Eanáir 2014, tháinig 7 scoil le chéile i mBéal Feirste ag an ‘Oh Yeah’ centre fá choinne ‘Beo-Fast’. As an seachtar scoil sin, bhí cúigear acu as Dún na nGall agus bhí dhá scoil eile as Béal Feirste. Séard a bhí I ‘Beo-Fast’ go bunúsach nó ceolchoirm de chuid Beo. Déanann Beo iarracht bannaí rac Éireannach agus ceol nua a chuir chun cinn. Bhí ‘Beo-Fast’ ar cheann amháin de na ceolchoirmeacha de chuid Beo a bhí ar súil ar fud na tíre ar an Aoine sin. Bhí cúig cheolchoirm eile de chuid Beo ar siúl i scoileanna difriúla ó cheann ceann na tíre. Bhí na cheolchoirm eile i Dungloe, Castlebar,Youghal, Dingle agus Stranorlar. Fósta, bhí an ceolchoirm i mBéal Feirste ar an chéad cheolchoirm de chuid Beo a bhí ar siúl i dTuaisceart Éireann.
Roimh an cheolchoirm, bhí bean darbh aimn Linda Ervine ag labhairt faoin teanga ghaeilge. Bíonn Linda Ervine ag munú agus ag spréadh an teanga fríd an phobail Protastúnach i mBéal Feirste. Bhí sí ag labhairt os coinne na scoileanna uilig a bhí ag freastáil ar an ghig níos moille an oíche sin. Labhair Linda faoi an bealach a bhíonn sí ag munú gaeilge do Phrotastúnaigh i oirthear Beál Feirste. Cainteoir iontach suimiúl ab í Linda Ervine. I ndiaidh urlabhra Linda, bhí seans ag na scoilairí uilig píosa siopadóireacht a dhéanamh i lár mBeál Feirste agus d’fhill said ar ais or an Oh Yeah Centre in am don cheolchoirm.
Thosaigh an gig ag a seacht a chlog agus bá é Callum Stewart an chéad duine leis an stáitse a ghlacadh. Sheinn sé an giotár agus chan sé cúpla amhrán. Chruthaigh sé atmaisféar deas sa seomra. Díreach i ndiaidh Callum Stewart tháinig Apollo Six ar an stáitse. Banna óg as Leitirceanainn atá iontú le baill den ghrúpa as Clochar Loreto agus Coláiste Naomh Adhamhnáin atá sa bhaile. Sheinn siad amhráin raic agus thug siad ar dhaoine toiseacht ag léim agus ag damhsa.
Roimh an dara leath den ceolchoirm, bhí sos beag ann nuair a bhí “More Than Conquerors” ag ullmhú an stáitse. Bhí gach duine ag súil go mór leo agus níor lig MTC síos an lucht féachana. Rinne said trup ar dóigh agus bhí atmaisféar bríomhar acu. Bhí páirt den lucht féachana ag “mosháil” agus ag léimtí thart leis an gceol. Bhí gach duine ar bís agus bhí craic ar dóigh ann!
Chríochnaigh an gig ag a naoi a chlog. Bhain gach duine sult as an oíche agus bhí turas fada bus ar ais go Dún na nGall os ár gcomhair amach, ach níor chuir sé sin isteach nó amach ar dhuine ar bith indiaidh an lá iontach a bhí acu I mBéal Feirste. Oíche ar dóigh a bhí ann. Beo go deo!
Féach tuilleadh sonraí agus grianghraif le Carrie Davenport ar http://beoireland.com/
Léirigh do nasc leis an nGaeilge – Caith Fáinne
Feabhra 4, 2014
Anois teacht an earraigh, is gearr go mbeidh Seachtain na Gaeilge 2014 buailte linn
Eagraítear scoth na n-imeachtaí timpeall na tíre agus go hidirnáisiúnta mar chuid den fhéile bhliantúil ag a dtugtar deis do gach uile dhuine a gcúpla focal a chleachtadh, in ainneoin an chaighdeáin Ghaeilge acu. Beidh Seachtain na Gaeilge 2014 ar siúl ó 1-17 Márta agus bealach amháin le do chuid Gaeilge a léiriú do dhaoine le linn na féile agus amach anseo ná Fáinne a chaitheamh.
Is siombail é An Fáinne ar do nasc féin leis an nGaeilge. Caitear An Fáinne mar chomhartha go bhfuil Gaeilge agat agus go bhfuil tú toilteanach í a labhairt.
Is fiú do mhúinteoirí Gaeilge machnamh a dhéanamh ar ghlacadh le Scéim An Fháinne, chun iad a bhronnadh ar dhaltaí, agus sprioc a thabhairt don rang ar fad le baint amach le linn na bliana.
