Taibhiú tallainne den scoth ag Craobhchomórtas Scléip Gael Linn 2018!
Feabhra 1, 2018
Bhí taibhiú tallainne den scoth ag Craobhchomórtas Scléip Gael Linn 2018 in amharclann ‘Clasach’, Cluain Tarbh, Baile Átha Cliath ar an gCéadaoin, 31 Eanáir seo caite! Chuaigh ós cionn 300 scoláire ó Gaelcholáistí agus ó scoileanna dara leibhéal Gaeltachta, a cháiligh tríd réamhbhabhtaí timpeall na tíre roimh Nollaig, ar stáitse i rith buaicphointe seo an chomórtais. Bíonn béim ar na healaíona comhaimseartha ag Scléip agus bhí iomaíocht ghéar ó gach Cúige sna rannóga ceoil, amhránaíochta, rince, agus drámaíochta uilig.
Chun freastal ar an líon mhór iomaitheoirí i mbliana, reáchtáladh dhá halla comórtais i rith na maidine. Sa phríomh-halla, bhí léirithe fuinniúla sna comórtais do rince cruthaitheach, sceitse nua-chumtha agus slua-amhránaíocht ó scoláirí Chonnachta agus na Mumhan – Coláiste na Coiribe, Coláiste N. Fheichín, Corr na Móna agus Coláiste an Eachréidh, Baile Átha an Rí, Contae na Gaillimhe, mar aon le Coláiste Íde agus Pobalscoil Chorca Dhuibhne ó Daingean Uí Chúis agus Gaelcholáste Mhuire AG, Corcaigh. Bhí ionadaíocht mhaith sna comórtais seo chomh maith ó Chúige Laighean- Meánscoil Gharman, Inis Córthaidh, Gaelcholáiste Chill Dara, Gaelcholáiste Cheatharlach, Coláiste Lú, Dún Dealgan agus Scoil Chaitríona, Glasnaíon,Baile Átha Cliath, in éineacht le Coláiste Oiriall, Muineachán agus Pobalscoil Ghaoth Dobhair ó Chúige Uladh. Ba iad Síle Ní Dhuibhne, Máire Uí Mhurchú agus Con Ó Tuama a bhí i mbun moltóireachta agus bhíodar an-sásta leis an gcaighdeán tríd síos. Bhí na comórtais amhránaíochta agus ceoil aonair ar bun i Seomra Tom Corbett ag an am céanna, le hiomaitheoirí ó na scoileanna céanna agus ó Coláiste Ailigh, Leitir Ceanainn, Coláiste Pobail Osraí, Cill Chainnigh agus ó Bhaile Átha Cliath, Coláiste Cois Life, Leamhcán, Coláiste Chilliain, Cluain Dolcáin agus Coláiste Íosagáin, Baile an Bhóthair. Arís, bhí na moltóirí, Enda Reilly agus Pádraig Ó Conghaile ( aka MC Muipéad ) an-mholtach faoi na hamhránaithe agus na ceoltóirí óga, cuid acu a chur píosaí ceoil nó amhráin féin-chumtha ós a gcomhair.
Chruinnigh slua mór mílteach isteach sa phríomh-halla i ndiaidh am lóin do chomórtais an tráthnóna – na grúpaí amhránaíochta. Chuir Niamh Ní Chróinín ó Raidió Rí Rá na hiomaitheoirí i láthair agus páirteach an t-am seo, anuas ar cheoltóiri ó na scoileanna thuasluaite, bhí scoláirí ó Scoil Phobail Mhic Dara, Cárna, Coláiste Pobail Ráth Chairn agus Gaelcholáiste Luimnigh. D’éirigh leis na grúpaí an lucht féachana a chur ag luascadh agus ag preabadh lena dtaispeántais beoga ! Agus ní raibh duine ar bith sa halla in éad leis na moltóirí nuair a tháinig an t-am chun duaiseoirí a roghnú ! Thugadar léirmheasanna dearfacha faoi na míreanna éagsúla, agus fograíodh na buaiteoirí i ngach comórtas. Bronnadh duais don dara háit sna comórtais ina raibh cúigear iomaitheoir nó mó, chomh maith. Anuas air sin, bhí Gradam Scléip 2018 le bronnadh ar an amhránaí/ceoltóir aonair nó ar an ngrúpa is mó a sheas amach ó na buaiteoirí uilig sna comórtais ceoil/amhránaíochta. Ba é Ruairí Mac Lochlainn ó Choláiste Ailigh, Leitir Ceanainn, Tír Chonaill, a roghnaigh na moltóirí i mbliana, agus bhí lúchair air glacadh leis an ngradam speisialta seo.