Roghnaigh An Fáinne a oireann don leibhéal cumais atá agat nó ad do dhaltaí:
Léiríonn an Fáinne Óir agus an Seanfháinne go bhfuil líofacht sa Ghaeilge agat
Is do dhaoine le cumas bunúsach sa Ghaeilge atá an Fáinne Airgid.
Tá suaitheantas den teideal ‘Cúpla Focal’ ar fáil dóibh siúd ar bheagán Gaeilge atá bródúil as an gcúpla focal atá acu.
•Fáinne Óir € 5.50
•Fáinne Airgid € 4.00
•Seanfháinne € 7.00
•Cúpla Focal € 4.00
Is í Comhdháil Náisiúnta na Gaeilge atá i mbun dháileacháin An Fáinne, suaitheantas na Gaeilge, ó 1965.
Is féidir An Fáinne a cheannach ag an siopa ar líne www.fainne.ie agus tá lascaine 10% ar orduithe de 25 nó níos mó suaitheantas ar bith.
Tá tuilleadh eolais ar fáil ar shuíomh gréasáin An Fáinne www.fainne.ie.
Foilsithe ar Gaelport.com
Dúshlann roimh forbróirí áitiúla chun aip turasóireachta a dhréachtú don Cheathrú Ghaeltachta
Feabhra 4, 2014
Tá cuireadh a thabhairt d’fhorbróirí áitiúla chun smaointí ar aipeanna nualaíocha a chur chun tosaigh a mheallfaidh tuilleadh turasóirí chuig Ceathrú Ghaaltachta Bhéal Feirste. Tá an comórtas, a bhfuil tacaíocht faighte aige ó Roinn Cultúr Ealaíon agus Fóillíochta, dírithe ar choinceapanna úra maidir le haipeanna a thabhairt chun an mhargaidh le tógáil ar na sócmhainn cruthaitheacha cultúrtha ata le hofráil ag Gaelphobal Feirste.
Tá an comórtas, atáthar a reachtáil i bpáirtnéireacht le Forbairt Feirste an aisíneacht forbartha Gaeilge Feirsteach, ag cur tairiscint suas le £15,000 roimh forbróirí chun aip úr a cruthú a ndéanfar á lainseáíl níos moille i mbliana. Go huathúil, fanfaidh ceart maoine intleachtúla leis na fobróirí buachana, a ligfeas dóibh an tionscadal a úsáid chun tuilleamh gnó a mhealladh ó taobh amuigh den réigiún.
Dúirt Jake MacSiacais, Stiúrthóir Forbairt Feirste, “Níl áit ar bith ar láidre beoga an oidhreacht cultúrtha, agus stairiúl náisiúnta ná sa Cheathrú Ghaeltachta. Is ceantar é seo inar bheoigh An Ghaeilge réimse d’eispéiris cultúrtha de chuid an 21ú Aois. Tá comhoibriú cruthaitheach a dhíth ón chuid is fearr san earnáil chun na heispéiris a roinnt tríd na hardáin is nua-aoisigh ar bhealaigh tarraingeacha a mheallfaidh níos mó cuairteorí chuig an cheantar.”
Tá an comórtas a óstadh ag IGNITN, an ardán úr do dhúshláin nualaíocha, a rinneadh a lainseáil i nDoire i Mí Eanair ag Féile CultureTECH Dhoire. Dúirt Sriúrthóir CultureTECH Mark Nagurski: “Tá muid an-tóghtha le bheith ag obair le Forbairt Feirste ar an tionscadal seo. Tá oidhreacht spreagúil, saibhir cultúrtha ag an Cheathrú Ghaeltachta a théann i bhfad níos faide siar na an stair úrnua. Silim gur féidir, agus seo cheangailte leis an talann cruthaitheach, teicniúl áitiúl is fearr, rud iontach speisialta a fhorbairt a mbeidh tionchar dearfach aige agus a mheallfaidh cuairteoirí agus a ndéanfaidh cuairteoirí féideartha a cheangal leis an cheantar.”
“Molaimid d’éinne a bhfuil suim acu moladh a chur chun tosaigh bheith cruthaitheach agus rioscaí a ghlacadh ina chur chuige. Ag an phointe seo tá muid dírithe ar na smaointí is fearr a aimsiú; rudaí a chuirfeas ar bís muid. Is deis iontach é seo do na forbróirí ceart agus ba mhaith linn go núsáidfidh siad é chan amháin chun rud éigin iontach a chruthú ach chun é a úsáid mar phreabchlár chun tuilleamh gnó a mhealladh nó chun a smaoineamh a fhorbairt mar ghnó ann féin,” a dúirt Mark.
Beidh an comórtas, a lainseáladh inniu, foscailte go dtí an 28ú Feabhra, ina dhiadh sin gheobhaidh an dá smaoineamh is fearr gearrlíostáílte £5000.00 chun a gcuid coinceapanna aonair a fhorbairt. Gheobhaidh an buaiteoir foriomlán aonar, a roghnófar ag paineál roghnaithe go mall I Mí an Mhárta, £10,000 breise chun smaoiniú s’acu a thabhairt chun margaidh i bpáirtnéireacht le Forbairt Feirste.
Ba chóir d’fhorbróirí a bhfuil suim acu ann cuairt a thabhairt ar www.ignitn.com/gaeltachttourism chun beart eolais ábhartha, rialacha comórtais agus ábhar samplach, atá curtha ar fáíl ag Forbairt Feirste, a íoslódáil.
Tá CultureTECH ar an imeacht is mó de chuid earnáil tionsclaíoch cruthaitheach, digiteach Thuaisceart Éireann, a reachtáíltear go bhliantúil i nDoire agus a mheall lucht féachana comhiomlán de 24,000 i Meán Fómhair 2013. Tá CultureTECH tiomanta chun idirchaidrimh a chur chun cinn i measc lucht cultúrtha agus teicniúla agus tá sé ag forbairt réimse tosaíochtaí ar-líne agus as-líne, agus ardán comórtais úr TÉ IGNITN.com. san áireamh. Tuilleadh eolais ag www.culturetech.co
Is gníomhaireacht forbartha Gaeilge é Forbairt Feirste, atá lonnaithe i mBéal Feirste, agus a dhéanann an Gaeilge a úsáid le cumhacht soch-gheilleagrach Bhéal Feirste a scaoileadh chun leasa an Chathair iomlán, agus ghníomhaíonn chun oidhreacht Ghaelphobal Feirste a lárnú I saol na cathrach chun deiseanna geilleagracha a chruthú don ghaelphobal agus chun stádas na Gaeilge a neartú. Tuilleadh eolais ag www.forbairtfeirste.com
Tá an tionscadal seo a mhaoiniú ag Roinn Cultúr Ealaíon agus Fóillíochta ceann den 11 Ranna Rialtais a tháinig ann dóibh de thoradh Ord Ranna (Thuaisceart Eireann) 1999. Is é an roinn atá freagrach i dTuaisceart Éireann as na healaíona agus cruthaitheachta, iarsmalainn, leabharlanna, uiscí intíre agus iascaireacht intíre, eagsúlacht teangacha, cartlainn agus maidir le comhairle i dtaca le seachadadh an Crannchur Náisiúnta. Tuilleadh eolais ag www.dcalni.gov.uk
Connor Doherty
T: 02871262379
E: connor@culturetech.co
W: www.ignitn.com / www.culturetech.co
Lá Mór na Gaeilge
Feabhra 4, 2014
Cuirfear tús le feachtas láidir ar son na Gaeilge i mBaile Átha Cliath ar Dé Sathairn,15ú Feabhra.
Eagrófar mórshiúl ar son cearta teanga phobal na Gaeilge agus na Gaeltachta ag tosnú ag 2.00i.n. Conradh na Gaeilge, i gcomhar le grúpaí eile teanga agus tacaíocht an mhórphobail ar fud an oileáin, atá ag eagrú an fheachtais mar gheall ar chúiseanna éagsúla agus go háirithe fógairt Sheáin Uí Chuirreáin, An Coimisinéir Teanga, go mbeidh sé ag éirí as oifig ar 24ú Feabhra 2014 de bharr cearta teanga, easpa seirbhísí stáit as Gaeilge agus easpa tacaíochta an rialtais don Ghaeilge.
Tosóidh Lá Mór na Gaeilge le mórshiúl ag an nGairdín Cuimhneacháin ar Chearnóg Parnell ag 2.00i.n. Gluaisfidh an mórshiúl trí lár na príomhchathrach agus tá lucht eagraithe an léirsithe ag súil go mbeidh na mílte i láthair chun cothrom na féinne don teanga a éileamh ar an rialtas. Maraon le haoichainteoirí beidh ceol ó na grúpaí aitheanta Kila, Seo Linn agus Na Fíréin ar an lá agus cuirfear fáilte roimh chách páirt a ghlacadh. Tá breis eolais faoi Lá Mór na Gaeilge ar fáil ar lagaeilge@cnag.ie
www.carlow-nationalist.ie
Ráiteas i leith Phrotastúnaigh agus na Gaeilge cáinte go géar ó thuaidh
Feabhra 4, 2014
Ag caint ag slógadh i dtaca le bealaí na bparáidí a reáchtáladh i dTuaisceart Bhéal Feirste ag an deireadh seachtaine thug ball sinsearach “rabhadh” do Phrotastúnaigh ag foghlaim na Gaeilge gur chuid den “chlár poblachtánach” atá ann.