Bhí Gradam Nós 2018 le bronnadh leis don amhrán nua-chumtha ab fhearr sna comórtais amhránaíochta, canta ag duine aonair nó ag grúpa. Tugadh an t-aitheantas seo i mbliana do Róisín Seoighe, Scoil Chuimsitheach Chiaráin, An Cheathrú Rua, Co. na Gaillimhe as a saothar, agus bhí riméad uirthi !
Comhghairdeas leis na duaiseoirí ar fad a leanas:
Rince Cruthaitheach ( Grúpaí ) SÓISEAR:
An Chéad Áit: ‘Spéirling’, Coláiste Naomh Feichín, Corr na Móna, Co. na Gaillimhe
Rince Cruthaitheach ( Grúpaí ) SINSEAR:
An Chéad Áit: ‘Eiliminteach’, Gaelcholáiste Cheatharlach
Sceitse Nuachumtha:
An Chéad Áit: ‘An Toghchán’, Gaelcholáiste Chill Dara, An Nás, Co. Chill Dara
Slua-Amhránaíocht:
An Chéad Áit: ‘Blaisín’, Meánscoil Gharman, Inis Córthaidh, Co. Loch Garman
An Dara hÁit: ‘Gliondar’, Coláiste Lú, Dún Dealgan, Co. Lú
Ceol Comhaimseartha ( Aonair ) SÓISEAR:
An Chéad Áit: Aisling Nic Lochlainn, Coláiste Ailigh, Leitir Ceanainn, Tír Chonaill
An Dara hÁit: Michael Holden, Pobalscoil Chorca Dhuibhne, An Daingean, Co. Chiarraí
Ceol Comhaimseartha ( Aonair ) SINSEAR:
An Chéad Áit agus Gradam Scléip 2018: Ruairí Mac Lochlainn, Coláiste Ailigh, Leitir Ceanainn, Tír Chonaill
Amhránaíocht ( Aonair ) Chomhaimseartha le Féintionlacan -SÓISEAR:
An Chéad Áit: Jessica Dingle, Coláiste Íosagáin, Baile an Bhóthair, Co. Bhaile Átha Cliath
An Dara hÁit: Shonagh Ní Threabhair, Gaelcholáiste Cheatharlach, Ceatharlach
Amhránaíocht ( Aonair ) Chomhaimseartha le Féintionlacan –SINSEAR:
An Chéad Áit: Tadhg Ó Grifín, Gaelcholáiste Cheatharlach, Ceatharlach
An Dara hÁit agus Gradam Nós 2018: Róisín Seoighe, Scoil Chuimsitheach Chiaráin, An Cheathrú Rua, Co. na Gaillimhe
Grúpaí Amhránaíochta Comhaimseartha le Féintionlacan – SÓISEAR:
An Chéad Áit: Mia, Sophie & Alannah, Coláiste Cois Life, Leamhcán, Co. Bhaile Átha Cliath
An Dara hÁit: ‘Ré Nua’, Scoil Chaitríona, Glasnaíon, Baile Átha Cliath
Grúpaí Amhránaíochta Comhaimseartha le Féintionlacan – SINSEAR:
An Chéad Áit: ‘Tabú’, Gaelcholáiste Cheatharlach, Ceatharlach
An Dara hÁit: ‘Smugairle Róin’, Coláiste Pobail Ráth Chairn, Co. na Mí
Beidh taifeadadh á dhéanamh ar fhormhór na buaiteoirí sna comórtais amhránaíochta agus beidh deis ag lucht éisteachta raidió deis iad a chloisteáil ar leithéidí Raidió Fáilte, Raidió Rí Rá, Raidió na Life agus Nós amach anseo.
Thar ceann Gael Linn, mhol Seán Ó Ceallaigh na múinteoirí díograsacha a spreag na daltaí le bheith páirteach sa chomórtas agus dúirt: ‘Tá Gael Linn ag comóradh 65 bliain a bhunaithe faoi láthair, agus bhí sé mar sprioc ariamh ag an eagras an Ghaeilge a chur chun cinn trí mheán an cheoil agus na n-amhrán. Is ceiliúradh é Scléip ar na healaíona comhaimseartha, agus táimid an-sásta faoin líon daoine óga a raibh deis acu a gcuid tallainne a léiriú trín gcomórtas, i mBliain seo na Gaeilge ach go háirithe’. Ghabh sé buíochas le Foras na Gaeilge as a dtacaíocht leanúnach airgid don chomórtas.
An sibhse an chéad Clannad nó Corrs eile? Más sibh, ba mhaith le TG4 cloisteáil uaibh!
Eanáir 30, 2018
Tá TG4 sa tóir ar an teaghlach is cumasaí in Éirinn chun páirt a ghlacadh i sraith úr teilifíse. Má tá bua ar leith agat féin, ag do dheartháir, do dheirfiúr, d’athair, do mháthair nó fiú do mhamó seo do sheans clú agus cáil a bhaint amach!
Tá cáil ar fud an domhain ar theaghlaigh mar The Corrs i saol an phopcheoil nó ar mhuintir Cunningham mar gheall ar an damhsa gaelach. Tá sé in am anois an chéad teaghlach eile a aimsiú a ardóidh an tír.
Sraith úr tallainne í seo do TG4 áit a mbeimid ag dul fud fad na tíre ag lorg teaghlaigh chumasacha nua. Ní mór gaol a bheith ag na hiomaitheoirí lena chéile, msh: seantuismitheoirí/tuismitheoirí/páistí. Ní mór do ar a laghad beirt bheith sa ghrúpa. Is féidir a rogha rud a chur i láthair mar thaispeántas idir amhránaíocht, dhamhsa, cheol, scéalaíocht, srl. Tá fáilte roimh dhaoine de gach uile aois!
Más maith leat cur isteach, seol físeán tríd WhatsApp roimh an 5ú Feabhra: 0830580229
Scléip Gael Linn 2018 – Craobhchomórtas, Dé Céadaoin, 31 Eanáir 2018
Eanáir 30, 2018
Beidh craobhchomórtas Scléip Gael Linn 2018 ar siúl in amharclann Clasach, Cluain Tarbh, Dé Céadaoin, 31 Eanáir 2018. Beidh os cionn 300 aisteoirí, ceoltóirí, rinceoirí agus amhránaithe ó iar-bhunscoileanna lán-Ghaeilge agus Gaeltachta ó Dhún na nGall go dtí Daingean Uí Chúise, mar aon lena gcuid múinteoirí agus tuismitheoirí, i láthair. Tá clár na hócáide faoi iamh, mar eolas daoibh – beimid ag cur tús leis na comórtais ag 11.00a.m. – beidh dhá halla in úsáid againn do na comórtais i rith an lae, agus táimid ag súil go mbeadh críoch le cúrsaí c.3.45.m., uair a bhronnfar na duaiseanna.
Is éard atá i Scléip ná comórtas tallainne spreagúil agus spraíúil atá dírithe go sonrach ar na hiarbhunscoileanna lán-Ghaeilge. Cuirtear béim ar na healaíona comhaimseartha agus ar chruthaitheacht agus ar chumadóireacht na rannpháirtithe. Tá comórtas Scléip á mhaoiniú ag Foras na Gaeilge.
Bhí ceithre réamhbhabhta réigiúnacha ar siúl ag i rith mhí na Samhna/mí na Nollag –i Muineachán, i nGaillimh, i mBaile Átha Cliath agus i Mainistir Fhear Maí, Co. Chorcaí, ag a roghnaíodh na hiomaitheoirí don chraobhchomórtas. I measc na moltóirí a bheidh ann ar an lá mór, beidh an léiritheoir drámaí, Síle Ní Dhuibhne, an damhsóir, Máire Uí Mhurchú, agus na ceoltóirí agus cumadóirí, Enda Reilly agus Pádraig Ó Conghaile (nó MC Muipéad!).