Mháigh George Chittick, atá mar Ardmhaistir an Oird i mBéal Feirste, go bhfuil i gceist ag pobal na Gaeilge go mbeadh an stádas dlíthiúil céanna ag an nGaeilge is atá ag an mBéarla agus feictear dó go mbeidh ar dhaoine an dá theanga a bheith ar a dtoil acu le post a fháil amach anseo.
Dar le Chittick, tá an teanga polaitithe ag an ngluaiseacht phoblachtánach agus in áit mhaoiniú a iarraidh do thograí Gaeilge, ba chóir do Phrotastúnaigh díriú ar mhaoiniú a fháil do thionscadail a chothódh fostaíocht sa phobal.
Tá ráiteas Chittick cáinte ag grúpaí idir pholaiteoirí agus ghníomhaí, go háirithe Linda Ervine, Oifigeach Forbartha Gaeilge ag Misean Oirthear Bhéal Feirste.
Dúirt Ervine go bhfuil diúltú déanta ag neart daoine ar thuairimí Chittick in Oirthear Bhéal Feirste, áit a bhfuil os cionn 120 duine ag glacadh páirt sa tionscadal Turas, a spreagann feasacht teanga i measc mhuintir Phrotastúnach an tuaiscirt trí ranganna Gaeilge a reáchtáil ar an talamh.
Thug Ervine cuireadh do Chittick cuairt a thabhairt ar an ionad ar Bhóthar Nua na hArda áit a bhfeicfidh sé baill de gach cineál grúpa agus gach cúlra ag foghlaim na Gaeilge.
Ag tagairt don ráiteas a rinne Chittick ag an deireadh seachtaine, chuir an tOrd Oráisteach in iúl nach bhfuil seasamh oifigiúil glactha ag an Ord i leith na Gaeilge agus, cé go dtuigtear go maith go bhfuil naisc stairiúla idir an pobal Protastúnaigh agus an Ghaeilge, dúradh gur cheist í an Ghaeilge don duine aonair.
Chinn tuairisc de chuid Choiste na Saineolaithe ar Chairt na hEorpa do Theangacha Réigiúnacha nó Mionlaigh le déanaí go maireann dearcadh naimhdeach i leith na Gaeilge i Stormont agus cáineadh Rialtas na Breataine agus Tionól Thuaisceart Éireann as “cosc” a chur ar an nGaeilge ó thuaidh.
Mhol Coiste na Saineolaithe gur ghá reachtaíocht a chur i bhfeidhm ar mhaithe chosaint na Gaeilge agus cuireadh comhairle láidir ar an dá údarás bunús reachtaíochta a chur in áit i dtaca le caomhnú agus cur chun cinn na Gaeilge.
Foilsithe ar Gaelport.com
Comórtas Ealaíne an Fhorais Phátrúnachta urraithe ag O2
Feabhra 3, 2014
Is cúis áthais é dúinn Comórtas Ealaíne do Bhunscoileanna agus do Mheánscoileanna a fhógairt.
Tá an comórtas seo urraithe ag O2 agus tá duaiseanna den scoth le buachan – fóin chliste (Nokia Lumia 520) chomh maith le ciseacha atá lán le cluichí, le dearbháin agus eile!
Is é ‘Mise, mo scoil agus an Ghaeilge’ téama an chomórtais agus is é Dé hAoine 14 Feabhra an sprioc d’iontrálacha.
Bronnfar duais ar dhuine amháin ó gach catagóir. Seo na catagóirí:
Naíonáin shóisearacha agus naíonáin shinsearacha
Ranganna 1 – 3
Ranganna 4 – 6
Daltaí Meánscoile
Daltaí a bhfuil riachtanais speisialta acu (aois ar bith)
Ba cheart don scoil an pictiúr is fearr ó gach rannóg a roghnú agus a chur ar aghaidh chuig an bhForas Pátrúnachta.
Fógrófar na buaiteoirí ag Comhdháil an Fhorais a bheidh ar siúl i Moran’s Red Cow Hotel ar an Satharn 1 Márta 2014.
Is féidir leat na rialacha a íoslódáil anseo.
Ádh mór oraibh!
Dianchúrsa Lae i nGaeltacht Ráth Chairn dóibh siúd atá ag dul don mhúinteoireacht
Feabhra 3, 2014
Suim agat sa mhúinteoireacht?
Ag iarraidh do chuid Ghaeilge a fheabhsú?
Interested in Primary Teaching?
Need to brush up on your Irish?
Dianchúrsa Lae i nGaeltacht Ráth Chairn dóibh siúd atá ag dul don mhúinteoireacht
Cúrsa Lae Ráth Chairn Satharn 8ú Feabhra 2014
10rn-4in
Tuilleadh eolais: 046 9432381/9432068
rathcairn@eircom.net