Bronnfar duaiseanna ar na buaiteoirí i ngach rannóg agus Gradam Scléip ar an amhránaí/ceoltóir aonair nó ar an ngrúpa is mó a sheasann amach as na buaiteoirí uilig sna comórtais ceoil/amhránaíochta . Bronnfar duais Gradam Cheoil Nós, chomh maith, don amhrán nua-chumtha is fearr sna comórtais amhránaíochta, canta ag duine aonair nó ag grúpa. Is í Niamh Ní Chróinín, Raidió Rí Rá, a bheidh mar láithreoir ar an ócáid. Táimid ag súil le han-lá …agus beidh fáilte mhór roimh lucht féachana !
Lucht féachana á lorg ag Cleas Act
Eanáir 30, 2018
Tá clár teilifíse siamsaíochta do chlainne “Cleas Act” á léiriú ag Tyrone Productions do TG4.
Is clár siamsaíochta spraoiúil, lán le fuinneamh é Cleas Act ina bhfuil páistí atá lán le talainn ó ghach taobh den tír ag ceol agus ag damhsa in éineacht le “Seo Linn”.
Tá talainn agus cultúr na hÉireann á chur i láthair agus is féidir a chinntiú gur taifead bríomhar, lán le spraoi a bheas ann. Tá an clár bunaithe i stiúideo agus beidh sé á taifead i stiúideo RTÉ, Domhnach Broc, B.Á.C 4.
Má tá suim agat freastal ar thaifead de chuid “Cleas Act” mar bhaill den lucht féachana sa stiúideo, tá ticéidí ar fáil saor in aisce agus beidh taifead ar siúl i Mí Feabhra:
- Dé Luan 5ú Feabhra 13.20-18.00
- Dé Máirt 6ú Feabhra 14.00-18.00
Má tá suim agat freastal ar thaifead is féidir ríomhphost a chur ag cleasact@tyrone-productions.ie
Nó glaoch a chur ar 01 889 4975 leis an eolas seo a leanas:
- Cén dáta agus am atá suim agat freastal air
- Cé mhéid ticéad atá de dhíth, agus ainmneacha na daoine a bheas ag freastal ar an taifead
- Uimhir teagmhála
- Cén eagraíocht/coláiste lena bhfuil tú bainteach (más bainteach)
Beidh ar an lucht féachana clárú 30 nóiméad roimh thus an taifead ar an lá.
Comórtais do Chóir Bhunscoile agus Iar-bhunscoile
Eanáir 29, 2018
Féile Chórúil na hUaimhe don Bhunleibhéal:
Comórtas Bunscoile
9ú Bealtaine 2018
Comórtais Chórúla do:
Cór Soisearach(faoi bhun 9 mbliana)
Cór Bunscoile (faoi bhun 13 bhliana)
Cór Bunscoile: Teanga na Gaeilge
Data Deiridh 31ú Márta 2018
Féach www.navanchoralfestival.com
Féile Chorúil na hUaimhe don Iar-bhunleibhéal:
Comórtas Iarbhunscoile/Óige
10ú Bealtaine 2018
Comórtais Chórúla do
Cór Soisearach
Cóir Naisiúnta Oige na mBliana
Cóir Cheoil Liturgaíochta
Teanga na Gaeilge
Comórtas GLEE
Data Deiridh 31ú Márta 2018
Féach www.navanchoralfestival.com
Ceistneoir d’iarscoláirí iar-bhunscoileanna lán-Ghaeilge
Eanáir 26, 2018
Teil: +353 1 8842323
Rphost: laoise.nithuairisg@dcu.ie
Camchuairt ‘Tóraíocht’ – drámaí Fíbín i nGaillimh, Corcaigh, BÁC & Ceatharlach
Eanáir 24, 2018
Camchuairt ‘Tóraíocht’ – Aibreán 2018
Tá an comhlacht drámaíochta Fíbín in Indreabhán i gCo. na Gaillimhe ag ceiliúradh 15 bliain ar an bhfód i mbliana agus muid ag tabhairt an dráma ‘Tóraíocht’ amach ar camchuairt náisiúnta i mí Aibreán mar chuid de chlár na bliana. Léireofar an dráma i nGaillimh, i gCorcaigh, i mBaile Átha Cliath agus i gCeatharlach. Seo leagan nua den scéal ‘Tóraíocht Dhiarmada agus Ghráinne’, an prós roghnach ar churaclam na hArdteistiméireachta.
Leagan nua de cheann de mhórscéalta na Fiannaíochta atá anseo curtha in oiriúint agus stiúrtha ag Mikel Murfi agus scríofa ag Philip Doherty. Is scéal grá lán le héachtaí aisteacha agus fathaigh é ‘Tóraíocht’ a úsáideann amharcíomhánna cumhachtacha. Bogann an scéal ar aghaidh níos tapa ná haon rás carranna, léimeann an scéal níos airde ná haon léimneoir cuaille agus tá dhá oiread grá sa scéal agus a bheadh ag aon Fhrancach agus Diarmaid agus Gráinne ag déanamh iarracht a bheith céim chun tosaigh ar Fionn agus na Fianna! Tá fotheidil Bhéarla le gach léiriú.
Beidh pacáiste réamh-rannpháirtíochta ag dul amach ag na scoileanna uile a chuireann ticéid in áirithe chun go mbainfidh daltaí oiread taitnimh agus is féidir as an seó. Beidh cur síos anseo ar theicnící amharclannaíochta, soilsiú, dearadh seit srl.
Léiriú thar a bheith fisiciúil é “Tóraíocht” le hathruithe sciobtha, fearais ollmhóra, maisc agus damhsa aeróige álainn a bhainfeadh an anáil díot. Tá seisear aisteoirí sa chliar a léiríonn breis agus tríocha carachtar le linn an dráma, Gráinne Bleasdale, Kate Finegan, Liz Fitzgibbon, Fionnuala Gygax, Méabh Ní Chualáin, agus Seán T. Ó Meallaigh. Tá neart grinn sa chaint agus le linn an dráma, le radharc an-bheoga, mothúchánach ag an deireadh.
Is annamh a fhaigheann comhlacht Gaeltachta an deis dul ar camchuairt náisiúnta agus tá muid ar bís go bhfuair Fíbín tacaíocht ón gComhairle Ealaíon i mbliana.
DÁTAÍ agus IONAID:
Town Hall Theatre, Gaillimh
Dé Luain 9ú Aibreán, 8i.n
Dé Máirt 10ú Aibreán, 1i.n & 8i.n
Everyman, Corcaigh
Dé hAoine 13ú Aibreán, 1i.n & 8i.n
Draíocht, Baile Bhlainséir, Baile Átha Cliath
Dé Máirt 17ú Aibreán, 8i.n
Dé Céadaoin 18ú Aibreán, 11r.n
Visual Carlow
Déardaoin 26ú Aibreán, 12:30i.n & 8i.n
Tá ticéid ar fáil anois ó gach amharclann agus praghas speisialta ar thicéid do ghrúpaí scoile. Cuir bhur dticéid in áirithe anseo. Tá léirithe speisialta le linn am scoile i ngach ionad chun freastal ar ghrúpaí scoile. Tá an seó feiliúnach do dhaltaí 12 bliain d’aois ar aghaidh!
Deis iontach d’Iarbhunscoileanna bheith ag comhoibriú le chéile
Eanáir 19, 2018
An bhfuil do scoil ag iarraidh comhoibriú le hiarbhunscoileanna lán-Ghaeilge eile? Tá Gaelcholáiste Luimnigh ag cur isteach mar Cheannaire Scoile don Chiste Feabhais do Scoileanna – Scéim Dhigiteach chun tacú leis an bhFoghlaim Dhigiteach (eolas ar fáil anseo – http://www.pdsttechnologyineducation.ie/en/Good-Practice/Projects/Clusters/ )
Teastaíonn ón scoil cabhrú/oibriú le scoileanna eile maidir le tionscnamh gníomhach a bhaineann le próiseas scríbhneoireachta trí uirlisí idirlín (Google Classroom, iTunes U, Blogger mar shampla) agus an bhéim ar chruinneas na Gaeilge a neartú. Tá an Dr. TJ Ó Ceallaigh, Coláiste Mhuire gan Smál, sásta a bheith ag obair leis an ngrúpa chun treoir/comhairle agus athbhreithniú a dhéanamh ar an dul chun cinn. Is é an sprioc a bheadh ann ná scileanna scríbhneoireachta/cruinneas scoláirí a fheabhsú agus ag úsáid teicneolaíochta. Tá trí/ceithre scoil ag teastáil don togra seo agus tá siad sásta an traenáil ar fad a thabhairt in Ionad Oideachais Luimnigh. Bheadh airgead ann i gcomhair taistil, ionadaíocht, trealamh srl.
Gach eolas ar fáil ó Phríomhoide Ghaelcholáiste Luimnigh:
Gaelcholáiste Luimnigh, Meal Sior Anraí, Luimneach. T: 061 404959 | F: 061 404962 | W: www.gcluimnigh.ie | Twitter: @GCLuimnigh
An Dara Comhdháil Taighde Uile-Oileánda ar an Tumoideachas – Gairm ar Pháipéir
Eanáir 19, 2018
Tá beartaithe An Dara Comhdháil Taighde Uile-Oileánda ar an Tumoideachas – An Tumoideachas: Deiseanna agus Dea-chleachtais, a chur ar siúl i gColáiste Mhuire gan Smál ar an 18-19 Bealtaine 2018. Tabharfaidh an chomhdháil seo deis do theangeolaithe, do thaighdeoirí agus do mhúinteoirí an oideachais lán-Ghaeilge agus Gaeltachta, agus do phobal an tumoideachais go hidirnáisiúnta, iniúchadh a dhéanamh ar shaincheisteanna agus ar fhorbairtí comhaimseartha ag leibhéil éagsúla le súile úra. Beidh páipéir agus póstaeir faoi na snáitheanna a leanascurtha ar fáil:
• An Teagasc, an Fhoghlaim agus an Measúnú a nascadh sa Tumoideachas
• Féinmheastóireacht Scoile, Ceannaireacht agus Forbairt Oideoir
• Beartas agus an Nuálaíocht i bPobail Dhátheangacha/Ilteangacha.
GAIRM AR PHÁIPÉIR AR SIÚL ANOIS! Spriocdháta: 09 Feabhra 2018. Cuirfear fáilte roimh pháipéir i nGaeilge agus i mBéarla.
The Second All-Ireland Research Conference on Immersion Education – Immersion Education: Opportunities and Best Practices will take place in Mary Immaculate College, Limerick, Ireland from 18-19 May 2018.
At the conference, key issues in language immersion education will be explored under the following strands
• Linking Teaching, Learning and Assessment in Immersion
• School Self-Evaluation, Leadership and Educator Development
• Navigating Policy and Innovation in Bilingual/Multilingual Communities.
This Second All-Ireland Research Conference on Immersion Education will provide opportunities for academics, practitioners and professionals to exchange and discuss new directions and research in the ever-evolving field of immersion education.
THE CALL FOR PAPERS IS NOW OPEN!
Additional information is available at the conference website at www.tumoideachas.ie
Please join us here in Mary Immaculate College in May 2018. Lets explore the dilemmas of language immersion education together! Bí linn!
Seisiún Traenála i Ríomhchlárú do Mhúinteoirí i nGaelscoil Eiscir Riada, BÁC
Eanáir 15, 2018
Beidh seisiún traenála i ríomhchlárú do mhúinteoirí, i gcomhpháirtíocht le Wriggle Jr., ar siúl ar dé Máirt an 6/2/2018 i nGaelscoil Eiscir Riada i Leamhcán. Beidh dhá sheisiún ar siúl, ceann ar maidin agus ceann tráthnóna agus is féidir le múinteoirí freastal ar cheann amháin nó ceann eile.
Ar an lá beidh múinteoirí ag baint úsaid as Lego We Do, Bee Bots, iPad, Spheros, Minecraft, spéaclaí VR agus níos mó agus beidh deis bualadh le saineolaithe teicneolaíochta ó Microsoft, Wriggle agus Apple.
Is deis iontach é seo chun múinteoir(í) a sheoladh amach chugainn chun breathnú ar na háiseanna teicneolaíochta is déanaí atá ar fáil agus tá sé go hiomlán saor in aisce. Cabhróidh se go mór le scoileanna atá ag tabhairt faoin mBrat Dhigiteach a bhaint amach nó dóibh siúd atá ag lorg smaointí faoi cén saghas trealamh a bheadh oiriúnach dá gcuid scoileanna féin.
Beidh Frank Ó Tormaigh, a rinne ceardlann ar Lego WeDo2 ag Tionól Forbartha 2017, ar fáil ar an lá chun ceisteanna a bhaineann le teicneolaíocht agus an Ghaeilge a fhreagairt.
Le freastal ar an gceardlann, ní mór clárú ar Eventbrite tríd an nasc thíos.
https://www.eventbrite.ie/e/road-to-code-tickets-38733619298
